حضرت نوح عليه السلام اور ان كي قوم كا قصه

            سورئہ آل عمران کے نصف اوّل کا دوسرا حصہ ۳۱ آیات پر مشتمل ہے۔ اس حصے میں خطاب براہِ راست نصاریٰ سے ہے اور انہیں بتایا گیا ہے کہ یہ جو تم نے حضرت عیسیٰ کو معبود بنا لیا ہے اور تثلیث (Trinity) کا عقیدہ گھڑ لیا ہے یہ سب باطل ہے۔ عیسائیوں کے ہاں دو طرح کی تثلیث رائج رہی ہے   ----  (1. خدا‘ مریم اور عیسیٰ  ----  اور (2. خدا‘ روح القدس اور عیسیٰ ۔ یہاں پر واضح کر دیا گیا کہ یہ جو تثلیثیں تم نے ایجاد کر لی ہیں ان کی کوئی بنیاد نہیں ہے‘ یہ تمہاری کج رَوی ہے۔ تم نے غلط شکل اختیار کی ہے۔ حضرت عیسیٰ بہت برگزیدہ پیغمبر تھے۔ ہاں اُن کی ولادت معجزانہ طریقے پر ہوئی ہے۔ لیکن ان سے متصلاً قبل حضرت یحییٰ  کی ولادت بھی تو معجزانہ ہوئی تھی۔ وہ بھی کوئی کم معجزہ نہیں ہے۔ اور پھر حضرت آدم کی ولادت بھی تو بہت بڑا معجزہ ہے۔ اللہ نے آدم کو پیدا کیا اور ان سے نسل انسانی کا آغاز ہوا۔ چنانچہ اگر کسی کی معجزانہ ولادت الوہیت کی دلیل ہے تو کیا حضرت آدم اور حضرت یحییٰ بھی الٰہ ہیں؟ تو یہ ساری بحث اسی موضوع پر ہو رہی ہے۔

 آیت 33:    اِنَّ اللّٰہَ اصْطَفٰٓی اٰدَمَ وَنُوْحًا وَّاٰلَ اِبْرٰہِیْمَ وَاٰلَ عِمْرٰنَ عَلَی الْعٰلَمِیْنَ:  «یقینا اللہ نے ُچن لیا آدم کو‘  نوح کو‘  آلِ ابراہیم  کو اور آلِ عمران کو تمام جہان والوں پر۔»

            «اِصطفاء» کے معنی منتخب کرنے یا چن لینے  (selection) کے ہیں۔ زیر مطالعہ آیت سے متبادر ہوتا ہے کہ حضرت آدم  کا بھی «اِصطفاء» ہوا ہے۔ اس میں ان لوگوں کے لیے ایک دلیل موجود ہے جو تخلیق آدم کے ضمن میں یہ نظریہ رکھتے ہیں کہ پہلے ایک نوع  (species)  وجود میں آئی تھی اور اللہ نے اس نوع کے ایک فرد کو چن کر اس میں اپنی روح پھونکی تو وہ آدم بن گئے۔ چنانچہ وہ بھی چنیدہ  (selected)  تھے۔ اِصطفاء کے ایک عام معنی بھی ہوتے ہیں‘ یعنی پسند کر لینا۔ ان معنوں میں آیت کا مفہوم یہ ہو گا کہ اللہ تعالیٰ نے آدم کو اور نوح کو اور ابراہیم کے خاندان کو اور عمران کے خاندان کو تمام جہان والوں پر ترجیح دے کر پسند کر لیا ۔ تاریخ بنی اسرائیل میں «عمران » دو عظیم شخصیتوں کے نام ہیں۔ حضرت موسیٰ کے والد کا نام بھی عمران تھا اور حضرت مریم کے والد یعنی حضرت عیسیٰ  کے نانا کا نام بھی عمران تھا۔ یہاں پر غالباً حضرت موسٰی کے والد مراد ہیں۔ لیکن آگے چونکہ حضرت مریم  اور عیسٰی کا تذکرہ آرہا ہے‘ لہٰذا عین ممکن ہے کہ یہاں پر حضرت مریم کے والد کی طرف اشارہ ہو۔

اب انبیاء و رسل کے ناموں  کا وہ گلدستہ آ رہا ہے جس کا ذکر پہلے کیا گیا تھا۔

آیت 84:  وَوَہَبْنَا لَہ اِسْحٰقَ وَیَعْقُوْبَ کُلاًّ ہَدَیْنَا وَنُوْحًا ہَدَیْنَا مِنْ قَـبْلُ وَمِنْ ذُرِّیَّـتِہ دَاودَ وَسُلَیْمٰنَ وَاَیُّـوْبَ وَیُوْسُفَ وَمُوْسٰی وَہٰرُوْنَ وَکَذٰلِکَ نَجْزِی الْمُحْسِنِیْنَ:   ’’اور ہم نے اسے (ابراہیم کو)  عطا فرمایا اسحاق (جیسا بیٹا)  اور یعقوب (جیسا پوتا) ،  ان سب کو ہم نے ہدایت دی۔ اور نوح کو بھی ہم نے ہدایت دی تھی ان سے پہلے، اور اس (ابراہیم)  کی اولاد میں  سے داؤد،  سلیمان،  ایوب ، یوسف، موسیٰ اور ہارون کو بھی (ہدایت بخشی)۔  اور اسی طرح ہم بدلہ دیتے ہیں  محسنین کو۔،،

            یعنی یہ لوگ ایمان کی اس بلند ترین منزل پر فائز تھے جس کے بارے میں  ہم سورۃ المائدۃ میں پڑھ آئے ہیں: ثُمَّ اتَّـقَوْا وَاٰمَنُوْا ثُمَّ اتَّـقَوْا وَّاَحْسَنُوْا وَاللّٰہُ یُحِبُّ الْمُحْسِنِیْنَ.  

آیت 85:   وَزَکَرِیَّا وَیَحْیٰی وَعِیْسٰی وَاِلْیَاسَ کُلٌّ مِّنَ الصّٰلِحِیْنَ:   ’’اور (اُسی کی اولاد میں  سے)   زکریا،  یحییٰ ،  عیسیٰ  اور الیاس کو بھی۔ یہ سب کے سب نیکوکاروں  میں  سے تھے۔،، 

آیت 86:   وَاِسْمٰعِیْلَ وَالْیَسَعَ وَیُوْنُسَ وَلُوْطًا وَکُلاًّ فَضَّلْنَا عَلَی الْعٰلَمِیْنَ:   ’’اور اسماعیل  اور الیَسَع اور یونس  اور لوط  کو بھی (راہ یاب کیا) ،  اور ان سب کو ہم نے تمام جہان والوں  پر فضیلت دی۔،، 

آیت 87:  وَمِنْ اٰبَــآئِہِمْ وَذُرِّیّٰتِہِمْ وَاِخْوَانِہِمْ وَاجْتَـبَیْنٰـہُمْ وَہَدَیْنٰـہُمْ اِلٰی صِرَاطٍ مُّسْتَقِیْمٍ:   ’’اور ان کے آباء و اَجداد میں  سے بھی،  ان کی نسلوں  میں  سے بھی اور ان کے بھائیوں  میں  سے بھی ( ہم نے ہدایت یافتہ بنائے)،  اور ان کو ہم نے چن لیا اور ان کو ہدایت دی سیدھے راستے کی طرف۔،، 

آیت 88:   ذٰلِکَ ہُدَی اللّٰہِ یَہْدِیْ بِہ مَنْ یَّشَآءُ مِنْ عِبَادِہ وَلَوْ اَشْرَکُوْا لَحَبِطَ عَنْہُمْ مَّا کَانُوْا یَعْمَلُوْنَ:   ’’یہ اللہ کی وہ ہدایت ہے جس کے ساتھ وہ راہنمائی فرماتا ہے جس کی چاہتا ہے اپنے بندوں  میں  سے۔ اور اگر (بالفرض) وہ بھی شرک کرتے تو ان کے بھی سارے اعمال ضائع ہو جاتے۔،،

            یہ انداز ہمیں  سمجھانے کی غرض سے اختیار کیا گیا ہے کہ شرک کتنی بری شے ہے۔ ورنہ اس کا کوئی امکان نہیں  تھا کہ ایسے اعلیٰ مراتب پر فائز اللہ کے عظیم الشان انبیاء و رسل شرک میں  مبتلا ہوتے۔ بہر حال اللہ تعالیٰ کے نزدیک شرک ناقابل معافی جرم ہے، جس کے بارے میں  سورۃ النساء میں دو مرتبہ یہ الفاظ آ چکے ہیں:  اِنَّ اللّٰہَ لاَ یَغْفِرُ اَنْ یُّشْرَکَ بِہ وَیَغْفِرُ مَا دُوْنَ ذٰلِکَ لِمَنْ یَّشَآءُ.  (آیت: 48 و116) 

آیت 89:   اُولٰٓئِکَ الَّذِیْنَ اٰتَیْنٰـہُمُ الْکِتٰبَ وَالْحُکْمَ وَالنُّـبُـوَّۃَ:   ’’یہ وہ لوگ ہیں  جن کو ہم نے کتاب،  حکمت، اور نبوت عطا فرمائی۔،،

            فَاِنْ یَّـکْفُرْ بِہَا ہٰٓؤُلَآءِ فَقَدْ وَکَّلْنَا بِہَا قَوْمًا لَّــیْسُوْا بِہَا بِکٰفِرِیْنَ:   ’’پھر اگر یہ لوگ اس کا انکار کر رہے ہیں  تو (کچھ پروا نہیں )  ہم نے کچھ اور لوگ اس کام کے لیے مقرر کر دیے ہیں جو اس کی ناقدری نہیں  کریں  گے۔،،

            مقامِ عبرت ہے! محمد رسول اللہ  جیسا رسول،  مبلغ،  داعی،  مربی،  مزکی اور معلّم پچھلے بارہ سال سے دن رات محنت کر رہا ہے اور اس کے نتیجے میں  اب تک صرف ڈیڑھ، پونے دو سو افراد دائرہ اسلام میں  داخل ہو ئے ہیں ۔ اس پس منظر میں  آپ سے فرمایا جا رہا ہے کہ مکہ کے یہ لوگ اگر اس دعوت کی نا قدری کر رہے ہیں،  اس قرآن کی نا شکری کر رہے ہیں،  اس کا انکار کر رہے ہیں اور آپ کی دس بارہ سال کی محنت کے خاطر خواہ نتائج سامنے نہیں  آئے ہیں  تو آپ دل شکستہ نہ ہوں، عنقریب ایک دوسری قوم بڑے ذوق وشوق سے اس دعوت پر لبیک کہنے جا رہی ہے۔  اس خوش قسمت قوم سے مراد انصارِ مدینہ ہیں۔ اور واقعی اس سلسلے میں  اہل مکہ پیچھے رہ گئے اور اہل مدینہ بازی لے گئے۔ بقولِ شاعر:

گرفتہ چینیاں احرام و مکی خفتہ در بطحا!

            دُنیا کے حالات و اسباب کو دیکھتے ہوئے کچھ نہیں  کہا جا سکتا کہ اللہ تعالیٰ دین کے کام میں  کیسے کیسے اسباب پیدا فرماتے ہیں اور کہاں  کہاں  سے کس کس طرح کے لوگوں  کے دلوں  کو پھیر کر ہدایت کی توفیق دے دیتے ہیں۔ مجھے اپنی دعوت رجوع الی القرآن کے بارے میں  بھی اطمینان ہے کہ پاکستان میں اس کو خاطر خواہ پذیرائی نہیں  ملی تو کیا ہوا،  یہ دعوت مختلف ذرائع سے پوری دنیا میں  پھیل رہی ہے،  اور کچھ نہیں  کہا جا سکتا کہ قرآن کی یہ انقلابی دعوت کس جگہ زمین کے اندر جڑ پکڑ لے اور ایک تناور درخت کی صورت اختیار کر لے۔

آیت 90:  اُولٰٓئِکَ الَّذِیْنَ ہَدَی اللّٰہُ فَبِہُدٰٹہُمُ اقْتَدِہْ:   ’’یہی لوگ ہیں  جن کو اللہ نے ہدایت دی تھی،  تو آپ بھی ان کی ہدایت کی پیروی کیجیے۔،،

            یعنی ابھی جن ابنیاء و رسل کا ذکر ہوا ہے،  سترہ ناموں  کا خوبصورت گلدستہ آپ نے ملاحظہ کیا ہے،  وہ سب کے سب اللہ تعالیٰ کے ہدایت یافتہ تھے۔ اس سلسلے میں  حضور کو فرمایا جا رہا ہے کہ آپ بھی ان کے طریقے کی پیروی کریں۔ اس آیت سے ایک بہت اہم نکتہ اور اصول یہ سامنے آتا ہے کہ سابق انبیاء کی شریعت کا ذکر کرتے ہوئے جن احکام کی نفی نہ کی گئی ہو،  وہ ہمارے لیے بھی قابل اتباع ہیں ۔ مثلاً رجم کی سزا قرآن میں  مذکور نہیں  ہے،  یہ سابقہ شریعت کی سزا ہے،  جس کو حضور نے برقرار رکھا ہے۔ اسی طرح قتل مرتد کی سزا کا ذکر بھی قرآن میں  نہیں  ہے،  یہ بھی سابقہ شریعت کی سزا ہے ، جس کو برقرار رکھا گیا ہے۔ اس نکتے سے یہ اصول سامنے آتا ہے کہ جب تک قرآن و سنت میں  سابقہ شریعت کے کسی حکم کی نفی نہیں  ہوتی وہ حکم اسلامی شریعت میں  برقرار رہتا ہے۔

            قُلْ لَّآ اَسْئَلُکُمْ عَلَیْہِ اَجْرًا اِنْ ہُوَ اِلاَّ ذِکْرٰی لِلْعٰلَمِیْنَ:   ’’کہہ دیجیے میں  تم سے اس پر کسی اجر کا طالب نہیں  ہوں ۔ یہ نہیں  ہے مگر تمام جہان والوں  کے لیے یاد دہانی۔ ،،

            یہ قرآن تو بس اہل عالم کے لیے ایک نصیحت ہے، یاد دہانی ہے،  جو چاہے اس سے کسب ِفیض کرے،  جو چاہے اس سے نور حاصل کرے،  جو چاہے اس سے صراطِ مستقیم کی راہنمائی اخذ کر لے۔ 

            اس رکوع سے التذکیر بِاَیَّامِ اللّٰہ کے اس سلسلے کا آغاز ہو رہا ہے جسے قبل ازیں اس سورت کے مضامین کا ’’عمود‘‘ قرار دیا گیا ہے۔ یہاں اس سلسلے کا بہت بڑا حصہ ’’انباء الرّسل‘‘ پر مشتمل ہے۔ آگے بڑھنے سے پہلے اس اصطلاح کو اچھی طرح سمجھنا بہت ضروری ہے۔ قرآن مجید میں جہاں کہیں نبیوں کا ذکر آتا ہے تو اس کا مقصد ان کی سیرت کے روشن پہلوؤں مثلاً ان کا مقام‘ تقویٰ اور استقامت وغیرہ کو نمایاں کرنا ہوتا ہے‘ جبکہ رسولوں کا ذکر بالکل مختلف انداز میں آتا ہے۔ اللہ تعالیٰ کی طرف سے جب بھی کوئی رسول آیا تو وہ کسی قوم کی طرف بھیجا گیا‘ لہٰذا قرآن مجید میں رسول کے ذکر کے ساتھ لازماً متعلقہ قوم کا ذکر بھی کیا گیا ہے۔ پھر رسول کی دعوت کے جواب میں اس قوم کے رویے اور ردِّ عمل کی تفصیل بھی بیان کی گئی ہے۔ چنانچہ پہلی قسم کے واقعات کو ’’قصص الانبیاء‘‘ کہا جا سکتا ہے۔ اس کی مثال سورہ یوسف ہے‘ جس میں حضرت یوسف کے حالات بہت تفصیل سے بیان ہوئے ہیں، مگر کہیں بھی آپ کی طرف سے اس نوعیت کے اعلان کا ذکر نہیں ملتا کہ لوگو! مجھ پر ایمان لاؤ‘ میری بات مانو، ورنہ تم پر عذاب آئے گا اور نہ ہی ایسا کوئی اشارہ ملتا ہے کہ اس قوم نے آپ کی دعوت کو ردّ کر دیا اور پھر ان پر عذاب آ گیا اور اُنہیں ہلاک کر دیا گیا۔

            دوسری قسم کے واقعات کے لیے ’’انباء الرسل‘‘ کی اصطلاح استعمال ہوتی ہے۔ (’’انباء‘‘ جمع ہے ’’نبأ‘‘ کی‘ جس کے معنی خبر کے ہیں، یعنی رسولوں کی خبریں۔) اِن واقعات سے ایک اصول واضح ہوتا ہے کہ جب بھی کوئی رسول کسی قوم کی طرف آیا تو وہ اللہ کی عدالت بن کر آیا۔ جن لوگوں نے اس کی دعوت کو مان لیا وہ اہل ایمان ٹھہرے اور عافیت میں رہے‘ جبکہ انکار کرنے والے ہلاک کر دیے گئے۔ انباء الرسل کے سلسلے میں عام طور پر چھ رسولوں کے حالات قرآن مجید میں تکرار کے ساتھ آئے ہیں۔ اس کی وجہ یہ نہیں ہے کہ رسول صرف چھ ہیں، بلکہ یہ چھ رسول وہ ہیں جن سے اہل عرب واقف تھے۔ یہ تمام رسول اسی جزیرہ نمائے عرب کے اندر آئے۔ یہ رسول جن علاقوں میں مبعوث ہوئے اُن کے بارے میں جاننے کے لیے جزیرہ نمائے عرب (Arabian Peninsula) کا نقشہ اپنے ذہن میں رکھیے۔ نیچے جنوب کی طرف سے اس کی چوڑائی کافی زیادہ ہے‘ جبکہ یہ چوڑائی اوپر شمال کی طرف کم ہوتی جاتی ہے۔ اس جزیرہ نما علاقہ کے مشرقی جانب خلیج فارس (Persian Gulf) ہے جب کہ مغربی جانب بحیرۂ احمر (Read Sea) ہے جو شمال میں جا کر دو کھاڑیوں میں تقسیم ہو جاتا ہے۔ ان میں سے ایک (شمال مغرب کی طرف) خلیج سویز ہے اور دوسری طرف (شمال مشرق کی جانب) خلیج عقبہ۔ خلیج عقبہ کے اوپر (شمال) والے کونے سے خلیج فارس کے شمالی کنارے کی طرف سیدھی لائن لگائیں تو نقشے پر ایک مثلث (triangle) بن جاتی ہے‘ جس کا قاعدہ (base) نیچے جنوب میں یمن سے سلطنت ِعمان تک ہے اور اوپر والا کونہ شمال میں بحیرہ مردار (Dead Sea) کے علاقے میں واقع ہے۔

            موجودہ دُنیا کے نقشے کے مطابق اس مثلث میں سعودی عرب کے علاوہ عراق اور شام کے ممالک بھی شامل ہیں۔ یہ مثلث اس علاقے پر محیط ہے جہاں عرب کی قدیم قومیں آباد تھیں اور یہی وہ قومیں تھیں جن کی طرف وہ چھ رسول مبعوث ہوئے تھے جن کا ذکر قرآن مجید میں بار بار آیا ہے۔ ان میں سے جو رسول سب سے پہلے آئے وہ حضرت نوح تھے۔ آپ کے زمانے کے بارے میں یقینی طور پر تو کچھ نہیں کہا جا سکتا‘ لیکن مختلف اندازوں کے مطابق آپ کا زمانہ حضرت آدم سے کوئی دو ہزار سال بعد کا زمانہ بتایا جاتا ہے (واللہ اعلم)۔ اُس وقت تک کل نسل ِانسانی بس اسی علاقے میں آباد تھی۔ جب آپ کی قوم آپ کی دعوت پر ایمان نہ لائی تو پانی کے عذاب سے انہیں تباہ کر دیا گیا۔ یہی وہ علاقہ ہے جہاں وہ تباہ کن سیلاب آیا تھا جو’’طوفانِ نوح‘‘ سے موسوم ہے اور یہیں کوہِ جودی میں اَرارات کی وہ پہاڑی ہے جہاں حضرت نوح کی کشتی لنگر انداز ہوئی تھی۔ پھر حضرت نوح کے تین بیٹوں سے دوبارہ نسلِ انسانی چلی۔ آپ کا ایک بیٹا جس کا نام سام تھا‘ اس کی نسل جنوب میں عراق کی طرف پھیلی۔ اس نسل سے جو قومیں وجود میں آئیں انہیں سامی قومیں کہا جاتا ہے۔ انہی قوموں میں ایک قوم عاد تھی‘ جو جزیرہ نمائے عرب کے بالکل جنوب میں آباد تھی۔ آج کل یہ علاقہ بڑا خطرناک قسم کا ریگستان ہے، لیکن اُس زمانے میں قوم ِ عاد کا مسکن یہ علاقہ بہت سرسبز و شاداب تھا۔ اس قوم کی طرف حضرت ہود کو رسول بنا کر بھیجا گیا۔ آپ کی دعوت کو اس قوم نے رد کیا تو یہ بھی ہلاک کر دی گئی۔ اس قوم کے بچے کھچے لوگ اور حضرت ہود وہاں سے نقل مکانی کر کے مذکورہ مثلث کی مغربی سمت جزیرہ نما ئے عرب کے شمال مشرقی کونے میں خلیج عقبہ سے نیچے مغربی ساحل کے علاقے میں جا آباد ہوئے۔ ان لوگوں کی نسل کو قومِ ثمود کے نام سے جانا جاتا ہے۔

