غزوه بنو نضير كا ذكر

آيت 2:  هُوَ الَّذِي أَخْرَجَ الَّذِينَ كَفَرُوا مِنْ أَهْلِ الْكِتَابِ مِنْ دِيَارِهِمْ لِأَوَّلِ الْحَشْرِ:  «وهى هے جس نے نكال باهر كيا ان كافروں كو جو اهلِ كتاب ميں سے تھے ان كے گھروں سے، پهلے جمع هونے كے وقت».

يه يهودى قبيله بنو نضير كى مدينه منوره سے جلا وطنى كے واقعه كا ذكر هے. اس واقعه كا پس منطر يوں هے كه حضور صلى الله عليه وسلم كے هجرت كے وقت مدينه (يثرب) ميں تين يهودى قبائل: بنو قينقاع، بنو نضير اور بنو قريظه آباد تھے. حضور صلى الله عليه وسلم نے مدينه تشريف لانے كے فورًا بعد ان قبائل كے ساتھ ايك معاهده كيا جو تاريخ ميں «ميثاقِ مدينه» كے نام سے مشهور هے. اپنى نوعيت كے اعتبار سے بنيادى طور پر يه مدينه كے «مشتركه دفاع» كا معاهده تھا.  ان ميں سے قبيله بنو قينقاع نے تو معاهدے كے كچھ هى دير بعد مسلمانوں كے خلاف سازشيں شروع كر ديں. چنانچه معاهدے كى مسلسل خلاف ورزيوں كى بنا پر حضور صلى الله عليه وسلم نے غزوه بدر كے بعد اس قبيله كو مدينه بدر كر ديا. غزوه اُحد (3 هجرى) كے بعد قبيله بنو نضير نے بھى مسلمانوں كے خلاف سازشيں شروع كر ديں. غزوه اُحد ميں مسلمانوں كى وقتى شكست سے ان كى كمزورى كا تأثر لے كر جهاں عرب كے بهت سے دوسرے قبائل نے سر اُٹھانا شروع كيا، وهاں يه قبيله بھى اپنے عهد كى خلاف ورزى كرتے هوئے مسلمانوں كے خلاف مهم جوئى ميں شامل هو گيا. ان كے سردار كعب بن اشرف نے قريشِ مكه سے گٹھ جوڑ كر كے انهيں مدينه پر حمله كرنے كى باقاعده دعوت دى اور انهيں يقين دلايا كه تم لوگ باهر سے حمله كرو، هم اندر سے تمهارى مدد كريں گے. اسى دوران كعب بن اشرف نے حضور صلى الله عليه وسلم كو (نعوذ بالله) شهيد كرنے كى ايك سازش بھى تيار كى. اس كے ليے ان لوگوں نے حضور صلى الله عليه وسلم كو كسى اهم بات چيت كے بهانے اپنے هاں بلايا. منصوبه يه تھا كه كسى ديوار كے بالكل ساتھ آپ صلى الله عليه وسلم كى نشست كا انتظام كيا جائے اور جب آپ وهاں بيٹھے هوں تو ديوار كے اوپر سے چكى كا بھارى پاٹ آپ صلى الله عليه وسلم پر گرا ديا جائے. آپ صلى الله عليه وسلم ان كے بلانے پر ان كے محلے ميں تشريف لے گئے مگر الله تعالى نے جب وحى كے ذريعے آپ صلى الله عليه وسلم كو ان كى اس گھناؤنى سازش سے آگاه كيا تو آپ صلى الله عليه وسلم واپس تشريف لے آئے.

بنو نضير كى ان ريشه دوانيوں اور مسلسل بد عهدى كى وجه سے بالآخر ربيع الاول 4 هجرى ميں حضور صلى الله عليه وسلم نے ان كے خلاف لشكر كشى كا حكم دے ديا. البته جب مسلمانوں نے ان كى گڑھيوں كا محاصره كيا تو انهوں نے چند دن محصور رهنے كے بعد بغير لڑے هتھيار ڈال ديے. اس پر حضور صلى الله عليه وسلم نے ان كى جان بخشى كرتے هوئے انهيں مدينه سے نكل جانے كا حكم ديا، بلكه آپ صلى الله عليه وسلم نے مزيد نرمى كرتے هوئے انهيں يه اجازت بھى دے دى كه جاتے هوئے وه جس قدر سامان اونٹوں پر لاد كر لے جا سكتے هيں، لے جائيں. غزوه احزاب (5 هجرى) كے بعد بنو قريظه كو بھى ان كى عهد شكنى اور سازشوں كى وجه سے كيفر كردار تك پهنچا ديا گيا. اس طرح يهودِ مدينه كے تينوں قبائل ميثاقِ مدينه كى خلاف ورزى كے باعث ايك ايك كر كے اپنے انجام كو پهنچ گئے.

