قرآن کریم > النحل
النحل
•
شَاكِرًا لِّأَنْعُمِهِ اجْتَبَاهُ وَهَدَاهُ إِلَى صِرَاطٍ مُّسْتَقِيمٍ
وہ اﷲ کی نعمتوں کے شکر گذار تھے۔ اُس نے اُنہیں چن لیا تھا، اور ان کو سیدھے راستے تک پہنچادیا تھا
•
وَآتَيْنَاهُ فِي الْدُّنْيَا حَسَنَةً وَإِنَّهُ فِي الآخِرَةِ لَمِنَ الصَّالِحِينَ
اور ان کو دنیا میں بھی بھلائی دی تھی، اور آخرت میں تو یقینا اُن کا شمار صالحین میں ہے
•
ثُمَّ اَوْحَيْنَآ اِلَيْكَ اَنِ اتَّبِعْ مِلَّةَ اِبْرٰهِيْمَ حَنِيْفًا ۭ وَمَا كَانَ مِنَ الْمُشْرِكِيْنَ
پھر (اے پیغمبر !) ہم نے تم پر بھی وحی کے ذریعے یہ حکم نازل کیاہے کہ تم ابراہیم کے دین کی پیروی کرو جس نے اپنا رُخ اﷲ ہی کی طرف کیا ہوا تھا، اور وہ اُن لوگوں میں سے نہیں تھے جو اﷲ کے ساتھ شرک کرتے ہیں
•
اِنَّمَا جُعِلَ السَّبْتُ عَلَي الَّذِيْنَ اخْتَلَفُوْا فِيْهِ ۭ وَاِنَّ رَبَّكَ لَيَحْكُمُ بَيْنَهُمْ يَوْمَ الْقِيٰمَةِ فِـيْمَا كَانُوْا فِيْهِ يَخْتَلِفُوْنَ
سنیچر کے دن کے اَحکام تو اُن لوگوں پر لازم کئے گئے تھے جنہوں نے اُ س کے بارے میں اختلاف کیا تھا، اور یقین رکھو کہ تمہارا رَبّ قیامت کے دن اُن تمام باتوں کا فیصلہ کر دے گا جن میں لوگ اختلاف کیا کرتے تھے
•
اُدْعُ اِلٰى سَبِيْلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُمْ بِالَّتِيْ هِىَ اَحْسَنُ ۭ اِنَّ رَبَّكَ هُوَ اَعْلَمُ بِمَنْ ضَلَّ عَنْ سَـبِيْلِهِ وَهُوَ اَعْلَمُ بِالْمُهْتَدِيْنَ
اپنے رَبّ کے راستے کی طرف لوگوں کو حکمت کے ساتھ اور خوش اُسلوبی سے نصیحت کر کے دعوت دو، اور (اگر بحث کی نوبت آئے تو) ان سے بحث بھی ایسے طریقے سے کرو جو بہترین ہو۔ یقینا تمہارا پروردگار اُن لوگوں کو بھی خوب جانتا ہے جو اُس کے راستے سے بھٹک گئے ہیں ، اور اُن سے بھی خوب واقف ہے جو راہِ راست پر قائم ہیں
•
وَإِنْ عَاقَبْتُمْ فَعَاقِبُواْ بِمِثْلِ مَا عُوقِبْتُم بِهِ وَلَئِن صَبَرْتُمْ لَهُوَ خَيْرٌ لِّلصَّابِرينَ
اور اگر تم لوگ (کسی کے ظلم کا) بدلہ لو تو اتنا ہی بدلہ لو جتنی زیادتی تمہارے ساتھ کی گئی تھے۔ اور اگر صبر ہی کر لوتو یقینا یہ صبر کرنے والوں کے حق میں بہت بہتر ہے
•
وَاصْبِرْ وَمَا صَبْرُكَ إِلاَّ بِاللَّهِ وَلاَ تَحْزَنْ عَلَيْهِمْ وَلاَ تَكُ فِي ضَيْقٍ مِّمَّا يَمْكُرُونَ
اور (اے پیغمبر !) تم صبر سے کام لو، اور تمہارا صبر اﷲ ہی کی توفیق سے ہے۔ اور ان (کافروں ) پر صدمہ نہ کرو، اور جو مکاریاں یہ لوگ کر رہے ہیں ، اُن کی وجہ سے تنگ دل نہ ہو
•
اِنَّ اللّٰهَ مَعَ الَّذِيْنَ اتَّقَوْا وَّالَّذِيْنَ هُمْ مُّحْسِنُوْنَ
یقین رکھو کہ اﷲ اُن لوگوں کا ساتھی ہے جو تقویٰ اختیار کرتے ہیں ، اور جو احسان پر عمل پیرا ہیں