تقديرِ الهى كا دكر

 آیت ۵:  ہُوَ الَّذِیْ جَعَلَ الشَّمْسَ ضِیَآءً وَّالْقَمَرَ نُوْرًا:  «وہی ہے جس نے بنایا سورج کو چمکدار اور چاند کو نور»

            یہاں یہ نکتہ قابل غور ہے کہ سورج کے اندر جاری احتراق یعنی جلنے (combustion) کے عمل کی وجہ سے جو روشنی پیدا (generate) ہو رہی ہے اس کے لیے «ضیاء» جبکہ منعکس (reflect) ہو کر آنے والی روشنی کے لیے «نور» کا لفظ استعمال ہوا ہے۔ سورج اور چاند کی روشنی کے لیے قرآن حکیم نے دو مختلف الفاظ استعمال کیے ہیں، اس لیے کہ سورج کی اپنی چمک ہے اور چاند کی روشنی ایک انعکاس ہے۔

             وَّقَدَّرَہ مَنَازِلَ لِتَعْلَمُوْا عَدَدَ السِّنِیْنَ وَالْحِسَابَ:  «اور اُس نے اس (چاند) کی منزلیں مقرر کر دیں تا کہ تمہیں معلوم ہو گنتی برسوں کی اور تم (معاملاتِ زندگی میں) حساب کر سکو۔»

             مَا خَلَقَ اللّٰہُ ذٰلِکَ اِلاَّ بِالْحَقِّ یُفَصِّلُ الْاٰیٰتِ لِقَوْمٍ یَّعْلَمُوْنَ:  «اللہ نے یہ سب کچھ پیدا نہیں کیا مگرحق کے ساتھ، اور وہ تفصیل بیان کرتا ہے اپنی آیات کی ان لوگوں کے لیے جو علم حاصل کرنا چاہیں۔»

             یعنی یہ کائنات ایک بے مقصد تخلیق نہیں بلکہ ایک سنجیدہ، بامقصد اور نتیجہ خیز تخلیق ہے۔ 

 آیت ۲۱:  وَاِنْ مِّنْ شَیْئٍ اِلاَّ عِنْدَنَا خَزَآئِنُہ: «اور نہیں ہے کوئی شے مگر ہمارے پاس ہیں اس کے خزانے »

            کوئی شے ایسی نہیں ہے جس کے خزانے ہمارے پاس نہ ہوں۔ ہمارے خزانے اور وسائل لا محدود ہیں، لیکن:

             وَمَا نُنَزِّلُہ اِلاَّ بِقَدَرٍ مَّعْلُوْمٍ: «ہم نہیں نازل کرتے اس میں سے مگر ایک طے شدہ اندازے کے مطابق۔»

            اُن لا متناہی اور لا محدود خزانوں سے صرف ضرورت کے مطابق اشیاء دنیا میں بھیجی جاتی ہیں۔ جیسے ہمارے ہاں بڑے بڑے گوداموں سے ضرورت کے مطابق چیزوں کی ترسیل کی جاتی ہے۔ 

 آیت ۶۰:  اِلاَّ امْرَاَتَہ قَدَّرْنَآ اِنَّہَا لَمِنَ الْغٰبِرِیْنَ: «سوائے اُن کی بیوی کے، ہم نے اندازہ ٹھہرالیا ہے کہ وہ یقینا پیچھے رہنے والوں میں سے ہو گی۔»

 آیت ۱۸: وَاَنْزَلْنَا مِنَ السَّمَآءِ مَآءً بِقَدَرٍ:  «اور ہم نے آسمان سے پانی اُتارا ایک اندازے کے مطابق»

            زمین پر پانی اسی مقدار میں رکھا گیا ہے جس قدر واقعتا یہاں اس کی ضروت ہے۔ اگر اس مقدار سے پانی زیادہ ہو جائے تو روئے زمین سیلاب میں ڈوب جائے اور پوری نوعِ انسانی اس میں غرق ہو جائے۔ اور اگر اس مقدار سے کم ہو تو زمین پر زندگی کا وجود ہی ممکن نہ رہے ۔

            فَاَسْکَنّٰہُ فِی الْاَرْضِ وَاِنَّا عَلٰی ذَہَابٍ بِہِ لَقٰدِرُوْنَ:  «تو اسے ہم نے زمین میں ٹھہرا دیا اور ہم اس کو واپس لے جانے پر بھی قادر ہیں۔»

            اگر ہم چاہیں تو روئے ارضی سے پانی کا وجود ختم کر دیں اور یوں دنیا میں زندگی کی بنیاد ہی ختم ہو جائے۔ 

آیت ۲     الَّذِیْ لَہٗ مُلْکُ السَّمٰوٰتِ وَالْاَرْضِ: ’’وہ ہستی جس کے لیے ہے بادشاہی آسمانوں کی اور زمین کی‘‘

