الواقعة

اور جو بائیں ہاتھ والے ہیں ، کیا بتائیں بائیں ہاتھ والے کیا ہیں؟

وہ ہوں گے تپتی ہوئی لُو میں ، اور کھولتے ہوئے پانی میں

اور سیاہ دُھویں کے سائے میں

جو نہ ٹھنڈا ہوگا، نہ کوئی فائدہ پہنچانے والا

یہ لوگ اس سے پہلے بڑے عیش میں تھے

اور بڑے بھاری گناہ پر اَڑے رہتے تھے

اور کہا کرتے تھے کہ : ’’ کیا جب ہم مر جائیں گے، اور مٹی اور ہڈیاں بن کر رہ جائیں گے، تو کیا ہمیں دوبارہ زندہ کیا جائے گا؟

اور کیا ہمارے پہلے گذرے ہوئے باپ دادوں کو بھی؟‘‘

کہہ دو کہ : ’’ یقینا سب اگلے اور پچھلے لوگ

ایک متعین دن کے طے شدہ وقت پر ضرور اِکٹھے کئے جائیں گے