الأنبياء

اور ہم نے کتنی بستیوں کو پیس ڈالا جو ظالم تھیں اور ان کے بعد ہم نے دوسری نسلیں پیدا کیں

چنانچہ جب انہوں نے ہمارے عذاب کی آہٹ پائی تو وہ ایک دم وہاں سے بھاگنے لگے

(ان سے کہا گیا :) ’’ بھاگو مت، اور واپس جاؤ اپنے انہی مکانات اور اسی عیش و عشرت کے سامان کی طرف جس کے مزے تم لوٹ رہے تھے، شاید تم سے کچھ پوچھا جائے

وہ کہنے لگے : ’’ ہائے ہماری کم بختی ! سچی بات یہ ہے کہ ہم لوگ ہی ظالم تھے۔‘‘

ان کی یہی پکار جاری رہی یہاں تک کہ ہم نے ان کو ایک کٹی ہوئی کھیتی، ایک بجھی ہوئی آگ بنا کر رکھ دیا

اورہم نے آسمان، زمین اور جو کچھ ان کے درمیان ہے، اُ س کو اس لئے پید انہیں کیا کہ ہم کوئی کھیل کرنا چاہتے ہوں

اگر ہمیں کوئی کھیل بنانا ہوتا تو ہم خود اپنے پاس سے بنالیتے، اگر ہمیں ایسا کرنا ہی ہوتا

بلکہ ہم تو حق بات کو باطل پر کھینچ مارتے ہیں ، جو اُس کا سر توڑ ڈالتا ہے، اور وہ ایک دم ملیا میٹ ہوجاتاہے۔ اور جو باتیں تم بنا رہے ہو، اُن کی وجہ سے خرابی تمہاری ہی ہے

اور آسمانوں اور زمین میں جو لوگ بھی ہیں ، اﷲ کے ہیں ۔ اور جو (فرشتے) اﷲ کے پاس ہیں ، وہ نہ اُ س کی عبادت سے سر کشی کرتے ہیں ، نہ تھکتے ہیں

وہ رات دن اُس کی تسبیح کرتے رہتے ہیں ، اور سست نہیں پڑتے