آیت ۴:  اُولٰٓئِکَ ہُمُ الْمُؤْمِنُوْنَ حَقًّا: ’’یہی لوگ ہیں جو حقیقی مؤمن ہیں۔‘‘

            یہاں پر ایک مؤمن کی تعریف (definition) کا پہلا حصہ بیان ہوا ہے‘ جب کہ اس کا دوسرا اور تکمیلی حصہ اس سورت کی آیت 74 میں بیان ہو گا‘ یعنی آخری سے پہلی (second last) آیت میں۔ اُس آیت میں بھی یہی الفاظ «اُولٰٓئِکَ ہُمُ الْمُؤْمِنُوْنَ حَقًّا» ایک دفعہ پھر آئیں گے۔ ایمان کے ان حقائق کو تقسیم کر کے سورت کے آغاز اور اختتام پر اس طرح رکھا گیا ہے جیسے ساری سورت اس مضمون کی گود میں آ گئی ہو۔

             لَہُمْ دَرَجٰتٌ عِنْدَ رَبِّہِمْ وَمَغْفِرَۃٌ وَّرِزْقٌ کَرِیْمٌ: ’’اُن کے لیے ان کے ربّ کے پاس (اونچے) درجات اور مغفرت اور عزت والا رزق ہے۔‘‘