خريد وفروخت كے احكام

آیت 198:   لَـیْسَ عَلَیْکُمْ جُنَاحٌ اَنْ تَـبْتَغُوْا فَضْلاً مِّنْ رَّبِّکُمْ: «تم پر اس امر میں کوئی گناہ نہیں ہے کہ تم (سفر حج کے دوران) اپنے ربّ کا فضل بھی تلاش کرو۔ »

            آدمی ہندوستان سے یا پاکستان سے حج کے لیے جا رہا ہے اور وہ اپنے ساتھ کچھ ایسی اجناس لے جائے جنہیں وہاں پر بیچ کر کچھ نفع حاصل کر لے تو یہ تقویٰ کے منافی نہیں ہے۔

            فَاِذَآ اَفَضْتُمْ مِّنْ عَرَفٰـتٍ فَاذْکُرُوا اللّٰہَ عِنْدَ الْمَشْعَرِ الْحَرَامِ: «پس جب تم عرفات سے واپس لوٹو تو اللہ کو یاد کرو مشعر ِحرام کے نزدیک۔ »

            وقوفِ عرفات حج کا رکن ِاعظم ہے۔ رسول اللہ کا ارشاد ہے: ((اَلْحَجُّ عَرَفَۃُ)) یعنی اصل حج تو عرفہ ہی ہے۔ اگر کسی سے حج کے باقی تمام مناسک رہ جائیں‘ صرف قیامِ عرفہ میں شمولیت ہو جائے تو اس کا حج ہو گیا‘ باقی جو چیزیں رہ گئی ہیں ان کا کفارہ ادا کیا جائے گا ۔ لیکن اگر کوئی شخص عرفات کے قیام میں ہی شریک نہیں ہوا تو پھر اس کا حج نہیں ہوا۔ ایّامِ حج کا ٹائم ٹیبل نوٹ کیجیے کہ ۸ ذوالحجہ کو مکہ مکرمہ سے نکل کر رات منیٰ میں گزارنا ہوتی ہے۔ اگلا دن ۹ ذوالحجہ یومِ عرفہ ہے۔ اس روز صبح کو عرفات کے لیے قافلے چلتے ہیں اور کوشش یہ ہوتی ہے کہ دوپہر سے پہلے وہاں پہنچ جایا جائے۔ وہاں پر ظہر کے وقت ظہر اور عصر دونوں نمازیں ملا کر پڑھی جاتی ہیں۔ اس کے بعد سے غروبِ آفتاب تک عرفات کا قیام ہے‘ جس میں کوئی نمازنہیں۔ یعنی روایتی عبادت کے سب دروازے بند ہیں۔ اب تو صرف دعا ہے۔ اگر آپ کے اندر دعا کی ایک روح پیدا ہو چکی ہے‘ آپ اپنے ربّ سے ہم کلام ہو سکتے ہیں اور آپ کو حلاوتِ مناجات حاصل ہو گئی ہے تو بس دعا مانگتے رہیے۔ قیامِ عرفہ کے دوران کھڑے ہو کر یا بیٹھے ہوئے‘ جس طرح بھی ہو اللہ سے مناجات کی جائے۔ یا اس میں اگر کسی وجہ سے کمی ہو جائے تو آدمی تلاوت کرے۔ لیکن عام نماز اب کوئی نہیں۔ ۹ ذوالحجہ کو وقوفِ عرفات کے بعد مغرب کی نماز کا وقت ہو چکنے کے بعد عرفات سے روانگی ہے‘ لیکن وہاں مغرب کی نماز پڑھنے کی اجازت نہیں ہے۔ بلکہ اب مزدلفہ میں جا کر مغرب اور عشاء دونوں نمازیں جمع کر کے ادا کرنی ہیں اور رات وہیں کھلے آسمان تلے بسر کرنی ہے۔ یہ مزدلفہ کا قیام ہے۔ مشعر ِحرام ایک پہاڑ کا نام ہے جو مزدلفہ میںواقع ہے۔

            وَاذْکُرُوْہُ کَمَا ہَدٰيکُمْ: «اور یاد کرو اُسے جیسے کہ اُس نے تمہیں ہدایت کی‘ہے۔ »

            یعنی اللہ کا ذکر کرو جس طرح اللہ نے تمہیں اپنے رسول کے ذریعے سکھایا ہے۔ ذکر کے جو طور طریقے رسول اللہ نے سکھائے ہیں انہیں اختیار کرو اور زمانہ ٔجاہلیت کے طریقے ترک کر دو۔

            وَاِنْ کُنْتُمْ مِّنْ قَبْلِہٖ لَمِنَ الضَّآلِّیْنَ : «اور یقینا اس سے پہلے تو تم گمراہ لوگوں میں سے تھے۔ »

            تم حج کی حقیقت سے نا واقف تھے۔ حج کی بس شکل باقی رہ گئی تھی‘ اس کی روح ختم ہو گئی تھی‘ اس کے مناسک میں بھی ردّوبدل کر دیا گیا تھا۔

 آیت 275:   اَلَّذِیْنَ یَاْکُلُوْنَ الرِّبٰوا :  «جو لوگ سود کھاتے ہیں ۔ »

             لاَ یَـقُوْمُوْنَ اِلاَّ کَمَا یَـقُوْمُ الَّذِیْ یَتَخَبَّطُہُ الشَّیْطٰنُ مِنَ الْمَسِّ :   «وہ نہیں کھڑے ہوتے مگر اُس شخص کی طرح جس کو شیطان نے چھو کر مخبوط الحواس بنا دیا ہو۔ »

            یہاں عام طو رپر یہ سمجھا گیا ہے کہ یہ قیامت کے دن کا نقشہ ہے۔  قیامت کے دن کا یہ نقشہ تو ہو گا ہی‘ اس دنیا میں بھی سود خوروں کا حال یہی ہوتا ہے‘ اور ان کا یہ نقشہ کسی سٹاک ایکسچینج میں جا کر بخوبی دیکھا جا سکتا ہے۔ معلوم ہوگا گویا دیوانے ہیں‘ پاگل ہیں‘ جو چیخ رہے ہیں‘ دوڑ رہے ہیں‘ بھاگ رہے ہیں۔  وہ نارمل انسان نظر نہیں آتے‘ مخبوط الحواس لوگ نظر آتے ہیں جن پر گویا آسیب کا سایہ ہو۔  

