آيت 2:  عَلَّمَ الْقُرْآنَ:  «قرآن سكھايا».

رحمن الله تعالى كا خاص نام هے. اس كا ماده «رحم» هے اور يه فعلان كے وزن پر هے. اس وزن پر جو الفاظ آتے هيں ان كے مفهوم ميں بهت زياده مبالغه پايا جاتا هے. جيسے قرآن مجيد ميں حضرت موسى كے ليے دو مرتبه غَضْبَان (الاعراف: 150 اور سوره طه: 86) كا لفظ آيا هے، يعنى غصے سے بهت زياده بھرا هوا. اسى طرح أنا عطشانٌ كا مطلب هے كه ميں پياس سے مرا جا رها هوں اور أنا جَوْعَان: بھوك سے ميرى جان نكلى جا رهى هے. چنانچه لغوى اعتبار سے رحمن كے مفهوم ميں ايك طوفانى شان پائى جاتى هے (لفظ طوفان بھى اسى وزن پر هے، اس ليے اس لفظ كے مفهوم ميں بھى مبالغه پايا جاتا هے). اس مفهوم كو هم اپنى زبان ميں اس طرح ادا كرنے كى كوشش كر سكتے هيں كه رحمن وه ذات هے كه جس كى رحمت ٹھاٹھيں مارتے هوئے سمندر كى طرح هے، اس كى رحمت تمام مخلوقات كو ڈھانپے هوئے هے، كسى مخلوق كا كوئى فرد بھى اس كى رحمت سے مستغنى نهيں. خاص طور پر بنى نوع انسانى تو دنيا ميں بھى اس كى رحمت كى محتاج هے اور آخرت ميں بھى. الله تعالى كى رحمت كے بارے ميں ايك موقع پر حضور صلى الله عليه وسلم نے فرمايا كه «كوئى شخص اپنے اعمال كى بنياد پر جنت ميں نهيں جا سكے گا جب تك كه رحمتِ خداوندى اس كى دستگيرى نه كرے». اس پر صحابه نے عرض كيا كه يا رسول الله! كيا آپ بھى نهيں؟ آپ نے فرمايا: «ولا أنا إلا أن يتغمدني الله بمغفرة ورحمة». «هاں ميں بھى نهيں، الا يه كه الله تعالى مجھے اپنى مغفرت اور رحمت سے ڈھانپ لے». چنانچه الله تعالى كے صفاتى ناموں ميں «رحمن» چوٹى كا نام هے.

جس طرح الله تعالى كے ناموں ميں چوٹى كا نام رحمن هے، اسى طرح الله تعالى نے انسان كو جو علم سكھايا هے اس ميں چوٹى كا علم قرآن هے. اكتسابى علم (acquired knowledge) ميں تو الله تعالى كى مشيت كے مطابق انسان رفته رفته ترقى كے منازل طے كر رها هے، ليكن الله تعالى كى طرف سے انسان كو جو الهامى علم (revealed knowledge) عطا هوا هے اس ميں چوٹى كا علم قرآن هے، جو هر قسم كے تمام علوم كا نقطه عروج هے.