آیت ۴۷   وَلَقَدْ اَرْسَلْنَا مِنْ قَبْلِکَ رُسُلًا اِلٰی قَوْمِہِمْ: ’’اور (اے نبی!) آپ سے پہلے بھی ہم نے رسول ؑبھیجے ان کی اپنی اپنی قوم کی طرف‘‘

        فَجَآءُوْہُمْ بِالْبَیِّنٰتِ فَانْتَقَمْنَا مِنَ الَّذِیْنَ اَجْرَمُوْا: ’’تو وہ ان کی طرف لے کر آئے واضح نشانیاں ، پھر ہم نے انتقام لیا (ان میں سے) ان لوگوں سے جو مجرم تھے۔‘‘

        وَکَانَ حَقًّا عَلَیْنَا نَصْرُ الْمُؤْمِنِیْنَ: ’’اور اہل ایمان کی مدد کرنا ہمارے ذمہ تھا۔‘‘

      مثلاً حضرت نوح اور آپؑ کے ساتھیوں کو سیلاب کی آفت سے بچا لیا گیا۔ حضرت ہود اور آپؑ کے ساتھی بھی تباہی سے محفوظ رہے اور اسی طرح حضرت صالح اور آپؑ پر ایمان لانے والے لوگ بھی اللہ کی مدد سے عذاب کی زد میں آنے سے بچ گئے۔