             ذٰلِکَ بِاَنَّہُمْ قَالُوْٓا اِنَّمَا الْبَیْعُ مِثْلُ الرِّبٰوا :   «اس وجہ سے کہ وہ کہتے ہیں بیع بھی تو سود ہی کی طرح ہے۔ »

            کوئی شخص کہہ سکتا ہے کہ میں نے سو روپے کا مال خریدا‘ ۱۱۰ روپے میں بیچ دیا‘ دس روپے بچ گئے‘ یہ ربح (منافع) ہے‘ جو جائز ہے‘ لیکن اگر سو روپے کسی کو دیے اور ۱۱۰ واپس لیے تو یہ ربا (سود) ہے‘ یہ حرام کیوں ہو گیا؟ ایک شخص نے دس لاکھ کا مکان بنایا‘ چار ہزار روپے ماہانہ کرایے پر دے دیا تو جائز ہو گیا‘ اور دس لاکھ روپے کسی کو قرض دیے اور اُس سے چار ہزار روپے مہینہ لینا شروع کیے تو یہ سود ہو گیا ‘ حرام ہو گیا‘ ایسا کیوں ہے؟ عقلی طور پر اس طرح کی باتیں سود کے حامیوں کی طرف سے کہی جاتی ہیں ۔  (ربح اور ربا کا فرق سورۃ البقرۃ کی آیت: 26 کے ضمن میں بیان ہو چکا ہے۔) اس ظاہری مناسبت کی وجہ سے یہ مخبوط الحواس سود خور لوگ ان دونوں کے اندر کوئی فرق محسوس نہیں کرتے۔  یہاں اللہ تعالیٰ نے ان کے قول کا عقلی جواب نہیں دیا‘ بلکہ فرمایا:

             وَاَحَلَّ اللّٰہُ الْبَیْعَ وَحَرَّمَ الرِّبٰوا :   «حالانکہ اللہ نے بیع کو حلال قرار دیا ہے اور ربا کو حرام ٹھہرایا ہے۔ »

            اب تم یہ بات کرو کہ اللہ کو مانتے ہو یا نہیں؟ رسول اللہ  کو مانتے ہو یا نہیں؟ قرآن کو مانتے ہو یا نہیں؟ یا محض اپنی عقل کو مانتے ہو؟ اگر تم مسلمان ہو ‘ مؤمن ہو تو اللہ تعالیٰ اور اس کے رسول  کے حکم پر سر ِتسلیم خم کرو: وَمَا اٰتٰـٹکُمُ الرَّسُوْلُ فَخُذُوْہُ وَمَا نَھٰـٹکُمْ عَنْہُ فَانْـتَھُوْا :   (الحشر: ۷) «جو کچھ رسول تمہیں دیں اسے لے لو اور جس چیز سے روک دیں اس سے رک جاؤ»۔  یہ تو شریعت کا معاملہ ہے۔  ویسے معاشیات کے اعتبار سے اس میں یہ فرق واقع ہوتا ہے کہ ایک ہے fluid capital اور ایک ہے fixed capital ۔  جہاں تک مکان کا معاملہ ہے تو وہ fixed capital ہے۔  دس لاکھ روپے کے مکان میں جو شخص رہ رہا ہے وہ اس سے کیا فائدہ اٹھائے گا؟  وہ اس میں رہائش اختیار کرے گا اور اس کے عوض ماہانہ کرایہ ادا کرے گا۔  اس کے بر عکس اگر آپ نے دس لاکھ روپے کسی کو نقد دے دیے تو وہ انہیں کسی کام میں لگائے گا۔  اس میں یہ بھی امکان ہے کہ دس لاکھ کے بارہ لاکھ یا پندرہ لاکھ بن جائیں اور یہ بھی کہ آٹھ لاکھ رہ جائیں۔  چنانچہ اس صورت میں اگر آپ نے پہلے سے طے شدہ (fix) منافع وصول کیا تو یہ حرام ہو جائے گا۔  تو ان دونوں میں کوئی مناسبت نہیں ہے۔ لیکن اللہ تعالیٰ نے عقلی جواب نہیں دیا ۔  جواب دیا کہ «اللہ نے بیع کو حلال ٹھہرایا ہے اور ربا کو حرام۔ »

             فَمَنْ جَآءَہ مَوْعِظَۃٌ مِّنْ رَّبِّہ فَانْتَہٰی فَلَہ مَا سَلَفَ :   «تو جس شخص کے پاس اس کے ربّ کی طرف سے یہ نصیحت پہنچ گئی اور وہ باز آ گیا تو جو کچھ وہ پہلے لے چکا ہے وہ اس کا ہے۔ »

            وہ اُس سے واپس نہیں لیا جائے گا۔  حساب کتاب نہیں کیا جائے گا کہ تم اتنا سود کھاچکے ہو‘ واپس کرو۔  لیکن اس کا یہ مطلب بھی نہیں کہ اس پر اس کا کوئی گناہ نہیں ہو گا۔

             وَاَمْرُہ اِلَی اللّٰہِ :   «اس کا معاملہ اللہ کے حوالے ہے۔ »

            اللہ تعالیٰ چاہے گا تو معاف کر دے گا اور چاہے گا تو پچھلے سود پر بھی سرزنش ہو گی۔

             وَمَنْ عَادَ فَاُولٰٓئِکَ اَصْحٰبُ النَّارِ ہُمْ  فِیْہَا خٰلِدُوْنَ :   «اور جس نے (اس نصیحت کے آ جانے کے بعد بھی) دوبارہ یہ حرکت کی تو یہ لوگ جہنمی ہیں‘ وہ اس میں ہمیشہ ہمیش رہیں گے۔» 

