الـقـلـم

(پھر) سب نے (متفق ہو کر) کہا کہ : ’’ افسوس ہے ہم سب پر ! یقیناہم سب نے سرکشی اِختیار کر لی تھی

کیا بعید ہے کہ اﷲ ہمیں اس باغ کے بدلے اُس سے اچھا عطا فرمادے۔ بیشک ہم اپنے پروردگار کی طرف رجوع کرتے ہیں ۔‘‘

عذاب ایسا ہی ہوتا ہے، اور آخرت کا عذاب یقینا سب سے بڑا ہے۔ کاش یہ لوگ جانتے !

البتہ متقیوں کیلئے اُن کے پروردگار کے پاس نعمتوں بھرے باغات ہیں

بھلا کیا ہم فرماں برداروں کو مجرموں کے برابر کردیں گے؟

تمہیں کیا ہوگیا ہے؟ تم کیسی باتیں طے کر لیتے ہو؟

کیا تمہارے پاس کوئی کتاب ہے جس میں تم یہ پڑھتے ہو

کہ تمہیں وہاں وہی کچھ ملے گا جو تم پسند کروگے؟

یا تم نے ہم سے قیامت تک باقی رہنے والی قسمیں لے رکھی ہیں کہ تمہیں وہی کچھ ملے گا جو تم طے کروگے؟

(اے پیغمبر !) ان سے پوچھو کہ : ’’ ان میں سے کون ہے جس نے اس بات کی ضمانت لے رکھی ہو؟‘‘