الـمـزّمّـل

اے چادر میں لپٹنے والے !

رات کا تھوڑا حصہ چھوڑ کر باقی رات میں (عبادت کیلئے) کھڑے ہوجایا کرو

رات کا آدھا حصہ ! یا آدھے سے کچھ کم کر لو

یا اُس سے کچھ زیادہ کر لو، اور قرآن کی تلاوت اطمینان سے صاف صاف کیا کرو

ہم تم پر ایک بھاری کلام نازل کرنے والے ہیں

بے شک رات کے وقت اُٹھنا ہی ایسا عمل ہے جس سے نفس اچھی طرح کچلا جاتا ہے، اور بات بھی بہتر طریقے پر کہی جاتی ہے

دن میں تو تم لمبی مصروفیت میں رواں دواں رہتے ہو

اور اپنے پروردگار کے نام کا ذکر کرو، اور سب سے الگ ہو کر پورے کے پورے اُسی کے ہورہو

وہ مشرق و مغرب کا مالک ہے، اُس کے سوا کوئی معبود نہیں ، اس لئے اُسی کو کارساز بنالو

اور جو باتیں یہ (کافر لوگ) کہتے ہیں ، اُن پر صبر سے کام لو، اور خوبصورتی کے ساتھ اُن سے کنارہ کر لو