            قومِ ثمود کی طرف حضرت صالح کو بھیجا گیا۔ اس قوم نے بھی اپنے رسول کی دعوت کو رد کردیا‘ جس پر انہیں بھی ہلاک کر دیا گیا۔ یہ لوگ پہاڑوں کو تراش کر عالی شان عمارات بنانے میں ماہر تھے۔ پہاڑوں کے اندر کھدے ہوئے ان کے محلات اوربڑے بڑے ہال آج بھی موجود ہیں۔ قومِ ثمود کے اس علاقے سے ذرا اوپر خلیج عقبہ کے داہنی طرف مدین کا علاقہ ہے جہاں وہ قوم آباد تھی جن کی طرف حضرت شعیب کو بھیجا گیا۔ مدین کے علاقے سے تھوڑا آگے بحیرہ مردار (Dead Sea) ہے‘ جس کے ساحل پر سدوم اور عامورہ کے شہر آباد تھے۔ ان شہروں میں حضرت لوط کو بھیجا گیا۔ بہرحال یہ ساری اقوام جن کا ذکر قرآن میں بار بار آیا ہے مذکورہ مثلث کے علاقے میں ہی آباد تھیں۔ صرف قومِ فرعون اس مثلث سے باہر مصر میں آباد تھی جہاں حضرت موسیٰ مبعوث ہوئے۔ ان چھ رسولوں کے حالات پڑھنے سے پہلے ان کی قوموں کے علاقوں کا یہ نقشہ اچھی طرح ذہن نشین کر لیجئے۔ زمانی اعتبار سے حضرت نوح سب سے پہلے رسول ہیں، پھر حضرت ہود‘ پھر حضرت صالح‘ پھر حضرت ابراہیم۔ لیکن حضرت ابراہیم کا ذکر قرآن میں انباء الرسل کے انداز میں نہیں بلکہ قصص الانبیاء کے طور پر آیا ہے۔ آپ کے بھتیجے حضرت لوط کو سدوم اور عامورہ کی بستیوں کی طرف بھیجا گیا۔

            حضرت ابراہیم کے ایک بیٹے کا نام مدین تھا‘ جن کی اولاد میں حضرت شعیب کی بعثت ہوئی۔ حضرت ابراہیم ہی کے بیٹے حضرت اسماعیل حجاز (مکہ) میں آباد ہوئے اور پھر حجاز میں ہی نبی آخر الزماں کی بعثت ہوئی۔ حضرت ابراہیم کے دوسرے بیٹے حضرت اسحاق تھے جن کوآپ نے فلسطین میں آباد کیا۔ حضرت اسحاق کے بیٹے حضرت یعقوب تھے جن سے بنی اسرائیل کی نسل چلی۔ قرآن حکیم میں جب ہم انبیاء ورُسل کے تذکرے پڑھتے ہیں تو یہ ساری تفصیلات ذہن میں ہونی چاہئیں۔

آیت 59:   لَقَدْ اَرْسَلْنَا نُوْحًا اِلٰی قَوْمِہ فَقَالَ یٰقَوْمِ اعْبُدُوا اللّٰہَ مَا لَکُمْ مِّنْ اِلٰہٍ غَیْرُہ اِنِّیْٓ اَخَافُ عَلَیْکُمْ عَذَابَ یَوْمٍ عَظِیْمٍ:  ’’ہم نے بھیجا تھا نوح کو اُس کی قوم کی طرف تو اُس نے کہا اے میری قوم کے لوگو! اللہ کی بندگی کرو، تمہارا کوئی معبود اس کے سوا نہیں ہے‘ مجھے تمہارے بارے میں اندیشہ ہے ایک بڑے دن کے عذاب کا۔‘‘

            یعنی مجھے اندیشہ ہے کہ اگر تم لوگ یوں ہی مشرکانہ افعال اور اللہ تعالیٰ کی نافرمانیوں کا ارتکاب کرتے رہو گے تو بہت بڑے عذاب میں پکڑے جاؤ گے۔

آیت 60:  قَالَ الْمَلَاُ مِنْ قَوْمِہ اِنَّا لَنَرٰکَ فِیْ ضَلٰلٍ مُّبِیْنٍ:  ’’آپ کی قوم کے سرداروں نے کہا کہ ہم تو تمہیں ایک کھلی ہوئی گمراہی میں مبتلا دیکھ رہے ہیں۔‘‘ 

آیت 61:  قَالَ یٰــقَوْمِ لَـیْسَ بِیْ ضَلٰلَۃٌ وَّلٰـکِنِّیْ رَسُوْلٌ مِّنْ رَّبِّ الْعٰلَمِیْنَ:  ’’آپ نے کہا کہ اے میری قوم کے لوگو! میں کسی گمراہی میں مبتلا نہیں ہوں، بلکہ میں تو رسول ہوں تمام جہانوں کے پروردگار کی طرف سے۔‘‘ 

آیت 62:  اُبَلِّغُکُمْ رِسٰلٰتِ رَبِّیْ وَاَنْصَحُ لَـکُمْ وَاَعْلَمُ مِنَ اللّٰہِ مَا لاَ تَعْلَمُوْنَ:  ’’میں تو تمہیں پہنچا رہا ہوں اپنے رب کے پیغامات، اور میں تمہاری خیر خواہی کر رہا ہوں، اورمیں اللہ کی طرف سے وہ کچھ جانتا ہوں جو تمہیں معلوم نہیں۔‘‘

             مجھے تو تمام جہانوں کے پروردگار نے اس خدمت پر مامور کیا ہے کہ میں تمہیں خبردار کر دوں، تا کہ تم لوگ ایک بڑے عذاب کی لپیٹ میں آنے سے بچ جاؤ۔ میں تو تمہاری بھلائی ہی کی فکر کر رہا ہوں۔ اگر تمہارے مشرکانہ افعال اسی طرح جاری رہے تو اِن کی پاداش میں تمہارے اوپر کتنی بڑی تباہی آ سکتی ہے تم لوگوں کو اس کا کچھ بھی اندازہ نہیں، مگر مجھے اپنے پروردگار کی طرف سے اس کے بارے میں برابر آگاہ کیا جا رہا ہے۔ 

آیت 63:  اَوَعَجِبْتُمْ اَنْ جَآءَکُمْ ذِکْرٌ مِّنْ رَّبِّکُمْ عَلٰی رَجُلٍ مِّنْکُمْ لِیُنْذِرَکُمْ وَلِتَتَّقُوْا وَلَعَلَّکُمْ تُرْحَمُوْنَ:  ’’کیا تمہیں اس بات پر تعجب ہوا کہ تمہارے پاس تمہارے رب کی طرف سے ایک یاد دہانی تم ہی میں سے ایک فرد کے ذریعے سے آئی، تا کہ وہ تمہیں خبردار کر دے اور تم (گناہوں سے) بچ سکو اور تم پر رحم کیا جائے۔‘‘ 

آیت 64:  فَکَذَّبُوْہُ فَاَنْجَیْنٰـہُ وَالَّذِیْنَ مَعَہ فِی الْْفُلْکِ وَاَغْرَقْـنَا الَّذِیْنَ کَذَّبُوْا بِاٰیٰتِنَا:  ’’تو انہوں نے اُس کو جھٹلایا‘ تو بچا لیا ہم نے اُس کو اور جو اُس کے ساتھی تھے کشتی میں، اور ہم نے غرق کر دیا ان لوگوں کو جنہوں نے ہماری آیات کو جھٹلایا۔‘‘

            اِنَّـہُمْ کَانُوْا قَوْماً عَمِیْنَ:  ’’ یقینا وہ اندھے لوگ تھے۔‘‘

            یعنی وہ ایسی قوم تھی جس نے آنکھیں ہونے کے باوجود اللہ کی نشانیوں کو دیکھنے اور حق کو پہچاننے سے انکار کر دیا۔ حضرت نوح کے ساتھی اہل ایمان بہت ہی کم لوگ تھے۔ آپ نے ساڑھے نو سو برس تک اپنی قوم کو دعوت دی تھی اس کے باوجود بہت تھوڑے لوگ ایمان لائے تھے‘ جو آپ کے ساتھ کشتی میں سیلاب سے محفوظ رہے۔ آپ کے تین بیٹوں میں سے حضرت سام کی اولاد میں سے ’’عاد‘‘ نام کے ایک سردار بڑے مشہور ہوئے اور پھر ان ہی کے نام پر ’’قومِ عاد‘‘ وجود میں آئی۔ آگے اسی قوم کا تذکرہ ہے۔ 

            اب انباء الرسل کے سلسلے میں دو رکوع آ رہے ہیں، جن کا آغاز سورت میں ذکر ہوا تھا کہ ان میں پہلے حضرت نوح کا ذکر بہت اختصار کے ساتھ (آدھے رکوع میں) ہے اور بعد میں حضرت موسیٰ کا ذکر قدرے تفصیل سے (ڈیڑھ رکوع میں) آیا ہے۔ درمیان میں صرف حوالہ دیا گیا ہے کہ ہم نے مختلف قوموں کی طرف رسولوں کو بھیجا، اس سلسلے میں کسی رسول کا نام نہیں لیا گیا۔

 آیت ۷۱:  وَاتْلُ عَلَیْہِمْ نَبَاَ نُوْحٍ:  « اور ان کو سنائیے نوح کی خبر۔»

             اِذْ قَالَ لِقَوْمِہ یٰقَوْمِ اِنْ کَانَ کَبُرَ عَلَیْکُمْ مَّقَامِیْ وَتَذْکِیْرِیْ بِاٰیٰتِ اللّٰہِ:  « جب اُس نے کہا اپنی قوم سے کہ اے میری قوم کے لوگو! اگر تم پر بڑا بھاری گزر رہا ہے میرا کھڑا ہونا اور اللہ کی آیات کے ساتھ نصیحت کرنا»

            میرا دعوت ِحق کے ساتھ کھڑا ہونا اور تبلیغ و تذکیر کا میرا یہ عمل اگر تم پر بہت شاق گزر رہا ہے کہ تم میرا مذاق اڑاتے ہو اور مجھ پر آوازے کستے ہو تو مجھے تمہاری مخالفت کی کوئی پروا نہیں۔

             فَعَلَی اللّٰہِ تَوَکَّلْتُ فَاَجْمِعُوْٓا اَمْرَکُمْ وَشُرَکَآءَکُمْ:  «تو میں نے بس اللہ پر توکل کر لیا ہے، پس تم جمع کر لو اپنے سارے ذرائع اور اپنے شریکوں کو (بھی بلا لو) »

             ثُمَّ لاَ یَکُنْ اَمْرُکُمْ عَلَیْکُمْ غُمَّۃً ثُمَّ اقْضُوْٓا اِلَیَّ وَلاَ تُنْظِرُوْنِ:  «پھر تم پر تمہارا معاملہ کسی اشتباہ میںنہ رہ جائے، پھر جو فیصلہ میرے بارے میں کرنا ہے کر گزرو اور مجھے کوئی مہلت نہ دو۔»

            اس طرزِ تخاطب سے اندازہ ہو رہا ہے کہ حضرت نوح کا دل اپنی قوم کے رویے کی وجہ سے کس قدر دکھا ہوا تھا، اور ایسا ہونا بالکل فطری عمل تھا۔ اللہ کے اس بندے نے ساڑھے نو سو سال تک اپنی قوم کو سمجھانے اور نصیحت کرنے میں دن رات ایک کر دیاتھا، اپنا آرام و سکون تک قربان کر دیاتھا، مگر وہ قوم تھی کہ ٹس سے مس نہیں ہوئی تھی۔ بہر حال ان الفاظ میں اللہ کے رسول کی طرف سے ایک آخری بات چیلنج کے انداز میں کہی جا رہی ہے کہ تم لوگ اپنی ساری قوتیں مجتمع کر لو، تمام وسائل اکٹھے کر لو اور پھر میرے ساتھ جو کر سکتے ہو کر گزرو!

 آیت ۷۲:  فَاِنْ تَوَلَّیْتُمْ:  «پھر اگر تم (اس سے ) اعراض کرو»

             فَمَا سَاَلْـتُـکُمْ مِّنْ اَجْرٍ:  «تومیں نے تم لوگوں سے (کبھی) کوئی اجر تو نہیں مانگا۔»

            یعنی پھر اگر تم اس چیلنج کا سامنا نہ کر سکو اور میرے خلاف آخری اقدام کرنے کا حوصلہ بھی نہ کر پاؤ تو پھر ذرا ٹھنڈے دماغ سے سوچو تو سہی کہ میں پچھلے ساڑے نو سو سال سے تمہیں راہِ راست پر لانے کی جو جدوجہد کررہا ہوں اس کے عوض میں نے تم لوگوں سے کوئی معاوضہ، کوئی اُجرت، کوئی تعریف و توصیف، کوئی شاباش، الغرض کچھ بھی طلب نہیں کیا۔ تو کیا میرے اس طرز عمل سے تم لوگوں کو اتنی سی بات بھی سمجھ نہیں آتی کہ اس میں میرا کوئی ذاتی مفاد نہیں ہے؟ معلوم ہوتا ہے کہ وہ لوگ حضرت نوح کا چیلنج قبول کرکے ان کے خلاف اقدام کرنے سے گریزاں تھے۔ انہیں ڈر تھا کہ اگر ہم نے انہیں قتل کر دیا تو ہم پر کوئی بڑی مصیبت نازل ہو جائے گی۔

             اِنْ اَجْرِیَ اِلاَّ عَلَی اللّٰہِ وَاُمِرْتُ اَنْ اَکُوْنَ مِنَ الْمُسْلِمِیْنَ:  «میرا اجر تو اللہ ہی کے ذمہ ہے اور مجھے حکم ہو ا ہے کہ میں اس کے فرمان بردار بندوں میں سے رہوں۔» 

 آیت ۷۳:  فَکَذَّبُوْہُ فَنَجَّیْنٰہُ وَمَنْ مَّعَہ فِی الْْفُلْکِ وَجَعَلْنٰہُمْ خَلٰٓئِفَ:  «تو انہوں نے (پھر بھی) جھٹلا دیا اُس کو، تو ہم نے نجات دے دی اُس کو اور جو بھی اُس کے ساتھ تھے کشتی میں اور ان کو بنا دیا جانشین»

            انہی لوگوں کو ہم نے زمین میں خلافت عطا کی۔

             وَاَغْرَقْنَا الَّذِیْنَ کَذَّبُوْا بِاٰیٰتِنَا فَانْظُرْ کَیْفَ کَانَ عَاقِبَۃُ الْمُنْذَرِیْنَ:  «اور غرق کر دیا ہم نے ان لوگوں کوجنہوں نے ہماری آیات کی تکذیب کی تھی، تو دیکھو کیسا انجام ہوا ان لوگوں کاجنہیں خبردار کر دیا گیا تھا!» 

 آیت ۲۵:  وَلَقَدْ اَرْسَلْنَا نُوْحًا اِلٰی قَوْمِہٓ اِنِّیْ لَـکُمْ نَذِیْرٌ مُّبِیْنٌ:  «اور ہم نے بھیجا نوح  کو اُس کی قوم کی طرف (تو آپ نے کہا) کہ میں تمہارے لیے ایک کھلا خبردار کر دینے والا ہوں۔ »

 آیت ۲۶:  اَنْ لاَّ تَعْبُدُوْٓا اِلاَّ اللّٰہَ اِنِّیْٓ اَخَافُ عَلَیْکُمْ عَذَابَ یَوْمٍ اَلِیْمٍ:  «کہ مت پوجو کسی کو سوائے اللہ کے۔  مجھے اندیشہ ہے تم پر ایک بڑے دردناک دن کے عذاب کا۔ »

 آیت ۲۷:  فَقَالَ الْمَلَاُ الَّذِیْنَ کَفَرُوْا مِنْ قَوْمِہ مَا نَرٰکَ اِلاَّ بَشَرًا مِّثْلَنَا:  «تو اُس کی قوم کے اُن سرداروں نے کہا جنہوں نے کفر کی روش اختیار کی تھی کہ ہم نہیں دیکھتے (اے نوح) آپ کو مگر اپنے جیسا ایک انسان»

            انہوں نے کہا کہ آپ تو بالکل ہمارے جیسے انسان ہیں۔  آپ میں ہمیں کوئی ایسی بات نظر نہیں آتی کہ ہم آپ کو اللہ کا فرستادہ مان لیں۔

             وَمَا نَرٰکَ اتَّبَعَکَ اِلاَّ الَّذِیْنَ ہُمْ اَرَاذِلُنَا بَادِیَ الرَّاْيِ:  «اور ہم نہیں دیکھتے مگر یہ کہ آپ کی پیروی کرنے والے بظاہر ہم میں ادنیٰ درجے کے لوگ ہیں۔ »

            ہمیں بلا تامل نظر آ رہا ہے کہ چند مفلس، نادار اور نچلے طبقے کے لوگ آپ کے گرد اکٹھے ہو گئے ہیں، جبکہ ہمارے معاشرے کا کوئی بھی معزز اور معقول آدمی آپ سے متاثر نہیں ہوا۔

             وَمَا نَرٰی لَکُمْ عَلَیْنَا مِنْ فَضْلٍم بَلْ نَظُنُّکُمْ کٰذِبِیْنَ:  «اور ہمیں نظر نہیں آتی اپنے مقابلے میں تم لوگوں میں کوئی بھی فضیلت، بلکہ ہمارا گمان تو یہی ہے کہ تم لوگ جھوٹے ہو۔ »

 آیت ۲۸:  قَالَ یٰقَوْمِ اَرَئَیْتُمْ اِنْ کُنْتُ عَلٰی بَیِّنَۃٍ مِّنْ رَّبِّیْ:  «نوح  نے کہا : اے میری قوم کے لوگو! ذرا غور کرو اگر میں (پہلے سے ہی) اپنے رب کی طرف سے بیّنہ پر تھا»

            یہ لفظ بَـیِّنَۃ اس سورت میں بار بار آئے گا۔  یعنی میں نے اپنی زندگی تمہارے درمیان گزاری ہے، میرا کردار، میرا اخلاق اور میرا رویہ، سب کچھ تم اچھی طرح جانتے ہو۔  تم لوگ جانتے ہو کہ میں ایک شریف النفس اور سلیم الفطرت انسان ہوں۔  لہٰذا تم لوگ غور کرو کہ پہلے بھی اگر میں ایسی شخصیت کا حامل انسان تھا :

             وَاٰتٰنِیْ رَحْمَۃً مِّنْ عِنْدِہ فَعُمِّیَتْ عَلَیْکُمْ:  « اور (اب) اُس نے مجھے اپنے پاس سے خاص رحمت بھی عطافرما دی ہے (اور یہ وہ چیز ہے) جس کو تمہاری نظروں سے پوشیدہ رکھا گیا ہے۔ »

            یعنی میرے اوپر اللہ کی رحمت سے وحی آتی ہے جس کی کیفیت اور حقیقت کا ادراک تم لوگ نہیں کر سکتے۔  میں اس کے بارے میں تم لوگوں کو بتا ہی سکتا ہوں، دکھا تو نہیں سکتا۔  

             اَنُلْزِمُکُمُوْہَا وَاَنْتُمْ لَہَا کٰرِہُوْنَ:  «توکیا ہم چپکا دیں تم پرا س کو (زبردستی) جبکہ تم لوگ اس کو نا پسند کرتے ہو؟»

            اب اگر ایک بات آپ لوگوں کو پسند نہیں آ رہی تو ہم زبردستی اس کو تمہارے سر نہیں تھوپ سکتے۔  ہم آپ لوگوں کو مجبور تو نہیں کر سکتے کہ آپ ضرور ہی اللہ کو اپنا معبود اور مجھے اس کا رسول مانو۔ 

 آیت ۲۹:  وَیٰقَوْمِ لَآ اَسْئَلُکُمْ عَلَیْہِ مَالاً اِنْ اَجْرِیَ اِلاَّ عَلَی اللّٰہِ وَمَآ اَنَا بِطَارِدِ الَّذِیْنَ اٰمَنُوْا:  «اور اے میری قوم کے لوگو! میں تم سے اس کے بدلے کوئی مال طلب نہیں کرتا۔ میرا اجر تو اللہ ہی کے ذمہ ہے، اور جو لوگ ایمان لائے ہیں میں ان کو دھتکارنے والا بھی نہیں ہوں۔ »

             جن لوگوں کے بارے میں تم کہتے ہو کہ وہ ادنیٰ طبقے سے تعلق رکھتے ہیں، وہ سب اہل ایمان ہیں، اور اس لحاظ سے میرے نزدیک وہ بہت اہم اور معزز لوگ ہیں۔  اب میں تمہارے کہنے پر ان کو خودسے دور نہیں ہٹا سکتا۔

             اِنَّہُمْ مُّلٰقُوْا رَبِّہِمْ وَلٰکِنِّیْٓ اَرٰکُمْ قَوْمًا تَجْہَلُوْنَ:  « وہ یقینا اپنے رب سے ملنے والے ہیں، لیکن میں تمہیں دیکھتا ہوں کہ تم لوگ جہالت میں مبتلا ہو گئے ہو۔ »

 آیت ۳۰:  وَیٰقَوْمِ مَنْ یَّنْصُرُنِیْ مِنَ اللّٰہِ اِنْ طَرَدْتُّہُمْ:  «اور اے میری قوم کے لوگو! (ذرا سوچو کہ) اگر میں ان کو اپنے ہاں سے بھگا دوں گا تو کون میری مدد کرے گا اللہ کے مقابلے میں؟»

            یہ سب سچے مؤمنین، اللہ کا ذکر کرنے والے اور اس سے دعائیں مانگنے والے لوگ ہیں۔  اگر میں تمہارے کہنے پر ان کو دھتکار دوں تو اللہ کی ناراضگی سے مجھے کون بچائے گا۔

             اَفَلاَ تَذَکَّرُوْنَ:  «تو کیا تم لوگ نصیحت اخذ نہیں کرتے؟»

 آیت ۳۱:  وَلآَ اَقُوْلُ لَـکُمْ عِنْدِیْ خَزَآئِنُ اللّٰہِ:  «اور میں تم سے یہ نہیں کہتا کہ میرے پاس اللہ کے خزانے ہیں»

            میں نے کب دعویٰ کیا ہے کہ اللہ کے خزانوں پر میرا اختیار ہے۔  یہ وہی بات ہے جو ہم سورۃ الانعام (آیت:۵۰) میں محمد ٌرسول اللہ  کے حوالے سے پڑھ چکے ہیں۔

