الـحاقّـة

وہ حقیقت ہو کر رہے گی !

کیا ہے وہ حقیقت جو ہو کر رہے گی؟

اور تمہیں کیا پتہ کہ وہ حقیقت کیا ہے جو ہو کر رہے گی؟

ثمودا ور عاد کی قوموں نے اُسی جھنجوڑ ڈالنے والی حقیقت کو جھٹلایا تھا

نتیجہ یہ کہ جو ثمود کے لوگ تھے، وہ (چنگھاڑ کی) ایسی آفت سے ہلاک کئے گئے جو حد سے زیادہ (خوفناک) تھی

اور جو عاد کے لوگ تھے، انہیں ایک ایسی بے قابو طوفانی ہوا سے ہلا ک کیا گیا

جسے اﷲ نے اُن پر برسات رات اور آٹھ دن لگاتار مسلط رکھا۔ چنانچہ تم (اگر وہاں ہوتے تو) دیکھتے کہ وہ لوگ وہاں کھجور کے کھوکھلے تنو ں کی طرح پچھاڑے ہوئے پڑے تھے

اب کیا اُن میں سے کوئی بچا ہوا نظر آتا ہے؟

اور فرعون اور اُس سے پہلے کے لوگوں نے اور (لوط علیہ السلام کی) اُلٹی ہوئی بستیوں نے بھی اِسی جرم کااِرتکاب کیا تھا

کہ انہوں نے اپنے پروردگار کے پیغمبر کی نافرمانی کی تھی، اس لئے اﷲ نے انہیں سخت پکڑ میں لے لیا