آیت ۱۲:  لَہٗ مَقَالِیْدُ السَّمٰوٰتِ وَالْاَرْضِ: ’’اُسی کے لیے ہیں آسمانوں اور زمین کی تمام کنجیاں۔‘‘

         یَبْسُطُ الرِّزْقَ لِمَنْ یَّشَآءُ وَیَقْدِرُ: ’’وہ کشادہ کر دیتا ہے رزق جس کے لیے چاہتا ہے اور (جس کو چاہتا ہے) ناپ تول کر دیتا ہے۔‘‘

         اِنَّہٗ بِکُلِّ شَیْئٍ عَلِیْمٌ: ’’ یقینا وہ ہر چیز کا جاننے والا ہے۔‘‘

        وہ خوب جانتا ہے کہ کس کے لیے رزق میں کشادگی بہتر ہے اور کس کو بقدر ِضرورت دینا مناسب ہے۔

        اگلی آیت اس لحاظ سے بہت اہم ہے کہ اس میں ’’اقامت دین‘‘ کی اصطلاح آئی ہے۔ اس لحاظ سے یہ آیت اس سورت کا عمود ہے اور اس مضمون کے اعتبار سے یہ مقام پورے قرآن میں ذروۂ سنام (climax) کا درجہ رکھتا ہے۔