عالمِ برزخ كے حالات

آیت 154:    وَلاَ تَقُوْلُوْا لِمَنْ یُّـقْتَلُ فِیْ سَبِیْلِ اللّٰہِ اَمْوَاتٌ:   اور مت کہو اُن کو جو اللہ کی راہ میں قتل ہو جائیں کہ وہ ُمردہ ہیں۔   

            اب پہلے ہی قدم پر اللہ کی راہ میں قتل ہونے کی بات آ گئی  ع   شرطِ اوّل قدم ایں است کہ مجنوں باشی!  ایمان کااوّلین تقاضا یہ ہے کہ جانیں دینے کے لیے تیار ہو جاؤ۔  

             بَلْ اَحْیَـآءٌ وَّلٰـکِنْ لاَّ تَشْعُرُوْنَ:   (وہ ُمردہ نہیں ہیں) بلکہ زندہ ہیں،  لیکن تمہیں اس کا شعور نہیں ہے۔   

            جو اللہ کی راہ میں قتل ہو جائیں ان کو جنت میں داخلہ کے لیے یومِ آخرت تک انتظار نہیں کرنا ہوگا،  شہداء کو تو اُسی وقت براہِ راست جنت میں داخلہ ملتا ہے،  لہٰذا وہ تو زندہ ہیں۔  یہی مضمون سوره آل عمران میں اور زیادہ نکھر کر سامنے آئے گا۔  

  آیت 169:  وَلاَ تَحْسَبَنَّ الَّذِیْنَ قُتِلُوْا فِیْ سَبِیْلِ اللّٰہِ اَمْوَاتًا:  ’’اور ہرگز نہ سمجھنا اُن لوگوں کو جو اللہ کی راہ میں قتل ہو جائیں کہ وہ مردہ ہیں۔‘‘    ُ

            یہی مضمون قبل ازیں سورۃ البقرۃ میں آ چکا ہے:  وَلاَ تَقُوْلُوْا لِمَنْ یُقْتَلُ فِیْ سَبِیْلِ اللّٰہِ اَمْوَاتٌ بَلْ اَحْیَــآءٌ وَّلٰــکِنْ لاَّ تَشْعُرُوْنَ. 

             بَلْ اَحْیَــآءٌ عِنْدَ رَبِّہِمْ یُرْزَقُوْنَ: ’’بلکہ وہ تو زندہ ہیں‘ اپنے ربّ کے پاس رزق پا رہے ہیں۔‘‘ 

  آیت 170:  فَرِحِیْنَ بِمَآاٰتٰـٹہُمُ اللّٰہُ مِنْ فَضْلِہ:   ’’شاداں و فرحاں ہیں اُس پر جو کچھ اللہ تعالیٰ نے انہیں اپنے فضل سے عطا کیا ہے‘‘

             وَیَسْتَـبْشِرُوْنَ بِالَّذِیْنَ لَمْ یَلْحَقُوْا بِہِمْ مِّنْ خَلْفِہِمْ:  ’’اور بشارت حاصل کر رہے ہیں اُن لوگوں کے بارے میں جو ان کے پیچھے (دنیا میں) رہ گئے ہیں اور ابھی اُن سے نہیں ملے‘‘

             اَلاَّ خَوْفٌ عَلَـیْہِمْ وَلاَ ہُمْ یَحْزَنُوْنَ:  ’’کہ نہ اُن پر کوئی خوف ہو گا اور نہ وہ حزن سے دوچار ہوں گے۔‘‘ 

  آیت 171:   یَسْتَبْشِرُوْنَ بِنِعْمَۃٍ مِّنَ اللّٰہِ وَفَضْلٍ:  ’’وہ خوشیاں منا رہے ہیں اللہ تعالیٰ کی نعمت کی وجہ سے اور اس کے فضل کی بنا پر‘‘

              وَّاَنَّ اللّٰہَ لاَ یُضِیْعُ اَجْرَ الْمُؤْمِنِیْنَ:  ’’اوراس بات پر کہ اللہ تعالیٰ اہل ایمان کے اجر کو ضائع نہیں کرتا۔‘‘