             وَلَآ اَعْلَمُ الْغَیْبَ وَلَآ اَقُوْلُ اِنِّیْ مَلَکٌ:  «اور نہ میں غیب کا علم رکھتا ہوں، اور نہ میں کہتا ہوں کہ میں فرشتہ ہوں»

             وَّلآَ اَقُوْلُ لِلَّذِیْنَ تَزْدَرِیْٓ اَعْیُنُکُمْ لَنْ یُّؤْتِیَہُمُ اللّٰہُ خَیْرًا:  «اور نہ میں یہ کہہ سکتا ہوں ان لوگوں کے بارے میں جنہیں تمہاری آنکھیں حقیر دیکھ رہی ہیں کہ اللہ انہیں کوئی خیر نہیں دے گا۔ »

            کیا معلوم اللہ کے ہاں وہ بہت محبوب ہوں، اللہ انہیں بہت بلند مراتب عطا کرے اور اُخروی زندگی میں «فَرَوْحٌ وَّرَیْحَانٌ وَّجَنَّتُ نَعِیْمٍ»  (الواقعہ) کا مستحق ٹھہرائے۔  

             اَللّٰہُ اَعْلَمُ بِمَا فِیْٓ اَنْفُسِہِمْ اِنِّیْٓ اِذًا لَّمِنَ الظّٰلِمِیْنَ:  «اللہ خوب جانتا ہے جوکچھ ان کے دلوں میں ہے، (اگر میں اُن کو دور کر دوں) تب تو یقینا میں خود ظالموں میں سے ہو جاؤں گا۔ »

            یہ تو اللہ ہی بہتر جانتا ہے کہ کون اپنے ایمان کے دعوے میں کتنا مخلص ہے اور کس کے دل میں اللہ کے لیے کتنی محبت ہے۔ اگر میں تمہارے طعنوں سے تنگ آ کر ان اہل ایمان کو اپنے پاس سے اٹھا دوں تو میرا شمار ظالموں میں ہو گا۔ 

 آیت ۳۲:  قَالُوْا یٰنُوْحُ قَدْ جٰـدَلْـتَنَا فَاَکْثَرْتَ جِدَالَنَا:  «انہوں نے کہا: اے نوح! تم نے ہم سے جھگڑا کیا اور خوب جھگڑا کیا»

            جب حضرت نوح کی ان تمام باتوں کا علمی، عقلی اور منطقی سطح پر کوئی جواب ان لوگوں سے نہ بن پڑا تو وہ خواہ مخواہ ضد اور ہٹ دھرمی پر اتر آئے کہ بس جی بہت ہو گیا بحث مباحثہ، اب چھوڑیں ان دلیلوں کو اور:

             فَاْ تِنَا بِمَا تَعِدُنَآ اِنْ کُنْتَ مِنَ الصّٰدِقِیْنَ:  «پس لے آؤہم پر وہ عذاب جس کی تم ہمیں دھمکی دے رہے ہو، اگر تم سچے ہو۔ »

 آیت ۳۳:  قَالَ اِنَّمَا یَاْتِیْکُمْ بِہِ اللّٰہُ اِنْ شَآءَ وَمَآ اَنْتُمْ بِمُعْجِزِیْنَ:  «آپ  نے فرمایا کہ وہ (عذاب) تو اللہ ہی لائے گاتمہارے اوپر اگر وہ چاہے گا اور پھر تم اس کو شکست نہیں دے سکو گے۔ »

            اگر اس نے تمہیں عذاب دینے کا فیصلہ کر لیا تو پھر تم لوگ اس کا مقابلہ کر کے اس کے عذاب سے بچ کر بھاگ نہیں سکو گے۔  

 آیت ۳۴:  وَلاَ یَنْفَعُکُمْ نُصْحِیْٓ اِنْ اَرَدْتُّ اَنْ اَنْصَحَ لَـکُمْ اِنْ کَانَ اللّٰہُ یُرِیْدُ اَنْ یُّغْوِیَکُمْ:  «اور تم لوگوں کو میری نصیحتکچھ فائدہ نہیں دے سکتی اگر میں تمہیں نصیحت کرنا بھی چاہوں، اگر اللہ ہی تمہاری گمراہی کا فیصلہ کر چکا ہے۔ »

            اگر تمہاری اس خواہ مخواہ کی ضد اور ہٹ دھرمی کے باعث اللہ نے تمہاری گمراہی کے فیصلے پر مہر ثبت کر دی ہو تو پھر میری نصیحت اور خیر خواہی تمہارے حق میں کچھ بھی مفید نہیں ہو سکتی۔

             ہُوَ رَبُّکُمْ وَاِلَیْہِ تُرْجَعُوْنَ: «وہی تمہارا رب ہے، اور اُسی کی طرف تم لوٹا دیے جاؤ گے۔ »

 آیت ۳۵:  اَمْ یَـقُوْلُوْنَ افْتَرٰہُ قُلْ اِنِ افْتَرَیْتُہ فَعَلَیَّ اِجْرَامِیْ وَاَنَا بَرِیْٓئٌ مِّمَّا تُجْرِمُوْنَ:  «کیا یہ کہتے ہیں کہ اس (محمد)  نے اس (قرآن) کو گھڑ لیا ہے؟ آپ کہیے کہ اگر میں نے اسے گھڑ لیا ہے تو اس کا وبال مجھ ہی پر آئے گا، اور میں بری ہوں اس سے جو جرم تم کر رہے ہو۔ »

            یہ ایک جملہ معترضہ ہے جو حضرت نوح کے ذکر کے درمیان آ گیا ہے۔  اس میں رسول اللہ  کو مخاطب کر کے فرمایا جا رہا ہے کہ اے نبی ! یہ تمام باتیں جو ہم آپ کو بذریعہ وحی بتاتے ہیں، جیسے حضرت نوح  اور آپ  کی قوم کی گفت و شنید نقل ہوئی، تو مشرکین مکہ کہتے ہیں کہ یہ باتیں اور قصے آپ خود اپنی طرف سے بنا کر انہیں سناتے ہیں۔  آپ ان پر واضح کر دیں کہ میں اگر واقعی یہ جرم کر رہا ہوں تو اس کا وبال بھی مجھ ہی پر آئے گا۔  مگر آپ لوگ اس کے دوسرے پہلو پر بھی غور کریں کہ اگر یہ کلام واقعی اللہ کی طرف سے ہے تو اس کو جھٹلا کر تم لوگ جس جرم کے مرتکب ہو رہے ہو، اس کے نتائج بھی پھر تم لوگوں کو ہی بھگتنا ہیں۔  بہر حال میں علی الاعلان کہے دیتا ہوں کہ میں تمہارے اس جرم سے بالکل بری ہوں۔  اس جملہ معتر ضہ کے بعد حضرت نوح کے ذکر کا سلسلہ دوبارہ وہیں سے جوڑا جا رہا ہے۔ 

 آیت ۳۶:  وَاُوْحِیَ اِلٰی نُوْحٍ اَنَّہ لَنْ یُّؤْمِنَ مِنْ قَوْمِکَ اِلاَّ مَنْ قَدْ اٰمَنَ فَلاَ تَبْتَئِسْ بِمَا کَانُوْا یَفْعَلُوْنَ:  «اور وحی کر دی گئی نوح  کی طرف کہ اب کوئی شخص ایمان نہیںلائے گا تمہاری قوم میں سے سوائے ان لوگوں کے جو ایمان لا چکے ہیں، تو جو کچھ وہ کر رہے ہیں آپ  اس کی وجہ سے غمگین نہ ہوں۔ »

 آیت ۳۷:  وَاصْنَعِ الْفُلْکَ بِاَعْیُنِنَا وَوَحْیِنَا:  «اور (اب) آپ  کشتی بنائیے ہماری نگاہوں کے سامنے اور ہماری ہدایات کے مطابق»

            اس حکم سے یوں لگتا ہے کہ کشتی کی تیاری کے ہر مرحلے پر حضرت نوح کو اللہ تعالیٰ کی طرف سے ہدایات مل رہی تھیں، مثلاً لمبائی اتنی ہو، چوڑائی اتنی ہو، لکڑیاں یوں تیار کرو، وغیرہ۔  

             وَلاَ تُخَاطِبْنِیْ فِی الَّذِیْنَ ظَلَمُوْا:  «اور جو ظالم ہیں ان کے بارے میں اب مجھ سے بات نہ کیجیے گا۔ »

            اب ان منکرین میں سے کسی کے بارے میں کوئی درخواست، دعا یا سفارش وغیرہ آپ کی طرف سے نہ آئے، اب اس کا وقت گزر چکا ہے۔

             اِنَّہُمْ مُّغْرَقُوْنَ:  «(اب) یہ سب کے سب غرق کیے جائیں گے۔ »

 آیت ۳۸:  وَیَصْنَعُ الْفُلْکَ وَکُلَّمَا مَرَّ عَلَیْہِ مَلَاٌ مِّنْ قَوْمِہ سَخِرُوْا مِنْہُ:  «اور آپ  کشتی بنا رہے تھے، اور جب بھی آپ  کے پاس سے گزرتے آپ  کی قوم کے سردار تو وہ آپ  کا مذاق اڑاتے۔ »

             حضرت نوح اور آپ  کے اہل ایمان ساتھی جس جگہ اور جس علاقے میں یہ کشتی بنا رہے تھے ظاہر ہے کہ وہاں ہر طرف خشکی ہی خشکی تھی، سمندر یا دریا کا کہیں دور دور تک نام و نشان نہیں تھا۔ ان حالات میں تصور کریں کہ کیا کیا باتیں اور کیسے کیسے تمسخر آمیز فقرے کہے جاتے ہوں گے کہ اب تو معلوم ہوتا ہے کہ ان کی بالکل ہی مت ماری گئی ہے کہ خشکی پر کشتی چلانے کا ارادہ ہے!

             قَالَ اِنْ تَسْخَرُوْا مِنَّا فَاِنَّا نَسْخَرُ مِنْکُمْ کَمَا تَسْخَرُوْنَ:  «نوح  فرماتے کہ اگر (آج) تم ہم سے تمسخر کر رہے ہو تو (وہ وقت قریب آنے والا ہے کہ) ہم بھی تم سے تمسخر کریں گے جیسے کہ اب تم تمسخر کر رہے ہو۔ » 

 آیت۳۹:  فَسَوْفَ تَعْلَمُوْنَ مَنْ یّاْتِیْہِ عَذَابٌ یُّخْزِیْہِ وَیَحِلُّ عَلَیْہِ عَذَابٌ مُّقِیْمٌ:  «تو عنقریب تم جان لو گے کہ کس پر آتا ہے وہ عذاب جو اسے رسوا کر دے گا، اور کس پر اترتا ہے وہ عذاب جو قائم رہنے والا (دائمی) ہو گا۔»

 آیت ۴۰:  حَتّٰیٓ اِذَاجَآءَ اَمْرُنَا وَفَارَ التَّــنُّوْرُ:  «یہاں تک کہ جب ہمارا حکم آ گیا اور تنور جوش سے اُبل پڑا»

            مشرق ِوسطیٰ کے اس پورے علاقے میں ایک بہت بڑے سیلاب کے واضح آثار بھی ملتے ہیں، اس بارے میں تاریخی شہادتیں بھی موجود ہیں اور آج کا علم طبقات الارض (Geology) بھی اس کی تصدیق کرتا ہے۔  H.G.Wells نے اس سیلاب کی تاویل یوں کی ہے کہ یہ علاقہ بحیره روم (Mediterranean) کی سطح سے بہت نیچا تھا، مگر سمندر کے مشرقی ساحل یعنی شام اور فلسطین کے ساتھ ساتھ موجود پہاڑی سلسلوں کی وجہ سے سمندر کا پانی خشکی کی طرف نہیں آ سکتا تھا۔  (جیسے کراچی کے بعض علاقوں کے بارے میں بھی کہا جاتا ہے کہ وہ سطح سمندر سے بہت نیچے ہیں مگر ساحلی علاقہ کی سطح چونکہ بلند ہے اس لیے سمندر کا پانی اس طرف نہیں آ سکتا۔) H.G.Wells کا خیال ہے کہ اس علاقے میں سمندر سے کسی وجہ سے پانی کے لیے کوئی راستہ بن گیا ہو گا جس کی وجہ سے یہ پورا علاقہ سمندر کی شکل اختیار کر گیا۔  قرآن مجید کے الفاظ کے مطابق اس سیلاب کا آغاز ایک خاص تنور سے ہوا تھا جس کے نیچے سے پانی کا چشمہ پھوٹ پڑا۔  اس کے ساتھ ہی آسمان سے غیر معمولی انداز میں لگا تار بارشیں ہوئیں اور زمین نے بھی اپنے چشموں کے دہانے کھول دیے۔  پھر آسمان اور زمین کے یہ دونوں پانی مل کر عظیم سیلاب کی صورت اختیار کر گئے۔  سورۃ القمر میں اس کی تفصیل بایں الفاظ بیان کی گئی ہے:

 فَفَتَحْنَآ اَبْوَابَ السَّمَآءِ بِمَآءٍ مُّنْہَمِرٍ  وَّفَجَّرْنَا الْاَرْضَ عُیُوْنًا فَالْتَقَی الْمَآءُ عَلٰٓی اَمْرٍ قَدْ قُدِرَ.

«پس ہم نے آسمان کے دروازے کھول دیے جن سے لگا تار بارش برسنے لگی اور زمین کو پھاڑ دیا کہ ہر طرف چشمے پھوٹ پڑے اور یہ دونوں طرح کے پانی اُس کام کو پورا کرنے کے لیے مل گئے جو مقدر کر دیا گیا تھا۔ »

             قُلْنَا احْمِلْ فِیْہَا مِنْ کُلٍّ زَوْجَیْنِ اثْنَیْنِ وَاَہْلَکَ اِلاَّ مَنْ سَبَقَ عَلَیْہِ الْقَوْلُ:  «ہم نے کہا: (اے نوح!) اپنی اس کشتی میں تمام جانداروں کا ایک ایک جوڑا رکھ لو اور اپنے اہل و عیال کو بھی، سوائے ان کے جن کے بارے میں پہلے حکم گزر چکا ہے»

            یہ استثنائی حکم حضرت نوح کی ایک بیوی اور آپ  کے بیٹے «یام» (کنعان) کے بارے میں تھا، جو اُسی بیوی سے تھا، جبکہ آپ  کے تین بیٹے حام، سام اور یافث ایمان لا چکے تھے اور آپ  کے ساتھ کشتی میں سوار ہوئے تھے۔  حضرت سام اور ان کی اولاد بعد میں اسی علاقے میں آباد ہوئی تھی۔  چنانچہ قومِ عاد، قومِ ثمود اور حضرت ابراہیم سب سامی النسل تھے۔  حام اور یافث دوسرے علاقوں میں جا کر آباد ہوئے اور اپنے اپنے علاقوں میں ان کی نسل بھی آگے چلی۔  

             وَمَنْ اٰمَنَ وَمَآ اٰمَنَ مَعَہُ اِلاَّ قَلِیْلٌ:  «اوران لوگوں کو بھی (سوار کر لیں) جو ایمان لائے ہیں، اور نہیں ایمان لائے تھے آپ  کے ساتھ مگر بہت ہی کم۔ »

            یہاں پر لفظ قلیل انگریزی محاورہ "the little" کے ہم معنی ہے، یعنی بہت ہی تھوڑے، نہ ہونے کے برابر۔ 

 آیت ۴۱:  وَقَالَ ارْکَبُوْا فِیْہَا بِسْمِ اللّٰہِ مَجْرہَا وَمُرْسٰہَا:  «اورنوح  نے فرمایا: سوار ہو جاؤ اس میں، اللہ کے نام کے ساتھ ہی ہے اس کا چلنا بھی اور اس کا لنگر انداز ہونا بھی۔ »

            جب تک اللہ چاہے گا اور جس سمت کو اسے چلائے گا یہ چلے گی اور جب اور جہاں اُس کی مشیت ہو گی یہ لنگرانداز ہو جائے گی۔

             اِنَّ رَبِّیْ لَغَفُوْرٌ رَّحِیْمٌ:  «یقینا میرا رب بخشنے والا، بہت رحم کرنے والا ہے۔ »

 آیت ۴۲:  وَہِیَ تَجْرِیْ بِہِمْ فِیْ مَوْجٍ کَالْجِبَالِ:  «اور وہ چل رہی تھی ان سب کو لے کر پہاڑ جیسی موجوں کے درمیان سے»

             وَنَادٰی نُوْحُ ابْنَہ وَکَانَ فِیْ مَعْزِلٍ یّٰبُنَیَّ ارْکَبْ مَّعَنَا وَلاَ تَـکُنْ مَّعَ الْکٰفِرِیْنَ :  «اور نوح  نے پکارا اپنے بیٹے کو اور وہ ایک کنارے کی طرف تھا، کہ اے میرے بیٹے آؤ ہمارے ساتھ (کشتی میں) سوار ہو جاؤ اور کافروں کے ساتھ مت رہو۔ »

 آیت ۴۳:  قَالَ سَاٰوِیْٓ اِلٰی جَبَلٍ یَّعْصِمُنِیْ مِنَ الْمَآءِ:  «اُس نے کہا کہ میں ابھی کسی پہاڑ پر چڑھ جاؤں گا جو مجھے پانی سے بچا لے گا۔»

             قَالَ لاَ عَاصِمَ الْیَوْمَ مِنْ اَمْرِ اللّٰہِ اِلاَّ مَنْ رَّحِمَ:  «نوح  نے کہا: آج کے دن کوئی بچانے والا نہیں ہے اللہ کے امر سے، سوائے اُس کے جس پر اللہ ہی رحم فرما دے۔ »

             وَحَالَ بَیْنَہُمَا الْمَوْجُ فَکَانَ مِنَ الْمُغْرَقِیْنَ:  «اور حائل ہو گئی ان دونوں کے درمیان ایک موج اور وہ ہو گیا غرق ہونے والوں میں۔ »

            اسی گفتگو کے دوران ایک بڑی موج آئی اور اس کی زد میں آ کر آپ  کی نظروں کے سامنے آپ  کا وہ بیٹا غرق ہو گیا۔  

 آیت ۴۴:  وَقِیْلَ یٰٓــاَ رْضُ ابْلَعِیْ مَآءَکِ:  «اور حکم ہوا کہ اے زمین تو ُاپنے پانی کو نگل جا»

            زمین کو اللہ تعالیٰ کاحکم ہوا کہ تو اپنے اس پانی کو اپنے اندر جذب کر لے۔  اللہ بہتر جانتا ہے کہ اس عمل میں کتنا وقت لگا ہو گا۔  بہر حال حکم الٰہی کے مطابق پانی زمین میں جذب ہو گیا۔  

             وَیٰسَمَآءُ اَقْلِعِیْ وَغِیْضَ الْمَآءُ وَقُضِیَ الْاَمْرُ:  «اور اے آسمان تو بھی اب تھم جا، اور پانی سکھا دیا گیا، اور فیصلہ چکا دیا گیا»

             وَاسْتَوَتْ عَلَی الْجُوْدِیِّ:  «اور کشتی جودی ُپہاڑ پر جا ٹھہری»

            کوہِ ارارات میں «جودی» ایک چوٹی کا نام ہے۔  یہ دشوار گزار پہاڑی سلسلہ آذربائیجان کے علاقے اور ترکی کی سرحد کے قریب ہے۔  کسی زمانے میں ایک ایسی خبر بھی مشہور ہوئی تھی کہ اس پہاڑی سلسلہ کی ایک چوٹی پر کسی جہا ز کے پائیلٹ نے کوئی کشتی نما چیز دیکھی تھی۔  بہر حال قرآن کا فرمان ہے کہ ہم اس کشتی کو محفوظ رکھیں گے اور ایک زمانے میں یہ نشانی بن کر دنیا کے سامنے آئے گی (العنکبوت : ۱۵)۔  چنانچہ معلوم ہوتا ہے کہ وہ کشتی اب بھی کوہِ جودی کی چوٹی پر موجود ہے اور ایک وقت آئے گا جب انسان اس تک رسائی حاصل کرلے گا۔

             وَقِیْلَ بُعْدًا لِّلْقَوْمِ الظّٰلِمِیْنَ:  «اور کہہ دیا گیا دُوری (ہلاکت) ہے اُس قوم کے لیے جو ظالم تھی۔»

            یعنی اس قوم کا نام و نشان مٹا کر ہمیشہ کے لیے اسے نسیاً منسیاً کر دیا گیا۔  

 آیت ۴۵:  وَنَادٰی نُوْحٌ رَّبَّہ فَقَالَ رَبِّ اِنَّ ابْنِیْ مِنْ اَہْلِیْ:  «اور پکارا نوح  نے اپنے رب کو اور کہا کہ اے میرے پروردگار! میرا بیٹا میرے اہل میں سے تھا»

             وَاِنَّ وَعْدَکَ الْحَقُّ وَاَنْتَ اَحْکَمُ الْحٰکِمِیْنَ:  «اور یقینا تیرا وعدہ سچا ہے اور تو تمام حاکموں میں سب سے بڑا اور سب سے اچھا فیصلہ کرنے والا حاکم ہے۔ »

            پروردگار! تو نے وعدہ کیا تھا کہ تو میرے اہل کو بچا لے گا، جبکہ میرا بیٹا تو میری آنکھوں کے سامنے ڈوب گیا۔ 

 آیت ۴۶:  قَالَ یٰنُوْحُ اِنَّہ لَیْسَ مِنْ اَہْلِکَ اِنَّہ عَمَلٌ غَیْرُ صَالِحٍ:  «اللہ نے فرمایا کہ اے نوح ! وہ تمہارے اہل میں سے نہیں ہے، اس کے اعمال غیر صالح ہیں۔»

