الحجر

جنہوں نے (اپنی) پڑھی جانے والی کتاب کے حصے بخرے کر لئے تھے

چنانچہ تمہارے رَبّ کی قسم ! ہم ایک ایک کر کے ان سب سے پوچھیں گے

کہ وہ کیا کچھ کیا کرتے تھے

لہٰذا جس بات کا تمہیں حکم دیا جارہا ہے، اُسے علی الاعلان لوگوں کو سنادو، اور جو لوگ (پھر بھی) شرک کریں ، اُن کی پروا مت کرو

یقین رکھو کہ ہم تمہاری طرف سے ان لوگوں سے نمٹنے کیلئے کافی ہیں جو (تمہارا) مذاق اُڑاتے ہیں

جنہوں نے اﷲ کے ساتھ کوئی اور معبود گھڑ رکھا ہے۔ چنانچہ عنقریب انہیں سب پتہ چل جائے گا

یقینا ہم جانتے ہیں کہ جو باتیں یہ بناتے ہیں ، اُن سے تمہارا دل تنگ ہوتا ہے

تو (اس کا علاج یہ ہے کہ) تم اپنے پروردگار کی حمد کے ساتھ اُس کی تسبیح کرتے رہو، اور سجدہ بجالانے والوں میں شامل رہو

اور اپنے پروردگار کی عبادت کرتے رہو، یہاں تک کہ تم پر وہ چیز آجائے جس کا آنا یقینی ہے