آیت 282‘ جوزیر مطالعہ ہے‘ قرآن حکیم کی طویل ترین آیت ہے اور اسے «آیت ِدَین» یا «آیت مُدَایَـنَـۃ » کا نام دیا گیا ہے۔ اس آیت میں ہدایت کی گئی ہے کہ کوئی قرض کا باہم لین دین ہو یا آپس میں کاروباری معاملہ ہو تو اسے باقاعدہ طور پر لکھ لیا جائے اور اس پر دو گواہ مقرر کیے جائیں۔  ہمارے ہاں عام طور پر اس قرآنی ہدایت کو نظر انداز کیا جاتا ہے اور کسی بھائی‘ دوست یا عزیز کو قرض دیتے ہوئے یا کوئی کاروباری معاملہ کرتے ہوئے یہ خیال کیا جاتا ہے کہ اس سے کیا لکھوانا ہے‘ وہ کہے گا کہ انہیں مجھ پر اعتماد نہیں ہے۔  چنانچہ تمام معاملات زبانی طے کر لیے جاتے ہیں‘ اور بعد میں جب معاملات میں بگاڑ پیدا ہوتا ہے توپھر لوگ شکو ہ وشکایت اور چیخ و پکار کرتے ہیں۔  اگر شروع ہی میں قرآنی ہدایات کے مطابق مالی معاملات کو تحریر کر لیا جائے تو نوبت یہاں تک نہ پہنچے گی۔  حدیث نبوی کا مفہوم ہے کہ جو شخص قرض دیتے ہوئے یا کوئی مالی معاملہ کرتے ہوئے لکھواتا نہیں ہے‘ اگر اس کا مال ضائع ہوجاتا ہے تو اسے اس پر کوئی اجر نہیں ملتا‘ اور اگر وہ مقروض کے حق میں بددعا کرتا ہے تو اللہ تعالیٰ اس کی فریاد نہیں سنتا‘ کیونکہ اُس نے اللہ تعالیٰ کے واضح حکم کی خلاف ورزی کی ہے۔

 آیت 282:   یٰٓــاَیـُّـہَا الَّذِیْنَ اٰمَنُوْٓا اِذَا تَدَایَنْتُمْ بِدَیْنٍ اِلٰٓی اَجَلٍ مُّسَمًّی فَاکْتُبُوْہُ :  «اے اہل ِایمان! جب بھی تم قرض کا کوئی معاملہ کرو ایک وقت معین ّتک کے لیے تو اس کو لکھ لیا کرو۔ »

            آیت کے اس ٹکڑے سے دو حکم معلوم ہوتے ہیں۔  ایک یہ کہ قرض کا وقت معین ّہونا چاہیے کہ یہ کب واپس ہو گا اور دوسرے یہ کہ اسے لکھ لیا جائے۔  فَاکْتُـبُوْہُ     فعل امر ہے اور امر وجوب کے لیے ہوتاہے۔  

             وَلْیَکْتُبْ بَّـیْنَـکُمْ کَاتِبٌ بِالْعَدْلِ :   «اور چاہیے کہ اس کو لکھے کوئی لکھنے والا تمہارے مابین عدل کے ساتھ۔ »

            لکھنے والا کوئی ڈنڈی نہ مار جائے‘ اسے چاہیے کہ وہ صحیح صحیح لکھے۔

             وَلاَ یَاْبَ کَاتِبٌ اَنْ یَّــکْتُبَ کَمَا عَلَّمَہُ اللّٰہُ فَلْیَکْتُبْ :   «اور جو لکھنا جانتا ہو وہ لکھنے سے انکار نہ کرے‘ جس طرح اللہ نے اس کو سکھایا ہے‘ پس چاہیے کہ وہ لکھ دے۔ »

            یہ ہدایت تاکید کے ساتھ کی گئی‘ اس لیے کہ اس معاشرے میں پڑھے لکھے لوگ بہت کم ہوتے تھے۔  اب بھی مالی معاملات اور معاہدات بالعموم وثیقہ نویس تحریر کرتے ہیں۔

             وَلْیُمْلِلِ الَّذِیْ عَلَیْہِ الْحَقُّ :   «اور املا وہ شخص کرائے جس پر حق آتا ہے»

            یعنی جس نے قرض لیا ہے وہ دستاویز لکھوائے کہ میں کیا ذمہ ّداری لے رہا ہوں‘ جس کا مال ہے وہ نہ لکھوائے۔  

             وَلْیَتَّقِ اللّٰہَ رَبَّـہ :   «اور وہ اللہ سے ڈرتا رہے اپنے ربّ سے»

             وَلاَ یَبْخَسْ مِنْہُ شَیْئًا :   «اور (لکھواتے ہوئے) اس میں سے کوئی شے کم نہ کر دے ۔ »

             فَاِنْ کَانَ الَّذِیْْ عَلَیْہِ الْحَقُّ سَفِیْہًا اَوْ ضَعِیْفًا :   «پھر اگر وہ شخص جس پر حق عائد ہوتا ہے ‘ ناسمجھ یا ضعیف ہو»

             اَوْلاَ یَسْتَطِیْعُ اَنْ یُّمِلَّ ہُوَ :   «یااس کے اندر اتنی صلاحیت نہ ہو کہ اِملا کرواسکے »

             فَلْیُمْلِلْ وَلِـیُّـہ بِالْعَدْلِ :   «تو جو اُس کا ولی ہو وہ انصاف کے ساتھ لکھوا دے۔ »

            اگر قرض لینے والا ناسمجھ ہو‘ ضعیف ہو یا دستاویز نہ لکھوا سکتا ہو تو اُس کا کوئی ولی ‘ کوئی وکیل یا مختار (attorney) اُس کی طرف سے انصاف کے ساتھ دستاویز تحریر کرائے۔  یہاں «اِملال» اِملا کے معنی میں آیا ہے۔

             وَاسْتَشْہِدُوْا شَہِیْدَیْنِ مِنْ رِّجَالِکُمْ :   «اور اس پر گواہ بنا لیا کرو اپنے َمردوں میں سے دو آدمیوں کو۔ »

             فَاِنْ لَّمْ یَکُوْنَا رَجُلَیْنِ فَرَجُلٌ وَّامْرَاَتٰنِ :   «پھراگر دو مرد دستیاب نہ ہوں تو ایک مرد اور دوعورتیں ہوں»

             مِمَّنْ تَرْضَوْنَ مِنَ الشُّہَدَآءِ :   «یہ گواہ تمہارے پسندیدہ لوگوں میں سے ہوں»