      وَلَمْ یَتَّخِذْ وَلَدًا وَّلَمْ یَکُنْ لَّہٗ شَرِیْکٌ فِی الْْمُلْکِ: ’’اور جس نے کسی کو اپنی اولاد نہیں بنایا، اور نہ ہی اس کا کوئی شریک ہے حکومت (کے اختیارات) میں‘‘

      وَخَلَقَ کُلَّ شَیْئٍ فَقَدَّرَہٗ تَقْدِیْرًا: ’’اور اُسی نے ہر شے کو پیدا کیااور پھراس کے لیے ایک اندازہ مقررہ کیا۔‘‘

      یہ آیت اپنے مضمون کے اعتبار سے سورۂ بنی اسرائیل کی آخری آیت سے بہت مشابہ ہے۔

آیت ۳۸    مَا کَانَ عَلَی النَّبِیِّ مِنْ حَرَجٍ فِیْمَا فَرَضَ اللّٰہُ لَہٗ: ’’نبیؐ پر کوئی مضائقہ نہیں اس بات میں جو اللہ نے اس کے لیے فرض کر دی ہے۔‘‘

         سُنَّۃَ اللّٰہِ فِی الَّذِیْنَ خَلَوْا مِنْ قَبْلُ: ’’ اللہ کا یہی طریقہ رہا ہے ان لوگوں کے بارے میں بھی جو پہلے گزر چکے ہیں۔‘‘

        تمام نبیوں اور رسولوں کے بارے میں اللہ تعالیٰ کا یہی طریقہ رہا ہے کہ جو چیز اُن پر فرض کر دی جاتی تھی اس پر انہیں عمل کرنا ہوتا تھا۔

        وَکَانَ اَمْرُ اللّٰہِ قَدَرًا مَّقْدُوْرَا: ’’اور اللہ کا فیصلہ قطعی طے شدہ تھا۔‘‘

        یہ سارا معاملہ اللہ کی مشیت میں پہلے سے طے ہو چکا تھا اور اس فیصلے کی تنفیذ کے لیے وقت مقر ر کیا جا چکا تھا۔ 

آیت ۱۸    وَجَعَلْنَا بَیْنَہُمْ وَبَیْنَ الْقُرَی الَّتِیْ بٰرَکْنَا فِیْہَا قُرًی ظَاہِرَۃً: ’’ہم نے ان کے (علاقے) اور ان بستیوں کے درمیان جنہیں ہم نے برکت عطا کر رکھی تھی واضح نظر آنے والی بستیاں قائم کر دی تھیں‘‘

        یہاں پر ’’با برکت بستیوں‘‘ سے ارضِ فلسطین مرا دہے۔ اس ضمن میں سورۂ بنی اسرائیل کی پہلی آیت میں مذکور بٰرَکْنَا حَوْلَہٗ کے الفاظ بھی مدنظر رہنے چاہئیں۔ آیت زیر مطالعہ میں دراصل اس زمانے کی ایک اہم شاہراہ کا ذکر ہوا ہے جس پر یورپ اور ایشیا کے مابین ہونے والی تجارت کے حوالے سے قومِ سبا کی اجارہ داری تھی۔ جیسا کہ قبل ازیں بھی ذکر ہو چکا ہے، یہ اپنے زمانے کی ایک بہت خوشحال اور طاقتور قوم تھی۔ ان کا علاقہ بہت سرسبز و شاداب تھا اور وہاں مختلف اقسام کی خوشبو ئیں کثرت سے پیداہوتی تھیں۔ پرانے زمانے کے سیاحوں کے حوالے سے قومِ سبا کے بارے میں ایسی بہت سی معلومات تاریخ میں دستیاب ہیں۔ چنانچہ اپنے دور کی ایک طاقتور اور خوشحال قوم کی حیثیت سے مشرق و مغرب کے درمیان ہونے والی تجارت پر ان کی اجارہ داری تھی (بعد میں ایک مدت تک اس تجارت پر قریش ِمکہ ّکی اجارہ داری رہی جس کا ذکر سورۃ القریش میں آیا ہے)۔ ہندوستان، چین اور دیگر مشرقی ممالک سے آنے والا تجارتی سامان یمن کی بندرگاہ پر اُترتا تھا، جبکہ یورپ سے آنے والا سامان بحیرۂ روم (Mediterranean Sea) کے راستے فلسطین کی بندرگاہ پر پہنچتا تھا۔ چنانچہ یمن اور فلسطین کے درمیان قومِ سبا کے تجارتی قافلے اس سامان کی نقل و حمل کے سلسلے میں مذکورہ شاہراہ پر سارا سال رواں دواں رہتے تھے۔

