آیت ۱۲۷: وَاِذَا مَآ اُنْزِلَتْ سُوْرَۃٌ نَّظَرَ بَعْضُہُمْ اِلٰی بَعْضٍ: ‘‘اور جب کوئی سورت نازل ہوتی ہے تو یہ لوگ آپس میں ایک دوسرے کو دیکھتے ہیں‘‘

            جب قتال کے بارے میں احکام نازل ہوتے ہیں تو رسول اللہ کی محفل میں موجود منافقین کنکھیوں سے ایک دوسرے کو اشارے کرتے ہیں۔

            ہَلْ یَرٰکُمْ مِّنْ اَحَدٍ ثُمَّ انْصَرَفُوْا: ‘‘کہ تمہیں کوئی دیکھ تو نہیں رہا‘ پھر وہ وہاں سے کھسک جاتے ہیں۔‘‘

            صَرَفَ اللّٰہُ قُلُوْبَہُمْ بِاَنَّہُمْ قَوْمٌ لاَّ یَفْقَہُوْنَ: ‘‘(دراصل) اللہ نے ا ن کے دلوں کو پھیر دیا ہے‘ اس لیے کہ یہ ایسے لوگ ہیں جو سمجھ نہیں رکھتے۔‘‘

            اس سورت کی آخری دو آیات قرآن مجید کی عظیم ترین آیات میں سے ہیں۔