            جن کی گواہی ہر دو فریق کے نزدیک مقبول ہو اور ان پر دونوں کو اعتماد ہو۔  اگر مذکورہ صفات کے دو مرد دستیاب نہ ہو سکیں تو گواہی کے لیے ایک مرد اور دو عورتوں کا انتخاب کر لیا جائے۔  یعنی گواہوں میں ایک مرد کا ہونا لازم ہے‘ محض عورت کی گواہی نہیں چلے گی۔  اب سوال پیدا ہوتا ہے کہ آیا ہر قسم کے معاملات میں دو عورتوں کی گواہی ایک مرد کے برابر ہے یا یہ معاملہ صرف قرض اور مالی معاملات میں دستاویز تحریر کرتے وقت کا ہے‘ اس کی تفصیل فقہاء کے ہاں ملتی ہے۔

             اَنْ تَضِلَّ اِحْدٰٹہُمَا فَتُذَکِّرَ اِحْدٰٹہُمَا الْاُخْرٰی :   «تاکہ ان میں سے کوئی ایک بھول جائے تو دوسری یاد کروا دے۔ »

            یہاں عقلی سوال پیدا ہو گیا کہ کیا مرد نہیں بھول سکتا؟ اس کا جواب یہ ہے کہ واقعتا اللہ تعالیٰ نے عورت کے اندر نسیان کا مادّہ زیادہ رکھا ہے ۔   اَلَا یَعْلَمُ مَنْ خَلَقَ وَھُوَ اللَّطِیْفُ الْخَبِیْرُ :   (الملک) «کیا وہی نہ جانے گا جس نے پیدا کیا ہے؟ وہ بڑا باریک بین اور ہر شے کی خبر رکھنے والا ہے»۔  جس نے پیدا کیا ہے وہ خوب جانتا ہے کہ کس میں کون سا مادّہ زیادہ ہے۔  عورت میں نسیان کا مادّہ کیوں زیادہ رکھا گیا ہے ‘ یہ بھی سمجھ لیجیے۔  یہ بڑی عقلی اور منطقی بات ہے ۔  دراصل عورت کو مرد کے تابع رہنا ہوتا ہے‘ لہٰذا اُس کے احساسات کو کبھی ٹھیس پہنچ سکتی ہے‘ اُس کے جذبات کے اوپر کبھی کوئی کدورت آتی ہے۔  اس اعتبار سے اللہ تعالیٰ نے ان کے اندر بھول جانے کا مادہ «سیفٹی والو» کے طور پر رکھا ہوا ہے۔  ورنہ تو ان کا معاملہ اس شعر کے مصداق ہو جائے 

یادِ  ماضی  عذاب   ہے   یا   رب

چھین لے اب مجھ سے حافظہ میرا!

چنانچہ یہ نسیان بھی اللہ تعالیٰ کی بہت بڑی نعمت ہے‘ ورنہ تو کوئی صدمہ دل سے اترنے ہی نہ پائے‘ کوئی غصہ کبھی ختم ہی نہ ہو۔  بہرحال خواہ کسی حکم کی علت ّیا حکمت سمجھ میں آئے یا نہ آئے‘ اللہ کا حکم تو بہرصورت ماننا ہے۔

             وَلاَ یَاْبَ الشُّہَدَآءُ اِذَا مَا دُعُوْا :  «اورنہ انکار کریں گواہ جبکہ ان کو بلایا جائے ۔ »

            گواہوں کو جب گواہی کے لیے بلایا جائے تو آکر گواہی دیں‘ اس سے انکار نہ کریں۔  اسی سورئہ مبارکہ کی (آیت: 140) میں ہم پڑھ آئے ہیں: وَمَنْ اَظْلَمُ مِمَّنْ کَتَمَ شَہَادَۃً عِنْدَہ مِنَ اللّٰہِ :  «اور اُس شخص سے بڑھ کر ظالم کون ہو گا جس کے پاس اللہ کی طرف سے ایک شہادت موجود ہو اور وہ اسے چھپائے؟»

             وَلَا تَسْئَمُوْٓا اَنْ تَـکْتُبُوْہُ صَغِیْرًا اَوْ کَبِیْرًا اِلٰٓی اَجَلِہ :   «اور تساہل مت کرو اس کے لکھنے میں‘ معاملہ خواہ چھوٹا ہو یا بڑا‘ اس کی معین ّمدت کے لیے۔ »

            قرض خواہ چھوٹا ہو یا بڑا‘ اس کی دستاویز تحریر ہونی چاہیے کہ میں اتنی رقم لے رہا ہوں اور اتنے وقت میں اسے لوٹا دوں گا۔  اس کے بعد قرض خواہ اس مدت کو بڑھا بھی سکتا ہے‘ مزید مہلت دے سکتا ہے‘ بلکہ معاف بھی کر سکتا ہے۔  لیکن قرض دیتے وقت اس کی مدت معین ّہونی چاہیے۔  

             ذٰلِکُمْ اَقْسَطُ عِنْدَ اللّٰہِ :   «یہ اللہ کے نزدیک بھی زیادہ ‘مبنی بر انصاف ہے»

             وَاَقْوَمُ لِلشَّہَادَۃِ :   «اور گواہی کو زیادہ درست رکھنے والا ہے»

            معاملہ ضبط تحریر میں آ جائے گا تو بہت واضح رہے گا‘ ورنہ زبانی یاد داشت کے اندر تو کہیں تعبیر ہی میں فرق ہو جاتا ہے۔

             وَاَدْنٰٓی اَلاَّ تَرْتَابُوْا :   «اور یہ اس کے زیادہ قریب ہے کہ تم شبہ میں نہیں پڑو گے»

             اِلَّآ اَنْ تَـکُوْنَ تِجَارَۃً حَاضِرَۃً تُدِیْرُوْنَہَا بَیْنَـکُمْ :   «الا یہ کہ کوئی تجارتی لین دین ہو جو تم دست بدست کرتے ہو»  ّ

            مثلاً آپ کسی دکاندار سے کوئی شے خریدتے ہیں اور نقد پیسے ادا کرتے ہیں تو ضروری نہیں کہ آپ اس کا کیش میمو بھی لیں۔  اگر آپ چاہیں تو دکاندار سے کیش میمو طلب کر سکتے ہیں۔

