قرآن کریم > الزمر
الزمر
•
قُلْ إِنِّي أُمِرْتُ أَنْ أَعْبُدَ اللَّهَ مُخْلِصًا لَّهُ الدِّينَ
کہہ دو کہ : ’’ مجھے تو حکم دیا گیا ہے کہ میں اﷲ کی اس طرح عبادت کروں کہ میری بندگی خالص اُسی کیلئے ہو
•
وَأُمِرْتُ لأَنْ أَكُونَ أَوَّلَ الْمُسْلِمِينَ
اور مجھے حکم دیا گیا ہے کہ سب سے پہلا فرماں بردار میں بنوں ۔‘‘
•
قُلْ إِنِّي أَخَافُ إِنْ عَصَيْتُ رَبِّي عَذَابَ يَوْمٍ عَظِيمٍ
کہہ دو کہ : ’’ اگر میں اپنے پروردگار کی نافرمانی کروں تو مجھے ایک زبردست دن کے عذاب کا اندیشہ ہے۔‘‘
•
قُلِ اللَّهَ أَعْبُدُ مُخْلِصًا لَّهُ دِينِي
کہہ دو کہ : ’’ میں تو اﷲ کی عبادت اس طرح کرتا ہوں کہ میں نے اپنی بندگی صرف اُسی کیلئے خالص کر لی ہے
•
فَاعْبُدُوا مَا شِئْتُم مِّن دُونِهِ قُلْ إِنَّ الْخَاسِرِينَ الَّذِينَ خَسِرُوا أَنفُسَهُمْ وَأَهْلِيهِمْ يَوْمَ الْقِيَامَةِ أَلا ذَلِكَ هُوَ الْخُسْرَانُ الْمُبِينُ
اب تم اُسے چھوڑ کر جس کی چاہو، عبادت کرو۔‘‘ کہہ دو کہ : ’’ گھاٹے کا سوداکرنے والے تو وہ ہیں جو قیامت کے دن اپنی جانوں اور اپنے گھر والوں سب کو ہرابیٹھیں گے۔ یاد رکھو کہ کھلا ہوا گھاٹا یہی ہے۔‘‘
•
لَهُم مِّن فَوْقِهِمْ ظُلَلٌ مِّنَ النَّارِ وَمِن تَحْتِهِمْ ظُلَلٌ ذَلِكَ يُخَوِّفُ اللَّهُ بِهِ عِبَادَهُ يَا عِبَادِ فَاتَّقُونِ
ایسے لوگوں کیلئے اُن کے اُوپر بھی آگ کے بادل ہیں ، اور اُن کے نیچے بھی ویسے ہی بادل۔ یہ وہی چیز ہے جس سے اﷲ اپنے بندوں کو ڈراتا ہے۔ لہٰذا اے میرے بندو ! میرا خوف دل میں رکھو
•
وَالَّذِينَ اجْتَنَبُوا الطَّاغُوتَ أَن يَعْبُدُوهَا وَأَنَابُوا إِلَى اللَّهِ لَهُمُ الْبُشْرَى فَبَشِّرْ عِبَادِ
اور جن لوگوں نے اس بات سے پرہیز کیا ہے کہ وہ طاغوت کی عبادت کر نے لگیں ، اور اُنہوں نے اﷲ سے لَو لگائی ہے، خوشی کی خبر اُنہی کیلئے ہے، لہٰذا میرے اُن بندوں کو خوشی کی خبر سنا دو
•
الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ أُوْلَئِكَ الَّذِينَ هَدَاهُمُ اللَّهُ وَأُوْلَئِكَ هُمْ أُوْلُوا الأَلْبَابِ
جو بات کوغور سے سنتے ہیں تو اُس میں جو بہترین ہوتی ہے، اُس کی پیروی کرتے ہیں ۔ یہی وہ لوگ ہیں جنہیں اﷲ نے ہدایت دی ہے، اور یہی ہیں جو عقل والے ہیں
•
أَفَمَنْ حَقَّ عَلَيْهِ كَلِمَةُ الْعَذَابِ أَفَأَنتَ تُنقِذُ مَن فِي النَّارِ
بھلا جس شخص پر عذاب کی بات طے ہوچکی، تو کیا تم اُسے بچا لوگے جو آگ کے اندر پہنچ چکا ہے؟
•
لَكِنِ الَّذِينَ اتَّقَوْا رَبَّهُمْ لَهُمْ غُرَفٌ مِّن فَوْقِهَا غُرَفٌ مَّبْنِيَّةٌ تَجْرِي مِن تَحْتِهَا الأَنْهَارُ وَعْدَ اللَّهِ لا يُخْلِفُ اللَّهُ الْمِيعَادَ
البتہ جنہوں نے اپنے پروردگار کا خوف دل میں رکھا ہے، اُن کیلئے اُوپر تلے بنی ہوئی اُونچی اُونچی عمارتیں ہیں ، جن کے نیچے نہریں بہتی ہیں ۔ یہ اﷲ کا وعدہ ہے۔ اﷲ کبھی وعدے کی خلاف ورزی نہیں کرتا