        یہ تجارتی شاہراہ اللہ تعالیٰ کی خصوصی مہربانی سے بہت ُپر سکون، پر امن اور ہر لحاظ سے مثالی تھی۔ اس کی کیفیت یوں تھی کہ تقریباً سو میل کے فاصلے تک اس شاہراہ کے دونوں طرف ان کے باغات پھیلے ہوئے تھے۔ اس کے بعد عین شاہراہ کے اوپر جگہ جگہ بستیاں اس طرح آباد تھیں کہ ایک بستی کی حدود ختم ہوتے ہی دوسری بستی کے آثار شروع ہو جاتے تھے۔ اس طرح تجارتی قافلے نہ صرف رہزنی وغیرہ کے خطرات سے محفوظ رہتے تھے بلکہ انہیں سفر و قیام کے دوران اشیائِ ضرورت اور مطلوبہ سہولیات بھی ہر جگہ ہر وقت دستیاب رہتی تھیں۔

        وَّقَدَّرْنَا فِیْہَا السَّیْرَ: ’’اور ہم نے اندازہ مقرر کر دیا تھا ان میں سفر کرنے کا۔‘‘

        یعنی ان کے درمیان سفر کی منزلیں مقرر کر دی تھیں۔ یہ آبادیاں شاہراہ کے عین کناروں پر اس طرح واقع تھیں کہ ایک آبادی سے دوسری آبادی تک کا درمیانی فاصلہ تیس چالیس میل کے لگ بھگ تھا اور یہ فاصلہ سفر کی منزلوں کے حساب سے رکھا گیا تھا تا کہ ہر منزل پر قافلوں کو قیام و طعام کی مطلوبہ سہولیات آسانی سے میسر آ سکیں۔

        سِیْرُوْا فِیْہَا لَیَالِیَ وَاَیَّامًا اٰمِنِیْنَ: ’’(ہم نے انہیں کہہ دیا تھا کہ) تم سفر کرو ان میں راتوں کو بھی اور دن کو بھی امن کے ساتھ۔‘‘

        یعنی ان میں رات دن بے خوف و خطر سفر کرو۔ 

آیت ۳۹   وَالْقَمَرَ قَدَّرْنٰـہُ مَنَازِلَ حَتّٰی عَادَ کَالْعُرْجُوْنِ الْقَدِیْمِ: ’’اور چاند کی ہم نے منزلیں مقرر کر دی ہیں، یہاں تک کہ وہ پھر کھجور کی پرانی سوکھی ٹہنی کی طرح ہو جاتا ہے۔‘‘

        ستائیسویں شب کی صبح کو دیکھیں تو چاند واقعی ایک سوکھی ہوئی ٹہنی کی طرح دکھائی دیتا ہے۔ 

آیت ۱۰:  وَجَعَلَ فِیْہَا رَوَاسِیَ مِنْ فَوْقِہَا: ’’اور اس میں اس نے بنائے پہاڑوں کے لنگر اس کے اوپر سے‘‘

         وَبٰرَکَ فِیْہَا وَقَدَّرَ فِیْہَآ اَقْوَاتَہَا فِیْٓ اَرْبَعَۃِ اَیَّامٍ: ’’اور اس میں برکات پیدا کیں اور اس میں اندازے مقررکیے اس کی غذاؤں کے، چار دنوں میں۔‘‘

        یعنی دو دنوں میں زمین کو پیدا کیا جو بذاتِ خود ایک بہت بڑی تخلیق ہے، پھر مزید دو دنوں میں اس کے اوپر سے اس پر پہاڑ جما دیے اور زمین کی مٹی کو روئیدگی کے قابل بنایا۔ زمین ابتدا میں تو آگ کے ایک ُکرے ّکی شکل میں تھی۔ آہستہ آہستہ یہ ٹھنڈی ہوئی۔ پہلے پہل اس کی مٹی میں صرف inorganic compounds پائے جاتے تھے۔ ہوتے ہوتے organic compounds پیدا ہوئے۔ اس کے بعداس میں وہ صلاحیت اور اہلیت پیدا ہوئی کہ یہ زندگی کا گہوارہ بن سکے۔ یہ سارا عمل چار دنوں میں مکمل ہوا۔ یہ آیت تا حال آیات متشابہات میں سے ہے، ابھی تک ہم ان چار دنوں کی حقیقت اور تفصیل کے بارے میں کچھ نہیں جانتے۔

         سَوَآءً لِّلسَّآئِلِیْنَ: ’’تمام سائلین کے لیے برابر۔‘‘

        زمین کی مختلف صلاحیتوں، اس کی پیداوار اور اس کے غذائی ذخائر پر ان سب کا حق برابر ہے جنہیں ان کی ضرورت ہے۔ اس میں کسی کے لیے کوئی خاص حصہ نہیں رکھا گیا۔ 

