الجن

اور یہ کہ : ’’ ہم میں کچھ نیک ہیں ، اور کچھ ایسے نہیں ہیں ، اور ہم مختلف طریقوں پر چلے آرہے ہیں ۔‘‘

اور یہ کہ : ’’ ہم یہ سمجھ چکے ہیں کہ نہ ہم زمین میں اﷲ کو عاجز کر سکتے ہیں ، اور نہ (کہیں اور) بھاگ کر اُسے بے بس کر سکتے ہیں۔‘‘

اور یہ کہ : ’’ جب ہم نے ہدا یت کی بات سن لی تو ہم اس پر اِیمان لے آئے۔ چنانچہ جو کوئی اپنے پروردگار پر اِیمان لے آئے تو اُس کو نہ کسی گھاٹے کا اندیشہ ہوگا، اور نہ کسی زیادتی کا۔‘‘

اور یہ کہ : ’’ ہم میں سے کچھ تو مسلمان ہوگئے ہیں ، اور ہم میں سے (اب بھی) کچھ ظالم ہیں ۔ چنانچہ جو اِسلام لاچکے ہیں ، انہوں نے ہدایت کا راستہ ڈھونڈ لیا ہے

اور رہے وہ لوگ جو ظالم ہیں تو وہ جہنم کا ایندھن ہیں ۔‘‘

اور (اے پیغمبر ! اہلِ مکہ سے کہو کہ مجھ پر) یہ (وحی بھی آئی ہے) کہ : ’’ اگر یہ لوگ راستے پر آکر سیدھے ہو جائیں تو ہم انہیں وافر مقدار میں پانی سے سیراب کریں

تاکہ اس کے ذریعے اُن کو آزمائیں ۔ اور جو کوئی اپنے پروردگار کی یاد سے منہ موڑے گا، اﷲ اُسے چڑھتے ہوئے عذاب میں پِرودے گا۔‘‘

اور یہ کہ : ’’ سجدے تو تمام تر اﷲ ہی کا حق ہیں ، اس لئے اﷲ کے ساتھ کسی اور کی عبادت مت کرو۔‘‘

اور یہ کہ : ’’ جب اﷲ کا بندہ اُس کی عبادت کرنے کیلئے کھڑا ہوا تو ایسا معلوم ہوا جیسے یہ لوگ اُس پر ٹوٹے پڑ رہے ہیں ۔‘‘

کہہ دو کہ : ’’ میں تو صرف اپنے پروردگار کی عبادت کرتا ہوں ، اور اُس کے ساتھ کوئی شریک نہیں مانتا۔‘‘