             فَلَیْسَ عَلَیْکُمْ جُنَاحٌ اَلاَّ تَـکْتُبُوْہَا :   «تو تم پر کوئی گناہ نہیں ہے کہ اسے نہ لکھو۔ »

             وَاَشْہِدُوْٓا اِذَا تَــبَایَعْتُمْ :   «اور گواہ بنا لیا کرو جب کوئی (مستقبل کا) سودا کرو۔ »

             «بیع َسلم» جو ہوتی ہے یہ مستقبل کا سودا ہے‘ اور یہ بھی ایک طرح کا قرض ہے۔  مثال کے طور پر آپ کسی زمیندار سے طے کرتے ہیں کہ آئندہ فصل کے موقع پر آپ اس سے اتنے روپے فی من کے حساب سے پانچ سو من گندم خریدیں گے۔  یہ بیع سلم کہلاتی ہے اور اس میں لازم ہے کہ آپ پوری قیمت ابھی ادا کردیں اور آپ کو گندم فصل کے موقع پر ملے گی۔  اس طرح کا لین دین بھی باقاعدہ تحریر میں آجانا چاہیے اور اس پر دو گواہ مقرر ہونے چاہئیں۔

             وَلاَ یُضَآرَّ کَاتِبٌ وَّلاَ شَہِیْدٌ :   «اورنہ نقصان پہنچایا جائے کسی لکھنے والے کو اور گواہ کو۔  اور نہ نقصان پہنچائے کوئی لکھنے والا اور گواہ۔ »

            «یُضَآرَّ» میں یہ دونوں مفہوم موجود ہیں۔  اس لیے کہ یہ معروف بھی ہے اور مجہول بھی۔  

             وَاِنْ تَفْعَلُوْا فَاِنَّـہ فُسُوْقٌ بِکُمْ :   «اور اگر تم ایسا کرو گے (نقصان پہنچاؤ گے) تو یہ تمہارے حق میں گناہ کی بات ہو گی۔ »

             وَاتَّقُوا اللّٰہَ :   «اور اللہ سے ڈرتے رہو۔ »

             وَیُعَلِّمُکُمُ اللّٰہُ :   «اوراللہ تمہیں تعلیم دے رہا ہے۔ »

             وَاللّٰہُ بِکُلِّ شَیْئٍ عَلِیْمٌ :   «اور اللہ ہر چیز کا علم رکھنے والا ہے۔ »

            یہ ایک آیت مکمل ہوئی ہے۔  میرا خیال ہے کہ آخری پارے کی چار پانچ چھوٹی سورتیں جمع کر لیں تو ان کا حجم اس ایک آیت کے برابر ہو گا۔  میں عرض کر چکا ہوں کہ آیات کی تعیین توقیفی ہے۔  اس کا ہمارے حساب کتاب سے ‘ گرامر سے‘ منطق سے اور علمِ بیان سے کوئی تعلق نہیں۔  

 آیت 283:   وَاِنْ کُنْتُمْ عَلٰی سَفَرٍ وَّلَمْ تَجِدُوْا کَاتِبًا :   «اور اگر تم سفر پر ہو اورکوئی لکھنے والا نہ پاؤ»

            اگر دورانِ سفر کوئی لین دین کا یا قرض کا معاملہ ہو جائے اور کوئی کاتب نہ مل سکے ۔

             فَرِہٰنٌ مَّقْبُوْضَۃٌ :   «تو کوئی شے گروی رکھ لو قبضے میں۔ »

            قرض لینے والا اپنی کوئی شے قرض دینے والے کے حوالے کر دے کہ میری یہ شے آپ کے قبضے میں رہے گی‘ آپ اتنے پیسے مجھے دے دیجیے‘ میں جب یہ واپس کر دوں گا آپ میری چیز مجھے لوٹا دیجیے گا۔  یہ رہن بالقبضہ ہے۔  لیکن رہن (گروی) رکھی ہوئی چیز سے کوئی فائدہ اٹھانے کی اجازت نہیں ہے‘ وہ سود ہو جائے گا۔  مثلاً اگر مکان رہن رکھا گیا ہے تو اس پر قبضہ تو قرض دینے والا کا ہو گا‘ لیکن وہ اس سے استفادہ نہیں کر سکتا‘ اس کا کرایہ نہیں لے سکتا‘ کرایہ مالک کو جائے گا۔  

             فَاِنْ اَمِنَ بَعْضُکُمْ بَعْضًا :   «پھر اگر تم میں سے ایک دوسرے پر اعتماد کرے»

            یعنی ایک شخص دوسرے پر اعتماد کرتے ہوئے بغیر رہن کے اسے قرض دے دیتا ہے۔

              فَلْیُؤَدِّ الَّذِی اؤْتُمِنَ اَمَانَتَہ :   «تو جس کے پاس امانت رکھی گئی ہے اُس کو چاہیے کہ وہ اس کی امانت واپس کرے»

            ایک شخص کے پاس رہن دینے کو کچھ نہیں تھا یا یہ کہ دوسرے بھائی نے اس پر اعتماد کرتے ہوئے اُس سے کوئی شے رہن نہیں لی اور اس کو قرض دے دیا تو یہ مال جو اُس نے قرض لیا ہے یہ اس کے پاس قرض دینے والے کی امانت ہے‘ جس کا واپس لوٹانا اس کے ذمے فرض ہے۔    ّ

             وَلْیَتَّقِ اللّٰہَ رَبَّہ :   «اور اللہ سے ڈرے جو اس کا رب ہے۔ »

             وَلاَ تَـکْتُمُوا الشَّہَادَۃَ :   «اور گواہی کو چھپایا نہ کرو۔ »

             وَمَنْ یَّکْتُمْہَا فَاِنَّہ اٰثِمٌ قَلْبُہ :   «اور جو کوئی گواہی کو چھپائے گا تو اس کا دل گناہ گار ہو گا۔ »

            بعض گناہوں کا اثر انسان کے ظاہری اعضاء تک محدود ہوتا ہے‘ جبکہ بعض کا تعلق دل سے ہوتا ہے۔  شہادت کا چھپانا بھی اسی نوعیت کا گناہ ہے۔  اور اگر کسی کا دل داغ دار ہو گیا تو باقی کیا رہ گیا؟.