آیت ۲۷:  وَلَوْ بَسَطَ اللّٰہُ الرِّزْقَ لِعِبَادِہٖ لَبَغَوْا فِی الْاَرْضِ: ’’اور اگر اللہ کشادہ کر دیتا رزق اپنے سب بندوں کے لیے تو وہ زمین میں سرکشی کرتے‘‘

        یقینا اللہ کے خزانے بہت وسیع ہیں، لیکن اگر وہ ان خزانوں کو سب کے لیے کھول دیتا اور ہر کسی کو اس کی خواہش اور مرضی کے مطابق با فراغت اور با سہولت رزق ملنا شروع ہو جاتا تو انسانوں کی اکثریت اللہ سے سرکشی پر اُتر آتی۔ کیونکہ اب جب کہ دو وقت کی روٹی کمانے کے لیے دن رات مشقت میں جُتے رہنے کے باوجود بھی ان میں سے اکثر اللہ کے نافرمان ہیں تو فکر معاش سے فراغت تو ان کو بالکل ہی باغی بنا دیتی۔

         وَلٰکِنْ یُّنَزِّلُ بِقَدَرٍ مَّا یَشَآءُ اِنَّہٗ بِعِبَادِہٖ خَبِیْرٌ بَصِیْرٌ: ’’لیکن اللہ نازل کرتا ہے ایک اندازے کے مطابق جو چاہتا ہے۔ یقینا وہ اپنے بندوں (کے حالات) سے باخبر، ان کو دیکھنے والا ہے۔‘‘

آيت 12:  وَفَجَّرْنَا الْأَرْضَ عُيُونًا:  «اور هم نے زمين كو پھاڑ كر چشمے هى چشمے كر ديا».

اس وقت اس علاقے كى صورت حال يوں تھى كه آسمان سے مسلسل موسلادھار بارش هو رهى تھى اور نيچے زمين سے جا بجا چشمے اس طرح پھوٹ رهے تھے كه زمين گويا چشموں ميں تبديل هو گئى تھى.

    فَالْتَقَى الْمَاءُ عَلَى أَمْرٍ قَدْ قُدِرَ:  «تو وه سارا پانى مل گيا ايك ايسے كام كے ليے جس كا فيصله هو چكا تھا».

الله تعالى كى طرف سے اس نافرمان قوم كو غرق كرنے كا فيصله هو چكا تھا. چنانچه الله تعالى كے اس فيصلے كے مطابق آسمان سے برسنے والے اور زمين سے پھوٹنے والے پانى نے مل كر ايك خوف ناك سيلاب كى شكل اختيار كرلى.

آيت 49:  إِنَّا كُلَّ شَيْءٍ خَلَقْنَاهُ بِقَدَرٍ:  «يقينا هم نے هر چيز ايك اندازے كے مطابق پيدا كى هے».

آيت 60:  نَحْنُ قَدَّرْنَا بَيْنَكُمُ الْمَوْتَ وَمَا نَحْنُ بِمَسْبُوقِينَ:  «هم نے تمهارے مابين موت كو ٹھهرا ديا هے، اور هم اس سے عاجز نهيں هيں».

          يه ركوع صرف ايك آيت پر مشتمل هے۔ اس آيت كے زمانه نزول كے بارے ميں جو روايات ملتى هيں ان ميں بهت اختلاف پايا جاتا هے۔ كوئى روايت بتاتى هے كه يه آيت اس سورت كے پهلے حصے كے نزول كے آٹھ ماه بعد نازل هوئى اور اس سے قيام الليل كا پهلا حكم منسوخ هوگيا۔ كچھ روايات ميں يه مدت ايك سال اور كچھ ميں 16 ماه بتائى گئى هے۔ ايك رائے يه بھى هے كه يه آيت مدنى هے اور پهلى آيات كے گياره سال بعد نازل هوئى۔ اس آيت كو سمجھنے اور اس سے متعلق روايات ميں پائے جانے والے غير معمولى اختلاف كى وجه جاننے كے ليے ميں ايك عرصه تك پريشان رها۔ اس ميں حيرت كى بات يه هے كه اس حوالے سے كسى تفسير سے بھى مجھے كوئى واضح راه نمائى نه مل سكى۔ پھر كسى زمانے ميں علامه جلال الدين سيوطى رحمه الله كى كتاب «الاتقان فى علوم القرآن» كا مطالعه كرتے هوئے اتفاقاً مجھے اس بارے ميں حضرت عبد الله بن عباس رضى الله عنه كا يه قول مل گيا كه يه ايك نهيں دو آيات هيں۔ چناں چه اس قول كى روشنى ميں اس نكتے پر ميرا دل مطمئن هوگيا كه اس كلام كا نزول تو دو حصوں ميں، دو الگ الگ مواقع پر هوا، ليكن حضور صلى الله عليه وسلم كے فرمان كے مطابق اسے ايك آيت شمار كيا گيا۔ 

