الـمجادلـة

اے ایمان والو ! جب تم سے کہا جاتا ہے کہ مجلسوں میں دوسروں کیلئے گنجائش پیدا کرو، تو گنجائش پیدا کر دیا کرو، اﷲ تمہارے لئے وسعت پیدا کرے گا، اور جب کہا جائے کہ اُٹھ جاؤ، تم میں سے جو لوگ ایمان لائے ہیں ، اور جن کو علم عطا کیا گیا ہے، اﷲ ان کو درجوں میں بلند کرے گا۔ اور جو کچھ تم کرتے ہو، اﷲ اُس سے پوری طرح باخبر ہے

اے ایمان والو ! جب تم رسول سے تنہائی میں کوئی بات کرنا چاہو تو اپنی اس تنہائی کی بات سے پہلے کچھ صدقہ کر دیا کرو۔ یہ طریقہ تمہارے حق میں بہتر اور زیادہ ستھرا طریقہ ہے۔ ہاں اگر تمہارے پاس (صدقہ کرنے کیلئے) کچھ نہ ہوتو اﷲ بہت بخشنے والا، بہت مہربان ہے

کیا تم اس بات سے ڈر گئے کہ اپنی تنہائی کی بات سے پہلے صدقات دیا کرو؟ اب جبکہ تم ایسا نہیں کرسکے، اور اﷲ نے تمہیں معاف کردیا تو تم نماز قائم کرتے رہو، اور زکوٰۃ دیتے رہو، اور اﷲ اور اس کے رسول کی فرماں برداری کرتے رہو۔ اور جو کام بھی تم کرتے ہو، اﷲ اس سے پوری طرح باخبر ہے

کیا تم نے اُن کو نہیں دیکھا جنہوں نے ایسے لوگوں کو دوست بنایا ہواہے جن پر اﷲ کا غضب ہے؟ یہ نہ تو تمہارے ہیں ، اور نہ اُن کے، اور یہ جانتے بوجھتے جھوٹی باتوں پر قسمیں کھا جاتے ہیں

اﷲ نے ان کیلئے سخت عذاب تیار کر رکھا ہے۔ حقیقت یہ ہے کہ بہت بُرے ہیں وہ کام جو یہ کرتے رہے ہیں

انہوں نے اپنی قسموں کو ایک ڈھال بنالیا ہے، پھر وہ دُوسروں کو اﷲ کے راستے سے روکتے رہے ہیں ۔ اس لئے ان کیلئے ایسا عذا ب ہے جو ذلیل کر کے رکھ دے گا

ان کے مال اور ان کی اولاد اﷲ کے مقابلے میں اُن کے کچھ کام نہیں آئیں گے۔ یہ دوزخ والے لوگ ہیں ۔ یہ ہمیشہ اُسی میں رہیں گے

جس دن اﷲ ان سب کو دوبارہ زندہ کرے گا تو اُس کے سامنے بھی یہ اُسی طرح قسمیں کھائیں گے جیسے تمہارے سامنے کھاتے ہیں ، اور یہ سمجھیں گے کہ انہیں کوئی سہارا مل گیا ہے۔ یاد رکھو یہ لوگ بالکل ہی جھوٹے ہیں

ان پر شیطان نے پوری طرح قبضہ جماکر انہیں اﷲ کی یاد سے غافل کر دیا ہے۔ یہ شیطان کا گروہ ہے۔یاد رکھو شیطان کا گروہ ہی نامراد ہونے والا ہے

اللہ لکھ چکا کہ میں غالب ہوں گا اور میرے رسول، بیشک اللہ زور آور ہے زبردست