آيت ميں لِاَوَّلِ الْحَشْرِ كا ايك مفهوم تو يه سمجھ ميں آتا هے كه مسلمانوں نے پهلى مرتبه هى جب ان پر لشكر كشى كى تو انهوں نے هتھيار ڈال ديے. اس كے علاوه اس كا يه مطلب بھى هو سكتا هے كه مدينه سے جلا وطنى تو ان لوگوں كا پهلا حشر هے، پھر ايك وقت آئے گا جب انهيں خيبر سے بھى نكال ديا جائے گا اور اس كے بعد انهيں جزيره نمائے عرب كو بھى خيرباد كهنا پڑے گا (چنانچه حضرت عمر رضى الله عنه كے دور ميں تمام عيسائيوں اور يهوديوں كو جزيره نمائے عرب سے نكال ديا گيا) اور پھر ايك حشر وه هو گا جو قيامت كے دن برپا هو گا.

مَا ظَنَنْتُمْ أَنْ يَخْرُجُوا:  «(اے مسلمانو!) تمهيں يه گمان نهيں تھا كه وه (اتنى آسانى سے) نكل جائيں گے»

وَظَنُّوا أَنَّهُمْ مَانِعَتُهُمْ حُصُونُهُمْ مِنَ اللَّهِ:  «اور وه بھى سمجھتے تھے كه ان كے قلعے انهيں الله (كى پكڑ) سے بچا ليں گے»

فَأَتَاهُمُ اللَّهُ مِنْ حَيْثُ لَمْ يَحْتَسِبُوا:  «تو الله نے ان پر حمله كيا وهاں سے جهاں سے انهيں گمان بھى نه تھا».

وَقَذَفَ فِي قُلُوبِهِمُ الرُّعْبَ:  «اور ان كے دلوں ميں اس نے رعب ڈال ديا»

الله تعالى اپنے دشمنوں كو جس طريقے سے چاهے هزيمت سے دو چار كر دے. اس موقع پر الله تعالى نے انهيں اس قدر مرعوب كر ديا كه وه اپنے مضبوط قلعوں كے اندر بھى خود كو غير محفوظ سمجھنے لگے اور اپنے تمام تر وسائل كے باوجود بھى مسلمانوں سے مقابله كرنے كى همت نه كر سكے.

يُخْرِبُونَ بُيُوتَهُمْ بِأَيْدِيهِمْ وَأَيْدِي الْمُؤْمِنِينَ:  «وه برباد كر رهے تھے اپنے گھروں كو، خود اپنے هاتھوں سے بھى اور اهلِ ايمان كے هاتھوں سے بھى».

چونكه انهيں يه اجازت مل چكى تھى كه اپنے سامان ميں سے جو كچھ وه اپنے ساتھ اونٹوں پر لاد كر لے جا سكتے هيں لے جائيں، اس ليے وه اپنے گھروں كى ديواروں اور چھتوں ميں سے دروازے، كھڑكھياں، كڑياں، شهتير وغيره نكالنے كے ليے خود هى انهيں مسمار كر رهے تھے. ان كى اس تخريب ميں مسلمانوں نے بھى ان كا هاتھ بٹايا هو گا.

فَاعْتَبِرُوا يَا أُولِي الْأَبْصَارِ:  «پس عبرت حاصل كرو اے آنكھيں ركھنے والو!»

يه گويا پيچھے ره جانے والے قبيلے بنى قريظه كو سنايا جا رها هے كه تم اپنے بھائى بندوں كے اس انجام سے عبرت حاصل كرو اور سازشوں سے باز آ جاؤ!

آيت 3:  وَلَوْلَا أَنْ كَتَبَ اللَّهُ عَلَيْهِمُ الْجَلَاءَ:  «اور اگر الله نے پهلے سے نه لكھ ديا هوتا ان پر جلا وطن هونا»

لَعَذَّبَهُمْ فِي الدُّنْيَا وَلَهُمْ فِي الْآخِرَةِ عَذَابُ النَّارِ:  «تو انهيں سخت عذاب ديتا دنيوى زندگى ميں، اور آخرت ميں ان كے ليے آگ كا عذاب هے».

آيت 4:  ذَلِكَ بِأَنَّهُمْ شَاقُّوا اللَّهَ وَرَسُولَهُ:  «يه اس ليے كه انهوں نے الله اور اس كے رسول (صلى الله عليه وسلم) كى مخالفت كى».

وَمَنْ يُشَاقِّ اللَّهَ فَإِنَّ اللَّهَ شَدِيدُ الْعِقَابِ:  «اور جو الله كى مخالفت پر كمر كس لے تو (سمجھ لو كه) الله سزا دينے ميں بهت سخت هے».

آيت 5:  مَا قَطَعْتُمْ مِنْ لِينَةٍ أَوْ تَرَكْتُمُوهَا قَائِمَةً عَلَى أُصُولِهَا فَبِإِذْنِ اللَّهِ:  «تم نے كھجور كے جو درخت كاٹے يا جن كو چھوڑ ديا ان كى جڑوں پر كھڑے، تو يه الله كے اذن سے هوا!»

