آيت 3: إِنَّ شَانِئَكَ هُوَ الْأَبْتَرُ: «يقيناً آپ (صلى الله عليه وسلم) كا دشمن هى جڑ كٹا هوگا۔»

        شانئ بغض وعداوت ركھنے والے دشمن كو كهتے هيں۔ ابتر: بتر سے هے، يعنى كسى چيز كو كاٹ دينا، منقطع كر دينا۔ اهل عرب دُم كٹے جانور كو ابتر كهتے هيں۔ عرف عام ميں اس سے ايسا آدمى مراد ليا جاتا هے جس كى نرينه اولاد  نه هو اور جس كى نسل آگے چلنے كا كوئى امكان نه هو۔ يه لفظ مشركينِ مكه نے (معاذ الله) حضور صلى الله عليه وسلم كے ليے استعمال كيا تھا، جس كا جواب اس آيت ميں ديا گيا هے۔ حضرت خديجة الكبرى رضى الله عنها كے بطن سے حضور صلى الله عليه وسلم كى يه اولاد پيدا هوئى: قاسم، پھر زينب، پھر عبدالله، پھر ام كلثوم، پھر فاطمه، پھر رقيه۔ رضى الله عنهم اجمعين۔ پهلے قاسم كا انتقال هوا۔ پھر عبد الله (جن كا لقب طيب وطاهر هے) داغِ مفارقت دے گئے۔ اس پر مشركين نے خوشياں منائيں كه آپ صلى الله عليه وسلم كے دونوں فرزند فوت هو گئے هيں اور باقى اولاد ميں آپ صلى الله عليه وسلم كى بيٹياں هى بيٹياں هيں۔ لهذا آپ صلى الله عليه وسلم جو كچھ بھى هيں بس اپنى زندگى تك هى هيں، آپ صلى الله عليه وسلم كے بعد نه تو آپ صلى الله عليه وسلم كى نسل آگے چلے گى اور نه هى كوئى آپ صلى الله عليه وسلم كا نام ليوا هوگا۔ اس پس منظر ميں يهاں ان لوگوں كو سنانے كے ليے فرمايا جا رها هے كه اے نبى صلى الله عليه وسلم آپ كا نام اور ذكر تو هم بلند كريں گے، جس كى وجه سے آپ كے نام ليوا تو اربوں كى تعداد ميں هوں گے۔ البته آپ كے دشمن واقعى ابتر هوں گے جن كا كوئى نام ليوا نهيں هوگا۔