قرآن کریم > الـمـمـتـحنة

الـمـمـتـحنة

بِسْمِ اللّٰهِ الرَّحْمٰنِ الرَّحِيْمِ

سورة الممتحنة

تمهيدى كلمات

سورة الممتحنه كا نزول فتح مكه سے قبل اسى زمانے ميں هوا جس زمانے ميں سورة التوبه كے دوسرے اور تيسرے ركوع كى آيات نازل هوئى تھيں. يه وه حالات تھے جب ايك طرف رسول الله صلى الله عليه وسلم مكه پر فيصله كن چڑھائى كى تيارى كر رهے تھے تو دوسرى طرف منافقين اس ممكنه مهم كے خلاف پراپيگنڈے ميں سرگرمِ عمل تھے. (سورة التوبه كے تمهيدى كلمات ميں ان حالات پر تفصيل سے تبصره كيا جا چكا هے.) ان لوگوں كے بعض دلائل ايسے تھے جن سے نو مسلم ضعفاء بھى كسى نه كسى حد تك متاثر هو رهے تھے. مثلًا اس حوالے سے ان كى ايك دليل يه تھى كه قريشِ مكه جيسے بھى هيں آخر وه حرم كے متولى هيں اور حاجيوں كى خدمت كرتے هيں، لهذا ان كى ان نيكيوں كو نظر انداز نهيں كرنا چاهيے. منافقين كے ايسے اعتراضات كے جوابات سورة التوبه كے دوسرے اور تيسرے ركوع ميں ديے گئے هيں.

