قرآن کریم > الأحزاب
الأحزاب
•
لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِّمَن كَانَ يَرْجُو اللَّهَ وَالْيَوْمَ الآخِرَ وَذَكَرَ اللَّهَ كَثِيرًا
حقیقت یہ ہے کہ تمہارے لئے رسول اﷲ کی ذات میں ایک بہترین نمونہ ہے، ہر اُس شخص کیلئے جو اﷲ سے اور یومِ آخرت سے اُمید رکھتا ہو، اور کثرت سے اﷲ کا ذکر کرتا ہو
•
وَلَمَّا رَأَى الْمُؤْمِنُونَ الأَحْزَابَ قَالُوا هَذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ وَمَا زَادَهُمْ إِلاَّ إِيمَانًا وَتَسْلِيمًا
اور جو لوگ ایمان رکھتے ہیں ، جب اُنہوں نے (دُشمن کے) لشکروں کو دیکھا تھا تو اُنہوں نے یہ کہا تھا کہ : ’’ یہ وہی بات ہے جس کا وعدہ اﷲ اور اُس کے رسول نے ہم سے کیا تھا، اور اﷲ اور اُس کے رسول نے سچ کہا تھا۔‘‘ اور اس واقعے نے اُن کے ایمان اور تابع داری کے جذبے میں اور اضافہ کر دیا تھا
•
مِنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً
انہی ایمان والوں میں وہ لوگ بھی ہیں جنہوں نے اﷲ سے جو عہد کیا تھا، اُسے سچا کر دِکھایا۔ پھر اُن میں سے کچھ وہ ہیں جنہوں نے اپنانذرانہ پورا کردیا، اور کچھ وہ ہیں جو ابھی انتظار میں ہیں ، اور اُنہوں نے (اپنے ارادوں میں ) ذرا سی بھی تبدیلی نہیں کی
•
لِيَجْزِيَ اللَّهُ الصَّادِقِينَ بِصِدْقِهِمْ وَيُعَذِّبَ الْمُنَافِقِينَ إِن شَاء أَوْ يَتُوبَ عَلَيْهِمْ إِنَّ اللَّهَ كَانَ غَفُورًا رَّحِيمًا
(یہ واقعہ اس لئے ہوا) تاکہ اﷲ سچوں کو اُن کی سچائی کا انعام دے، اور منافقوں کو اگر چاہے تو عذاب دے یا اُن کی توبہ قبول کر لے۔ اﷲ یقینا بہت بخشنے والا، بڑا مہربان ہے
•
وَرَدَّ اللَّهُ الَّذِينَ كَفَرُوا بِغَيْظِهِمْ لَمْ يَنَالُوا خَيْرًا وَكَفَى اللَّهُ الْمُؤْمِنِينَ الْقِتَالَ وَكَانَ اللَّهُ قَوِيًّا عَزِيزًا
اور جو لوگ کافر تھے، اﷲ نے اُنہیں اُن کے سارے غیظ و غضب کے ساتھ اس طرح پسپا کر دیا کہ وہ کوئی فائدہ حاصل نہ کرسکے۔ اور مومنوں کی طرف سے لڑائی کیلئے اﷲ خود کافی ہوگیا۔ اور اﷲ بڑی قوت کا، بڑے اقتدار کا مالک ہے
•
وَأَنزَلَ الَّذِينَ ظَاهَرُوهُم مِّنْ أَهْلِ الْكِتَابِ مِن صَيَاصِيهِمْ وَقَذَفَ فِي قُلُوبِهِمُ الرُّعْبَ فَرِيقًا تَقْتُلُونَ وَتَأْسِرُونَ فَرِيقًا
اور جن اہلِ کتاب نے ان (دشمنوں ) کی مدد کی تھی، اُنہیں اﷲ اُن کے قلعوں سے نیچے اُتار لایا، اور اُن کے دلوں میں ایسا رُعب ڈال دیا کہ (اے مسلمانو !) اُن میں سے کچھ کو تم قتل کر رہے تھے، اور کچھ کو قیدی بنارہے تھے
•
وَأَوْرَثَكُمْ أَرْضَهُمْ وَدِيَارَهُمْ وَأَمْوَالَهُمْ وَأَرْضًا لَّمْ تَطَؤُوهَا وَكَانَ اللَّهُ عَلَى كُلِّ شَيْءٍ قَدِيرًا
اور اﷲ نے تمہیں اُن کی زمین کا، اُن کے گھروں کا اور اُن کی دولت کا وارث بنادیا، اور ایک ایسی زمین کا بھی جس تک ابھی تمہارے قدم نہیں پہنچے۔ اور اﷲ ہر چیز پر پوری قدرت رکھتا ہے
•
يَا أَيُّهَا النَّبِيُّ قُل لِّأَزْوَاجِكَ إِن كُنتُنَّ تُرِدْنَ الْحَيَاةَ الدُّنْيَا وَزِينَتَهَا فَتَعَالَيْنَ أُمَتِّعْكُنَّ وَأُسَرِّحْكُنَّ سَرَاحًا جَمِيلاً
اے نبی ! اپنی بیویوں سے کہو کہ : ’’ اگر تم دُنیوی زندگی اور اُ س کی زینت چاہتی ہو تو آؤ، میں تمہیں کچھ تحفے دے کر خوبصورتی کے ساتھ رخصت کردوں ۔‘‘
•
وَإِن كُنتُنَّ تُرِدْنَ اللَّهَ وَرَسُولَهُ وَالدَّارَ الآخِرَةَ فَإِنَّ اللَّهَ أَعَدَّ لِلْمُحْسِنَاتِ مِنكُنَّ أَجْرًا عَظِيمًا
اور اگر تم اﷲ اور اُس کے رسول اور عالمِ آخرت کی طلبگار ہو، تو یقین جانو اﷲ نے تم میں سے نیک خواتین کیلئے شاندار انعام تیارکر رکھا ہے۔‘‘
•
يَا نِسَاء النَّبِيِّ مَن يَأْتِ مِنكُنَّ بِفَاحِشَةٍ مُّبَيِّنَةٍ يُضَاعَفْ لَهَا الْعَذَابُ ضِعْفَيْنِ وَكَانَ ذَلِكَ عَلَى اللَّهِ يَسِيرًا
اے نبی کی بیویو ! تم میں سے جو کوئی کسی کھلی بے ہودگی کا ارتکاب کرے گی، اُ س کا عذاب بڑھا کر دوگنا کر دیا جائے گا، اور اﷲ کیلئے ایسا کرنا بہت آسان ہے