اللـيـل

اور جب ایسا شخص تباہی کے گڑھے میں گرے گا تو اُس کا مال اُس کے کچھ کام نہیں آئے گا

یہ سچ ہے کہ راستہ بتلادینا ہمارے ذمے ہے

اور یہ بھی سچ ہے کہ آخرت اور دُنیا دونوں ہمارے قبضے میں ہیں

لہٰذا میں نے تمہیں ایک بھڑکتی ہوئی آگ سے خبردار کر دیا ہے

اس آگ میں کوئی اور نہیں ، وہی بدبخت داخل ہوگا

جس نے حق کو جھٹلایا، اور منہ موڑا

اور اُس سے ایسے پرہیزگار شخص کو دُور رکھاجائے گا

جو اپنا مال پاکیزگی حاصل کرنے کیلئے (اﷲ کے راستے میں ) دیتا ہے

حالانکہ اُس پر کسی کا کوئی احسان نہیں تھا جس کا بدلہ دیا جاتا

البتہ وہ صرف اپنے اُس پروردگار کی خوشنودی چاہتا ہے جس کی شان سب سے اُونچی ہے