اسى دوران وه واقعه بھى رونما هوا جس كا ذكر اس سورت كے آغاز ميں آيا هے، اس واقعه كى تفصيل يوں هے كه حضور صلى الله عليه وسلم مكه پر چڑھائى كا منصوبه مكمل طور پر خفيه ركھنا چاهتے تھے، تاكه قريش كو اس كے بارے ميں كوئى پيشگى اطلاع نه ملنے پائے. ليكن ايك صحابى حضرت حاطب بن ابى بلتعه رضى الله عنه سے يه بهت بڑى غلطى سرزد هوئى كه انهوں نے سردارانِ قريش كو ايك خفيه خط كے ذريعے اس اهم جنگى راز كى اطلاع كرنے كى كوشش كى. حضرت حاطب رضى الله عنه انتهائى مخلص اور بدرى صحابى تھے. ان كے اهل وعيال اور كنبے كے كچھ لوگ اس وقت تك مكه مكرمه ميں تھے، انهيں پريشانى لاحق تھى كه مسلمانوں كى مكه پر لشكر كشى كى صورت ميں قريش ان كے اهل خانه كو انتقام كا نشانه بنائيں گے، اس انديشے كے پيشِ نظر انهوں نے حملے كى پيشگى اطلاع دے كر قريشِ مكه پر گويا ايك بهت بڑا احسان كيا. ان كا خيال تھا كه شايد اس احسان كا لحاظ كرتے هوئے وه ان كے اهل خانه كو كوئى گزند نهيں پهنچائيں گے. حضرت حاطب نے مذكوره خط ايك عورت كو ديا جو مكه جا رهى تھى اور اسے تاكيد كى كه وه اسے مكمل راز دارى سے فلاں شخص تك پهنچا دے. اس عورت كے مدينه سے روانه هونے كے بعد الله تعالى نے بذريعه وحى حضور صلى الله عليه وسلم كو اس بارے ميں مطلع فرما ديا. حضور صلى الله عليه وسلم نے حضرت على، حضرت زبير اور حضرت مقداد بن اسود رضى الله عنهم كو اس عورت كے پيچھے روانه كيا، انهيں تيزى سے جانے كا حكم ديا اور فرمايا كه مكه كے راستے ميں روضه خاخ كے مقام پر آپ لوگوں كو ايك عورت ملے گى، اس كے پاس ايك خط هے، وه خط اس سے لے كر واپس آ جاؤ. حضرت على رضى الله عنه تيز رفتارى سے سفر كرتے هوئے حضور صلى الله عليه وسلم كى بتائى هوئى جگه پر پهنچے تو وه عورت وهاں موجود تھى. آپ نے خط مانگا تو اس نے لاعلمى كا اظهار كيا، آپ رضى الله عنه نے فرمايا كه رسول صلى الله عليه وسلم كى دى گئى اطلاع غلط نهيں هو سكتى، لهذا تم سيدھے طريقے سے خط همارے حوالے كر دو، ورنه هم تمهيں برهنه كر كے تمهارى تلاشى ليں گے. اس پر عورت نے خط اپنى چُٹيا سے نكال كر آپ كے حوالے كر ديا. حضور صلى الله عليه وسلم نے جب حضرت حاطب رضى الله عنه كو بلا كر پوچھا تو انهوں نے اعتراف كيا كه مجھ سے غلطى هوئى هے، انهوں نے عرض كيا كه آپ صلى الله عليه وسلم ميرے معاملے ميں جلدى نه فرمائيں، اصل بات يه هے كه ميرے اهل خانه مكه ميں مقيم هيں. ميں قريش كے قبيلے كا آدمى نهيں هوں، بلكه بعض قريشيوں كى سرپرستى ميں آباد هوا هوں. ميرا كوئى قبيله وهاں نهيں هے جو ميرے اهل خانه كو بچا سكے. اس ليے ميں نے يه خط اس خيال سے بھيجا تھا كه قريش پر ميرا ايك احسان رهے جس كا لحاظ كر كے وه ميرے اهل وعيال كو نقصان نه پهنچائيں. حضرت عمر رضى الله عنه موقع پر موجود تھے، انهوں نے اٹھ كر عرض كيا: يا رسول الله! مجھے اجازت ديجيے كه ميں اس منافق كى گردن مار دوں، اس نے الله اور اُس كے رسول صلى الله عليه وسلم اور مسلمانوں سے خيانت كى هے. حضور صلى الله عليه وسلم نے فرمايا: نهيں! حاطب سے غلطى ضرور هوئى هے، ليكن يه بدرى صحابى هيں اور الله تعالى بدرى صحابه كے اگلے پچھلے تمام گناه معاف كر چكا هے، اميد هے وه اس كى يه خطا بھى معاف فرما دے گا. يه سن كر حضرت عمر رضى الله عنه رو ديے اور انهوں نے كها كه الله اور اُس كے رسول هى سب سے زياده جانتے هيں. زير مطالعه سورت كى پهلى آيت ميں اسى واقعه كى طرف اشاره هے.

•

يٰٓاَيُّهَا الَّذِيْنَ اٰمَنُوْا لَا تَتَّخِذُوْا عَدُوِّيْ وَعَدُوَّكُمْ اَوْلِيَاۗءَ تُلْقُوْنَ اِلَيْهِمْ بِالْمَوَدَّةِ وَقَدْ كَفَرُوْا بِمَا جَاۗءَكُمْ مِّنَ الْحَقِّ ۚ يُخْرِجُوْنَ الرَّسُوْلَ وَاِيَّاكُمْ اَنْ تُؤْمِنُوْا بِاللّٰهِ رَبِّكُمْ ۭ اِنْ كُنْتُمْ خَرَجْتُمْ جِهَادًا فِيْ سَبِيْلِيْ وَابْتِغَاءَ مَرْضَاتِيْ تُسِرُّوْنَ اِلَيْهِمْ بِالْمَوَدَّةِ وَاَنَا اَعْلَمُ بِمَآ اَخْفَيْتُمْ وَمَآ اَعْلَنْتُمْ ۭ وَمَنْ يَّفْعَلْهُ مِنْكُمْ فَقَدْ ضَلَّ سَوَاءَ السَّبِيْلِ