آیت ۲۹ (یٰٓاَیُّہَا الَّذِیْنَ اٰمَنُوْا لاَ تَاْکُلُوْآ اَمْوَالَکُمْ بَیْنَکُمْ بِالْبَاطِلِ) ’’اے اہل ایمان‘ اپنے مال آپس میں باطل طریقے پر ہڑپ نہ کرو‘‘ 

(اِلَّآ اَنْ تَکُوْنَ تِجَارَۃً عَنْ تَرَاضٍ مِّنْکُمْ) ’’سوائے اس کے کہ تجارت ہو تمہاری باہمی رضامندی سے۔‘‘ 
تجارت اور لین دین کی بنیاد جب حقیقی باہمی رضامندی پر ہو تو اس سے حاصل ہونے والا منافع جائز اور حلال ہے۔ فرض کیجیے کہ آپ کی جوتوں کی دکان ہے۔ آپ نے گاہک کو ایک جوتا دکھایا اور اس کے دام دو سو روپے بتائے۔ اُس نے جوتا پسند کیا اور دو سو روپے میں خرید لیا۔ یہ باہمی رضامندی سے سودا ہے جو سیدھے سادھے اور صحیح طریقے پر ہو گیا۔ ظاہر بات ہے کہ اس میں سے کچھ نہ کچھ نفع تو آپ نے کمایا ہے۔ آپ نے اس کے لیے محنت کی ہے‘ کہیں سے خرید کر لائے ہیں‘ اسے سٹور میں محفوظ کیا ہے‘ دکان کا کرایہ دیا ہے ‘ لہٰذا یہ منافع آپ کا حق ہے اور گاہک کو اس میں تأمل نہیں ہو گا۔ لیکن اگر آپ نے یہی جوتا جھوٹ بول کر یا جھوٹی قسم کھا کرفروخت کیا کہ میں نے توخود اتنے کا لیا ہے تو اس طرح آپ نے اپنی ساری محنت بھی ضائع کی اور آپ نے حرام کما لیا۔ اسی طرح معاملت اور لین دین کے وہ تمام طریقے جن کی بنیاد جھوٹ اور دھوکہ دہی پر ہونا جائز اورحرام ہیں۔ 
(وَلاَ تَقْتُلُوْآ اَنْفُسَکُمْ) ’’اور نہ اپنے آپ کو قتل کرو۔‘‘ 
یعنی ایک دوسر ے کو قتل نہ کرو۔ تمدن کی بنیاد دو چیزوں پر ہے‘ احترامِ جان اور احترامِ مال۔ میرے لیے آپ کا مال اور آپ کی جان محترم ہے‘ میں اسے کوئی گزند نہ پہنچاؤں ‘ اور آپ کے لیے میرا مال اور میری جان محترم ہے‘ اسے آپ گزند نہ پہنچائیں۔ اگر ہمارے مابین یہ شریفانہ معاہدہ (Gentleman's agreement) قائم رہے تب تو ہم ایک معاشرے اور ایک ملک میں رہ سکتے ہیں ‘ جہاں اطمینان‘ امن وسکون اور چین ہو گا۔ اور جہاں یہ دونوں احترام ختم ہو گئے‘ جان کا اور مال کا‘ تو ظاہر بات ہے کہ پھر وہاں امن و سکون ‘ چین اور اطمینان کہاں سے آئے گا؟ اس آیت میں باطل طریقے سے ایک دوسرے کا مال کھانے اور قتل نفس دونوں کو حرام قرار دے کر ان دونوں حرمتوں کو ایک ساتھ جمع کر دیا گیا ہے۔ َ 
(اِنَّ اللّٰہَ کَانَ بِکُمْ رَحِیْمًا) ’’یقیناًاللہ تعالیٰ تم پر بہت مہربان ہے۔‘‘

 آیت ۳۷: رِجَالٌ لَّا تُلْہِیْہِمْ تِجَارَۃٌ وَّلَا بَیْعٌ عَنْ ذِکْرِ اللّٰہِ وَاِقَامِ الصَّلٰوۃِ وَاِیْتَآءِ الزَّکٰوۃِ: «وہ جواں مرد جنہیں غافل نہیں کرتی کسی قسم کی کوئی تجارت یا خرید و فروخت اللہ کے ذکر سے، نماز قائم کرنے سے اور زکوٰۃ ادا کرنے سے»

            : یَخَافُوْنَ یَوْمًا تَتَقَلَّبُ فِیْہِ الْقُلُوْبُ وَالْاَبْصَارُ: «(اس سب کچھ کے باوجود بھی) وہ لرزاں و ترساں رہتے ہیں اُس دن کے تصور سے جس دن الٹ جائیں گے دل اور نگاہیں۔» 

آيت 10:  فَإِذَا قُضِيَتِ الصَّلَاةُ فَانْتَشِرُوا فِي الْأَرْضِ وَابْتَغُوا مِنْ فَضْلِ اللَّهِ:  «پھر جب نماز پورى هو چكے تو زمين ميں منتشر هو جاؤ اور الله كا فضل تلاش كرو»

يعنى جمعه كے حوالے سے اسلام ميں يهوديوں كے يومِ سبت جيسى سختى نهيں هے كه پورا دن الله كى عبادت كے ليے مخصوص كر دو. بلكه مسلمانوں سے اس دن صرف يه تقاضا هے كه وه نمازِ جمعه سے قبل اپنے تمام كام كاج چھوڑ ديں، نهائيں دھوئيں، اچھے كپڑے پهنيں، خوشبو لگائيں اور بروقت مسجد ميں پهنچ جائيں، تاكه تعليمى وتربيتى نشست سے بھرپور استفاده كر سكيں. اسى ليے نمازِ جمعه كے ليے اوّل وقت ميں مسجد ميں آنے والے كو حديث ميں اونٹ كى قربانى كے برابر ثواب كى بشارت دى گئى هے. دوسرى طرف نمازِ جمعه ترك كرنے والے كے ليے حضور صلى الله عليه وسلم نے سخت وعيد سنائى هے. آپ صلى الله عليه وسلم كا فرمان هے:

« مَنْ تَرَكَ ثَلَاثَ جُمُعَاتٍ مِنْ غَيْرِ عُذْرٍ طُبِعَ عَلَى قَلْبِهِ».

