الـنحـم

اور آسمانوں میں جو کچھ ہے، وہ بھی اور زمین میں جو کچھ ہے، وہ بھی اﷲ ہی کا ہے۔ نتیجہ یہ ہے کہ جنہوں نے بُرے کام کئے ہیں ، وہ اُن کو اور اُن کے عمل کا بھی بدلہ دے گا، اور جنہوں نے نیک کام کئے ہیں ، اُن کو بہترین بدلہ عطا کرے گا

اُن لوگوں کو جو بڑے بڑے گناہوں اور بے حیائی کے کاموں سے بچتے ہیں ، البتہ کبھی کبھار پھسل جانے کی بات اور ہے۔ یقین رکھو تمہارا پروردگار بہت وسیع مغفرت والا ہے، وہ تمہیں خوب جانتا ہے جس اُس نے تمہیں زمین سے پیدا کیا، اور جب تم اپنی ماؤں کے پیٹ میں بچے تھے، لہٰذا تم اپنے آپ کو پاکیزہ نہ ٹھہراؤ۔ وہ خوب جانتا ہے کہ کون متقی ہے

(اے پیغمبر !) بھلا تم نے اُس شخص کو بھی دیکھا جو (حق سے) منہ موڑ گیا

اور جس نے تھوڑا سا دیا، پھر رُک گیا؟

کیا اُس کے پاس غیب کا علم ہے جو وہ دیکھ رہا ہو؟

کیا اُسے اُن باتوں کی خبر نہیں ملی جو موسیٰ کے صحیفوں میں درج ہے

اور اِبراہیم کے صحیفوں میں بھی، جو مکمل وفادار رہے؟

یعنی یہ کہ کوئی بوجھ اُٹھانے والا کسی دوسرے (کے گناہ) کا بوجھ نہیں اُٹھا سکتا

اور یہ کہ انسان کو خود اپنی کوشش کے سوا کسی او ر چیز کا (بدلہ لینے کا) حق نہیں پہنچتا

اور یہ کہ اُس کی کوشش عنقریب دیکھی جائے گی