لِيْنَة ايك خاص قسم كى كھجور كے درخت كو كهتے هيں. يهوديوں كى گڑھيوں اور حويليوں كے گرد يه درخت باڑ كى شكل ميں كثرت سے موجود تھے. مسلمانوں نے جب ان كا محاصره كيا تو حملے كے ليے راسته بنانے كى غرض سے حسبِ ضرورت ان ميں سے كچھ درختوں كو انهوں نے كاٹ ڈالا. يهوديوں نے مسلمانوں كے اس عمل كو هدفِ تنقيد بنايا اور پروپيگنڈا كيا كه يه لوگ خود كو مؤمنين كهتے هيں اور ان كے قائد الله كے رسول (صلى الله عليه وسلم) هونے كا دعوى كرتے هيں، ليكن ان لوگوں كى اخلاقيات كا معيار يه هے كه پھل دار درختوں كے كاٹنے سے بھى دريغ نهيں كرتے. يهوديوں كے اس پروپيگنڈے كا جواب الله تعالى نے خود ديا. چنانچه اس آيت ميں الله تعالى نے مسلمانوں كے مذكوره اقدام پر اپنى منظورى (sanction) كى مهر ثبت كرتے هوئے واضح كر ديا كه مسلمانوں نے يه درخت جنگى ضرورت كے تحت الله كے رسول صلى الله عليه وسلم كى موجودگى ميں كاٹے هيں، چنانچه جب الله كے رسول صلى الله عليه وسلم نے انهيں ايسا كرنے سے منع نهيں كيا تو پھر سمجھ لو كه الله كى طرف سے اس كى اجازت دى گئى تھى.

وَلِيُخْزِيَ الْفَاسِقِينَ:  «اور تاكه وه فاسقوں كو ذليل ورسوا كرے».

اب اگلى آيات ميں مالِ فے كا ذكر آرها هے جو اس سورت كا اهم ترين مضمون هے. چنانچه ان آيات كے مطالعه سے پهلے يه سمجھ ليجيے كه مالِ فے كيا هے اور يه مال غنيمت سے كس طرح مختلف هے. مالِ غنيمت تو وه مال هے جو باقاعده جنگ كے نتيجے ميں حاصل هو. اس سے پهلے سورة الانفال كى آيت: 41 ميں مالِ غنيمت كى تقسيم كے بارے ميں حكم آ چكا هے. اس حكم كے مطابق مالِ غنيمت كا پانچواں حصه الله، اس كے رسول صلى الله عليه وسلم، رسول كے قرابت داروں، يتيموں، مسكينوں اور مسافروں كے ليے مخصوص هو گا، جبكه باقى چار حصے اس جنگ ميں حصه لينے والے مجاهدين كے مابين تقسيم كر ديے جائيں گے، اور اس تقسيم ميں سوار كو پيدل كے مقابلے ميں دو حصے مليں گے. اس كے برعكس مالِ فے وه مال هے جو مسلمانوں كو كسى جنگ كے بغير هى حاصل هو جائے، جيسے زير مطالعه واقعه ميں باقاعده جنگ كى نوبت نهيں آئى تھى، مسلمانوں نے بنو نضير كا محاصره كيا اور انهوں نے مرعوب هو كر هتھيار ڈال ديے. چنانچه اس مهم كے نتيجے ميں حاصل هونے والى زمينيں اور دوسرى تمام اشياء مالِ فے قرار پائيں. آگے آيت: 7 ميں مالِ فے كے بارے ميں واضح كر ديا گيا كه يه مال كُل كا كُل الله اور اس كے رسول صلى الله عليه وسلم كا هے. اس ميں سے الله كے رسول صلى الله عليه وسلم اپنى مرضى سے غربا ومساكين كو تو ديں گے ليكن عام مسلمانوں كو اس ميں سے حصه نهيں ملے گا.

آيت 6:  وَمَا أَفَاءَ اللَّهُ عَلَى رَسُولِهِ مِنْهُمْ:  «اور جو مال كه هاتھ لگا ديا هے الله نے اپنے رسول كے ان (بنو نضير) سے»

فَمَا أَوْجَفْتُمْ عَلَيْهِ مِنْ خَيْلٍ وَلَا رِكَابٍ:  «تو (اے مسلمانو!) تم نے اس پر نهيں دوڑائے گھوڑے اور نه اونٹ»

وَلَكِنَّ اللَّهَ يُسَلِّطُ رُسُلَهُ عَلَى مَنْ يَشَاءُ:  «ليكن مسلط كر ديتا هے الله اپنے رسولوں كو جس پر چاهتا هے».

وَاللَّهُ عَلَى كُلِّ شَيْءٍ قَدِيرٌ:  «اور الله هر چيز پر قادر هے».

يعنى الله تعالى نے اپنى مشيت اور قدرت سے بنو نضير كے حوصلے پست كر ديے اور انهوں نے تم لوگوں كے آگے هتھيار ڈال ديے. اس مهم ميں ان كے خلاف تمهيں جنگ تو لڑنا هى نهيں پڑى. لهذا تم پر واضح هونا چاهيے كه بنو نضير كى جلا وطنى كے نتيجے ميں جو مال تمهارے هاتھ لگا هے وه مالِ غنيمت نهيں هے. اب اگلى آيت ميں اس مال كے مصارف كے بارے ميں حكم ديا جا رها هے: