آیت ۱۲   اَللّٰہُ الَّذِیْ سَخَّرَ لَکُمُ الْبَحْرَ لِتَجْرِیَ الْفُلْکُ فِیْہِ بِاَمْرِہٖ: ’’اللہ ہی ہے جس نے مسخر کر دیا تمہارے لیے سمندر کو تا کہ اس میں کشتیاں چلیں اُس کے حکم سے‘‘

           وَلِتَبْتَغُوْا مِنْ فَضْلِہٖ وَلَعَلَّکُمْ تَشْکُرُوْنَ: ’’تا کہ تم تلاش کرو اُس کا فضل اور تا کہ تم شکر ادا کرو۔‘‘

          اللہ کا فضل تلاش کرنے سے یہاں تجارت کے ذریعے روزی تلاش کرنا مراد ہے، جبکہ کشتیاں اور جہاز سمندروں اور دریاؤں میں سامانِ تجارت کی نقل و حمل کا بہت بڑا ذریعہ ہیں۔