اے ایمان والو ! اگر تم میرے راستے میں جہاد کرنے کی خاطر اور میری خوشنودی حاصل کرنے کیلئے (گھروں سے) نکلے ہو تو میرے دُشمنوں اور اپنے دُشمنوں کو ایسا دوست مت بناؤ کہ اُن کو محبت کے پیغام بھیجنے لگو، حالانکہ تمہارے پاس جو حق آیا ہے، انہوں نے اس کو اتنا جھٹلایا ہے کہ وہ رسول کو بھی اور تمہیں بھی صرف اس وجہ سے (مکے سے) باہر نکالتے رہے ہیں کہ تم اپنے پروردگار اﷲ پر ایمان لائے ہو۔ تم ان سے خفیہ طور پر دوستی کی بات کرتے ہو، حالانکہ جو کچھ تم خفیہ طور پر کرتے ہو، اور جو کچھ علانیہ کرتے ہو، میں اُس سب کو پوری طرح جانتا ہوں ۔ اور تم میں سے جو کوئی بھی ایسا کرے، وہ راہِ راست سے بھٹک گیا

•

اِنْ يَّثْقَفُوْكُمْ يَكُوْنُوْا لَكُمْ اَعْدَاۗءً وَّيَبْسُطُوْٓا اِلَيْكُمْ اَيْدِيَهُمْ وَاَلْسِنَتَهُمْ بِالسُّوْءِ وَوَدُّوْا لَوْ تَكْفُرُوْنَ

اگر تم ان کے ہاتھ آجاؤ تو وہ تمہارے دشمن بن جائیں گے، اور اپنے ہاتھ اور زبانیں پھیلا پھیلا کر تمہارے ساتھ بُرائی کریں گے، اور اُن کی خواہش یہ ہے کہ تم کافر بن جاؤ

•

لَنْ تَنْفَعَكُمْ اَرْحَامُكُمْ وَلَآ اَوْلَادُكُمْ يَوْمَ الْقِيٰمَةِ يَفْصِلُ بَيْنَكُمْ ۭ وَاللّٰهُ بِمَا تَعْمَلُوْنَ بَصِيْرٌ

قیامت کے دن نہ تمہاری رشتہ داریاں ہر گز تمہارے کام آئیں گی، اور نہ تمہاری اولاد۔ اﷲ ہی تمہارے درمیان فیصلہ کرے گا، اور تم جو کچھ کرتے ہو، اﷲاُسے پوری طرح دیکھتا ہے

•

قَدْ كَانَتْ لَكُمْ أُسْوَةٌ حَسَنَةٌ فِي إِبْرَاهِيمَ وَالَّذِينَ مَعَهُ إِذْ قَالُوا لِقَوْمِهِمْ إِنَّا بُرَآءُ مِنكُمْ وَمِمَّا تَعْبُدُونَ مِن دُونِ اللَّهِ كَفَرْنَا بِكُمْ وَبَدَا بَيْنَنَا وَبَيْنَكُمُ الْعَدَاوَةُ وَالْبَغْضَاء أَبَدًا حَتَّى تُؤْمِنُوا بِاللَّهِ وَحْدَهُ إِلاَّ قَوْلَ إِبْرَاهِيمَ لأَبِيهِ لأَسْتَغْفِرَنَّ لَكَ وَمَا أَمْلِكُ لَكَ مِنَ اللَّهِ مِن شَيْءٍ رَّبَّنَا عَلَيْكَ تَوَكَّلْنَا وَإِلَيْكَ أَنَبْنَا وَإِلَيْكَ الْمَصِيرُ

