الـمـمـتـحنة

اور اگر تمہاری بیویوں میں سے کوئی کافروں کے پاس جاکر تمہارے ہاتھ سے نکل جائے، پھر تمہاری نوبت آئے تو جن لوگوں کی بیویاں جاتی رہی ہیں ، اُن کو اتنی رقم ادا کردو، جنتی انہوں نے (اپنی ان بیویوں پر) خرچ کی تھی، اور اﷲ سے ڈرتے رہو جس پر تم اِیمان لائے ہو

اے نبی ! جب تمہارے پاس مسلمان عورتیں اس بات پر بیعت کرنے کیلئے آئیں کہ وہ اﷲ کے ساتھ کسی بھی چیز کو شریک نہیں مانیں گی، اور چوری نہیں کریں گی، اور زنا نہیں کریں گی، اور اپنی اولاد کو قتل نہیں کریں گی، اور نہ کوئی ایسا بہتان باندھیں گی جو اُنہوں نے اپنے ہاتھوں اور پاؤں کے درمیان گھڑ لیا ہو، اور نہ کسی بھلے کام میں تمہاری نافرمانی کریں گی، تو تم اُن کو بیعت کر لیا کرو، اور اُن کے حق میں اﷲ سے مغفرت کی دُعا کیا کرو۔ یقینا اﷲ بہت بخشنے والا، بہت مہربا ن ہے

اے ایمان والو ! اُن لوگوں کو دوست نہ بناؤ جن پر اﷲ نے غضب فرمایا ہے۔ وہ آخرت سے اسی طرح مایوس ہو چکے ہیں جیسے کافر لوگ قبروں میں مدفون لوگوں سے مایوس ہیں۔