            اُس کے نظریات، اُس کے عقائد، اُس کا کردار سب کافرانہ تھے۔  وہ آپ کے اہل میں کیسے شمار ہو سکتا ہے؟ نبی کا گھرانا صرف نسب سے نہیں بنتا بلکہ ایمان و عمل صالح سے بنتا ہے۔  چنانچہ وہ آپ کے نسبی خاندان کا ایک رکن ہونے کے علی الرغم آپ کے ایمانی و اخلاقی خاندان کا فرد نہیں تھا۔  

             فَلاَ تَسْئَلْنِ مَا لَیْسَ لَکَ بِہ عِلْمٌ:  «توآپ  مجھ سے اُس چیز کا سوال نہ کریں جس کے بارے میں آپ  کو علم نہیں۔ »

             اِنِّیْٓ اَعِظُکَ اَنْ تَکُوْنَ مِنَ الْجٰہِلِیْنَ:  «میں آپ  کو نصیحت کرتا ہوں کہ آپ  جذبات سے مغلوب ہوجانے والوں میں سے نہ بنیں۔ »

            یہ بہت سخت انداز ہے۔ یاد کیجیے کہ سورۃ الانعام کی (آیت: ۳۵) میں محمد رسول اللہ سے بھی اس طرح کے الفاظ فرمائے گئے ہیں۔ 

 آیت ۴۷:  قَالَ رَبِّ اِنِّیْٓ اَعُوْذُ بِکَ اَنْ اَسْئَلَکَ مَا لَیْسَ لِیْ بِہ عِلْمٌ: «نوح  نے عرض کیا : اے میرے پروردگار! میں تیری پناہ طلب کرتا ہوں اس سے کہ میں تجھ سے ایسی بات کا سوال کروں جس کے بارے میں میرے پاس کوئی علم نہیں ہے۔ »

             وَاِلاَّ تَغْفِرْ لِیْ وَتَرْحَمْنِیْٓ اَکُنْ مِّنَ الْخٰسِرِیْنَ:  «اور اگر تو نے مجھے معاف نہ فرما دیا اور مجھ پر رحم نہ فرمایا تو میں ہو جاؤں گا خسارہ پانے والوں میں۔ »

 آیت ۴۸:  قِیْلَ یٰنُوْحُ اہْبِطْ بِسَلٰمٍ مِّنَّا وَبَرَکٰتٍ عَلَیْکَ وَعَلٰٓی اُمَمٍ مِّمَّنْ مَّعَکَ:  «حکم ہوا اے نوح  اُتر جاؤ ہماری طرف سے سلامتی اور برکتوں کے ساتھ، جو آپ  پر بھی ہوں گی اور اُن اُمتوں پر بھی جو آپ  کے ساتھیوں کی نسلوں سے وجود میں آئیں گی۔ »

            عام خیال یہی ہے کہ اس طوفان کے بعد نسل انسانی حضرت نوح کے ان تینوں بیٹوں سے چلی تھی۔ اس سلسلے میں ماہرین علم الانساب کی مختلف آراء کا خلاصہ یہ ہے کہ آپ  کے بیٹے حضرت سام اس علاقے میں آباد ہو گئے، جبکہ حضرت یافث کی اولاد وسطی ایشیا کے پہاڑی سلسلے کو عبور کر کے روس کے میدانی علاقوں میں جا بسی۔  پھر وہاں سے ان میں سے کچھ لوگ صحرائے گوبی کو عبور کر کے چین کی طرف چلے گئے۔  چنانچہ وسطی ایشیا کے ممالک سے لے کر چین، اس کے ملحقہ علاقوں اور پورے یورپ میں اسی نسل کے لوگ آباد ہیں۔ ان کے علاوہ Anglo Saxons اور شمالی اقوام کے لوگ بھی اسی نسل سے تعلق رکھتے ہیں۔  

            دوسری طرف حضرت حام کی نسل کے کچھ لوگ مشرق کی طرف کوچ کر کے ایران اور پھر ہندوستان میں آبسے۔  جبکہ ان میں سے بعض دوسرے قبائل جزیرہ نمائے سینا کو عبور کر کے مغرب میں سوڈان اور مصر کی طرف چلے گئے۔  چنانچہ آریائی اقوام، رومن، جرمن، یونانی اور مشرقی یورپ کے تمام لوگ حضرت حام ہی کی نسل سے تعلق رکھتے ہیں، واللہ اعلم۔

             وَاُمَمٌ سَنُمَتِّعُہُمْ ثُمَّ یَمَسُّہُمْ مِّنَّا عَذَابٌ اَلِیْمٌ:  «اور کچھ اور قومیں (بھی ہوں گی) جنہیں ہم (دنیا کے) کچھ فوائد دیں گے، پھر اُن کو ہماری طرف سے ایک دردناک عذاب آپکڑے گا۔ »

            جیسا کہ بعد میں قومِ عاد اور قومِ ثمود پر عذاب آیا ہے۔ 

 آیت ۹:  اَلَمْ یَاْ تِکُمْ نَبَؤُٔا الَّذِیْنَ مِنْ قَبْلِکُمْ قَوْمِ نُوْحٍ وَّعَادٍ وَّثَمُوْدَ: «کیا تمہارے پاس آ نہیں چکی ہیں خبریں ان لوگوں کی جو تم سے پہلے تھے، یعنی قومِ نوح اور عاد اور ثمود کی»

             وَالَّذِیْنَ مِنْ بَعْدِہِمْ  لاَ یَعْلَمُہُمْ اِلاَّ اللّٰہُ: «اوران کی جو ان کے بعد ہوئے، انہیں اللہ کے علاوہ کوئی نہیں جانتا۔»

             جَآءَتْہُمْ رُسُلُہُمْ بِالْبَـیِّنٰتِ فَرَدُّوْٓا اَیْدِیَہُمْ فِیْٓ اَفْوَاہِہِمْ: «ان کے پاس آئے ان کے رسول واضح نشانیاں لے کر، تو انہوں نے اپنی انگلیاں اپنے مونہوں میں ٹھونس لیں»

             وَقَالُوْٓا اِنَّا کَفَرْنَا بِمَآ اُرْسِلْتُمْ بِہ وَ اِنَّا لَفِیْ شَکٍّ مِّمَّا تَدْعُوْنَنَآ اِلَیْہِ مُرِیْبٍ: «اور کہا کہ ہم تو انکار کرتے ہیں اس کا جس کے ساتھ تم بھیجے گئے ہو، اور تم ہمیں جس چیز کی دعوت دے رہے ہو اُس کے بارے میں ہم سخت الجھن میں ڈال دینے والے شک میں مبتلا ہیں۔»

            یہاں تمام رسولوں کو ایک جماعت فرض کر کے اُن کا ذکر اکٹھے کیا جا رہا ہے، کیونکہ سب نے اپنی اپنی قوم کو ایک جیسی دعوت دی اور اُس دعوت کے جواب میں سب رسولوں کی قوموں کا ردِ عمل بھی تقریباً ایک جیسا تھا۔ ان سب اقوام نے اپنے رسولوں کی دعوت کو رد کرتے ہوئے کہا کہ ہمیں تو ان باتوں کے متعلق بہت سے شکوک و شبہات لاحق ہیں، جن کی وجہ سے ہم سخت الجھن میں پڑ گئے ہیں۔ 

 آیت ۱۰:  قَالَتْ رُسُلُہُمْ اَفِی اللّٰہِ شَکٌّ فَاطِرِ السَّمٰوٰتِ وَالْاَرْضِ: «ان کے رسولوں نے کہا کہ کیا تم لوگوں کو اللہ کی ذات کے بارے میں شک ہے جو آسمانوں اور زمین کا پیدا کرنے والا ہے؟»

            یہ searching question کا سا انداز ہے جس میں بات وہاں سے شروع کی جا رہی ہے جہا ں تک خود فریق ثانی کو بھی اتفاق ہے۔ مذکورہ تمام اقوام کے کفار و مشرکین میں ایک عقیدہ ہمیشہ مشترک رہا ہے کہ وہ تمام لوگ نہ صرف اللہ کو مانتے تھے بلکہ اسے زمین وآسمان کا خالق بھی تسلیم کرتے تھے۔ چنانچہ جس قوم کے لوگوں نے بھی اپنے رسول کی دعوت کو شکوک و شبہات کی بنا پر رد کرنا چاہا ان کو ہمیشہ یہی جواب دیا گیا۔ یعنی سب سے پہلے اللہ کی ذات کا معاملہ ہمارے تمہارے درمیان واضح ہونا چاہیے کہ تمہیں اللہ کی ذات کے بارے میں شک ہے یا اس کے خالق ارض و سماوات ہونے میں؟

             یَدْعُوْکُمْ لِیَغْفِرَ لَکُمْ مِّنْ ذُنُوْبِکُمْ وَیُؤَخِّرَکُمْ اِلٰٓی اَجَلٍ مُّسَمًّی: «وہ (اللہ) تمہیں بلا رہا ہے تا کہ تمہارے گناہوں کو بخش دے اور ایک وقت معین تک تمہیں مہلت دے۔»

             قَالُوْٓا اِنْ اَنْتُمْ اِلاَّ بَشَرٌ مِّثْلُنَا: «انہوں نے جواب دیا کہ نہیں ہیں آپ لوگ مگر ہماری ہی طرح کے انسان۔»

             تُرِیْدُوْنَ اَنْ تَصُدُّوْنَا عَمَّا کَانَ یَعْبُدُ اٰبَآؤُنَا فَاْتُوْنَا بِسُلْطٰنٍ مُّبِیْنٍ: «آپ چاہتے ہیں کہ روک دیں ہمیں ان (کی پرستش) سے جن کو پوجتے تھے ہمارے آبائ، تولائیے آپ ہمارے سامنے کوئی کھلا معجزہ!»

            سب قوموں کے لوگوں کا یہ جواب بھی ایک جیسا تھا، سب نے رسولوں کے انسان ہونے پر اعتراض کیا اور سب نے حسی معجزہ طلب کیا۔ 

 آیت ۱۱:  قَالَتْ لَہُمْ رُسُلُہُمْ اِنْ نَّحْنُ اِلاَّ بَشَرٌ مِّثْلُکُمْ وَلٰکِنَّ اللّٰہَ یَمُنُّ عَلٰی مَنْ یَّشَآءُ مِنْ عِبَادِہ: «اُن کے رسولوں نے ان سے کہا کہ واقعی ہم کچھ نہیں ہیں مگر تمہاری ہی طرح کے انسان، لیکن اللہ احسان فرماتا ہے اپنے بندوں میں سے جس پر چاہتا ہے۔»

            یہ اللہ کی مرضی کا معاملہ ہے، وہ جسے چاہتا ہے اپنی رحمت سے نواز دیتا ہے۔ اس نے ہمیں اپنی رسالت کے لیے چن لیا ہے، ہماری طرف وحی بھیجی ہے اور ہمیں مامور کیا ہے کہ ہم آپ لوگوں کو خبردار کریں اور اس کے احکام آپ تک پہنچائیں۔

             وَمَا کَانَ لَنَآ اَنْ نَّاْ تِیَکُمْ بِسُلْطٰنٍ اِلاَّ بِاِذْنِ اللّٰہِ وَعلَی اللّٰہِ فَلْیَتَوَکَّلِ الْمُؤْمِنُوْنَ: «اور ہمارے لیے ممکن نہیں ہے کہ ہم لے آئیں تمہارے پاس کوئی معجزہ اللہ کے حکم کے بغیر۔ اور اللہ ہی پر توکل کرنا چاہیے اہل ایمان کو۔» 

 آیت ۱۲:  وَمَا لَنَآ اَلاَّ نَتَوَکَّلَ عَلَی اللّٰہِ وَقَدْ ہَدٰنَا سُبُلَنَا: «اور ہمیں کیا ہے کہ ہم اللہ پر توکل نہ کریں حالانکہ اُس نے ہمیں ہمارے راستوں کی ہدایت بخشی ہے۔»

            اللہ نے ہمیں اپنے تقرب کے طریقے اور اپنی طرف آنے کے راستے بتائے ہیں، یہ کیسے ممکن ہے کہ ہم اس پر توکل نہ کریں؟

             وَلَنَصْبِرَنَّ عَلٰی مَآ اٰذَیْتُمُوْنَا وَعَلَی اللّٰہِ فَلْیَتَوَکَّلِ الْمُتَوَکِّلُوْنَ: «اور ہم صبر ہی کریں گے اس ایذا پر جو تم ہمیں پہنچا رہے ہو، اور اللہ ہی پر توکل ّکرنا چاہیے تمام توکل کرنے والوں کو۔» 

 آیت ۱۳:  وَقَالَ الَّذِیْنَ کَفَرُوْا لِرُسُلِہِمْ: «اور کہا ان لوگوں نے جو کافر ہوئے تھے اپنے رسولوں سے»

            رسولوں کی جماعت اور ان کی قوموں کے درمیان ہونے والے سوالات و جوابات کا تذکرہ جاری ہے۔ یعنی اپنے اپنے زمانے میں اپنے اپنے رسولوں سے متعلقہ اقو ام کے لوگوں نے کہا:

             لَنُخْرِجَنَّـکُمْ مِّنْ اَرْضِنَآ اَوْ لَتَعُوْدُنَّ فِیْ مِلَّتِنَا: «ہم لازماً نکال باہر کریں گے تمہیں اپنی زمین سے یا تمہیں لوٹنا ہو گا ہمارے دین میں۔»

             فَاَوْحٰٓی اِلَیْہِمْ رَبُّہُمْ لَنُہْلِکَنَّ الظّٰلِمِیْنَ : «تو وحی کی ان کی طرف ان کے رب نے کہ ہم ان ظالموں کو اب لازما ًہلاک کر دیں گے۔» 

 آیت ۱۴:  وَلَنُسْکِنَنَّـکُمُ الْاَرْضَ مِنْ بَعْدِہِمْ: «اور ہم آباد کریں گے زمین میں تم لوگوں کو ان کے بعد۔»

            یعنی اللہ تعالیٰ نے رسولوں کی طرف وحی بھیجی کہ اب تمام کافر وں کو ہلاک کر دیا جائے گا اور اس کے بعد رسول اور ان کے ساتھ بچ جانے والے تمام اہل ایمان کو پھر سے زمین میں آباد کرنے کا سامان کیا جائے گا۔

             ذٰلِکَ لِمَنْ خَافَ مَقَامِیْ وَخَافَ وَعِیْدِ: «یہ ان لوگوں کے لیے ہے جو میرے سامنے کھڑے ہونے اور میری وعید سے ڈرتے ہیں۔»

            جو لوگ عذاب کی وعیدوں سے ڈرتے ہیں اور روز ِمحشر اللہ کی عدالت میں کھڑے ہونے کے تصورسے لرز جاتے ہیں۔

 آیت ۱۵:  وَاسْتَفْتَحُوْا وَخَابَ کُلُّ جَبَّارٍ عَنِیْدٍ: «اور انہوں نے فیصلہ طلب کیا اور نا مراد ہو کر رہا ہر سرکش ضدی۔»

            جو لوگ کفر و شرک پر ڈٹے رہتے وہ اس بات پر بھی اپنے رسول سے اصرار کرتے کہ ہمارے اور تمہارے درمیان آخری فیصلہ ہو جانا چاہیے۔ پھر جب اللہ کی طرف سے وہ آخری فیصلہ عذابِ استیصال کی صورت میں آتا تو اس کے نتیجے میں سرکش اور ہٹ دھرم قوم کو نیست و نابود کر دیا جاتا۔ ایسے منکرین حق کی تباہی و بربادی کا نقشہ قرآن حکیم میں اس طرح کھینچا گیا ہے: کَاَنْ لَّمْ یَغْنَوْا فِیْہَا. (الاعراف: ۹۲) «وہ ایسے ہو گئے جیسے کبھی تھے ہی نہیں» اور:  فَاَصْبَحُوْا لَا یُرٰٓی اِلَّا مَسٰکِنُہُمْ. (الاحقاف: ۲۵) یعنی وہ ایسے ہو گئے کہ ان کے دیار و امصار میں صرف اُن کے محلات و مساکن ہی نظر آتے تھے جبکہ ان کے مکینوں کا نام و نشان تک باقی نہ رہا۔ اور یہ سب کچھ تو ان لوگوں کے ساتھ اس دنیا میں ہوا، جبکہ آخرت کی بڑی سزا اُس کے علاوہ ہے جس کو جھیلتے ہوئے ان میں سے ہر ایک سرکش ضدی اس طرح نشانِ عبرت بنے گا:

 آیت ۱۶:  مِّنْ وَّرَآئِہ جَہَنَّمُ وَیُسْقٰی مِنْ مَّآءٍ صَدِیْدٍ: «اُس کے پیچھے جہنم ہے اور اس کو پلایا جائے گا پیپ والا پانی۔» 

 آیت ۱۷:  یَّتَجَرَّعُہ وَلاَ یَکَادُ یُسِیْغُہ:  «وہ اس کو گھونٹ گھونٹ پینے کی کوشش کرے گا لیکن اسے حلق سے اتار نہیں پائے گا»

             وَیَاْ تِیْہِ الْمَوْتُ مِنْ کُلِّ مَکَانٍ وَّمَا ہُوَ بِمَیِّتٍ: «اور اُسے ہر طرف سے موت (آتی ہوئی نظر) آئے گی لیکن مر نہیں سکے گا۔»

            شدید تکلیف میں موت انسان کو راحت پہنچا دیتی ہے۔ بعض بیمار ایسے ہوتے ہیں کہ تکلیف کی شدت میں ایڑیاں رگڑ رہے ہوتے ہیں اور موت ان کے لیے راحت کا سامان بن جاتی ہے۔ لیکن جہنم ایسی جگہ ہے کہ جہاں انسان کو موت نہیں آئے گی۔ سورۂ طٰہٰ میں اس کیفیت کو ان الفاظ میں بیان کیا گیا ہے: لَا یَمُوْتُ فِیْہَا وَلَا یَحْیٰی. «نہ وہ اس میں مرے گا اور نہ جی پائے گا»۔ اہل ِجہنم شدید خواہش کریں گے کہ موت آ جائے اور ان کا قصہ تمام ہو جائے مگر ان کی یہ خواہش پوری نہیں ہو گی۔

             وَمِنْ وَّرَآئِہ عَذَابٌ غَلِیْظٌ : «اور اس کے بعد اُس کے لیے ایک اور سخت عذاب ہو گا۔»

            یعنی اس سختی میں مسلسل اضافہ ہوتا جائے گا، عذاب کی شدت درجہ بدرجہ بڑھتی ہی چلی جائے گی۔

 آیت ۳:  ذُرِّیَّۃَ مَنْ حَمَلْنَا مَعَ نُوْحٍ اِنَّہ کَانَ عَبْدًا شَکُوْرًا:   «اے اُن لوگوں کی اولاد جنہیں ہم نے سوار کرایا تھا نوح کے ساتھ۔ یقینا وہ ہمارا بہت ہی شکر گزار بندہ تھا۔»

            حضرت نوح کے تین بیٹے سام، حام اور یافث تھے جن سے بعد میں نسل انسانی چلی۔  ان میں سے حضرت سام کی نسل میں حضرت ابراہیم پیدا ہوئے، جن کی اولاد کو یہاں بنی اسرائیل کے طور پر مخاطب کیا جارہا ہے۔  انہیں یاد دلایا جا رہا ہے کہ حضرت نوح کے ساتھ جن لوگوں کو ہم نے بچایا تھا انہی میں سے ایک کی اولاد تم ہو اور نوح ہمارا بہت ہی شکر گزار بندہ تھا۔  

 آیت ۷۶:  وَنُوْحًا اِذْ نَادٰی مِنْ قَبْلُ فَاسْتَجَبْنَا لَہ:   «اور نوح کوبھی (ہم نے اپنی ہدایت بخشی) جب اُس نے دعا کی تھی اس سے پہلے، تو ہم نے اس کی دعا قبول کی»

            یہ اس دُعا کی طرف اشارہ ہے جو سورۃ القمر میں نقل ہوئی ہے:  فَدَعَا رَبَّہُٓ اَنِّیْ مَغْلُوْبٌ فَانْتَصِرْ:   کہ پروردگار میں تو مغلوب ہو گیا ہوں، اب تو میری مدد فرما اور تو ہی ان کافروں سے انتقام لے۔ آپ کی یہ دعا قبول فرمائی گئی اور اس نافرمان قوم کو غرق کر دیا گیا۔

            فَنَجَّیْنٰہُ وَاَہْلَہُ مِنَ الْکَرْبِ الْعَظِیْمِ:   «تو ہم نے نجات دی اُس کو اور اُس کے گھر والوں کو بہت بڑے کرب سے۔»

 آیت ۷۷:  وَنَصَرْنٰـہُ مِنَ الْقَوْمِ الَّذِیْنَ کَذَّبُوْا بِاٰیٰتِنَا:   «اور ہم نے اُس کی مدد کی اس قوم کے مقابلے میں جنہوں نے ہماری آیات کو جھٹلایا تھا۔»

            اِنَّہُمْ کَانُوْا قَوْمَ سَوْءٍ فَاَغْرَقْنٰہُمْ اَجْمَعِیْنَ:   «یقینا وہ بہت برے لوگ تھے، تو ہم نے ان سب کو غرق کر دیا۔» 

 آیت ۲۳: وَلَقَدْ اَرْسَلْنَا نُوْحًا اِلٰی قَوْمِہِ فَقَالَ یٰقَوْمِ اعْبُدُوا اللّٰہَ مَا لَـکُمْ مِّنْ اِلٰہٍ غَیْرُہُ: «اور ہم نے بھیجا نوح کو اس کی قوم کی طرف، تو اُس نے کہا کہ اے میری قوم کے لوگو! اللہ کی بندگی کرو، تمہارا کوئی الٰہ نہیں ہے اُس کے سوا۔»

            : اَفَلَا تَتَّقُوْنَ: «تو کیا تم (اُس کے غضب سے) ڈرتے نہیں ہو؟» 

 آیت ۲۴: فَقَالَ الْمَلَؤا الَّذِیْنَ کَفَرُوْا مِنْ قَوْمِہِ مَا ہٰذَآ اِلَّا بَشَرٌ مِّثْلُکُمْ: «تو کہا اُس کی قوم کے اُن سرداروں نے جنہوں نے کفر کی روش اختیار کی تھی، یہ کچھ بھی نہیں مگر تمہاری طرح کا ایک بشر»

            حضرت نوح کی قوم کے بڑے بڑے سرداروں نے اپنے عوام کو تسلی دینے کے لیے ان کے سامنے یہ دلیل اختیار کی کہ یہ نوح بھی تمہاری طرح کا ایک انسان ہی تو ہے اور ایک انسان اللہ کا فرستادہ کیسے ہو سکتا ہے؟

            : یُرِیْدُ اَنْ یَّتَفَضَّلَ عَلَیْکُمْ: «یہ تمہارے اوپر اپنی فوقیت چاہتا ہے۔»

            اس نے اقتدار و اختیار اور سرداری حاصل کرنے کے لیے نبوت و رسالت کا یہ ڈھونگ رچایا ہے۔

            : وَلَوْ شَآءَ اللّٰہُ لَاَنْزَلَ مَلٰٓئِکَۃً: «اور اگر اللہ چاہتا تو فرشتوں کو بھیج دیتا»

            اگر اللہ نے اپنا رسول بھیجنا ہوتا تو وہ اپنے فرشتوں میں سے کسی کو بھیجتا۔ اس شخص میں کون سی ایسی خاص بات تھی کہ اللہ نے اسے اس کام کے لیے منتخب کیا ہے؟

            : مَّا سَمِعْنَا بِہٰذَا فِیْٓ اٰبَآئِنَا الْاَوَّلِیْنَ: «ہم نے اس طرح کوئی بات اپنے پہلے آباء و اَجداد میں نہیں سنی!»

