الجن

کہہ دو کہ : ’’ نہ تمہارا کوئی نقصان میرے اِختیار میں ہے، اور نہ کوئی بھلائی۔‘‘

کہہ دو کہ : ’’ مجھے اﷲ سے نہ کوئی بچاسکتا ہے، اور نہ میں اُسے چھوڑ کر کوئی پناہ کی جگہ پاسکتا ہوں

البتہ (جس چیز پر مجھے اِختیار دیا گیا ہے، وہ) اﷲ کی طرف سے بات پہنچا دینا، اور اُس کے پیغامات ہیں ۔ اور جو کوئی اﷲ اور اُس کے رسول کی نافرمانی کرے گا، تو اُس کیلئے جہنم کی آگ ہے جس میں ایسے لوگ ہمیشہ ہمیشہ رہیں گے۔‘‘

(اور یہ لوگ نافرمانی کرتے رہیں گے) یہاں تک کہ جب وہ چیز انہیں نظر آجائے گی جس سے انہیں ڈرایا جارہا ہے تو اُس وقت انہیں پتہ چل جائے گا کہ کس کے مددگار کمزور ہیں ، اور کون تعداد میں کم ہے

کہہ دو کہ : ’’مجھے معلوم نہیں ہے کہ جس چیز سے تمہیں ڈرایا جارہا ہے، آیا وہ نزدیک ہے یا میرا پروردگار اُس کیلئے کوئی لمبی مدت مقرر فرماتا ہے

وہی سارے بھید جاننے والا ہے، چنانچہ وہ اپنے بھید پر کسی کو مطلع نہیں کرتا

سوائے کسی پیغمبر کے جسے اُس نے (اس کام کیلئے) پسند فرمالیا ہو۔ ایسی صورت میں وہ اُس پیغمبر کے آگے اور پیچھے کچھ محافظ لگا دیتا ہے

تاکہ اﷲ جان لے کہ انہوں نے اپنے پروردگار کے پیغامات پہنچادیئے ہیں ، اور وہ ان کے سارے حالات کا اِحاطہ کئے ہوئے ہے، اور اُس نے ہر ہر چیز کی پوری طرح گنتی کر رکھی ہے