الـتغابن

کوئی مصیبت اﷲ کے حکم کے بغیر نہیں آتی، اور جو کوئی اﷲ پر اِیمان لاتا ہے، وہ اُس کے دل کو ہدایت بخشتا ہے، اور اﷲ ہر چیز کو خوب جاننے والا ہے

اور تم اﷲ کی فرماں برداری کرو، اور رسول کی فرماں برداری کرو۔ پھر اگر تم نے منہ موڑا تو ہمارے رسول کی ذمہ داری صرف یہ ہے کہ وہ صاف صاف بات پہنچا دے

اﷲ وہ ہے جس کے سوا کوئی معبود نہیں ہے، اور مومنوں کو اﷲ ہی پر بھروسہ کرنا چاہئے

اے ایمان والو ! تمہاری بیویوں اور تمہاری اولاد میں سے کچھ تمہارے دُشمن ہیں ، اس لئے اُن سے ہوشیار رہو۔ اور اگر تم معاف کردو، اور درگذر کرو، اور بخش دو تو اﷲ بہت بخشنے والا، بہت مہربان ہے

تمہارے مال اور تمہاری اولاد تو تمہارے لئے ایک آزمائش ہیں ، اور وہ اﷲ ہی ہے جس کے پاس بڑا اَجر ہے

لہٰذا جہاں تک تم سے ہو سکے اﷲ سے ڈرتے رہو، اور سنو اور مانو، اور (اﷲ کے حکم کے مطابق) خرچ کرو، یہ تمہارے ہی لئے بہتر ہے۔ اور جو لوگ اپنے دل کی لالچ سے محفوظ ہوجائیں ، وہی فلاح پانے والے ہیں

اگر تم اﷲ کو اچھی طرح قرض دو گے تو اﷲ اُس کو کئی گنا بڑھادے گا، اور تمہارے گناہ بخش دے گا، اور اﷲ بڑا قدردان، بہت بُردبار ہے

وہ ہر بھید کا اور ہر کھلی ہوئی چیز کا جاننے والا ہے، بڑے اِقتدار کا، بڑی حکمت کا مالک !