ق

اور پرہیز گاروں کیلئے جنت اتنی قریب کر دی جائے گی کہ کچھ بھی دور نہیں رہے گی

(اور کہا جائے گا کہ :) ’’ یہ ہے وہ چیز جس کا تم سے یہ وعدہ کیا جاتا تھا کہ وہ ہر اُس شخص کیلئے ہے جو اﷲ سے خوب لَو لگائے ہوئے ہو، (اور) اپنی نگرانی رکھنے والا ہو

جو خدائے رحمن سے اُسے دیکھے بغیر ڈرتا ہو، اور اﷲ کی طرف رُجوع ہونے والا دل لے کر آئے

تم سب اس میں سلامتی کے ساتھ داخل ہو جاؤ۔‘‘ وہ دن ابدی زندگی کا دن ہوگا

ان (جنتیوں ) کو وہ سب کچھ ملے گا جو وہاں وہ چاہیں گے، اور ہمارے پاس کچھ اور زیادہ بھی ہے

اور ان (مکہ کے کافروں ) سے پہلے ہم کتنی ہی قوموں کو ہلاک کر چکے ہیں جن کی طاقت پر گرفت ان سے زیادہ سخت تھی، چنانچہ اُنہوں نے سارے شہر چھان مارے تھے۔ کیا اُن کیلئے بھاگنے کی کوئی جگہ تھی؟

یقینا اس میں اُس شخص کیلئے بڑی نصیحت کا سامان ہے جس کے پاس دل ہو، یاجو حاضر دِماغ بن کر کان دھر ے

اورہم نے سارے آسمان اور زمین کو چھ دن میں پیدا کیا، اور ہمیں ذرا سی تھکاوٹ بھی چھوکر نہیں گذری

لہٰذا (اے پیغمبر !) جو کچھ یہ لوگ کہہ رہے ہیں ، تم اُس پر صبر کرو، اور اپنے پروردگار کی حمد کے ساتھ تسبیح کرتے رہو، سورج نکلنے سے پہلے بھی، او رسورج ڈوبنے سے پہلے بھی

اور رات کے حصوں میں بھی اُس کی تسبیح کرو، اور سجدوں کے بعد بھی۔‘‘