آیت ۵۴   اَللّٰہُ الَّذِیْ خَلَقَکُمْ مِّنْ ضُعْفٍ: ’’اللہ ہی ہے جس نے تمہیں پیدا کیا کمزوری سے‘‘

      یعنی انسان کا بچہ اپنی پیدائش کے وقت بہت کمزور ہوتا ہے۔

        ثُمَّ جَعَلَ مِنْ بَعْدِ ضُعْفٍ قُوَّۃً: ’’پھر اُس نے طاقت عطاکی کمزوری کے بعد‘‘

      پھر اللہ کی قدرت اور مشیت سے وہی ناتواں بچہ بڑا ہو کر کڑیل جوان بن جاتا ہے۔

        ثُمَّ جَعَلَ مِنْ بَعْدِ قُوَّۃٍ ضُعْفًا وَّشَیْبَۃً: ’’پھر طاقت کے بعد کمزوری اور بڑھاپا طاری کر دیا۔‘‘

      پھر رفتہ رفتہ انسان کی تمام صلاحیتیں زوال کا شکار ہو جاتی ہیں اور بڑھاپے میں ایک دفعہ پھر انسان کمزوری اور بے بسی کی تصویر بن کر رہ جاتا ہے۔

        یَخْلُقُ مَا یَشَآءُ وَہُوَ الْعَلِیْمُ الْقَدِیْرُ: ’’وہ پیدا کرتا ہے جو چاہتا ہے، اور وہ سب کچھ جاننے والا، بہت قدرت والا ہے۔‘‘