آیت 28:    یُرِیْدُ اللّٰہُ اَنْ یُّخَفِّفَ عَنْکُمْ: ’’اللہ چاہتا ہے کہ تم پر سے بوجھ کو ہلکا کرے۔‘‘

            تم یہ نہ سمجھو کہ اللہ تم پر بوجھ ڈال رہا ہے۔ اللہ تو تم پر تخفیف چاہتا ہے‘ تم سے بوجھ کو ہلکا کرنا چاہتا ہے۔ اگر تم ان چیزوں پر عمل نہیں کرو گے تو معاشرے میں گندگیاں پھیلیں گی‘ فساد برپا ہو گا‘ جھگڑے ہوں گے‘ بدگمانیاں ہوں گی۔ اللہ تعالیٰ اس سب کی روک تھام چاہتا ہے‘ وہ تمہارے لیے آسانی چاہتا ہے۔

             وَخُلِقَ الْاِنْسَانُ ضَعِیْفًا: ’’اور انسان کمزور پیدا کیا گیا ہے۔‘‘

            اس کے اندر کمزوری کے پہلو بھی موجود ہیں۔ جہاں ایک بہت اونچا پہلو ہے کہ اس میں روحِ ربانی پھونکی گئی ہے‘ وہاںاس کے اندر نفس بھی تو ہے‘ جس میں ضعف کے پہلو موجود ہیں۔ ّ