آیت ۱۰:   اَمْ لَہُمْ مُّلْکُ السَّمٰوٰتِ وَالْاَرْضِ وَمَا بَیْنَہُمَا: ’’کیا ان کے پاس ہے بادشاہی آسمانوں اور زمین کی اور جو کچھ ان دونوں کے مابین ہے اُس سب کی؟‘‘

         فَلْیَرْتَقُوْا فِی الْاَسْبَابِ: ’’تو چاہیے کہ یہ چڑھ جائیں رسیاں تان کر ( آسمان پر)۔‘‘

        اگر تمہارے لیے ممکن ہے تو اپنے تمام وسائل و ذرائع بروئے کار لا کر آسمان پر چڑھ جاؤ اور ربّ العالمین کی رحمت کے خزانوں اور اس کے اقتدار واختیارمیں تصرف کر کے دکھاؤ!