            اس کا یہ دعویٰ بالکل نیا ہے۔ ہم نے ایسی کوئی بات اپنے باپ دادا سے تو نہیں سنی کہ اللہ تعالیٰ انسانوں میں سے بھی کسی کو رسول مبعوث کرتا ہے ۔ 

 آیت ۲۵: اِنْ ہُوَ اِلَّا رَجُلٌ بِہِ جِنَّۃٌ فَتَرَبَّصُوْا بِہِ حَتّٰی حِیْنٍ: «یہ تو بس ایک ایسا شخص ہے جس کو کچھ جنون لاحق ہو گیا ہے، چنانچہ تم لوگ انتظار کرو اس (کے انجام) کا کچھ وقت کے لیے۔» 

 آیت ۲۶: قَالَ رَبِّ انْصُرْنِیْ بِمَا کَذَّبُوْنِ: «نوح نے عرض کیا: اے میرے پروردگار! تو میری مدد فرما اس پر کہ انہوں نے مجھے جھٹلا دیا ہے۔» 

 آیت ۲۷: فَاَوْحَیْنَآ اِلَیْہِ اَنِ اصْنَعِ الْفُلْکَ بِاَعْیُنِنَا وَوَحْیِنَا: «تو ہم نے اس کی طرف وحی کی کہ ہماری نگرانی اور وحی کی ہدایات کے مطابق ایک کشتی بناؤ»

            : فَاِذَا جَآءَ اَمْرُنَا وَفَارَ التَّنُّوْرُ: «پھر جب ہمارا حکم آن پہنچے اور تنور اُبل پڑے»

            : فَاسْلُکْ فِیْہَا مِنْ کُلٍّ زَوْجَیْنِ اثْنَیْنِ: «تو اس میں رکھ لینا تمام مخلوق میں سے جوڑے»

            ہر قسم کے جاندار، حیوانات وغیرہ میں سے ایک ایک نر اور ایک ایک مادہ کو بھی اس کشتی میں سوار کر لینا تاکہ ان کی نسل محفوظ رہ سکے۔

            : وَاَہْلَکَ اِلَّا مَنْ سَبَقَ عَلَیْہِ الْقَوْلُ مِنْہُمْ: «اور اپنے گھر والوں کو بھی (سوار کرا لینا) سوائے ان کے جن کے بارے میں ان میں سے پہلے ہی بات طے ہو چکی ہے۔»

            اس استثناء میں آپ کی بیوی اور ایک بیٹا شامل تھے، جن کے بارے میں پہلے ہی ہلاکت کا فیصلہ ہو چکا تھا۔

            : وَلَا تُخَاطِبْنِیْ فِی الَّذِیْنَ ظَلَمُوْا اِنَّہُمْ مُّغْرَقُوْنَ: «اور مجھ سے ان لوگوں کے بارے میں کوئی بات نہ کرنا جنہوں نے شرک کیا، یقینا وہ سب غرق کر دیے جائیں گے۔» 

 آیت ۲۸: فَاِذَا اسْتَوَیْتَ اَنْتَ وَمَنْ مَّعَکَ عَلَی الْفُلْکِ فَقُلِ الْحَمْدُ لِلّٰہِ الَّذِیْ نَجّٰـنَا مِنَ الْقَوْمِ الظّٰلِمِیْنَ: «پھر جب تم اور تمہارے سب ساتھی کشتی میں بیٹھ جائیں تو کہنا کہ کل شکر اُس اللہ کا ہے جس نے ہمیں ظالم قوم سے نجات دی۔» 

 آیت ۲۹: وَقُلْ رَّبِّ اَنْزِلْنِیْ مُنْزَلًا مُّبٰرَکًا: «اور دعا کرنا کہ اے میرے پروردگار! مجھے اتاریو برکت والا اتارنا»

            پروردگار! ہم تیری مہربانی اور تیرے حکم سے اس کشتی میں سوار ہوئے ہیں۔ ہمیں مستقبل کا کچھ علم نہیں ۔ ہم نہیں جانتے اب یہ کشتی ہمیں لے کر کہاں کہاں جائے گی اور کہاں پر جا کر رکے گی۔ یہ معاملہ اب تیرے سپرد ہے۔ ہماری التجا ہے کہ اس کشتی سے ہمارے اترنے کو بھی با برکت بنا دے۔

            : وَّاَنْتَ خَیْرُ الْمُنْزِلِیْنَ: «اور یقینا تو ہی ہے بہترین اتارنے والا۔» 

آیت ۳۷   وَقَوْمَ نُوْحٍ لَّمَّا کَذَّبُوا الرُّسُلَ اَغْرَقْنٰہُمْ وَجَعَلْنٰہُمْ لِلنَّاسِ اٰیَۃً: ’’اور قومِ نوحؑ کو بھی ہم نے غرق کر دیا، جب انہوں نے رسولوں ؑ کی تکذیب کی اور انہیں ہم نے نوعِ انسانی کے لیے ایک نشانی بنا دیا۔‘‘

      وَاَعْتَدْنَا لِلظّٰلِمِیْنَ عَذَابًا اَلِیْمًا: ’’ اور ہم نے ظالموں کے لیے ایک دردناک عذاب بھی تیار کر رکھا ہے۔‘‘

      یعنی پیغمبروں کی تکذیب کرنے والی ان قوموں کو عذابِ استیصال کی صورت میں نقد سزا تو دنیا ہی میں مل گئی تھی مگر اصل عذاب ابھی ان کا منتظر ہے۔ یہ عذاب انہیں آخرت میں ملے گا اور وہ بے حد تکلیف دہ ہو گا۔

      اب آگے انباء الرسل کا تذکرہ پھر اسی زمانی ترتیب سے ہو رہا ہے جس ترتیب سے پہلے سورۃ الاعراف اور سورۂ ہود ُمیں ہو چکا ہے۔ اس ضمن میں ہر رکوع کے آخر میں دو آیات ترجیعی کلمات کے طور پر بار بار دہرائی جائیں گی۔

آیت ۱۰۵ کَذَّبَتْ قَوْمُ نُوْحِ نِ الْمُرْسَلِیْنَ: ’’جھٹلایا نوحؑ کی قوم نے بھی رسولوں ؑ کو۔‘‘

آیت ۱۰۶ اِذْ قَالَ لَہُمْ اَخُوْہُمْ نُوْحٌ اَلَا تَتَّقُوْنَ: ’’یاد کرو جبکہ ان سے ان کے بھائی نوحؑ نے کہا کہ کیا تم تقویٰ اختیار نہیں کرتے؟‘‘

آیت ۱۰۷ اِنِّیْ لَکُمْ رَسُوْلٌ اَمِیْنٌ: ’’یقینا میں تمہارے لیے ایک امانت دار رسول ہوں۔‘‘

       مجھے اللہ کی طرف سے تمہاری طرف جوپیغام دے کر بھیجا گیا ہے وہ میں بلاکم و کاست تم لوگوں تک پہنچارہا ہوں۔

آیت ۱۰۸ فَاتَّقُوا اللّٰہَ وَاَطِیْعُوْنِ: ’’پس تم اللہ کا تقویٰ اختیار کرو اور میری اطاعت کرو۔‘‘

      واضح رہیکہ رسول ؑکی دعوت کے ہمیشہ دو حصے رہے ہیں۔ اس کا پہلا حصہ ہے: فَاتَّقُوا اللّٰہَ یا اعْبُدُوا اللّٰہَ یعنی اللہ کا تقویٰ اختیار کرو یا اللہ کی بندگی کرو! اور دوسرا حصہ ہے: وَاَطِیْعُوْنِ. کہ میرا حکم مانو، میری اطاعت کرو! اس لیے کہ رسول ؑکی شخصی اطاعت لازم ہوتی ہے، جیسا کہ سورۃ النساء (آیت ۶۴) میں فرمایا گیا: (وَمَآ اَرْسَلْنَا مِنْ رَّسُوْلٍ اِلاَّ لِیُطَاعَ بِاِذْنِ اللّٰہِ) ’’اور ہم نے نہیں بھیجا کسی رسولؑ کو مگر اس لیے کہ اس کی اطاعت کی جائے اللہ کے حکم سے‘‘۔ اس سورۂ مبارکہ میں یہ نکتہ ہر رسول کے حوالے سے بار بار دہرایا گیا ہے۔

آیت ۱۰۹ وَمَآ اَسْئََلُکُمْ عَلَیْہِ مِنْ اَجْرٍ: ’’اور میں اس پر تم سے کسی اجرت کا طالب نہیں ہوں۔‘‘

      اِنْ اَجْرِیَ اِلَّا عَلٰی رَبِّ الْعٰلَمِیْنَ: ’’میری اجرت تو ربّ العالمین ہی کے ذمے ّہے۔‘‘

آیت ۱۱۰ فَاتَّقُوا اللّٰہَ وَاَطِیْعُوْنِ: ’’ پس تم اللہ کا تقویٰ اختیار کرو اور میری اطاعت کرو! ‘‘

آیت ۱۱۱ قَالُوْٓا اَنُؤْمِنُ لَکَ وَاتَّبَعَکَ الْاَرْذَلُوْنَ: ’’انہوں نے کہا :کیا ہم تمہاری بات مانیں جبکہ تمہاری پیروی کرنے والے گھٹیا لوگ ہیں! ‘‘

      حضرت نوح کی قوم کے سردار اور اشراف آپؑ کی دعوتِ حق کے جواب میں کہتے تھے کہ ہم آپ کو کیسے مان لیں جبکہ آپ کی پیروی اختیار کرنے والے تو ہمارے کمی ّکمین ہیں، ہمارے معاشرے کے پسماندہ طبقات کے لوگ ہیں جنہیں حقیر اور رذیل سمجھا جاتا ہے!

آیت ۱۱۲ قَالَ وَمَا عِلْمِیْ بِمَا کَانُوْا یَعْمَلُوْنَ: ’’نوح نے کہا: مجھے کیا علم کہ وہ کیا کام کرتے ہیں! ‘‘

      یعنی تمہارے اپنے معیارات ہیں۔ تمہارے نزدیک عزت کا معیار دولت اور وجاہت ہے، اس لیے ایک غریب مزدور کو تم لوگ گھٹیا انسان سمجھتے ہو، مگر مجھے اس اعتبار سے کسی کے پیشے سے کوئی سروکار نہیں۔ یہی اعتراض سردارانِ قریش کو حضور کے ساتھیوں کے بارے میں تھا۔ وہ بھی یہی کہتے تھے کہ آپ پر ایمان لانے والوں میں اکثریت مزدوروں اورغلاموں کی ہے۔ جیسے حضرت خباب بن الارت پیشے کے اعتبار سے لوہار تھے اور سردارانِ قریش ایک غریب لوہار کے ساتھ بیٹھنا کیسے گوارا کر سکتے تھے! بہر حال نہ تو مزدوری کرنا یا محنت سے اپنی روزی کمانا کوئی شرم کی بات ہے اور نہ ہی اس طرح کے پیشے سے کوئی آدمی گھٹیا ہو جاتا ہے۔

آیت ۱۱۳ اِنْ حِسَابُہُمْ اِلَّا عَلٰی رَبِّیْ لَوْ تَشْعُرُوْنَ: ’’ان کا حساب تو میرے رب کے ّذمے ہے، کاش کہ تم لوگوں کو شعور ہوتا۔‘‘

آیت ۱۱۴ وَمَآ اَنَا بِطَارِدِ الْمُؤْمِنِیْنَ: ’’اور میں ان مؤمنین کو دھتکارنے والا نہیں ہوں۔‘‘

آیت ۱۱۵ اِنْ اَنَا اِلَّا نَذِیْرٌ مُّبِیْنٌ: ’’میں تو بس ایک صاف صاف خبردار کرنے والا ہوں۔‘‘

آیت ۱۱۶ قَالُوْا لَئِنْ لَّمْ تَنْتَہِ یٰـنُوْحُ لَـتَـکُوْنَنَّ مِنَ الْمَرْجُوْمِیْنَ: ’’انہوں نے کہا : اے نوح! اگر تم باز نہ آئے تو ہم تمہیں سنگ سار کر دیں گے۔‘‘

آیت ۱۱۷ قَالَ رَبِّ اِنَّ قَوْمِیْ کَذَّبُوْنِ: ’’اُس ؑنے فریاد کی : اے میرے پروردگار! میری قوم نے مجھے جھٹلا دیا ہے۔‘‘

 آیت ۱۱۸ فَافْتَحْ بَیْنِیْ وَبَیْنَہُمْ فَتْحًا: ’’تو اب دو ٹوک فیصلہ فرما دے میرے اور ان کے مابین‘‘

      یعنی ایسا کھلا فیصلہ جس کے بعد حق کے احقاق اور باطل کے ابطال میں کوئی شک یا ابہام نہ رہ جائے۔

      وَّنَجِّنِیْ وَمَنْ مَّعِیَ مِنَ الْمُؤْمِنِیْنَ: ’’اور نجات دے دے مجھے اور جو میرے ساتھ ہیں اہل ِایمان میں سے۔‘‘

آیت ۱۱۹ فَاَنْجَیْنٰہُ وَمَنْ مَّعَہٗ فِی الْْفُلْکِ الْمَشْحُوْنِ: ’’تو ہم نے نجات دے دی اُس کو بھی اور ان کو بھی جو اُس کے ساتھ تھے ایک بھری کشتی میں۔‘‘

      یہ کشتی پوری طرح بھری ہوئی تھی کیونکہ اس میں انسانوں (مؤمنین) کے علاوہ ہر قسم کے حیوانات کے ایک ایک جوڑے کو بھی سوار کر لیا گیا تھا تا کہ ان کی نسل کو محفوظ رکھا جا سکے۔

آیت ۱۲۰ ثُمَّ اَغْرَقْنَا بَعْدُ الْبٰقِیْنَ: ’’پھر ہم نے اس کے بعد باقی سب کو غرق کر دیا۔‘‘

      یہاں سے سورت کے دوسرے حصے کا آغاز ہو رہا ہے۔ یہ حصہ تین رکوعوں پر مشتمل ہے اور اس میں بنیادی طور پر انباء الرسل کا مضمون ہے، لیکن وقفے وقفے سے بین السطور میں مکے کے ماحول میں جاری کش مکش کی طرف بھی اشارے ملتے ہیں ۔ اس کے بعد آخری تین رکوعوں پر مشتمل اس سورت کے آخری حصے میں مشرکین اور اہل ایمان سے خطاب ہے۔ یہ دو نوں موضوعات سورت کے آخری حصے میں یوں متوازی چلتے نظر آتے ہیں جیسے ایک رسی کی دو ڈوریاں آپس میں گندھی ہوئی ہوں ۔ ان میں سے کبھی ایک ڈوری نمایاں ہوتی نظر آتی ہے تو کبھی دوسری۔ سورت کے اس حصے میں اہل ایمان سے خطاب کے دوران انہیں دس اہم ہدایات بھی دی گئی ہیں جو غلبہ ٔدین کی جدوجہد کرنے اور اس راستے میں مصائب و مشکلات برداشت کرنے والے مجاہدین کے لیے رہتی دنیا تک گویا مشعل راہ کا درجہ رکھتی ہیں ۔

آیت ۱۴   وَلَقَدْ اَرْسَلْنَا نُوْحًا اِلٰی قَوْمِہٖ فَلَبِثَ فِیْہِمْ اَلْفَ سَنَۃٍ اِلَّا خَمْسِیْنَ عَامًا: ’’اور ہم نے بھیجا تھا نوح کو اُس کی قوم کی طرف، تو وہ رہا ان کے مابین پچاس برس کم ایک ہزار برس۔‘‘

      یعنی حضرت نوح اپنی قوم کے درمیان ساڑھے نو سو سال تک رہے۔ یہاں یہ نکتہ قابل توجہ ہے کہ حضرت نوح کا ذکر قرآن مجید میں متعدد بار آ چکا ہے لیکن یہ بات اور کہیں نہیں کہی گئی کہ انہوں نے ساڑھے نو سو سال کا طویل عرصہ اپنی قوم کے ساتھ گزارا۔ اگر ہم مکہ کے ان حالات کا نقشہ ذہن میں رکھیں جن حالات میں یہ سورت نازل ہوئی تھی اور پہلے رکوع کا مضمون بھی مد ِنظر ّرکھیں تو حضرت نوح کی دعوت اور جدوجہد کے ساڑھے نو سو سال کے ذکر کی وجہ صاف نظر آ جاتی ہے اور بین السطور میں یہاں جو پیغام دیا جا رہا ہے وہ اقبال کے الفاظ میں یوں بیان کیاجا سکتا ہے: ؎

یہ موجِ پریشاں خاطر  کو  پیغام  لب  ساحل   نے  دیا

ہے دُور وصالِ بحر ابھی، تو دریا میں گھبرا بھی گئی!

کہ اے مسلمانو! تم لوگ چند برس میں ہی گھبرا گئے ہو۔ ذرا ہمارے بندے نوح کی صدیوں پر محیط جاں گسل جدوجہد کا تصور کرو اور پھر ان کے صبر و استقامت کا اندازہ کرو! چنانچہ تم لوگوں کو اس راستے میں مزید امتحانات کے لیے بھی تیار رہنا چاہیے: ؎

 ستاروں سے آگے جہاں اور بھی ہیں      ابھی عشق کے امتحاں اور بھی ہیں ! (اقبال)

      سورۃ الانعام میں اسی حوالے سے محمد ٌرسول اللہ کو مخاطب کر کے یوں فرمایا گیا ہے: (وَلَقَدْ کُذِّبَتْ رُسُلٌ مِّنْ قَبْلِکَ فَصَبَرُوْا عَلٰی مَا کُذِّبُوْا وَاُوْذُوْا حَتّٰیٓ اَتٰٹہُمْ نَصْرُنَاج وَلاَ مُبَدِّلَ لِکَلِمٰتِ اللّٰہِ وَلَقدْ جَآئَکَ مِنْ نَّبَأِ الْمُرْسَلِیْنَ) ’’اور آپ ؐسے پہلے بھی رسولوں کو جھٹلایا گیا، تو انہوں نے اس تکذیب پر صبر کیا، اور انہیں ایذائیں پہنچائی گئیں یہاں تک کہ ان تک ہماری مدد پہنچ گئی۔ اور (دیکھئے اے نبی!) اللہ کے ان کلمات کو بدلنے والا کوئی نہیں ، اور آپؐ کے پاس رسولوں کی خبریں تو آ ہی چکی ہیں ۔‘‘

      فَاَخَذَہُمُ الطُّوْفَانُ وَہُمْ ظٰلِمُوْنَ: ’’تو ان کو آ پکڑا طوفان نے اور وہ ظالم تھے۔‘‘

آیت ۱۵   فَاَنْجَیْنٰہُ وَاَصْحٰبَ السَّفِیْنَۃِ وَجَعَلْنٰہَآ اٰیَۃً لِّلْعٰلَمِیْنَ: ’’تو ہم نے بچا لیا اُس (نوح) کو اور کشتی والوں کو، اور اسے بنا دیا ہم نے تمام جہان والوں کے لیے ایک نشانی۔‘‘ 

آیت ۷۵   وَلَقَدْ نَادٰانَا نُوْحٌ فَلَنِعْمَ الْمُجِیْبُوْنَ: ’’اور ہمیں پکارا تھا نوحؑ نے‘ تو ہم کیا ہی اچھے دعا قبول کرنے والے ہیں!‘‘

        حضرت نوح کی اس دعا کا ذکر سورۃ القمر میں ان الفاظ میں ہوا ہے: (فَدَعَا رَبَّہٗٓ اَنِّیْ مَغْلُوْبٌ فَانْتَصِرْ) یعنی اُس نے ربّ سے فریاد کی کہ میں مغلوب ہو گیا ہوں‘ انہوں نے مجھے دبا لیا ہے‘ اب ُتو ہی میری مدد فرما اور تو ہی ان سے میرا بدلہ لے! چنانچہ اللہ کی مدد آ گئی۔

آیت ۷۶   وَنَجَّیْنٰہُ وَاَہْلَہٗ مِنَ الْکَرْبِ الْعَظِیْمِ: ’’اور ہم نے نجات دی اُس کو اور اُس کے گھر والوں کو کربِ عظیم سے۔‘‘