تمہارے لئے ابراہیم اور اُن کے ساتھیوں میں بہترین نمونہ ہے، جب اُنہوں نے اپنی قوم سے کہا تھا کہ : ’’ ہمارا تم سے اور اﷲ کے سوا تم جن جن کی عبادت کرتے ہو، اُن سے کوئی تعلق نہیں ہے۔ ہم تمہارے (عقائد کے) منکر ہیں ، اور ہمارے اور تمہارے درمیان ہمیشہ کیلئے دُشمنی اور بغض پید اہوگیا ہے جب تک تم صرف ایک اﷲ پر اِیمان نہ لاؤ۔ البتہ اِبراہیم نے اپنے باپ سے یہ ضرور کہا تھا کہ : ’’ میں آپ کیلئے اﷲ سے مغفرت کی دُعا ضرور مانگوں گا، اگر چہ اﷲ کے سامنے میں آپ کو کوئی فائدہ پہنچانے کا کوئی اِختیار نہیں رکھتا۔ اے ہمارے پروردگار ! آپ ہی پر ہم نے بھروسہ کیا ہے، اور آپ ہی کی طرف ہم رُجوع ہوئے ہیں ، اور آپ ہی کی طرف سب کو لوٹ کر جاناہے

•

رَبَّنَا لَا تَجْعَلْنَا فِتْنَةً لِّلَّذِيْنَ كَفَرُوْا وَاغْفِرْ لَنَا رَبَّنَا ۚ اِنَّكَ اَنْتَ الْعَزِيْزُ الْحَكِيْمُ

اے ہمارے پروردگار ! ہمیں کافروں کا تختۂ مشق نہ بنایئے، اور ہمارے پروردگار ! ہماری مغفرت فرمادیجئے۔ یقینا آپ، اور صرف آپ کی ذات وہ ہے جس کا اِقتدار بھی کامل ہے، جس کی حکمت بھی کامل۔‘‘

•

لَقَدْ كَانَ لَكُمْ فِيْهِمْ اُسْوَةٌ حَسَـنَةٌ لِّمَنْ كَانَ يَرْجُوا اللّٰهَ وَالْيَوْمَ الْاٰخِرَ ۭ وَمَنْ يَّتَوَلَّ فَاِنَّ اللّٰهَ هُوَ الْغَنِيُّ الْحَمِيْدُ

(مسلمانو !) یقینا تمہارے لئے ان لوگوں کے طرزِ عمل میں بہترین نمونہ ہے، ہر اُس شخص کیلئے جو اﷲ اور روزِ آخرت سے اُمید رکھتا ہو۔ اور جو شخص منہ موڑے، تو (وہ یاد رکھے کہ) اﷲ سب سے بے نیاز ہے، بذاتِ خود قابلِ تعریف

•

عَسَى اللّٰهُ اَنْ يَّجْعَلَ بَيْنَكُمْ وَبَيْنَ الَّذِيْنَ عَادَيْتُمْ مِّنْهُمْ مَّوَدَّةً ۭ وَاللّٰهُ قَدِيْرٌ ۭ وَاللّٰهُ غَفُوْرٌ رَّحِيْمٌ

کچھ بعید نہیں ہے کہ اﷲ تمہارے اور جن لوگوں سے تمہاری دُشمنی ہے، اُن کے درمیان دوستی پیدا کردے، اور اﷲ بڑی قدرت والا ہے، اور ا ﷲ بہت بخشنے والا، بہت مہربان ہے

•

لَا يَنْهَاكُمُ اللَّهُ عَنِ الَّذِينَ لَمْ يُقَاتِلُوكُمْ فِي الدِّينِ وَلَمْ يُخْرِجُوكُم مِّن دِيَارِكُمْ أَن تَبَرُّوهُمْ وَتُقْسِطُوا إِلَيْهِمْ إِنَّ اللَّهَ يُحِبُّ الْمُقْسِطِينَ

ا ﷲ تمہیں اس بات سے منع نہیں کرتا کہ جن لوگوں نے دین کے معاملے میں تم سے جنگ نہیں کی، اور تمہیں تمہارے گھروں سے نہیں نکالا، اُن کے ساتھ تم کوئی نیکی یا اِنصاف کا معاملہ کرو، یقینا اﷲ انصاف کرنے والوں کو پسند کرتا ہے

