آیت ۳   اَمْ یَقُوْلُوْنَ افْتَرٰہُ:’’کیا یہ کہتے ہیں کہ اس (محمد) نے اسے خود گھڑ لیا ہے؟‘‘

      بَلْ ہُوَ الْحَقُّ مِنْ رَّبِّکَ لِتُـنْذِرَ قَوْمًا مَّـآ اَتٰاہُمْ مِّنْ نَّذِیْرٍ مِّنْ قَبْلِکَ لَعَلَّہُمْ یَہْتَدُوْنَ: ’’ (نہیں!) بلکہ یہ حق ہے آپؐ کے رب کی طرف سے، تا کہ آپؐ خبردار کر یں اُس قوم کو جس کے پاس آپؐ سے پہلے کوئی خبردار کرنے والا نہیں آیا، شاید کہ وہ ہدایت پائیں ۔‘‘

      اہل مکہ حضرت اسماعیل کی اولاد میں سے تھے۔ ان کے لیے حضرت اسماعیل سے لے کر حضور تک طویل عرصے کے دوران کوئی نبی یا رسول نہیں آیا۔اس آیت میں اسی حقیقت کی طرف اشارہ ہے۔