آيت 26: وَمِنَ اللَّيْلِ فَاسْجُدْ لَهُ وَسَبِّحْهُ لَيْلاً طَوِيلاً: «اور رات كے ايك حصے ميں اس كے ليے سجده كيا كيجيے، اور رات كے بڑے حصے ميں اس كى تسبيح كيا كيجيے»۔

        يه اسى حكم كا تسلسل هے جو سورة المزمل كى ابتدائى آيات ميں ديا گيا تھا۔ يعنى آپ صلى الله عليه وسلم رات كا بيشتر حصه الله كے حضور كھڑے هوكر قرآن پڑھنے، اس كے حضور سر بسجود رهنے اور اس كى تسبيح كرنے ميں صرف كيا كريں۔ اس وقت تك چوں كه ابھى نماز پنج گانه كا حكم نهيں آيا تھا، اس ليے سارا زور رات كى عبادت پر تھا۔ بعد ميں جب نماز پنج گانه كى فرضيت كا حكم آگيا تو اس «قيام الليل» كو مختصر كركے تهجد ميں تبديل كرديا گيا۔ وه بھى سب كے ليے نهيں صرف حضور صلى الله عليه وسلم كے ليے: (وَمِنَ اللَّيْلِ فَتَهَجَّدْ بِهِ نَافِلَةً لَّكَ) (بنى اسرائيل: 79) نافلة كے لفظى معنى اضافى اور زائد كے هيں۔ يعنى حضور صلى الله عليه وسلم كے ليے نماز تهجد باقى فرض نمازوں كے علاوه اضافى فرض كے درجے ميں تھى، جب كه امت كے ليے اس كى حيثيت نفل كى هے۔