«جو شخص بغير كسى عذر كے مسلسل تين جمعے ترك كر دے الله تعالى اس كے دل پر مهر لگا ديتا هے».

اس وعيدى حكم ميں بھى يهى فلسفه كارفرما هے كه مسلمانوں كے درميان كوئى ايك فرد بھى ايسا نه هو جو تعليم وتربيت كے اس اجتماعى پروگرام سے مستقل طور پر كٹ كر ره جائے. بهرحال جمعه كے دن «شرعى مصروفيت» صرف نمازِ جمعه كى ادئيگى تك هى هے، اس كے بعد هر كوئى اپنى دنيوى مصروفيات كے ليے آزاد هے. اس ليے حكومت كو بھى چاهيے كه وه جمعے كے دن آدھى چھٹى قرآن مجيد كے مذكوره حكم كے مطابق كرے. يعنى اگر جمعه كے دن لوگوں كو آدھى چھٹى دينا ضرورى هے تو يه چھٹى صبح كے وقت هونى چاهيے تاكه لوگ آسانى سے نمازِ جمعه كى تيارى كريں، نماز ادا كريں اور نماز كے بعد معمول كے مطابق اپنے كام نپٹائيں.

وَاذْكُرُوا اللَّهَ كَثِيرًا لَعَلَّكُمْ تُفْلِحُونَ:  «اور الله كو ياد كرو كثرت سے تاكه تم فلاح پاؤ».

          يه ركوع صرف ايك آيت پر مشتمل هے۔ اس آيت كے زمانه نزول كے بارے ميں جو روايات ملتى هيں ان ميں بهت اختلاف پايا جاتا هے۔ كوئى روايت بتاتى هے كه يه آيت اس سورت كے پهلے حصے كے نزول كے آٹھ ماه بعد نازل هوئى اور اس سے قيام الليل كا پهلا حكم منسوخ هوگيا۔ كچھ روايات ميں يه مدت ايك سال اور كچھ ميں 16 ماه بتائى گئى هے۔ ايك رائے يه بھى هے كه يه آيت مدنى هے اور پهلى آيات كے گياره سال بعد نازل هوئى۔ اس آيت كو سمجھنے اور اس سے متعلق روايات ميں پائے جانے والے غير معمولى اختلاف كى وجه جاننے كے ليے ميں ايك عرصه تك پريشان رها۔ اس ميں حيرت كى بات يه هے كه اس حوالے سے كسى تفسير سے بھى مجھے كوئى واضح راه نمائى نه مل سكى۔ پھر كسى زمانے ميں علامه جلال الدين سيوطى رحمه الله كى كتاب «الاتقان فى علوم القرآن» كا مطالعه كرتے هوئے اتفاقاً مجھے اس بارے ميں حضرت عبد الله بن عباس رضى الله عنه كا يه قول مل گيا كه يه ايك نهيں دو آيات هيں۔ چناں چه اس قول كى روشنى ميں اس نكتے پر ميرا دل مطمئن هوگيا كه اس كلام كا نزول تو دو حصوں ميں، دو الگ الگ مواقع پر هوا، ليكن حضور صلى الله عليه وسلم كے فرمان كے مطابق اسے ايك آيت شمار كيا گيا۔ 

آيت 20: إِنَّ رَبَّكَ يَعْلَمُ أَنَّكَ تَقُومُ أَدْنَى مِن ثُلُثَيِ اللَّيْلِ وَنِصْفَهُ وَثُلُثَهُ: «(اے نبى صلى الله عليه وسلم!) يقيناً آپ كا رب جانتا هے كه آپ قيام كرتے هيں كبھى دو تهائى رات كے قريب، كبھى نصف رات اور كبھى ايك تهائى رات»

وَطَائِفَةٌ مِّنَ الَّذِينَ مَعَكَ: «اور جو لوگ آپ كے ساتھ هيں ان ميں سے بھى ايك جماعت آپ كے ساتھ (كھڑى) هوتى هے۔»

وَاللَّهُ يُقَدِّرُ اللَّيْلَ وَالنَّهَارَ: «اور الله هى رات اور دن كا اندازه كرتا هے۔»

          رات اور دن كے اوقات بھى الله نے بنائے هيں اور انسانوں كو بھى اسى نے پيدا كيا هے، اس ليے وه اپنے بندوں كى استعداد سے خوب واقف هے۔

عَلِمَ أَن لَّن تُحْصُوهُ: «الله جانتا هے كه تم اس كى پابندى نهيں كرسكو گے»

          يعنى الله كو معلوم هے كه اس انداز سے يه مشقت زياده عرصے تك نهيں جھيلى جاسكتى۔

فَتَابَ عَلَيْكُمْ: «تو اس نے تم پر مهربانى فرمائى هے»

فَاقْرَؤُوا مَا تَيَسَّرَ مِنَ الْقُرْآنِ: «تو اب قرآن سے جتنا بآسانى پڑھ سكتے هو پڑھ ليا كرو۔»

          حضرت عبد الله بن عباس رضى الله عنه كے مذكوره قول كى روشنى ميں ميرا خيال هے كه اس آيت كا يه حصه پهلى آيات كے گياره ماه يا ايك سال بعد نازل هوا۔ اس حكم كے ذريعے دو تهائى يا نصف يا ايك تهائى رات تك قيام كرنے كى پابندى ختم كردى گئى اور يه سهولت دے دى گئى كه هر شخص اپنى استطاعت كے مطابق قيام الليل ميں جتنا ممكن هو اتنا قرآن پڑھ ليا كرے۔ البته آيت كا دوسرا (درج ذيل) حصه جس ميں قتال كا ذكر هے، اس كے متعلق ميں سمجھتا هوں كه يه هجرت سے متصلاً قبل يا هجرت كے متصلاً بعد نازل هوا۔ چناں چه گياره سال كے وقفے والى روايت اس حصے سے متعلق هے۔

عَلِمَ أَن سَيَكُونُ مِنكُم مَّرْضَى: «الله كے علم ميں هے كه تم ميں كچھ لوگ مريض هوں گے»

