آیت ۶:  مَآ اٰمَنَتْ قَبْلَہُمْ مِّنْ قَرْیَۃٍ اَہْلَکْنٰہَا:   «نہیں ایمان لائی کوئی بستی ان سے پہلے جس کو ہم نے ہلاک کیا۔»

            ان سے پہلے بہت سے رسولوں کو حسی معجزات دیے گئے تھے جو انہوں نے اپنی قوموں کو دکھائے، مگر ان میں سے کوئی ایک قوم یا کوئی ایک بستی بھی ایسی نہیں تھی جو ان معجزات کو دیکھ کر ایمان لائی ہو۔ چنانچہ وہ لوگ واضح معجزات کو دیکھ کر بھی ایمان نہ لائے اور آخر کارہلاکت ہی ان کا مقدر بنی۔

            اَفَہُمْ یُؤْمِنُوْنَ:   «تو کیا یہ لوگ (کوئی معجزہ دیکھ کر) ایمان لے آئیں گے؟»