آیت 18:  وَلَــیْسَتِ التَّوْبَۃُ لِلَّذِیْنَ یَعْمَلُوْنَ السَّیِّاٰتِ: ’’اور ایسے لوگوں کا کوئی حق نہیں ہے توبہ کا جو برے کام کیے چلے جاتے ہیں۔‘‘    ُ

            مسلسل حرام خوریاں کرتے رہتے ہیں‘ زندگی بھر عیش اُڑاتے رہتے ہیں۔

             حَتّٰیٓ اِذَا حَضَرَ اَحَدَہُمُ الْمَوْتُ قَالَ اِنِّیْ تُـبْتُ الْــــٰٔــنَ: ’’یہاں تک کہ جب ان میں سے کسی کی موت کا وقت آ جاتا ہے تو اُس وقت وہ کہتا ہے کہ اب میں توبہ کرتا ہوں‘‘

             وَلاَ الَّذِیْنَ یَمُوْتُوْنَ وَہُمْ کُفَّارٌ: ’’اور نہ ان لوگوں کی توبہ ہے جو کفر کی حالت میں ہی مر جاتے ہیں۔‘‘

            ان کی توبہ کا کوئی سوال ہی نہیں۔

             اُولٰٓئِکَ اَعْتَدْنَا لَہُمْ عَذَابًا اَلِیْمًا: ’’ایسے لوگوں کے لیے تو ہم نے دردناک عذاب تیار کر رکھا ہے۔‘‘