آيت 20: إِنَّ رَبَّكَ يَعْلَمُ أَنَّكَ تَقُومُ أَدْنَى مِن ثُلُثَيِ اللَّيْلِ وَنِصْفَهُ وَثُلُثَهُ: «(اے نبى صلى الله عليه وسلم!) يقيناً آپ كا رب جانتا هے كه آپ قيام كرتے هيں كبھى دو تهائى رات كے قريب، كبھى نصف رات اور كبھى ايك تهائى رات»

وَطَائِفَةٌ مِّنَ الَّذِينَ مَعَكَ: «اور جو لوگ آپ كے ساتھ هيں ان ميں سے بھى ايك جماعت آپ كے ساتھ (كھڑى) هوتى هے۔»

وَاللَّهُ يُقَدِّرُ اللَّيْلَ وَالنَّهَارَ: «اور الله هى رات اور دن كا اندازه كرتا هے۔»

          رات اور دن كے اوقات بھى الله نے بنائے هيں اور انسانوں كو بھى اسى نے پيدا كيا هے، اس ليے وه اپنے بندوں كى استعداد سے خوب واقف هے۔

عَلِمَ أَن لَّن تُحْصُوهُ: «الله جانتا هے كه تم اس كى پابندى نهيں كرسكو گے»

          يعنى الله كو معلوم هے كه اس انداز سے يه مشقت زياده عرصے تك نهيں جھيلى جاسكتى۔

فَتَابَ عَلَيْكُمْ: «تو اس نے تم پر مهربانى فرمائى هے»

فَاقْرَؤُوا مَا تَيَسَّرَ مِنَ الْقُرْآنِ: «تو اب قرآن سے جتنا بآسانى پڑھ سكتے هو پڑھ ليا كرو۔»

          حضرت عبد الله بن عباس رضى الله عنه كے مذكوره قول كى روشنى ميں ميرا خيال هے كه اس آيت كا يه حصه پهلى آيات كے گياره ماه يا ايك سال بعد نازل هوا۔ اس حكم كے ذريعے دو تهائى يا نصف يا ايك تهائى رات تك قيام كرنے كى پابندى ختم كردى گئى اور يه سهولت دے دى گئى كه هر شخص اپنى استطاعت كے مطابق قيام الليل ميں جتنا ممكن هو اتنا قرآن پڑھ ليا كرے۔ البته آيت كا دوسرا (درج ذيل) حصه جس ميں قتال كا ذكر هے، اس كے متعلق ميں سمجھتا هوں كه يه هجرت سے متصلاً قبل يا هجرت كے متصلاً بعد نازل هوا۔ چناں چه گياره سال كے وقفے والى روايت اس حصے سے متعلق هے۔

عَلِمَ أَن سَيَكُونُ مِنكُم مَّرْضَى: «الله كے علم ميں هے كه تم ميں كچھ لوگ مريض هوں گے»

وَآخَرُونَ يَضْرِبُونَ فِي الأَرْضِ يَبْتَغُونَ مِن فَضْلِ اللَّهِ: «اور بعض دوسرے زمين ميں سفر كريں گے الله كے فضل كو تلاش كرتے هوں گے»

وَآخَرُونَ يُقَاتِلُونَ فِي سَبِيلِ اللَّهِ: «اور كچھ الله كى راه ميں قتال كررهے هوں گے»

          اب ظاهر هے كه ايسے لوگوں كے ليے رات كو طويل قيام كرنا ممكن نهيں۔

فَاقْرَؤُوا مَا تَيَسَّرَ مِنْهُ: «چناں چه جس قدر تمهارے ليے آسان هو اس سے پڑھ ليا كرو»

وَأَقِيمُوا الصَّلاةَ وَآتُوا الزَّكَاةَ: «اور نماز قائم كرو اور زكوة ادا كرو»

