الضـحى

(اے پیغمبر!) قسم ہے چڑھتے دن کی روشنی کی

اور رات کی جب اُس کا اندھیرا بیٹھ جائے

کہ تمہارے پروردگار نے نہ تمہیں چھوڑا ہے، اور نہ ناراض ہوا ہے

اور یقینا آگے آنے والے حالات تمہارے لئے پہلے حالات سے بہتر ہیں

اور یقین جانو کہ عنقریب تمہارا پروردگار تمہیں اتنا دے گا کہ تم خوش ہو جاؤ گے

کیا اُس نے تمہیں یتیم نہیں پایا تھا، پھر (تمہیں ) ٹھکانا دیا؟

اور تمہیں راستے سے ناواقف پایا تو راستہ دکھایا

اور تمہیں نادار پایا تو غنی کر دیا

اب جو یتیم ہے، تم اُس پر سختی مت کرنا

اور جو سوال کرنے والا ہو، اُسے جھڑکنا نہیں