قربانى كے جانور اور قلاده كا ذكر

آیت 97:   جَعَلَ اللّٰہُ الْـکَعْبَۃَ الْبَیْتَ الْحَرَامَ قِیٰمًا لِّلنَّاسِ:  ،،اللہ نے کعبے کو جو کہ بیت الحرام ہے،  لوگوں  کے قیام کا باعث بنا دیا ہے،،

             وَالشَّہْرَ الْحَرَامَ وَالْہَدْیَ وَالْقَلَآئِدَ:   ،،اور حرمت والا مہینہ،  قربانی کے جانور اور وہ جانور بھی جن کے گلوں  میں  پٹے ڈال دیے گئے ہوں ،،

            یہ سب اللہ تعالیٰ کے شعائر ہیں  اور اسی کے معیّن کردہ ہیں۔  سورۃ کے شروع میں  بھی ان کا ذکر آ چکا ہے۔ یہاں در اصل تو ثیق ہو رہی ہے کہ یہ سب چیزیں زمانہ جاہلیت کی روایات نہیں ہیں  بلکہ خانہ کعبہ کی ُحرمت اور عظمت کی علامت ہیں ۔    ٔ

             ذٰلِکَ لِتَعْلَمُوْٓا اَنَّ اللّٰہَ یَعْلَمُ مَا فِی السَّمٰوٰتِ وَمَا فِی الْاَرْضِ:  ،،یہ اس لیے کہ تم اچھی طرح جان لو کہ اللہ تعالی کو آسمانوں  اور زمین کی ہر شے کا علم ہے،،

             وَاَنَّ اللّٰہَ بِکُلِّ شَیْئٍ عَلِیْمٌ:  ،،اور یہ کہ اللہ ہر شے کا علم رکھتا ہے۔،،

            آگے چل کر اِن چیزوں  کے مقابلے میں  اُن چار چیزوں  کا ذکر آئے گا جو اہل ِعرب کے ہاں  بغیر کسی سند کے حرام کر لی گئی تھیں۔ 

 آیت ۲۸:  لِّیَشْہَدُوْا مَنَافِعَ لَہُمْ:   «تا کہ وہ حاضر ہوں اپنی منفعت کی جگہوں پر»

            وَیَذْکُرُوا اسْمَ اللّٰہِ فِیْٓ اَیَّامٍ مَّعْلُوْمٰتٍ عَلٰی مَا رَزَقَہُمْ مِّنْ بَہِیْمَۃِ الْاَنْعَامِ:   «اور اللہ کا نام لیں معین دنوں میں ان مویشیوں پر جو اُس نے انہیں عطا کیے ہیں۔»

            «اَیَّامٍ مَّعْلُوْمٰتٍ» سے مراد قربانی (۱۰، ۱۱ اور ۱۲ ذو الحجہ) کے دن ہیں۔ یعنی ایامِ نحرمیں وہ لوگ اللہ کا نام لے کر جانور ذبح کریں۔

            فَکُلُوْا مِنْہَا وَاَطْعِمُوا الْبَآئِسَ الْفَقِیْرَ:   «تو اس میں سے خود بھی کھاؤ اور خستہ حال محتاجوں کو بھی کھلاؤ۔»