          اب اس حكم ميں نماز پنج گانه كى تاكيد هے اور نماز پنج گانه ظاهر هے 10 نبوى ميں معراج كے موقع پر فرض هوئى تھى، اس لحاظ سے بھى يه رائے درست معلوم هوتى هے كه آيت كا يه حصه 10 نبوى كے بعد هجرت سے پهلے يا هجرت كے فورًاً بعد نازل هوا۔ اس حكم ميں پانچ نمازوں كو قيام الليل كا بدل قرار دے ديا گيا، البته رمضان ميں قيام الليل كا معامله اس سے مستثنى رها۔ رمضان چونكه نزولِ قرآن كا مهينه هے: (شَهْرُ رَمَضَانَ الَّذِيَ أُنزِلَ فِيهِ الْقُرْآنُ) (البقرة: 185) «رمضان كا مهينه وه هے جس ميں قرآن نازل كيا گيا» چناں چه قرآن سے تعلق كى تجديد كے ليے اس مهينے ميں قيام الليل كى خصوصى ترغيب دى گئى هے۔ حضرت سلمان فارسى رضى الله عنه نے رمضان كى آمد پر حضور صلى الله عليه وسلم كا ايك خطبه نقل كيا هے، جس ميں يه الفاظ وارد هوئے هيں: «جَعَلَ اللَّهُ صِيَامَهُ فَرِيضَةً، وَقِيَامَ لَيْلِهِ تَطَوُّعًا»۔ «اس مهينے كے روزے الله تعالى نے فرض كيے هيں اور اس كى راتوں ميں بارگاه خداوندى ميں كھڑا هونے (يعنى نماز تراويح پڑھنے) كو نفل عبادت مقرر كيا هے (جس كا بهت بڑا ثواب ركھا هے)»۔

يعنى رمضان كے روزے تو اهل ايمان پر فرض كر ديے گئے كه اهل ثروت، نادار، مزدور، كسان وغيره سبھى روزه ركھيں اور بھوك پياس كى سختياں برداشت كرنے كے عادى بن كر خود كو جهاد فى سبيل الله كے ليے تيار ركھيں۔ جب كه رمضان كى راتوں كے قيام كے ليے اختيار دے ديا گيا كه جو كوئى اس كا اهتمام كرسكتا هو وه ضرور اس كى بركتوں سے مستفيض هو۔ بعد ميں خليفه دوم حضرت عمر فاروق رضى الله عنه كے دورِ خلافت ميں اسے اجتماعى شكل دے دى گئى۔ چناں چه اجتماعى قيام الليل كا وه سلسله جس كا اهتمام همارے هاں باجماعت تراويح كى صورت ميں هوتا هے حضرت عمر رضى الله عنه كى وساطت سے امت تك پهنچا هے۔ يه در اصل قيام الليل كا عوامى پروگرام هے اور اس كا بنيادى مقصد يه هے كه قيام الليل كى بركتوں سے كوئى شخص بھى محروم نه رهنے پائے۔ قرون اولى كے مخصوص ماحول اور حالات ميں اس باجماعت قيام الليل كى افاديت بهت زياده تھى۔ قرآن مجيد كى زبان چوں كه ان لوگوں كى اپنى زبان تھى اس ليے امام كى زبان سے ادا هونے والا ايك ايك لفظ «از دل خيزد بر دل ريزد» كے مصداق تمام سامعين كے دلوں ميں اترتا چلا جاتا تھا، ليكن آج همارے هاں كى تراويح كے اكثر و بيشتر مقتدى تو «زبان يار من تركى ومن تركى نمى دانم» كى تصوير بنے سارا وقت ركعتوں كے حساب ميں مشغول رهتے هيں (الا ماشاء الله)۔ چناں چه اس عظيم الشان فورم پر بھى اب قرآن كا سننا بس سننے كى حد تك هى هے اور تفهيم و تذكير كے حوالے سے اس استماع كى افاديت نه هونے كے برابر ره گئى هے۔

وَأَقْرِضُوا اللَّهَ قَرْضًا حَسَنًا: «اور الله كو قرض حسنه دو»۔

وَمَا تُقَدِّمُوا لأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا: «اور جو بھلائى بھى تم آگے بھيجو گے اپنى جانوں كے ليے، اسے موجود پاؤ گے الله كے پاس بهتر اور اجر ميں بڑھ كر۔»

جو نيك اعمال تم نے آگے بھيجے هوں گے انهيں الله تعالى كے پاس تم بهت هى بهتر حالت ميں پاؤ گے۔ الله تعالى تمهارے ان اعمال كو نه صرف سات سو گنا تك بڑھا كر تمهيں لوٹائے گا بلكه اپنے فضل خاص سے اس كے بدلے خصوصى اجر بھى تمهيں عطا فرمائے گا۔

وَاسْتَغْفِرُوا اللَّهَ إِنَّ اللَّهَ غَفُورٌ رَّحِيمٌ: «اور الله سے مغفرت طلب كرتے رهو، يقيناً الله تعالى بهت بخشنے والا، رحمت فرمانے والا هے۔»

آيت 22: إِلَى قَدَرٍ مَّعْلُومٍ: «ايك طے شده مدت تك»۔

آيت 23: فَقَدَرْنَا فَنِعْمَ الْقَادِرُونَ: «تو هم نے اندازه مقرر كيا، اور هم كيا هى اچھے هيں اندازه مقرر كرنے والے!»

