یَخْلُقُ مَا یَشَآءُ یَہَبُ لِمَنْ یَّشَآءُ اِنَاثًا وَّیَہَبُ لِمَنْ یَّشَآءُ الذُّکُوْرَ: ’’وہ پیدا کرتا ہے جو چاہتا ہے۔ جس کو چاہتا ہے بیٹیاں دیتا ہے اور جس کو چاہتا ہے بیٹے دیتا ہے۔‘‘

آیت ۵۰:  اَوْ یُزَوِّجُہُمْ ذُکْرَانًا وَّاِنَاثًا: ’’یا وہ انہیں ملا کر دیتا ہے بیٹے اور بیٹیاں۔‘‘

         وَیَجْعَلُ مَنْ یَّشَآء عَقِیْمًا اِنَّہٗ عَلِیْمٌ قَدِیْرٌ: ’’اور جس کو چاہتا ہے بانجھ کر دیتا ہے۔ یقینا وہ سب کچھ جاننے والا، ہر چیز پر قدرت رکھنے والا ہے۔‘‘

        وہ اپنی مرضی و منشا میں قادر مطلق ہے، جس کو جو چاہے عطا کر دے، لیکن وہ جس کو جو عطا کرتا ہے اپنے علم و حکمت کی بنیاد پر عطا کرتا ہے۔

        اگلی ا ٓیات میں وحی کی حقیقت اور اس کی اقسام بیان ہوئی ہیں۔ اس موضوع پر یہ قرآن کا اہم ترین مقام ہے۔