آیت ۴:  قَالَ رَبِّ اِنِّیْ وَہَنَ الْعَظْمُ مِنِّیْ:    «اُس نے عرض کیا: اے میرے پروردگار! بلا شبہ میری ہڈیاں کمزور ہو گئی ہیں»

            وَاشْتَعَلَ الرَّاْسُ شَیْبًا:    «اور میرا سر بھڑک اُٹھا ہے بڑھاپے سے»

            یعنی بڑھاپے کے سبب میرے سر کے بال مکمل طور پر سفید ہو گئے ہیں۔

            وَّلَمْ اَکُنْ بِدُعَآئِکَ رَبِّ شَقِیًّا:    «اور اے میرے پروردگار! میں تجھے پکار کر کبھی بھی نامراد نہیں رہا۔»

            چنانچہ آج میں بڑی ہمت کر کے تجھ سے ایک بہت ہی غیر معمولی دعا کرنے جا رہا ہوں۔ دُنیوی حالات اور طبیعی قوانین کے اعتبار سے تو ایسا ہونا ممکن نہیں، مگر تو چاہے تو نا ممکن بھی ممکن ہو جاتا ہے۔