        اس آيت كا ايك مفهوم يه بھى هے كه هم نے يه سب كچھ اپنى قدرت سے كيا اور هم كيا هى اچھى قدرت ركھنے والے هيں!

آيت 19: مِنْ نُطْفَةٍ: «ايك بوند سے۔»

خَلَقَهُ فَقَدَّرَهُ: «اس نے اسے پيدا كيا اور اس كا ايك اندازه مقرر كرديا۔»

اندازے سے مراد يهاں هر انسان كا «شاكله» هے، جس كا ذكر سورة بنى اسرائيل كى آيت 84 ميں آيا هے۔ انسان كا شاكله دراصل اس كى فطرى يا جبلى خصوصيات اور اس كے ماحول كے اس كى شخصيت پر مرتب هونے والے اثرات كے مجموعے سے تشكيل پاتا هے۔ يعنى هر انسان كى وه شخصيت جو اسے پيدائشى طور پر جينز genes كى صورت ميں اپنے والدين كى طرف سے ملتى هے، عملى زندگى ميں آكر اپنے ماحول كے مخصوص اثرات كى وجه سے ايك خاص قالب ميں ڈھل جاتى هے۔ انسانى شخصيت كے اسى قالب كو اس انسان كا شاكله كها جائے گا۔

(مزيد تفصيل كے ليے ملاحظه هو تشريح آيت 84، سوره بنى اسرائيل)

آيت 3: وَالَّذِي قَدَّرَ فَهَدَى: «اور جس نے (هر شے كا) اندازه مقرر كيا، پھر اسے (فطرى) هدايت عطا فرمائى۔»۔

        ان چار الفاظ (خَلَقَ، فَسَوَّى، قَدَّرَ۔ فَهَدَى) ميں الله تعالى كى صفات كا بيان بھى هے اور تخليقى عمل كے مختلف مراحل كا ذكر بھى۔ الله تعالى كى صفت تخليق كے حوالے سے تين اسمائےحسنى (اَلْخَالِقُ، اَلْبَارِىْ، اَلْمُصَوِّرُ) كا ايك ساتھ ذكر قبل ازيں سورة الحشر كى آخرى آيت ميں بھى آچكا هے۔ سورة الحشر كى اس آيت ميں الله تعالى كى يه تين صفات ايك خاص منطقى ترتيب سے بيان هوئى هيں۔ يه ترتيب دراصل تخليقى عمل كے مرحله وار ارتقاء كى نشان دهى كرتى هے۔ الله تعالى سب سے پهلے كسى چيز كا نقشه يا نمونه بناتا هے، اس لحاظ سے وه خالق هے۔ پھر وه مطلوبه چيز كو طے شده نمونے كے مطابق عدم سے وجود ميں ظاهر فرماتا هے، اس اعتبار سے وه البارى هے۔ تيسرے مرحلے ميں وه اس تخليق كو ظاهرى صورت يا شكل عطا فرماتا هے، اس مفهوم ميں وه المصور هے۔

        سورة الحشر كى مذكوره آيت ميں تخليقى عمل كے جن تين مراحل كا ذكر هوا هے ان كا تعلق چيزوں كے ظاهرى يا مادى وجود سے هے، جب كه زير مطالعه آيات ميں مادى وجود كى تخليق كے ساتھ ساتھ چيزوں كے باطنى خصائص كى تخليق كا ذكر بھى هے۔ (خلق فسوى كے الفاظ كسى تخليق كے باطنى پهلوؤں كى نشان دهى كرتے هيں۔)

        اب هم ان الفاظ كے معانى و مفهوم كو انسانى ماحول كى مثالوں سے سمجھنے كى كوشش كرتے هيں۔ چناں چه پهلے دو مراحل (تخليق اور تسوية) كو ايك عمارت كى مثال كے حوالے سے يوں سمجھيے كه كسى عمارت كا ڈھانچه كھڑا كردينا اس كى «تخليق» هے، جب كه اس كو سجانا، سنوارنا (FINISHING) وغيره اس كا تسويه هے۔ تخليق كا تيسرا مرحله جس كا يهاں ذكر هوا هے وه «قدر» هے۔ قدر كے لغوى معنى اندازه مقرر كرنے كے هيں، جسے عرف عام ميں همارے هاں تقدير كها جاتا هے۔ اس مفهوم ميں كسى تخليق كے معيار، اس كى صلاحيت، استعداد اور حدود (limitations) سميت جمله خصوصيات كو اس كى قدر يا تقدير كها جائے گا۔ مثلاً انسان اشرف المخلوقات تو هے ليكن وه هوا ميں اڑنے سے معذور هے۔ اس كے مقابلے مين ايك چھوٹى سى چڑيا آسانى سے هوا ميں اڑتى پھرتى هے۔ تو گويا هوا ميں اڑنے كى يه صلاحيت ركھنا چڑيا كى تقدير كا خاصه هے اور اس اعتبار سے معذور هونا انسان كى تقدير كا حصه هے۔ اس كے بعد تخليق كے اگلے مرحلے كے طور پر يهاں «هدايت» كا ذكر آيا هے۔ اس سے مراد وه فطرى اور جبلى هدايت هے جو الله تعالى نے اپنى هر مخلوق كو پيدائشى طور پر عطا كر ركھى هے۔ اسى «هدايت» كى روشنى ميں بكرى كو معلوم هوا هے كه اسے گھاس كھانا هے اور شير جانتا هے كه اس كى غذا گوشت هے۔ غرض هر جان دار اپنى زندگى اسى طريقے اور اسى لائحه عمل كے مطابق گزار رها هے جو الله تعالى نے اس كے ليے طے كرديا هے۔

