الذاريات

اور خود تمہارے اپنے وجود میں بھی ! کیا پھر بھی تمہیں دکھائی نہیں دیتا؟

اور آسمان ہی میں تمہارا رزق بھی ہے، اور وہ چیز بھی جس کا تم سے وعدہ کیا جارہا ہے

لہٰذا آسمان اور زمین کے پروردگار کی قسم ! یہ بات یقینا ایسی ہی سچی ہے جیسے یہ بات کہ تم بولتے ہو

(اے پیغمبر !) کیا ابراہیم کے معزز مہمانوں کا واقعہ تمہیں پہنچا ہے؟

جب وہ ابراہیم کے پاس آئے، تو انہوں نے سلام کہا۔ ابراہیم نے بھی سلام کہا۔ (اور دل میں سوچا کہ) یہ کچھ انجان لوگ ہیں

پھر وہ چپکے سے اپنے گھروالوں کے پاس گئے، اور ایک موٹا سا بچھڑا لے آئے

اور اُسے ان مہمانوں کے سامنے رکھا۔ کہنے لگے : ’’ کیا آپ لوگ کھاتے نہیں؟‘‘

اس سے ابراہیم نے اپنے دل میں ڈر محسوس کیا۔ انہوں نے کہا : ’’ ڈریئے نہیں‘‘ اور انہیں ایک لڑکے کی خوشخبری دی جو بڑا عالم ہوگا

اس پر اُن کی بیوی زور سے بولتی ہوئی آئیں ، اور انہوں نے اپنا چہرہ پیٹ لیا، اور کہنے لگیں : ’’ (کیا) ایک بانجھ بڑھیا (بچہ جنے گی؟)‘‘

مہمانوں نے کہا : ’’ تمہارے پروردگار نے ایسا ہی فرمایا ہے۔ یقین جانو وہی ہے جو بڑی حکمت کا، بڑے علم کا مالک ہے۔‘‘