الـبينة

مشرکین اور اہلِ کتاب میں سے جو لوگ کافر تھے، وہ اُس وقت تک باز آنے والے نہیں تھے جب تک کہ اُن کے پاس روشن دلیل نہ آتی

یعنی ایک اﷲ کا رسول جو پاک صحیفے پڑھ کر سنائے

جن میں سیدھی سچی تحریریں لکھی ہوں

اور جو اہلِ کتاب تھے، اُنہوں نے جدا راستہ اُسی کے بعد اِختیار کیا جب اُن کے پاس روشن دلیل آچکی تھی

اور انہیں اس کے سوا کوئی اور حکم نہیں دیا گیا تھا کہ وہ اﷲ کی عبادت اس طرح کریں کہ بندگی کو بالکل یکسو ہو کر صرف اُسی کیلئے خالص رکھیں ، اور نماز قائم کریں ، اور زکوٰۃ اداکریں ، اور یہی سیدھی سچی اُمت کا دین ہے

یقین جانو کہ اہلِ کتاب اور مشرکین میں سے جنہوں نے کفر اَپنا لیا ہے، وہ جہنم کی آگ میں جائیں گے جہاں وہ ہمیشہ رہیں گے۔ یہ لوگ ساری مخلوق میں سب سے بُرے ہیں

جو لوگ ایمان لائے ہیں ، اور انہوں نے نیک عمل کئے ہیں ، وہ بیشک ساری مخلوق میں سب سے بہتر ہیں

اُن کے پروردگار کے پاس اُن کا اِنعام وہ سدا بہار جنتیں ہیں جن کے نیچے نہریں بہتی ہیں۔ وہاں وہ ہمیشہ ہمیشہ رہیں گے۔ اﷲ اُن سے خوش ہوگا، اور وہ اُس سے خوش ہوں گے۔ یہ سب کچھ اُس کیلئے ہے جو اپنے پروردگار کا خوف دل میں رکھتا ہو