آیت ۴۹:  لِلّٰہِ مُلْکُ السَّمٰوٰتِ وَالْاَرْضِ: ’’آسمانوں اور زمین کی بادشاہی اللہ ہی کے لیے ہے۔‘‘

        یہ مضمون قرآن میں بہت تکرار کے ساتھ آیا ہے، لیکن اس کے لیے عام طور پر یہ جملہ آتا ہے (لِلہِ مَا فِی السَّمٰوٰتِ وَمَا فِی الْاَرْضِ) لیکن اس سورت کے مرکزی مضمون (اقامت ِدین) کے حوالے سے یہاں خاص طور پر ملک (حکومت و اقتدار) کا لفظ آیا ہے۔

         یَخْلُقُ مَا یَشَآءُ یَہَبُ لِمَنْ یَّشَآءُ اِنَاثًا وَّیَہَبُ لِمَنْ یَّشَآءُ الذُّکُوْرَ: ’’وہ پیدا کرتا ہے جو چاہتا ہے۔ جس کو چاہتا ہے بیٹیاں دیتا ہے اور جس کو چاہتا ہے بیٹے دیتا ہے۔‘‘