قرآن کریم > الزخرف >sorah 43 ayat 8
فَأَهْلَكْنَا أَشَدَّ مِنْهُم بَطْشًا وَمَضَى مَثَلُ الأَوَّلِينَ
پھر جو لوگ ان (مکہ والوں ) سے کہیں زیادہ زور آور تھے، ہم نے اُنہیں ہلاک کر دیا، اور ان پچھلے لوگوں کا حال پیچھے گذر چکا ہے
آیت ۸: فَاَہْلَکْنَآ اَشَدَّ مِنْہُمْ بَطْشًا: ’’ پھر ہم نے انہیں ہلاک کر دیا جو اِن سے بہت زیادہ بڑھ کر تھے قوت میں‘‘
ہم نے ماضی میں بہت سی ایسی قوموں کو بھی نیست و نابود کر دیا جو قریش ِمکہ سے کہیں بڑھ کر زور آور تھیں اور ان کی پکڑ بہت مضبوط تھی ۔ تو یہ کس کھیت کی مولی ہیں؟
وَّمَضٰی مَثَلُ الْاَوَّلِیْنَ : ’’اور پہلے لوگوں کی مثالیں گزر چکی ہیں۔‘‘
اقوامِ ماضی کے تفصیلی واقعات اور ان کے انجام کے بارے میں حقائق ان لوگوں کو بار بار بتائے جا چکے ہیں۔