        تخليق كے ان چار مراحل كے حوالے سے اگر هم انسانى زندگى كا جائزه ليں تو پهلے دو مراحل يعنى تخليق اور تسويه كے اعتبار سے تو انسان ميں اور الله تعالى كى دوسرى مخلوقات ميں كوئى فرق نهيں۔ ليكن اگلے دو مراحل (تقدير اور هدايت) كے حوالے سے انسان كا معامله دوسرى مخلوقات سے الگ هے۔ اس لحاظ سے هر انسان كى قدر، صلاحيت اور استعداد الله تعالى كے هاں دو طرح سے طے پاتى هے۔ اس كا ايك پهلو يا ايك حصه تو وه هے جو اسے پيدائشى طور پر جينز (genes) كى صورت ميں عطا هوا (given) هے اور دوسرا پهلو يا دوسرا حصه اس كے ماحول كا هے جس ميں وه آنكھ كھولتا اور پرورش پاتا هے۔ ان دونوں پهلوؤں كے اچھے برے اور مثبت و منفى عوامل كے ملنے سے هر انسان كى شخصيت كا ايك سانچه تيار هوتا هے جسے سوره بنى اسرائيل كى آيت 84 ميں «شاكله» كا نام ديا گيا هے۔ (سوره بنى اسرائيل كى اس آيت كے تحت اس اصطلاح كى وضاحت كى جاچكى هے۔) اسى سانچه يا شاكله سے هر انسان كى استعداد كى حدود متعين هوتى هيں۔ اور كوئى انسان انگريزى محاوره: 'ones skin one cannot out grow' (كوئى انسان اپنى كھال سے باهر نهيں نكل سكتا) كے مصداق ان حدود سے تجاوز نهيں كرسكتا۔ هر انسان نيكى كرے گا تو اپنى اسى استعداد كے مطابق كرے گا اور اگر برائى كمائے گا تو ان هى حدود كے اندر ره كر ايسا كرے گا۔ غرض هر انسان كى عملى زندگى كى سارى محنت، كوشش اور بھاگ دوڑ اپنے شاكله كے مطابق هى هوگى اور الله تعالى كے هاں اس كى جانچ (evaluation) بھى اسى حوالے سے كى جائے گى۔ مثلاً ايك شخص كى صلاحيت پچاس درجے تك پهنچنے كى تھى، اگر وه چاليس درجے تك پهنچ گيا تو هوسكتا هے كه الله تعالى كے هاں وه كامياب قرار پائے۔ اس كے مقابلے ميں ايك دوسرا شخص جو سو درجے تك جانے كى استعداد ركھتا تھا، وه ممكن يے پچاس درجے تك پهنچنے كے بعد بھى ناكام رهے۔ بهر حال اس حوالے سے الله تعالى نے ايك اصول طے فرماديا كه (لَا يُكَلِّفُ اللَّهُ نَفْسًا إِلَّا وُسْعَهَا) (البقرة: 286) «الله تعالى نهيں ذمه دار ٹھهرائے گا كسى جان كو مگر اس كى وسعت كے مطابق»۔

        اسى طرح انسان كى هدايت كے بھى دو درجے هيں۔ پهلا درجه تو جبلى هدايت كا هے۔ يعنى جس طرح الله تعالى نے اپنى هر مخلوق كو جبلى هدايت سے نواز ركھا هے اسى طرح اس نے هر انسان كو بھى فطرى اور جبلى طور پر هدايت كا ايك حصه عطا فرمايا هے۔ جب كه انسان كى هدايت كا دوسرا حصه وه هے جو الله تعالى نے اسے وحى كے ذريعے عطا فرمايا هے۔ يعنى انسان كى فطرت ميں پهلے سے وديعت شده بنيادى هدايت كى تكميل كے ليے الله تعالى نے دنيا ميں پيغمبر بھى بھيجے اور كتابيں نازل كيں۔