وَآخَرُونَ يَضْرِبُونَ فِي الأَرْضِ يَبْتَغُونَ مِن فَضْلِ اللَّهِ: «اور بعض دوسرے زمين ميں سفر كريں گے الله كے فضل كو تلاش كرتے هوں گے»

وَآخَرُونَ يُقَاتِلُونَ فِي سَبِيلِ اللَّهِ: «اور كچھ الله كى راه ميں قتال كررهے هوں گے»

          اب ظاهر هے كه ايسے لوگوں كے ليے رات كو طويل قيام كرنا ممكن نهيں۔

فَاقْرَؤُوا مَا تَيَسَّرَ مِنْهُ: «چناں چه جس قدر تمهارے ليے آسان هو اس سے پڑھ ليا كرو»

وَأَقِيمُوا الصَّلاةَ وَآتُوا الزَّكَاةَ: «اور نماز قائم كرو اور زكوة ادا كرو»

          اب اس حكم ميں نماز پنج گانه كى تاكيد هے اور نماز پنج گانه ظاهر هے 10 نبوى ميں معراج كے موقع پر فرض هوئى تھى، اس لحاظ سے بھى يه رائے درست معلوم هوتى هے كه آيت كا يه حصه 10 نبوى كے بعد هجرت سے پهلے يا هجرت كے فورًاً بعد نازل هوا۔ اس حكم ميں پانچ نمازوں كو قيام الليل كا بدل قرار دے ديا گيا، البته رمضان ميں قيام الليل كا معامله اس سے مستثنى رها۔ رمضان چونكه نزولِ قرآن كا مهينه هے: (شَهْرُ رَمَضَانَ الَّذِيَ أُنزِلَ فِيهِ الْقُرْآنُ) (البقرة: 185) «رمضان كا مهينه وه هے جس ميں قرآن نازل كيا گيا» چناں چه قرآن سے تعلق كى تجديد كے ليے اس مهينے ميں قيام الليل كى خصوصى ترغيب دى گئى هے۔ حضرت سلمان فارسى رضى الله عنه نے رمضان كى آمد پر حضور صلى الله عليه وسلم كا ايك خطبه نقل كيا هے، جس ميں يه الفاظ وارد هوئے هيں: «جَعَلَ اللَّهُ صِيَامَهُ فَرِيضَةً، وَقِيَامَ لَيْلِهِ تَطَوُّعًا»۔ «اس مهينے كے روزے الله تعالى نے فرض كيے هيں اور اس كى راتوں ميں بارگاه خداوندى ميں كھڑا هونے (يعنى نماز تراويح پڑھنے) كو نفل عبادت مقرر كيا هے (جس كا بهت بڑا ثواب ركھا هے)»۔

يعنى رمضان كے روزے تو اهل ايمان پر فرض كر ديے گئے كه اهل ثروت، نادار، مزدور، كسان وغيره سبھى روزه ركھيں اور بھوك پياس كى سختياں برداشت كرنے كے عادى بن كر خود كو جهاد فى سبيل الله كے ليے تيار ركھيں۔ جب كه رمضان كى راتوں كے قيام كے ليے اختيار دے ديا گيا كه جو كوئى اس كا اهتمام كرسكتا هو وه ضرور اس كى بركتوں سے مستفيض هو۔ بعد ميں خليفه دوم حضرت عمر فاروق رضى الله عنه كے دورِ خلافت ميں اسے اجتماعى شكل دے دى گئى۔ چناں چه اجتماعى قيام الليل كا وه سلسله جس كا اهتمام همارے هاں باجماعت تراويح كى صورت ميں هوتا هے حضرت عمر رضى الله عنه كى وساطت سے امت تك پهنچا هے۔ يه در اصل قيام الليل كا عوامى پروگرام هے اور اس كا بنيادى مقصد يه هے كه قيام الليل كى بركتوں سے كوئى شخص بھى محروم نه رهنے پائے۔ قرون اولى كے مخصوص ماحول اور حالات ميں اس باجماعت قيام الليل كى افاديت بهت زياده تھى۔ قرآن مجيد كى زبان چوں كه ان لوگوں كى اپنى زبان تھى اس ليے امام كى زبان سے ادا هونے والا ايك ايك لفظ «از دل خيزد بر دل ريزد» كے مصداق تمام سامعين كے دلوں ميں اترتا چلا جاتا تھا، ليكن آج همارے هاں كى تراويح كے اكثر و بيشتر مقتدى تو «زبان يار من تركى ومن تركى نمى دانم» كى تصوير بنے سارا وقت ركعتوں كے حساب ميں مشغول رهتے هيں (الا ماشاء الله)۔ چناں چه اس عظيم الشان فورم پر بھى اب قرآن كا سننا بس سننے كى حد تك هى هے اور تفهيم و تذكير كے حوالے سے اس استماع كى افاديت نه هونے كے برابر ره گئى هے۔

وَأَقْرِضُوا اللَّهَ قَرْضًا حَسَنًا: «اور الله كو قرض حسنه دو»۔

وَمَا تُقَدِّمُوا لأَنفُسِكُم مِّنْ خَيْرٍ تَجِدُوهُ عِندَ اللَّهِ هُوَ خَيْرًا وَأَعْظَمَ أَجْرًا: «اور جو بھلائى بھى تم آگے بھيجو گے اپنى جانوں كے ليے، اسے موجود پاؤ گے الله كے پاس بهتر اور اجر ميں بڑھ كر۔»

جو نيك اعمال تم نے آگے بھيجے هوں گے انهيں الله تعالى كے پاس تم بهت هى بهتر حالت ميں پاؤ گے۔ الله تعالى تمهارے ان اعمال كو نه صرف سات سو گنا تك بڑھا كر تمهيں لوٹائے گا بلكه اپنے فضل خاص سے اس كے بدلے خصوصى اجر بھى تمهيں عطا فرمائے گا۔

وَاسْتَغْفِرُوا اللَّهَ إِنَّ اللَّهَ غَفُورٌ رَّحِيمٌ: «اور الله سے مغفرت طلب كرتے رهو، يقيناً الله تعالى بهت بخشنے والا، رحمت فرمانے والا هے۔»