•

إِنَّمَا يَنْهَاكُمُ اللَّهُ عَنِ الَّذِينَ قَاتَلُوكُمْ فِي الدِّينِ وَأَخْرَجُوكُم مِّن دِيَارِكُمْ وَظَاهَرُوا عَلَى إِخْرَاجِكُمْ أَن تَوَلَّوْهُمْ وَمَن يَتَوَلَّهُمْ فَأُوْلَئِكَ هُمُ الظَّالِمُونَ

اﷲ تو تمہیں اس بات سے منع کرتا ہے کہ جن لوگوں نے تمہارے ساتھ دین کے معاملے میں جنگ کی ہے، اور تمہیں اپنے گھروں سے نکالا ہے، اور تمہیں نکالنے میں ایک دُوسرے کی مدد کی ہے، تم اُن سے دوستی رکھو۔ اور جو لوگ اُن سے دوستی رکھیں گے، وہ ظالم لوگ ہیں

•

يَا أَيُّهَا الَّذِينَ آمَنُوا إِذَا جَاءكُمُ الْمُؤْمِنَاتُ مُهَاجِرَاتٍ فَامْتَحِنُوهُنَّ اللَّهُ أَعْلَمُ بِإِيمَانِهِنَّ فَإِنْ عَلِمْتُمُوهُنَّ مُؤْمِنَاتٍ فَلا تَرْجِعُوهُنَّ إِلَى الْكُفَّارِ لا هُنَّ حِلٌّ لَّهُمْ وَلا هُمْ يَحِلُّونَ لَهُنَّ وَآتُوهُم مَّا أَنفَقُوا وَلا جُنَاحَ عَلَيْكُمْ أَن تَنكِحُوهُنَّ إِذَا آتَيْتُمُوهُنَّ أُجُورَهُنَّ وَلا تُمْسِكُوا بِعِصَمِ الْكَوَافِرِ وَاسْأَلُوا مَا أَنفَقْتُمْ وَلْيَسْأَلُوا مَا أَنفَقُوا ذَلِكُمْ حُكْمُ اللَّهِ يَحْكُمُ بَيْنَكُمْ وَاللَّهُ عَلِيمٌ حَكِيمٌ

اے ایمان والو ! جب تمہارے پاس مسلمان عورتیں ہجرت کر کے آئیں تو تم اُن کو جانچ لیا کرو۔ اﷲ ہی اُن کے اِیمان کے بارے میں بہتر جانتا ہے۔ پھر جب تمہیں یہ معلوم ہوجائے کہ وہ مومن عورتیں ہیں تو تم اُنہیں کافروں کے پاس واپس نہ بھیجنا۔ وہ ان کافروں کیلئے حلال نہیں ہیں ، اور وہ کافر ان کیلئے حلال نہیں ہیں ۔ اور ان کافروں نے جو کچھ (ان عورتوں پر مہر کی صورت میں ) خرچ کیا ہو، وہ انہیں اَدا کردو۔ اور تم پر ان عورتوں سے نکاح کرنے میں کوئی گناہ نہیں ہے، جبکہ تم نے اُن کے مہر انہیں ادا کر دیئے ہوں ۔ اور تم کافر عورتوں کی عصمتیں اپنے قبضے میں باقی نہ رکھو، اور جوکچھ تم نے (ان کافر بیویوں پر مہر کی صورت میں ) خرچ کیا تھا، وہ تم (اُن کے نئے شوہروں سے) مانگ لو، اور اُنہوں نے جو کچھ (اپنی مسلمان ہوجانے والی بیویوں پر) خرچ کیا تھا، وہ (اُن کے نئے مسلمان شوہروں سے) مانگ لیں۔ یہ اﷲ کا فیصلہ ہے، وہی تمہارے درمیان فیصلہ کرتا ہے، اور اﷲ بڑے علم والا، بڑی حکمت والا ہے

→←