الإنسان

اور (حقیقت تو یہ ہے کہ) جب تم وہ جگہ دیکھو گے تو تمہیں نعمتوں کا ایک جہان اور ایک بڑی سلطنت نظرآئے گی

اُن کے اُوپر باریک ریشم کا سبز لباس اور دبیز ریشم کے کپڑے ہوں گے، اور اُنہیں چاندی کے کنگنوں سے آراستہ کیا جائے گا، اور اُن کا پروردگار اُنہیں نہایت پاکیزہ شراب پلائے گا

(اور فرمائے گا کہ :) ’’ یہ ہے تمہارا اِنعام ! اور تم نے (دُنیا میں ) جو محنت کی تھی، اُس کی پوری قدر دانی کی گئی ہے۔‘‘

(اے پیغمبر !) ہم نے ہی تم پر قرآن تھوڑا تھوڑا کر کے نازل کیا ہے

لہٰذا تم اپنے پروردگار کے حکم پر ثابت قدم رہو، اور ان لوگوں میں سے کسی نافرمان یا کافر کی بات نہ مانو

اور اپنے پروردگار کا صبح و شام ذکر کیا کرو

اور کچھ رات کو بھی اُس کے آگے سجدے کیا کرو، اور رات کے لمبے وقت میں اُس کی تسبیح کرو

یہ لوگ تو (دُنیا کی) فوری چیز وں سے محبت کرتے ہیں ، اور اپنے آگے جو بھاری دن آنے والا ہے، اُسے نظر انداز کئے ہوئے ہیں

ہم نے ہی انہیں پیدا کیا ہے، اور اُن کے جوڑ بند مضبوط کئے ہیں ۔ اور ہم جب چاہیں ان کے بدلے ان جیسے دوسرے پیدا کردیں

حقیقت یہ ہے کہ یہ ایک نصیحت کی بات ہے، اب جو چاہے، اپنے پروردگار کی طر ف جانے والا راستہ اختیار کر لے