        یہ ’’کربِ عظیم‘‘ کیا تھا؟ اس کو سمجھنے کے لیے حضرت نوح کی قوم اور معاشرے کے حالات کی تصویر ذہن میں لائیے۔ چشم تصور سے دیکھئے کہ کس طرح اللہ کا ایک بندہ لوگوں تک اللہ کا پیغام پہنچا رہا ہے۔ اس کے لیے وہ دن دیکھتا ہے نہ رات۔ اجتماعی دعوت بھی دے رہا ہے‘ انفرادی ملاقاتیں بھی کر رہا ہے‘ ہر موقع آزما رہا ہے‘ ہر ذریعہ اور ہر طریقہ بروئے کار لا رہا ہے‘ جبکہ جواب میں اس کی اپنی قوم کے لوگ مسلسل اس سے استہزاء کررہے ہیں‘ اس کا تمسخر اڑا رہے ہیں اور اس پر پھبتیاں کس رہے ہیں۔ اس جان لیوا جدوجہد میں دس بیس یا پچاس برس تک نہیں‘ پورے ساڑھے نو سو سال تک اپنی جان کو گھلاتے چلے جانا اور اس کے جواب میں قوم کے مخالفانہ رویے کا سامنا کرنا اور پھراس مخالفت پر صبر کرنا کوئی معمولی کرب اور ضیق نہیں تھا۔

        اسی طرح کے کرب اور ضیق کا سامنا محمد ٌرسول اللہ کو مکی دور میں اُس وقت کرنا پڑا تھا جب مشرکین بار بار کسی معجزے کا مطالبہ کر کے آپؐ پر گویا اتمامِ حجت کر رہے تھے۔ ان کا اصرار تھا کہ اگر آپ اللہ کے رسول ہیں تو ہمیں ایسے معجزات دکھائیں جیسے حضرت موسیٰؑ اور حضرت عیسیٰؑ نے اپنی قوموں کو دکھائے تھے۔ اس حوالے سے آپؐ پر عوام کا دباؤ مسلسل بڑھتا جا رہا تھا‘ جبکہ اللہ کا فیصلہ اس حوالے سے یہ تھا کہ اس طرح کا کوئی حسی ّمعجزہ نہیں دکھایا جائے گا۔ اس صورتِ حال میں آپ گویا چکی ّکے دو پاٹوں کے درمیان آ چکے تھے۔ سورۃ الانعام کے مطالعے کے دوران حضور کے اس کربِ عظیم کی کیفیت کے بارے میں ہم پڑھ چکے ہیں۔ سورۃ الانعام کی متعلقہ آیات اس موضوع پر گویا ذروۂ سنام (climax) کا درجہ رکھتی ہیں۔ چنانچہ آیت زیر مطالعہ میں اہل ایمان کو گویا اشارۃً بتایا جا رہا ہے کہ تم لوگوں کو تو ابھی راہِ حق میں سختیاں جھیلتے ہوئے صرف دس بارہ سال ہی ہوئے ہیں۔ اپنی تکلیفوں کے بارے میں سوچتے ہوئے ذرا ہمارے بندے نوحؑ کے صبر و استقامت کو بھی مد ِنظر رکھو جو ساڑھے نو سو سال تک اس طرح کے ’’کرب‘‘ کا سامنا کرتے رہے۔ اس میں اس امر کی طرف بھی اشارہ ہے کہ جس طرح نوح اور ان کے اہل ایمان ساتھیوں کو اُس کربِ عظیم سے بچایا گیا‘ اسی طرح آخر کار محمد ٌرسول اللہ اور ان کے ساتھیوں کو بھی ہم اس کربِ عظیم سے نجات دلائیں گے جس میں اہل ِمکہ ّنے ان کو مبتلا کر رکھا ہے۔

        پھر پانی کاعذاب بذاتِ خود ایک ’’کربِ عظیم‘‘ تھا جو حضرت نوح کی قوم پر مسلط ہوا تھا۔ یعنی یوں تو نہیں ہوا ہو گا کہ سیلاب آیا اور حق کے مخالفین سب کے سب آنِ واحد میں غرق ہو گئے۔ آج بھی اگر ہم اس خوفناک صورت حال کی تصویر اپنے ذہنوں میں لا کر غور کریں تو ہم اندازہ کر سکتے ہیں کہ اس سیلابِ بلا کی انتہائی غیر معمولی صورتِ حال کو دیکھ کر وہ لوگ تشویش و تفکر ّکے کون کون سے مراحل سے گزرے ہوں گے‘ کیسی کیسی حفاظتی تدابیر لڑائی گئی ہوں گی‘ جانیں بچانے کے لیے کیا کیا بھگڈر اور ہلچل مچی ہو گی۔ گویا سیلاب کی وجہ سے اس قوم کے لیے قیامت صغریٰ کا منظر ہو گا۔ اور کسی نہ کسی درجے میں ( اِنَّ زَلْزَلَۃَ السَّاعَۃِ شَیْئٌ عَظِیْمٌ) (الحج) کی سی کیفیت پیدا ہو گئی ہو گی۔ یہ سب کچھ بذات خود ایک ’’کربِ عظیم‘‘ تھا‘ جس کا سامنا حضرت نوح اور آپؑ کے ساتھیوں کو بھی تھا‘ لیکن اللہ تعالیٰ نے اپنے فضل خاص سے انہیں اس ’’کربِ عظیم‘‘ سے محفوظ رکھا۔

آیت ۷۷   وَجَعَلْنَا ذُرِّیَّـتَہٗ ہُمُ الْبٰقِیْنَ: ’’اور ہم نے اُس کی اولاد کو ہی باقی رہنے والا بنایا۔‘‘

        یہ آیت فلسفہ قرآنی کے اعتبار سے بہت اہم ہے۔ اس میں اسلوبِ حصر کے ساتھ فرمایا گیا ہے کہ صرف نوح ہی کی اولاد کو ہم نے باقی رہنے والا بنایا۔ اس سے ثابت ہوتا ہے کہ سیلاب کے بعد دنیا میں بنی نوعِ انسان کی نسل صرف حضرت نوح کے بیٹوں سے ہی چلی تھی۔

        آپؑ کی قوم کے رویے کے حوالے سے قرآن میں جا بجا جو اشارے ملتے ہیں اس سے تو یہی گمان ہوتا ہے کہ ان لوگوں میں سے شاید کوئی بھی آپؑ پر ایمان نہیں لایا تھا۔ بلکہ سورۂ ہود کے الفاظ:(وَمَآاٰمَنَ مَعَہٗٓ اِلاَّ قَلِیْلٌ) سے تو ایسے ہی لگتا ہے جیسے کشتی میں گنتی کے چند افراد تھے جن میں آپؑ خودتھے‘ آپؑ کے تین بیٹے اور ان کے اہل و عیال تھے یا ممکن ہے آپؑ کی کوئی بیوی بھی آپؑ کے ہمراہ ہو۔ اس کے علاوہ کچھ خادمین اور ملازمین ہوں گے اور بس۔ آپؑ کی ایک بیوی اور ایک بیٹا تو غرق ہونے والوں میں شامل تھے۔ اگر کوئی ُخدام ّوغیرہ تھے بھی تو ان کی نسل آگے چلنے کا اہتمام نہیں ہوا ہو گا۔ چنانچہ اس کے بعد نسل انسانی آپؑ کے تین بیٹوں سام‘ حام اور یافث سے ہی چلی۔ اسی لیے آپؑ کو آدمِ ثانی بھی کہا جاتا ہے۔میرے اندازے کے مطابق تقریباًدو ہزار برس کے عرصے میں انسانی آبادی دنیا کے مختلف علاقوں میں پھیلی ہے۔ ورنہ حضرت نوح کے زمانے تک انسانی آبادی صرف اُسی علاقے تک محدود تھی جو سب کی سب سیلاب کی وجہ سے ختم ہو گئی اور صرف وہی چند نفوس زندہ بچے جو آپؑ کے ساتھ کشتی میں سوار تھے۔بہر حال آیت زیر مطالعہ کے الفاظ میں یہ مفہوم بہت واضح ہے کہ سیلاب کے بعد نسل انسانی صرف آپؑ کے بیٹوں (ذُرِّیَّتَہٗ) سے ہی آگے چلی۔ کشتی میں اگر آپؑ کے خاندان کے علاوہ کچھ اور لوگ موجود تھے بھی تو ان میں سے کسی کی نسل آگے نہ چل سکی۔

آیت ۷۸   وَتَرَکْنَا عَلَیْہِ فِی الْاٰخِرِیْنَ: ’’اور ہم نے اسی (کے طریقے) پر بعد میں آنے والوں میں سے بھی (کچھ لوگوں کو) چھوڑا۔‘‘

        یعنی بعد میں آپؑ کی نسل میں سے بھی لوگ آپؑ کے راستے پر چلتے رہے۔ آپؑ کے بیٹوں کی اولادیں کچھ عرصہ تک تو یقینا دین حق اور دین توحید پر چلتی رہی ہوں گی‘ لیکن بالآخر شیطان نے ا نہیں بھی گمراہ کر دیا اور مختلف قسم کے توہمات اور شرک میں مبتلا کر دیا۔

آیت ۷۹   سَلٰمٌ عَلٰی نُوْحٍ فِی الْعٰلَمِیْنَ: ’’سلام ہو نوحؑ پر تمام جہانوں میں!‘‘ 

آیت ۸۰   اِنَّا کَذٰلِکَ نَجْزِی الْمُحْسِنِیْنَ: ’’یقینا ہم اسی طرح بدلہ دیا کرتے ہیں محسنین کو۔‘‘

        ’’محسن‘‘ وہ شخص ہے جو اسلام اور ایمان کے مدارج طے کر کے درجہ احسان تک پہنچ جائے۔

آیت۸۱   اِنَّہٗ مِنْ عِبَادِنَا الْمُؤْمِنِیْنَ: ’’یقینا وہ ہمارے مؤمن بندوں میں سے تھا۔‘‘ 

آیت۸۲    ثُمَّ اَغْرَقْنَا الْاٰخَرِیْنَ: ’’پھر ہم نے غر ق کر دیا باقی سب کو۔‘‘ 

آیت ۸۳   وَاِنَّ مِنْ شِیْعَتِہٖ لَاِبْرٰہِیْمَ: ’’اور اُسی کی جماعت میں سے ابراہیم ؑ بھی تھا۔‘‘

        یعنی حضرت ابراہیم اسی دین حق اور نظریۂ توحید کے پیروکار تھے جس پر حضرت نوح کاربند تھے۔ حضرت ابراہیم کا تعلق حضرت نوح کے بیٹے حضرت سام کی نسل سے تھا۔اسی طرح قومِ عاداور قومِ ثمود بھی سامی النسل تھیں۔ حضرت ابراہیم کی پیدائش شہر اُر میں ہوئی جو موجودہ عراق کے جنوبی علاقے میں اپنے وقت کا مشہور شہر تھا۔ اس شہر کے کھنڈرات دریافت ہو چکے ہیں۔

آيت 46:  وَقَوْمَ نُوحٍ مِنْ قَبْلُ:  «اور قومِ نوح كو بھى اس سے پهلے (هم نے پكڑا)».

إِنَّهُمْ كَانُوا قَوْمًا فَاسِقِينَ:  «يقينًا وه بھى بڑے هى نافرمان لوگ تھے».

نوٹ كيجيے يهاں حضرت شعيب عليه السلام كے سوا ان سب پيغمبروں كا ذكر آ گيا هے جن كے حالات طويل مكى سورتوں ميں تفصيل سے بيان هوئے هيں. يعنى سورة الاعراف اور سوره هود ميں ايك ايك پيغمبر كا واقعه عموماً ايك ايك ركوع ميں بيان هوا هے، ليكن يهاں ان كا ذكر ايك ايك دو دو آيات ميں آيا هے. گويا بعد ميں نازل هونے والى طويل مكى سورتوں ميں انباء الرسل كى تفصيل بيان هوئى هے جبكه زير مطالعه مكى سورتوں ميں ان پيغمبروں كا ذكر انتهائى مختصر انداز ميں آيا هے.

آيت 52:  وَقَوْمَ نُوحٍ مِنْ قَبْلُ:  «اور قومِ نوح كو بھى (هلاك كيا) ان سے پهلے».

إِنَّهُمْ كَانُوا هُمْ أَظْلَمَ وَأَطْغَى:  «يقينًا وه تو ان سے بڑھ كر ظالم اور ان سے بڑھ كر سركش تھے».

آيت 9:   كَذَّبَتْ قَبْلَهُمْ قَوْمُ نُوحٍ:  «جھٹلايا تھا ان سے پهلے نوح كى قوم نے».

    اب يهاں سے اس سورت ميں انباء الرسل كا تذكره شروع هو رها هے. جيسا كه پھلے بھى ذكر هو چكا هے سورة النجم اور سورة القمر كا آپس ميں جوڑے كا تعلق هے. چنانچه هم ديكھ چكے هيں كه سورة النجم ميں تذكير بآلاء الله (الله تعالى كى قدرتوں اور نعمتوں كے ذريعے تذكير) كا انداز تھا، جب كه اس سورت ميں تذكير بايام الله اور انباء الرسل كا تذكره هے. بالكل يهى تقسيم اور يهى انداز اس سے پهلے هم سورة الانعام اور سورة الاعراف كے مطالعے كے دوران بھى ديكھ چكے هيں. سورة الانعام ميں آلاء الله كے ذريعے تذكير كى گئى هے، جبكه سورة الاعراف ميں انباء الرسل كا انداز هے. اسى طرح يه دونوں سورتيں بھى مل كر تذكير وانذار كے دونوں پهلوؤں كى تكميل كرتى هے.

    فَكَذَّبُوا عَبْدَنَا وَقَالُوا مَجْنُونٌ وَازْدُجِرَ:  «تو انهوں نے همارے بندے كو جھٹلايا اور كها يه تو مجنون هے اور اسے جھڑك ديا گيا».

    اس بد بخت قوم نے همارے جليل القدر رسول كو نه صرف جھٹلا ديا بلكه اس كے ساتھ اهانت آميز سلوك روا ركھا.

آيت 10:  فَدَعَا رَبَّهُ أَنِّي مَغْلُوبٌ فَانْتَصِرْ:  «تو اس نے پكارا اپنے رب كو كه ميں مغلوب هو چكا هوں، اب تُو ان سے انتقام لے».

رسولوں كى مدد كے حوالے سے الله تعالى كے قانون كا ذكر سورة الصّفّت ميں اس طرح آيا هے: (وَلَقَدْ سَبَقَتْ كَلِمَتُنَا لِعِبَادِنَا الْمُرْسَلِينَ  إِنَّهُمْ لَهُمُ الْمَنْصُورُونَ  وَإِنَّ جُنْدَنَا لَهُمُ الْغَالِبُونَ).  «اور همارى يه بات پهلے سے طے شده هے اپنے ان بندوں كے ليے جن كو هم (رسول بنا كر) بھيجتے رهے هيں، كه ان كى لازمًا مدد كى جائے گى. اور يقينًا همارا لشكر هى غالب رهے گا».

آيت 11:   فَفَتَحْنَا أَبْوَابَ السَّمَاءِ بِمَاءٍ مُنْهَمِرٍ:  «تو هم نے كھول ديے آسمان كے دروازے اس پانى كے ساتھ جو مسلسل چھاجوں برستا هے».

آيت 12:  وَفَجَّرْنَا الْأَرْضَ عُيُونًا:  «اور هم نے زمين كو پھاڑ كر چشمے هى چشمے كر ديا».

اس وقت اس علاقے كى صورت حال يوں تھى كه آسمان سے مسلسل موسلادھار بارش هو رهى تھى اور نيچے زمين سے جا بجا چشمے اس طرح پھوٹ رهے تھے كه زمين گويا چشموں ميں تبديل هو گئى تھى.

    فَالْتَقَى الْمَاءُ عَلَى أَمْرٍ قَدْ قُدِرَ:  «تو وه سارا پانى مل گيا ايك ايسے كام كے ليے جس كا فيصله هو چكا تھا».

الله تعالى كى طرف سے اس نافرمان قوم كو غرق كرنے كا فيصله هو چكا تھا. چنانچه الله تعالى كے اس فيصلے كے مطابق آسمان سے برسنے والے اور زمين سے پھوٹنے والے پانى نے مل كر ايك خوف ناك سيلاب كى شكل اختيار كرلى.

آيت 13:  وَحَمَلْنَاهُ عَلَى ذَاتِ أَلْوَاحٍ وَدُسُرٍ:  «اور هم نے اسے سوار كر ديا اس (كشتى) پر جو تختوں اور كيلوں سے بنى تھى».

آيت 14:  تَجْرِي بِأَعْيُنِنَا:   «جو چل رهى تھى همارى نگاهوں كے سامنے».

وه كشتى همارى نگرانى اور حفاظت ميں چل رهى تھى.

    جَزَاءً لِمَنْ كَانَ كُفِرَ:  «يه بدله تھا اس شخص كے ليے جس كى ناقدرى كي گئى تھى».

يوں هم نے اپنے بندے نوح كى قدر افزائى فرمائى جس كى قوم نے اسے ٹھكرا ديا تھا. اس كشتى كے ذريعے هم نے اسے اور اس كے اهلِ ايمان ساتھيوں كو سيلاب سے محفوظ ركھا.

اس سوره مباركه كا اصل مضمون تدريجًا آگے بڑھتا هوا آيت: 25 پر اپنے نقطه عروج (climax) پر پهنچ گيا هے. اب آئنده آيات ميں گويا اس مضمون كا ضميمه اور تكمله آ رها هے (قبل ازيں كبھى ميں بغرضِ تفهيم اس كے ليے anti climax كى اصطلاح استعمال كرتا رها هوں، ليكن اب ميں سمجھتا هوں كه يه اصطلاح مناسب نهيں هے). موضوع كے اهميّت كے پيش نظر مناسب هو گا كه متعلقه آيات كے مطالعے سے پهلے اس مضمون كى روح كو اچھى طرح سے سمجھ ليا جائے. ظاهر هے زمين پر الله كے قانون كى حكمرانى اور معاشرے ميں عدل وانصاف كى ترويج شيطان پر بهت بھارى هے. اس ليے اس نے اس «انقلاب» كا راسته روكنے كے ليے يه چال چلى كه محض اهلِ ايمان كى توجه تركِ دنيا اور رهبانيت كى طرف مبذول كرا دى، تاكه اسے انسانوں كے معاشرے ميں ننگا ناچ ناچنے كى كھلى چھٹى مل جائے.

اهلِ ايمان كے دلوں ميں الله كى محبت، دنيا سے بے رغبتى اور آخرت كى طلب كے جذبے كا نتيجه تو يه نكلنا چاهيے كه وه الله كى فوج كے سپاهى بن كر اقامتِ دين كى جدوجهد كے علمبردار بن جائيں اور نتائج سے بے پرواه هو كر هر زماں، هر مكاں شيطانى قوتوں كے خلاف برسر پيكار رهيں، ليكن شيطان نے ايسے لوگوں كو رهبانيت كا سبق پڑھا ديا كه الله والوں كا دنيا كے جھميلوں سے كيا واسطه؟ انهيں تو چاهيے كه وه دنيا اور علائقِ دنيا كو چھوڑ كر جنگلوں اور پهاڑوں كى غاروں ميں بيٹھ كر الله كى عبادت كريں اور الله كے هاں اپنے درجات بلند كريں. ظاهر هے ايسى رهبانيت دين كى اصل روح كے خلاف هے. غلبه دين كى جدوجهد كى راه ميں مصيبتيں جھيلنے، اس ميدان ميں شيطانى قوتوں سے نبرد آزما هونے كے ليے مال وجان كى قربانياں دينے اور خانقاهوں ميں بيٹھ كر عبادت ورياضت كى سختياں برداشت كرنے ميں زمين وآسمان كا فرق هے. الله كى راه ميں جهاد كى سختياں برداشت كرنے سے معاشرے سے ظلم وناانصافى كا خاتمه هوتا هے، انسانيت عدل وانصاف كے ثمرات سے بهره ور هوتى هے اور ماحول ميں فلاح وخوش حالى كے پھول كھلتے هيں، جبكه رهبانيت كى راه ميں اُٹھائى گئى تكاليف سے دنيا اور اهلِ دنيا كو كسى قسم كا فائده پهنچنے كا كوئى امكان نهيں. بهرحال شيطان كا يه وار عيسائيت كے حوالے سے بهت كارگر ثابت هوا. اس كے نتيجے ميں عيسائيوں كے هاں نه صرف خانقاهى نظام كو بهت مقبوليت حاصل هوئى بلكه الله كى خوشنودى حاصل كرنے كے ليے «رهبانيت» اعلى ترين ذريعه اور وسيله قرار پائى. (histry of christian monasticism پر لكھى گئى يورپى مصنفين كى بڑى بڑى ضخيم كتابيں عيسائى راهبوں اور رهبانيت كے بارے ميں عجيب وغريب تفصيلات سے بھرى پڑى هيں).

اس كے بعد اسلام ميں جب خلافت كى جگه ملوكيت نے لے لى اور اِحيائے خلافت كى چند كوششيں ناكامى سے دو چار هوئيں تو مسلمانوں كے هاں بھى رهبانيت كے طور طريقے رائج هونا شروع هو گئے. اس كى عملى صورت يه سامنے آئى كه مخلص اهلِ ايمان اور اهلِ علم لوگ بادشاهوں اور سلاطين كے رويّے كى وجه سے اُمت كے اجتماعى معاملات سے لاتعلق هو كر گوشه تنهائى ميں جا بيٹھے. البته ان كے شاگردوں اور عقيدت مندوں نے ان سے اكتسابِ فيض كا سلسله جارى ركھا. اسى طرح رفته رفته اهل الله اور اهلِ علم كى مسندوں نے خانقاهوں كى شكل اختيار كر لى. سلاطين واُمرا نے اپنے مفاد كے ليے ان خانقاهوں كى سرپرستى كرنا شروع كر دى. ايسى خانقاهوں كے ليے بڑى بڑى جاگيريں مختص كر دى گئيں، تاكه خانقاه اور اس سے متعلقه تمام لوگوں كے اخراجات احسن طريقے سے پورے هوتے رهيں اور يه لوگ حكومت كے معاملات ميں دخل اندازى كرنے كے بجائے اطمينان كے ساتھ چله كشيوں اور اپنى روحانى منازل طے كرنے ميں مصروف ومشغول رهيں. دوسرى طرف ان خانقاهوں سے متعلقه لوگوں كے هاں بھى رفته رفته دين ودنيا كا يه تصور جڑ پكڑتا گيا كه حكومت كرنا اور اجتماعى معاملات نپٹانا سلاطين وامرا كا كام هے، هميں ان معاملات سے كيا سروكار؟ همارا كام تو دينى تعليمات كى اشاعت اور لوگوں كى روحانى اصلاح كرنا هے، تاكه وه اچھے مسلمان اور الله كے مقرب بندے بن سكيں. يوں دينِ اسلام كا اصل تصور دھندلاتا گيا اور اس كى جگه خانقاهى نظام كى حوصله افزائى هوتى رهى. دين كا درست تصور اور انبيا ورسل كى بعثت كا اصل مقصد تو وهى هے جو هم گذشته آيات ميں پڑھ چكے هيں: (لِيَقُومَ النَّاسُ بِالْقِسْطِ) «تاكه لوگ عدل وانصاف پر قائم هو جائيں».

چنانچه آئنده آيات ميں ايك تو يه نكته واضح كيا گيا هے كه انسانيت نے رهبانيت كا غلط موڑ كب اور كيسے مڑا، اور ساتھ هى مسلمانوں كو متنبه كيا جا رها هے كه اے مسلمانو! بے شك دنيا سے بے رغبتى اختيار كرنا اور دنيا كے مقابلے ميں آخرت بنانے كى فكر اختيار كرنا هى دين كا اصل جوهر هے، ليكن اس كا يه مطلب هرگز نهيں كه تم راهب بن كر تمدن كى زندگى كو خيرباد كهه دو، بن باس لے لو، اور جنگلوں ميں جا كر چلے كاٹنا شروع كر دو، پهاڑوں كى چوٹيوں اور غاروں ميں جا كر تپسيائيں كرو، يا خانقاهوں ميں گوشه نشين هو جاؤ. تمهيں تو دنيا كى منجدھار ميں رهتے هوئے دوسروں كو زندگى كى ضمانت فراهم كرنى هے. تمهيں تو جهاد في سبيل الله كے ذريعے دنيا ميں حق كا بول بالا كرنا هے. ظلم ونا انصافى كو جڑ سے اكھاڑ كر معاشرے ميں عدل وانصاف كا نظام قائم كرنا هے، اور اپنے اردگرد ايسا ماحول پيدا كرنا هے جس ميں مظلوم كو اس كا حق ملے اور ظالم كو سر چھپانے كى جگه نه مل سكے. اس كے ليے تمهارے سامنے اُسوه رسول الله صلى الله عليه وسلم اور آپ كے صحابه كرام رضي الله عنهم كا قائم كرده معيار بطور نمونه موجود هے.

حضور صلى الله عليه وسلم نے عرب كے معاشرے كو حق وانصاف كا جو معيار عطا كيا تھا اس كى جھلك حضرت ابو بكر صدّيق رضي الله عنه كى اس تقرير ميں بھى ديكھى جا سكتى هے جو آپ نے لوگوں سے بيعتِ خلافت لينے كے فورًا بعد كى تھى. آپ رضي الله عنه نے بحيثيت امير المؤمنين اپنے پهلے خطاب ميں عدل وانصاف كے بارے ميں اپنى ترجيح واضح كرتے هوئے فرمايا تھا: «لوگو! تمهارا كمزور شخص ميرے نزديك بهت قوى هو گا جب تك كه ميں اسے اس كا حق نه دلوا دوں، اور تمهارا قوى شخص ميرے نزديك بهت كمزور هو گا جب تك كه ميں اس سے كسى كا حق وصول نه كر لوں». اسى طرح اس ضمن ميں حضرت ربعى بن عامر رضي الله عنه كے وه الفاظ بھى بهت اهم هيں جو آپ نے ايرانى افواج كے سپه سالار رستم كو مخاطب كرتے هوئے كهے تھے. قادسيه كے مقام پر اسلامى افواج كے سپه سالار سعد بن ابى وقاص رضي الله عنه نے جنگ سے پهلے ايرانيوں كے ساتھ مذاكرات كے ليے حضرت ربعى بن عامر رضي الله عنه كو بھيجا تھا. رستم نے ان سے سوال كيا تھا كه تم لوگ يهاں كيا لينے آئے هو؟ اس پر انهوں نے اپنے مشن كى وضاحت ان الفاظ ميں كى تھى:

إِنَّ اللهَ ابْتَعَثْنَا لِنُخْرِجَ الْعِبَادَ مِنْ عِبَادَةِ الْعِبَادِ إِلَى عِبَادَةِ رَبِّ الْعِبَادِ، وَمِنْ ضَيْقِ الدُّنْيَا إِلَى سِعَةِ الآخِرَةِ وَمِنْ جَوْرِ الأَدْيَانِ إِلَى عَدْلِ الإِسْلَامِ.

«هميں الله نے بھيجا هے تاكه هم بندوں كو بندوں كى غلامى سے نكال كر بندوں كے رب كى غلامى ميں لے آئيں، اور انهيں دنيا كى تنگى سے نكال كر آخرت كى كشادگى سے هم كنار كريں، اور باطل نظاموں سے نجات دلا كر اسلام كے عادلانه نظام سے روشناس كرائيں».

يه هے اس مضمون كا لُب لباب جو اس سورت كے آخر ميں مركزى مضمون كے ضميمے كے طور پر بيان هوا هے.

اب اگلى آيت سے اس مضمون كى تمهيد شروع هو رهى هے.

آيت 26:  وَلَقَدْ أَرْسَلْنَا نُوحًا وَإِبْرَاهِيمَ:  «اور هم نے هى بھيجا تھا نوح كو بھى اور ابراهيم كو بھى»

وَجَعَلْنَا فِي ذُرِّيَّتِهِمَا النُّبُوَّةَ وَالْكِتَابَ:  «اور هم نے انهى دونوں كى نسل ميں ركھ دى نبوت اور كتاب»

حضرت نوح عليه السلام كى قوم پر عذاب كے بعد انسانيت كى نسل حضرت نوح عليه السلام كے تين بيٹوں: حضرت سام، حضرت حام اور حضرت يافث سے چلى تھى. چنانچه حضرت نوح عليه السلام كے بعد جو انبياء بھى آئے وه آپ هى كى نسل سے تھے. البته قرآن ميں صرف سامى رسولوں كا تذكره هے، آپ عليه السلام كے دوسرے دو بيٹوں كى نسلوں ميں مبعوث هونے والے پيغمبروں كا ذكر قرآن ميں نهيں آيا. حضرت ابراهيم عليه السلام خود بھى حضرت نوح عليه السلام هى كى نسل سے تھے، ليكن حضرت ابراهيم عليه السلام كى نسل ميں جو انبيا ورسل عليهم السلام آئے ان كا ذكر قرآن ميں تخصيص كے ساتھ آپ عليه السلام كى نسل يا ذريّت كے حوالے سے هوا هے. آج حضرت ابراهيم عليه السلام كو گزرے تقريبًا پانچ هزار برس هو چكے هيں، اس دوران آپ عليه السلام كى اولاد كهاں كهاں پهنچى اور كس كس علاقے ميں آباد هوئى، يه اپنى جگه تحقيق كا ايك مستقل موضوع هے، ليكن اس آيت سے يه ثابت هوتا هے كه آپ عليه السلام كى نسل جس جس علاقے ميں بھى آباد هوئى ان تمام علاقوں ميں انبيا آتے رهے.

فَمِنْهُمْ مُهْتَدٍ وَكَثِيرٌ مِنْهُمْ فَاسِقُونَ:  «تو ان (كى نسل) ميں كچھ تو هدايت يافته بھى هيں، ليكن ان كى اكثريت فاسقوں پر مشتمل هے».

آيت 10: ان آيات ميں عورتوں كا معامله ايك اور پهلو سے زير بحث آرها هے. واضح رهے كه ان سورتوں (الطلاق اور التحريم) كى ايك مشتركه خصوصيت يه بھى هے كه ان دونوں ميں عورتوں كے معاملات بيان هوئے هيں. چناں چه اب عورتوں پر واضح كيا جارها هے كه وه خود كو اپنے شوهروں كے تابع سمجھتے هوئے آخرت كے حساب سے نچنت نه هوجائيں. اسلام ميں عورت اور مرد كا درجه انسان هونے كى حيثيت سے برابر هے. لهذا عورتيں اپنے دين و ايمان اور اعمال و فرائض كى خود ذمه دار هيں. اگر ان كا ايمان درست هوگا اور اعمال صالحه كا پلڑا بھارى هوگا تبھى نجات كى كوئى صورت بنے گى. ان كے شوهر خواه الله كے كتنے هى برگزيده بندے كيوں نه هوں اس معاملے ميں وه ان كے كچھ كام نهيں آسكيں گے. اس حقيقت كو واضح كرنے كے ليے ان آيات ميں چار خواتين كى مثاليں دى گيى هيں:

ضَرَبَ اللَّهُ مَثَلًا لِلَّذِينَ كَفَرُوا امْرَأَتَ نُوحٍ وَامْرَأَتَ لُوطٍ: «الله نے مثال بيان كى هے كافروں كے ليے نوح عليه السلام كى بيوى اور لوط عليه السلام كى بيوى كى.»

كَانَتَا تَحْتَ عَبْدَيْنِ مِنْ عِبَادِنَا صَالِحَيْنِ: «وه دونوں همارے بهت صالح بندوں كے عقد ميں تھيں»

فَخَانَتَاهُمَا فَلَمْ يُغْنِيَا عَنْهُمَا مِنَ اللَّهِ شَيْئًا: «تو انهوں نے ان سے خيانت كى، تو وه دونوں الله كے مقابل ان كے كچھ كام نه آسكے»

وه جليل القدر پيغمبر اپنى بيويوں كو الله كے عذاب سے نه تو دنيا ميں بچا سكے اور نه هى آخرت ميں بچا سكيں گے. حضرت نوح عليه السلام كى بيوى سيلاب ميں غرق هوگئى اور حضرت لوط عليه السلام كى بيوى بھى اپنى قوم كے لوگوں كے ساتھ پتھراؤ كے عذاب ميں هلاك هوئى. واضح رهے كه يهاں جس خيانت كا ذكر هوا هے اس سے مراد كردار كى خيانت نهيں هے، اس ليے كه كسى نبى عليه السلام كى بيوى كبھى بد چلن اور بدكار نهيں رهى هے. ان كى خيانت اور بے وفائى دراصل دين كے معاملے ميں تھى كه وه دونوں اپنے شوهروں كى جاسوسى كرتى تھيں اور ان كے راز اپنى قوم كے لوگوں تك پهنچاتى تھيں. اس ميں كوئى شك نهيں كه ايك شادى شده عورت كى عصمت اس كے شوهر كى عزت و ناموس هے جس كى حفاظت كرنا شوهر كى طرف سے اس پر فرض هے، ليكن اس كے علاوه ايك بيوى اپنے شوهر كے رازوں اور اس كے مال وغيره كى محافظ بھى هوتى هے. سورة النساء كى آيت 34 ميں نيك اور مثالى بيويوں كى جو صفات بيان كى گئى هيں ان ميں ايك صفت حَافِظَاتٌ لِّلْغَيْبِ بھى هے. اس كا مفهوم يهى هے كه نيك بيوياں اپنے شوهروں كى غير حاضرى ميں ان كے گھر بار اور حقوق كى محافظ هوتى هيں. اب ظاهر هے اس حفاظت ميں شوهر كى عزت و ناموس كے ساتھ ساتھ اس كے مال اور اس كے رازوں وغيره كى حفاظت بھى شامل هے. چناں چه يهاں خيانت سے صرف عزت و ناموس هى كى خيانت مراد لينا درست نهيں.

وَقِيلَ ادْخُلَا النَّارَ مَعَ الدَّاخِلِينَ: «اور (آخرت ميں) كه ديا جائے گا كه تم دونوں داخل هوجاؤ آگ ميں دوسرے سب داخل هونے والوں كے ساتھ.»

ان دو عبرت انگيز مثالوں سے يه حقيقت واضح هوجانى چاهيے كه الله تعالى كے وه اولوا العزم پيغمبر جنهوں نے ساڑھے نو سو سال الله تعالى كے پيغام كى دعوت ميں صرف كيے وه اگر اپنى بيوى كو برے انجام سے نهيں بچا سكا تو اور كون هوگا جو الله تعالى كے حضور اپنے كسى عزيز رشتے دار كى سفارش كرسكے گا؟ نبى اكرم صلى الله عليه وسلم نے اپنى دعوت كے آغاز ميں قبيله قريش بالخصوص اپنے قريبى عزيز و اقارب كو جمع كركے فرمايا تھا:

«يَا مَعْشَرَ قُرَيْشٍ اشْتَرُوا أَنْفُسَكُمْ، لاَ أُغْنِي عَنْكُمْ مِنَ اللَّهِ شَيْئًا، يَا بَنِي عَبْدِ مَنَافٍ لاَ أُغْنِي عَنْكُمْ مِنَ اللَّهِ شَيْئًا، يَا عَبَّاسُ بْنَ عَبْدِ المُطَّلِبِ لاَ أُغْنِي عَنْكَ مِنَ اللَّهِ شَيْئًا، وَيَا صَفِيَّةُ عَمَّةَ رَسُولِ اللَّهِ لاَ أُغْنِي عَنْكِ مِنَ اللَّهِ شَيْئًا، وَيَا فَاطِمَةُ بِنْتَ مُحَمَّدٍ سَلِينِي مَا شِئْتِ مِنْ مَالِي لاَ أُغْنِي عَنْكِ مِنَ اللَّهِ شَيْئًا»

«اے قريش كے لوگو! اپنے آپ كو الله (كى گرفت) سے بچانے كى كوشش كرو، ميں الله كے مقابلے ميں تمهارے كچھ بھى كام نه آسكوں گا. اے بنى عبد المطلب! ميں الله كے مقابلے ميں تمهارے كچھ بھى كام نه آسكوں گا. اے عباس بن عبد المطلب! ميں الله كے مقابلے ميں تمهارے كچھ بھى كام نه آسكوں گا. اے صفيه، الله كے رسول كى پھوپھى! ميں الله كے مقابله ميں تمهارے كچھ بھى كام نه آسكوں گا. اے فاطمه، الله كے رسول كى بيٹى! تم مجھ سے (ميرے مال ميں سے) جو چاهو طلب كرلو، ليكن ميں الله كے مقابله ميں تمهارے كچھ بھى كام نه آسكوں گا.»

        ايك روايت ميں يه الفاظ بھى آئے هيں:

«يَا فَاطِمَةُ، أَنْقِذِي نَفْسَكِ مِنَ النَّارِ، فَإِنِّي لَا أَمْلِكُ لَكُمْ مِنَ اللهِ شَيْئًا»

«اے محمد (صلى الله عليه وسلم) كى لخت جگر فاطمه رضى الله عنها! اپنے آپ كو آگ سے بچاؤ، كيوں كه مجھے تمهارے بارے ميں الله كے هاں كوئى اختيار نهيں هوگا.»

آيت 11: إِنَّا لَمَّا طَغَى الْمَاء حَمَلْنَاكُمْ فِي الْجَارِيَةِ: «جب (سيلاب نوح عليه السلام كا) پانى طغيانى پر آيا تھا تو هم نے تمهيں سوار كرليا تھا كشتى پر۔»

          اس سيلاب كے بعد نوع انسانى كى نسل حضرت نوح عليه السلام كے انهى تين بيٹوں سے چلى جو اس كشتى ميں سوار تھے، اس ليے آيت كے اسلوب سے يه تاثر ملتا هے جيسے پورى نوع انسانى كشتى ميں سوار تھى۔

آيت 1: إِنَّا أَرْسَلْنَا نُوحًا إِلَى قَوْمِهِ: «هم نے بھيجا تھا نوح كو ان كى قوم كى طرف»

          أَنْ أَنذِرْ قَوْمَكَ مِن قَبْلِ أَن يَأْتِيَهُمْ عَذَابٌ أَلِيمٌ: «كه خبردار كردو اپنى قوم كو اس سے پهلے كه آدھمكے ان پر ايك درد ناك عذاب۔»

آيت 2: قَالَ يَا قَوْمِ إِنِّي لَكُمْ نَذِيرٌ مُّبِينٌ: «آپ عليه السلام نے كها: اے ميرى قوم كے لوگو! ميں تمهارے ليے واضح طور پر ايك خبردار كرنے والا هوں۔»

آيت 3: أَنِ اعْبُدُوا اللَّهَ وَاتَّقُوهُ وَأَطِيعُونِ: «كه تم لوگ الله كى بندگى كرو، اس كا تقوى اختيار كرو اور ميرى اطاعت كرو۔»

          يهاں رسول اور نبى ميں فرق كے حوالے سے يه نكته نوٹ كر ليجيے كه حضرت نوح عليه السلام نے اپنى قوم سے اپنى اطاعت كا مطالبه الله كے رسول كى حيثيت سے كيا تھا۔  كسى نبى عليه السلام نے اپنى قوم سے كبھى يه نهيں كها كه تم لوگ ميرى اطاعت كرو۔ سوره يوسف ميں هم حضرت يوسف عليه السلام كے تفصيلى حالات پڑھ چكے هيں۔ حضرت يوسف عليه السلام نبى تھے۔ آپ نے مصر كے بادشاه كو يه نهيں كها كه ميں نبى هوں، تم ميرى اطاعت كرو، اور نه هى آپ نے مصر كے لوگوں سے مخاطب هوكر يوں كها كه مجھ پر ايمان لاؤ ورنه تم پر الله كى طرف سے عذاب آجائے گا۔ بلكه حضرت يوسف كے دورِ نبوت ميں بادشاه اپنى جگه بادشاه رها۔ آپ اس كى بادشاهى ميں ايك بڑے عهدے پر كام بھى كرتے رهے اور دعوت و تبليغ كا فريضه بھى ادا كرتے رهے۔ گويا انبياء كرام كى دعوت عمومى نوعيت كى تھى كه تم لوگ الله كے نيك بندے بنو، الله كا حق مانو وغيره۔ ليكن جب كسى نبى كو كسى قوم كى طرف كوئى خاص مشن دے كر بھيجا گيا تو وه الله كے رسول اور نمائندے بن كر اس قوم كى طرف گئے اور اسى حيثيت سے انهوں نے متعلقه قوم سے اپنى اطاعت كا مطالبه كيا۔ از روئے الفاظ قرآنى: (وَمَا أَرْسَلْنَا مِن رَّسُولٍ إِلاَّ لِيُطَاعَ بِإِذْنِ اللَّهِ) (النساء 67) «هم نے نهيں بھيجا كسى رسول كو مگر اس ليے كه اس كى اطاعت كى جائے الله كے حكم سے»۔ اس لحاظ سے رسول كى اطاعت در اصل الله هى كى اطاعت هے: (مَّنْ يُطِعِ الرَّسُولَ فَقَدْ أَطَاعَ اللَّهَ) (النساء 80) «جس نے اطاعت كى رسول كى اس نے اطاعت كى الله كى۔»

آيت 4: يَغْفِرْ لَكُم مِّن ذُنُوبِكُمْ: «الله تمهارے كچھ گناه معاف كردے گا»

          يهاں پر حرف مِنْ تبعيضيه بهت معنى خيز هے۔ يعنى سب كے سب گناه معاف هونے كى ضمانت نهيں البته كچھ گناه ضرور معاف هوجائيں گے۔ اس كى تاويل يه هے كه الله تعالى اپنے حقوق تو جسے چاهے گا اور جب چاهے گا معاف كردے گا، ليكن حقوق العباد كے تنازعات كے حوالے سے وه انصاف كے تقاضے پورے كرے گا۔ اس كے ليے روز محشر متعلقه فريقوں كے درميان باقاعده لين دين كا اهتمام كرايا جائے گا۔ مثلا كسى شخص نے اگر كسى كا حق غصب كيا هوگا، كسى كى عزت پر حمله كيا هوگا يا كسى بھى طريقے سے كسى پر ظلم كيا هوگا تو ايسے ظالم كى نيكيوں كے ذريعے متعلقه مظلوم كى تلافى كى جائے گى۔ اس لين دين ميں اگر كسى ظالم كى نيكياں كم پڑ جائيں گى تو حساب برابر كرنے كے ليے اس كے ظلم كا شكار هونے والے مظلوموں كے گناه اس كے كھاتے ميں ڈال ديے جائيں گے۔

          وَيُؤَخِّرْكُمْ إِلَى أَجَلٍ مُّسَمًّى: «اور تمهيں مهلت دے دے گا ايك وقت معين تك»۔

          يعنى اگر تم لوگ الله كو معبود مانتے هوئے اس كا تقوى اختيار كرو گے اور ميرے احكام كى تعميل كرتے رهو گے تو الله تعالى كچھ مدت كے ليے تمهيں بحيثيت قوم دنيا ميں زنده رهنے كى مزيد مهلت عطا فرمادے گا۔ ليكن تمهيں معلوم هونا چاهيے كه وه مهلت بھى ايك وقت معين تك هى هوگى۔ اس معاملے ميں الله تعالى كے قوانين بهت سخت اور اٹل هيں۔

          إِنَّ أَجَلَ اللَّهِ إِذَا جَاء لا يُؤَخَّرُ لَوْ كُنتُمْ تَعْلَمُونَ: «الله كا مقرر كرده وقت جب آجائے گا تو اسے مؤخر نهيں كيا جاسكے گا۔ كاش كه تمهيں معلوم هوتا»۔

          جب كوئى قوم اپنے رسول كى دعوت  ٹھكرا ديتى هے اور اسے غور و فكر كرنے كے ليے جو مهلت دى گئى هو وه ختم هو جاتى هے اور الله تعالى اپنى مشيت كے مطابق اس قوم كو نيست و نابود كرنے كا قطعى فيصله كرليتا هے تو پھر كوئى طاقت اس فيصلے كو مؤخر نهيں كر سكتى۔

          آئنده آيات ميں حضرت نوح عليه السلام كے انداز دعوت كا پورا نقشه نظر آتا هے كه آپ عليه السلام نے اپنى قوم كو راه راست پر لانے كے ليے خود كو كس كس طرح هلكان كيا۔ قوم كو دعوت و تبليغ كرتے اور پيغام حق سناتے هوئے نو صدياں بيت گئيں ليكن قوم اس دعوت حق پر كان دھرنے پر آماده نهيں هوئى۔ جب آپ عليه السلام كو ان كے ايمان لانے كى اميد نه رهى آپ عليه السلام نے الله تعالى كے حضور يه عرض داشت پيش كى۔

آيت 5: قَالَ رَبِّ إِنِّي دَعَوْتُ قَوْمِي لَيْلاً وَنَهَارًا: «نوح نے عرض كيا: پرورد گار! ميں نے تو اپنى اس قوم كو رات دن دعوت دى هے۔»

آيت 6: فَلَمْ يَزِدْهُمْ دُعَائِي إِلاَّ فِرَارًا: «ليكن ميرى دعوت نے ان ميں كچھ اضافه نهيں كيا سوائے فرار كے۔»

          يعنى ميرى شب و روز كى اس دعوتى مساعى كے نتيجے ميں ان كے گريز اور فرار هى ميں اضافه هوا۔ جتنا جتنا ميں ان كو پكارتا گيا اتنے هى زياده يه دور بھاگتے گئے۔

آيت 7: وَإِنِّي كُلَّمَا دَعَوْتُهُمْ لِتَغْفِرَ لَهُمْ جَعَلُوا أَصَابِعَهُمْ فِي آذَانِهِمْ: «اور ميں نے جب بھى انهيں پكارا تاكه تو ان كى مغفرت فرمادے تو انهوں نے اپنى انگلياں اپنے كانوں ميں ٹھونس ليں»

          وَاسْتَغْشَوْا ثِيَابَهُمْ: «اور اپنے كپڑے بھى اپنے اوپر لپيٹ ليے»

          وَأَصَرُّوا وَاسْتَكْبَرُوا اسْتِكْبَارًا: «اور وه ضد پر اڑ گئے، اور انهوں نے استكبار كيا بهت بڑا استكبار۔»

          اَصَرَّ يُصِرُّ اِصْرَارًا كے معنى اپنى روش پر اڑ جانے كے هيں۔ كفر كى روش پر اڑ جانے اور جم جانے كے علاوه ان كا رويه اپنے رسول عليه السلام كے ساتھ از حد متكبرانه تھا۔ وه كهتے تھے كه هم كيسے آپ كو اپنا پيشوا تسليم كرليں جب كه نچلے درجے كے رذيل قسم كے لوگ آپ كے متبعين هيں! اردو ميں لفظ اصرار اسى معنى ميں مستعمل هے۔

آيت 8: ثُمَّ إِنِّي دَعَوْتُهُمْ جِهَارًا: «پھر (اے پروردگار) ميں نے انهيں بلند آواز سے بھى پكارا۔»

آيت 9: ثُمَّ إِنِّي أَعْلَنتُ لَهُمْ وَأَسْرَرْتُ لَهُمْ إِسْرَارًا: «پھر ميں نے انهيں علانيه دعوت بھى دى اور خفيه طور پر بھى سمجھايا۔»

          اَسَرَّ يُسِرُّ اِسْرَارًا كے معنى بھيد هيں چھپانا يا چپكے سے بيان كرنا۔ حضرت نوح عليه السلام اپنى قوم كو كھلم كھلا تبليغ بھى كرتے اور لوگوں سے تنهائى ميں انفرادى ملاقاتيں كركے بھى ايك ايك كو سمجھاتے۔

آيت 10: فَقُلْتُ اسْتَغْفِرُوا: «پس ميں نے ان سے كها كه اپنے رب سے استغفار كرو»

          رَبَّكُمْ إِنَّهُ كَانَ غَفَّارًا: «يقينا وه بهت بخشنے والا هے»۔

آيت 11: يُرْسِلِ السَّمَاء عَلَيْكُم مِّدْرَارًا: «وه تم پر آسمان سے خوب بارشيں برسائے گا۔»

          يعنى اگر الله تعالى كے فرماں بردار بندے بن كر رهو گے تو وه تمهارى دنيوى زندگى ميں بھى تمهارے ليے آسانياں پيدا كرے گا اور تمهارے علاقے ميں خوب بارشيں برسائے گا، جس سے تمهارے رزق ميں اضافه هوگا۔ ان الفاظ سے يوں لگتا هے حضرت نوح عليه السلام كى بعثت كے بعد كسى دور ميں اس قوم پر خشك سالى اور قحط كا عذاب آيا تھا۔ جيسے قوم فرعون پر قحط اور دوسرے عذاب بھى بھيجے گئے تھے (الأعراف: ركوع16) ۔ يا جيسے حضور صلى الله عليه وسلم كى بعثت كے بعد مكه ميں بهت سخت قحط پڑا تھا (سورة الدخان: ركوع1)۔ ايسے چھوٹے چھوٹے عذاب در اصل هر رسول كى بعثت كے بعد متعلقه قوم كے لوگوں پر وقتا فوقتا اس ليے مسلط كيے جاتے تھے تاكه وه خواب غفلت سے جاگ جائيں اور اپنے رسول كى دعوت كو سنجيدگى سے سنيں۔

آيت 12: وَيُمْدِدْكُمْ بِأَمْوَالٍ وَبَنِينَ: «اور وه بڑھادے گا تمهيں مال اور بيٹوں سے»

وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا: «اور تمهيں باغات عطا كرے گا اور تمهارے ليے (چشمے اور) نهريں رواں كردے گا۔»

آيت 13: مَّا لَكُمْ لا تَرْجُونَ لِلَّهِ وَقَارًا: «تمهيں كيا هوگيا هے كه تم الله كى عظمت كے اميد وار نهيں هو؟»

          اس آيت كا مفهوم تو يه هے كه تم الله تعالى كى عظمت كو تسليم كيوں نهيں كرتے؟ اور دوسرا يه كه تمهيں الله تعالى عظمت وسطوت سے خوف كيوں نهيں آتا؟ فى الحال الله تعالى تمهيں ڈھيل دے رها هے، ليكن اس كى ڈھيل كى بھى ايك حد هے۔ تمهيں معلوم هونا چاهيے : (إِنَّ بَطْشَ رَبِّكَ لَشَدِيدٌ) (البروج) كه الله تعالى جب كسى كو پكڑنے پر آتا هے تو اس كى گرفت بهت سخت هوتى هے۔ تم ان سب باتوں كا خيال كيوں نهيں كرتے هو؟ آخر تم لوگ اس كى نافرمانياں كرتے هوئے اور اس كے ساتھ شريك ٹھهراتے هوئے اس كے غصے اور اس كى گرفت سے بے خوف كيوں هوگئے هو؟

آيت 14: وَقَدْ خَلَقَكُمْ أَطْوَارًا: «اور اس نے تمهيں پيدا كيا هے طرح طرح سے»

          الله تعالى نے رحم مادر كے اندر تمهيں خلقت كے كئى مراحل سے گزار كر انسانى صورت ميں ڈھالا هے۔

آيت 15: أَلَمْ تَرَوْا كَيْفَ خَلَقَ اللَّهُ سَبْعَ سَمَاوَاتٍ طِبَاقًا: «كيا تم نے ديكھا نهيں كه الله نے كيسے پيدا كيا هے سات آسمانوں كو ته بر ته!»

آيت 16: وَجَعَلَ الْقَمَرَ فِيهِنَّ نُورًا وَجَعَلَ الشَّمْسَ سِرَاجًا: «اور ان كے اندر اس نے چاند كو روشنى اور سورج كو (درخشاں) چراغ بنايا!»

آيت 17: وَاللَّهُ أَنبَتَكُم مِّنَ الأَرْضِ نَبَاتًا: «اور الله نے تمهيں اگايا هے زمين سے جيسے (سبزه) اگايا جاتا هے۔»

          اس نے تمهيں مٹى سے پيدا كيا هے۔ نه صرف تمهارے جسم كے تمام اجزاء زمين سے ليے گئے هيں بلكه اس جسم كى پرورش اور بقا كے ليے تمهيں خوراك بھى اسى زمين سے مل رهى هے۔ نظريه ارتقاء (evolution theory) كے ماننے والے لوگ اس آيت كو اپنے حق ميں دليل كے طور پر ليتے هيں۔ وه سمجھتے هيں كه زمين سے اگانے كے مفهوم ميں پهلے چھوٹے چھوٹے جانوروں كى تخليق كے آغاز اور پھر رفته رفته اس مخلوق كے مختلف ارتقائى مراحل سے گزار كر انسانى نسل (Homo sapiens) تك پهنچنے كا اشاره موجود هے۔

آيت 18: ثُمَّ يُعِيدُكُمْ فِيهَا وَيُخْرِجُكُمْ إِخْرَاجًا: «پھر وه تمهيں لوٹادے گا اسى ميں اور پھر نكالے گا تمهيں جيسے نكالا جاتا هے۔»

آيت 19: وَاللَّهُ جَعَلَ لَكُمُ الأَرْضَ بِسَاطًا: «اور الله نے تمهارے ليے زمين كو بچھا ديا هے بچھونے كى طرح۔»

آيت 20: لِتَسْلُكُوا مِنْهَا سُبُلاً فِجَاجًا: «تاكه تم چلو پھرو اس ميں كشاده راستوں پر۔»

          الله تعالى كے حضور اپنى عرض داشت اور رودادِ الم پيش كرتے هوئے آخر كار حضرت نوح عليه السلام يوں فرياد كناں هوئے:

آيت 21: قَالَ نُوحٌ رَّبِّ إِنَّهُمْ عَصَوْنِي: «نوح نے كها: اے پروردگار! انهوں نے ميرى نافرمانى كى»

          وَاتَّبَعُوا مَن لَّمْ يَزِدْهُ مَالُهُ وَوَلَدُهُ إِلاَّ خَسَارًا: « اور انهوں نے ان لوگوں كى پيروى كى جن كے مال اور اولاد نے ان كے ليے سوائے خسارے كے اور كچھ نهيں بڑھايا۔»

          پرور دگار! تو نے مجھے ان كى طرف رسول بنا كر بھيجا تھا اور ان پر كسى پس و پيش كے بغير ميرى اطاعت لازم تھى، ليكن انهوں نے تو ميرى جى بھر كر نافرمانى كى اور اپنے سرداروں اور وڈيروں كى پيروى كرتے رهے جن كے مال اور اولاد كى كثرت نے انهيں غرور ميں مبتلا كر ركھا هے۔ يه لوگ ميرى كوئى بات سننے كو تيار هى نهيں۔

آيت 22: وَمَكَرُوا مَكْرًا كُبَّارًا: «اور ان لوگوں نے ايك چال بھى چلى بهت بڑى چال۔»

          يه قوم نوح كے بڑے بڑے سرداروں كى اس چال كا ذكر هے جس كے تحت انهوں نے مذهبى اور نسلى عصبيت كا سهارا لے كر عوام كو حضرت نوح عليه السلام كے خلاف بھڑكايا تھا۔ انهوں نے اپنے اسلاف ميں سے بڑے بڑے اولياء الله كے بت بنا كر ركھے هوئے تھے اور انهى بتوں كى وه لوگ پوجا كرتے تھے۔ جب حضرت نوح عليه السلام نے انهيں ان بتوں كو چھوڑنے اور ايك الله كو معبود ماننے كى دعوت دى تو قوم كے سرداروں كو آپ عليه السلام كے خلاف يه دليل مل گئى كه آپ ان كے بزرگوں اور اولياء الله كو تنقيد كا نشانه بناتے هيں۔ چناں چه اس «مضبوط اور مؤثر» دليل كو بنياد بنا كر انهوں نے اپنے عوام كو اس نعرے پر متحد كرليا كه اب جو هو سو هو هم اپنے ان معبودوں كو نهيں چھوڑيں گے۔

آيت 23: وَقَالُوا لا تَذَرُنَّ آلِهَتَكُمْ: «اور انهوں نے كها كه تم اپنے ان معبودوں كو هرگز چھوڑ نه بيٹھنا۔»

          اس سے ملتا جلتا نعره سرداران قريش نے بھى حضور صلى الله عليه وسلم كے خلاف اپنے عوام كو سكھايا تھا: (وَانطَلَقَ الْمَلأ مِنْهُمْ أَنِ امْشُوا وَاصْبِرُوا عَلَى آلِهَتِكُمْ إِنَّ هَذَا لَشَيْءٌ يُرَادُ) (سوره ص) «اور چل پڑے ان كے سردار (يه كهتے هوئے) كه چلو جاؤ اور جمے رهو اپنے معبودوں پر، يقينا اس بات ميں تو كوئى غرض پوشيده هے۔»

وَلا تَذَرُنَّ وَدًّا وَلا سُوَاعًا وَلا يَغُوثَ وَيَعُوقَ وَنَسْرًا: «هر گز مت چھوڑنا ود كو، سواع كو، يغوث كو، يعوق كو اور نسر كو۔»

يه سب اس قوم كے بتوں كے نام هيں اور ان ميں سے بيشتر اولياء الله كى شخصيات كے بت تھے۔ يغوث كے تلفظ ميں غياث يا غوث كى مشابهت سے بھى اندازه هوتا هے كه يه اولياء الله ميں سے كسى ايسى شخصيت كا بت تھا جسے لوگ اپنا فرياد رس سمجھتے تھے۔ در اصل حضرت آدم اور حضرت نوح عليهما السلام كے درميانى زمانے ميں بهت سے انبياء كرام عليهم السلام گزرے هيں۔ حضرت شيث اور حضرت ادريس عليهما السلام اسى دور كے نبى هيں۔ ظاهر هے ان پيغمبروں كے پيروكاروں ميں بهت سے نيك لوگ اور اولياء الله بھى هوں گے۔ چناں چه بعد كى نسلوں كے لوگوں نے عقيدت و احترام كے جذبے كے تحت ان اولياء الله كى مورتياں بناليں۔ شروع شروع ميں وه ان مورتيوں كو احتراما سلام كرتے هوں گے، ليكن بعد ميں رفته رفته ان كى باقاعده پوجا شروع كردى گئى۔ اسى طرح آج همارے هاں بھى بعض لوگ اپنے گھروں ميں اولياء الله اور پيروں كى تصاوير بڑے اهتمام كے ساتھ آويزاں كرتے هيں، بلكه ان تصويروں كے گلوں ميں باقاعده هار بھى ڈالے جاتے هيں۔ ميں نے اپنى آنكھوں سے ايك صاحب كے گھر ميں ايك تصوير آويزاں ديكھى جس ميں خواجه معين الدين اجميرى، حضرت بختيار كاكى اور بابا فريد شكر گنج رحمهم الله تينوں بيك وقت جمع تھے اور تصوير پر هار بھى ڈالے گئے تھے۔ ايسى روايات جب نسل در نسل آگے بڑھتى هيں تو تدريجا بت پرستى كى شكل اختيار كر ليتى هيں۔ ظاهر هے عقائد و نظريات ميں بگاڑ ايك دم تو پيدا نهيں هوتا بلكه بعض اوقات انسان نظرياتى طور پر رفته رفته اس قدر بدل جاتا هے كه اسے خود بھى پتا نهيں چلتا كه وه كهاں سے كهاں پهنچ گيا هے۔

آيت24 : وَقَدْ أَضَلُّوا كَثِيرًا وَلا تَزِدِ الظَّالِمِينَ إِلاَّ ضَلالاً: «اور انهوں نے تو بهتوں كو بهكا ديا هے۔ اور (اے الله) اب تو ان ظالموں كے ليے سوائے گمراهى كے اور كسى چيز ميں اضافه نه فرما!»

حضرت نوح عليه السلام كے ان الفاظ سے اندازه هوتا هے كه اس مرحلے پر آپ عليه السلام كے صبر كا پيمانه لبريز هوچكا هے۔ اب آپ عليه السلام كى حميت دينى كو اس ناهنجار قوم كا ايمان لانا گوارا نهيں، بلكه الله تعالى كے حضور فرياد كناں هيں كه پروردگار! اب تو ان گمراهوں كى گمراهى ميں هى اضافه فرما۔ بالكل ايسى هى كيفيت كى جھلك حضرت موسى عليه السلام كى اس دعا ميں بھى نظر آتى هے:

(وَقَالَ مُوسَى رَبَّنَا إِنَّكَ آتَيْتَ فِرْعَوْنَ وَمَلأهُ زِينَةً وَأَمْوَالاً فِي الْحَيَاةِ الدُّنْيَا رَبَّنَا لِيُضِلُّواْ عَن سَبِيلِكَ رَبَّنَا اطْمِسْ عَلَى أَمْوَالِهِمْ وَاشْدُدْ عَلَى قُلُوبِهِمْ فَلاَ يُؤْمِنُواْ حَتَّى يَرَوُاْ الْعَذَابَ الأَلِيمَ)

«اور موسى عليه السلام نے عرض كيا: اے همارے پرورد گار! تو نے فرعون اور اس كے سرداروں كو سامان زيب و زينت اور اموال عطا كرديے هيں دنيا كى زندگانى ميں۔ پروردگار! اس ليے كه وه لوگوں كو گمراه كريں تيرے راستے سے! اے همارے رب! اب ان كے اموال كو برباد كردے اور ان كے دلوں ميں سختى پيدا كردے كه يه ايمان نه لائيں جب تك كه يه كھلم كھلا ديكھ نه ليں عذاب اليم كو۔»

آيت 25: مِمَّا خَطِيئَاتِهِمْ أُغْرِقُوا فَأُدْخِلُوا نَارًا: «اپنى خطاؤں كى وجه سے هى وه غرق كيے گئے اور داخل كرديے گئے آگ ميں»

فَلَمْ يَجِدُوا لَهُم مِّن دُونِ اللَّهِ أَنصَارًا: «تو نه پايا انهوں نے اپنے ليے الله كے مقابل كوئى مددگار۔»

          حضرت نوح عليه السلام كى اس فرياد كا سخت ترين حصه آگے آرها هے:

آيت 26: وَقَالَ نُوحٌ رَّبِّ لا تَذَرْ عَلَى الأَرْضِ مِنَ الْكَافِرِينَ دَيَّارًا: «اور نوح عليه السلام نے كها: اے ميرے پروردگار! اب تو اس زمين پر كافروں كا بستا هوا ايك گھر بھى مت چھوڑ۔»

آيت 27: إِنَّكَ إِن تَذَرْهُمْ يُضِلُّوا عِبَادَكَ وَلا يَلِدُوا إِلاَّ فَاجِرًا كَفَّارًا: «اگر تو نے ان كو چھوڑ ديا تو يه تيرے بندوں كو گمراه كريں گے اور ان كى نسلوں ميں بھى اب فاجر اور كافر لوگوں كے سوا اور كوئى پيدا نهيں هوگا۔»

          ان لوگوں كى فطرتيں مسخ هوچكى هيں جس كى وجه سے ان كى آئنده نسلوں سے كسى خير كى توقع نهيں هے۔ اس ليے ان كا نيست و نابود هوجانا هى بهتر هے۔ انسانى تاريخ ميں الله كے كسى بندے نے شايد هى ايسى سخت دعا مانگى هو۔ ليكن حضرت نوح عليه السلام نے ساڑھے نو سو برس تك جس صبر و استقامت كے ساتھ اپنى قوم كى زيادتيوں كو برداشت كيا اس پس منظر ميں آپ عليه السلام كا يه غصه حق بجانب تھا۔

آيت 28: رَبِّ اغْفِرْ لِي وَلِوَالِدَيَّ وَلِمَن دَخَلَ بَيْتِيَ مُؤْمِنًا: «پروردگار! مغفرت فرمادے ميرى اور ميرے والدين كى اور جو كوئى بھى ميرے گھر ميں داخل هوجائے ايمان كے ساتھ اس كى بھى»

وَلِلْمُؤْمِنِينَ وَالْمُؤْمِنَاتِ: «اور تمام مؤمن مردوں اور مؤمن عورتوں كى بھى (مغفرت فرمادے)»

وَلا تَزِدِ الظَّالِمِينَ إِلاَّ تَبَارًا: «اور ان ظالموں كے ليے تو اب كسى چيز ميں اضافه مت كر سوائے تباهى اور بربادى كے۔»

          سورة المعارج اور سوره نوح كے مطالعے كے بعد يه نكته بھى اچھى طرح سمجھ ليجيے كه اگر نظم قرآن كو مد نظر ركھتے هوئے ان دونوں سورتوں كا مطالعه جوڑے كى حيثيت سے كيا جائے تو نه صرف سورة المعارج كى پهلى آيت كا مفهوم واضح هوجاتا هے بلكه سوره نوح كے نزول كا سبب اور حضرت نوح عليه السلام كى مذكوره دعا كا جواز بھى سمجھ ميں آجاتا هے۔ بهر حال اس پهلو سے ان دونوں سورتوں پر غور كرنے سے يه نكته خود بخود واضح هوجاتا هے كه سورة المعارج كى ابتدائى آيت 5 ميں آپ صلى الله عليه وسلم كو (فَاصْبِرْ صَبْرًا جَمِيلاً) كى تلقين بھى اسى حوالے سے كى گئى، بلكه اس كے بعد ايك پورى سورت (سوره نوح) نازل كركے آپ صلى الله عليه وسلم كى تسلى كے ليے حضرت نوح عليه السلام كے حالات و مصائب كا نقشه بھى دكھايا گيا كه آپ كى دعوتى مهم كو شروع هوئے تو ابھى چار پانچ سال هى هوئے هيں، آپ صلى الله عليه وسلم همارے اس بندے كى همت اور استقامت كو بھى مد نظر ركھيں جو ايسے مشكل حالات كا سامنا ساڑھے نو سو سال تك كرتا رها۔