            اب آگے جو آیات آ رہی ہیں ان کے بارے میں تاریخ وسیرت کی کتابوں میں دو قسم کی روایات آتی ہیں۔ ایک تو یہ کہ کفار کی فوج کے واپس چلے جانے کے بعد رسول اللہ  نے بعض ضروری امور نمٹائے اور شہداء کی تدفین کی۔ اس کے بعد آپ  کو اچانک خیال آیا کہ یہ کفار چلے توگئے ہیں‘ لیکن ہو سکتا ہے انہیں اپنی غلطی کا احساس ہوکہ اس وقت تو مسلمان اس حالت میں تھے کہ ہم انہیں ختم کر سکتے تھے‘ لہٰذا وہ کہیں دوبارہ پلٹ کر حملہ آور نہ ہو جائیں۔ چنانچہ رسول اللہ  نے مسلمانوں کو قریش کے تعاقب کے لیے تیار ہو جانے کا حکم دیا‘ تاکہ انہیں معلوم ہو جائے کہ ہم نے ہمت نہیں ہاردی۔ اس کے باوجود کہ اہل ایمان کے جسم زخموں سے چور چور تھے‘ اتنا بڑا صدمہ پہنچا تھا‘ وہ پھر تیار ہو گئے اور حضور  جان نثاروں کی ایک جماعت کے ساتھ کفار کے تعاقب میں حمراء الاسد تک گئے جو مدینہ سے آٹھ میل کے فاصلے پر ہے۔ ادھر ابوسفیان کو واقعتا اپنی غلطی کا احساس ہو چکا تھا اور وہ مقام روحاء پر رک کر اپنی فوج کی ازسرنوتنظیم کر کے واپس پلٹ کر مدینہ پر حملہ آور ہونے کا ارادہ کر رہا تھا۔ ادھر سے آنے والے ایک تاجر سے اس نے کہا بھی تھا کہ جا کر مسلمانوں کو بتا دو کہ میں بہت بڑا لشکر لے کر دوبارہ آ رہا ہوں۔ لیکن جب ابوسفیان نے دیکھا کہ مسلمانوں کے عزم و حوصلہ میں کوئی کمی نہیں آئی ہے اور وہ ان کے تعاقب میں آ رہے ہیں تو ارادہ بدل لیا اور لشکرکو مکہ کی طرف کوچ کا حکم دے دیا۔

            اسی طرح کا ایک اور واقعہ بیان ہوتا ہے کہ ابوسفیان جاتے ہوئے یہ کہہ گیا تھا کہ اب اگلے سال بدر میں دوبارہ ملاقات ہو گی۔ یعنی ایک سال پہلے بدر میں جنگ ہوئی تھی‘ اب اُحد میں ہمارا مقابلہ ہو گیا۔ اب اگلے سال پھر ہمارے اور تمہارے درمیان تیسرا مقابلہ بدر میں ہوگا۔ چنانچہ اگلے سال رسول اللہ  صحابہ کرامjکو لے کر بدر تک گئے۔ یہ مہم ’’بدرِ صغریٰ‘‘ کہلاتی ہے۔ ادھر سے ابوسفیان پورے لائو لشکر کے ساتھ آ گیا اور اس مرتبہ بھی کچھ لوگوں کے ذریعہ سے اہل ایمان میں خوف و ہراس پھیلانے کی کوشش کی کہ لوگو کیا کر رہے ہو ‘ قریش تو بہت بڑا لشکر لے کر آ رہے ہیں‘تم اس کا مقابلہ نہ کر پائو گے! تو اس کے جواب میں مسلمانوں نے صبر و توکل کا مظاہرہ کیا اور وہ کلمات کہے جو آگے آ رہے ہیں ۔ تو یہ آیات دونوں واقعات پر منطبق ہو سکتی ہیں۔

ٓیت 97:  اِنَّ الَّذِیْنَ تَوَفّٰٹہُمُ الْمَلٰٓئِکَۃُ ظَالِمِیْٓ اَنْفُسِہِمْ: ’’ یقیناوہ لوگ کہ جن کو فرشتے اس حال میں قبض کریں گے کہ وہ اپنی جانوں پر ظلم کر رہے تھے‘‘

            یعنی انہوں نے ہجرت نہیں کی تھی‘ اس سلسلے میں رسول  کے حکم کی اطاعت نہیں کی تھی۔ آخر موت تو آنی ہے‘ لہٰذا فرشتے جب ان کی روحیں قبض کریں گے تو ان کے ساتھ اس طرح مکالمہ کریں گے : 

             قَالُوْا فِیْمَ کُنْتُمْ: ’’وہ ان سے کہیں گے یہ تم کس حال میں تھے؟‘‘

            تم  نے ایمان کا دعویٰ تو کیا تھا‘ لیکن جب رسول اللہ  نے ہجرت کا حکم دیا تو ہجرت کیوں نہیں کی؟ تمہیں کیا ہو گیا تھا؟

             قَالُوْا کُنَّا مُسْتَضْعَفِیْنَ فِی الْاَرْضِ: ’’وہ کہیں گے ہم مجبور اور کمزوربنا دیے گئے تھے اس زمین میں۔‘‘

             قَالُوْآ اَلَمْ تَـکُنْ اَرْضُ اللّٰہِ وَاسِعَۃً فَتُہَاجِرُوْا فِیْہَا: ’’وہ (فرشتے) کہیں گے کیا اللہ کی زمین کشادہ نہیں تھی کہ تم اس میں ہجرت کرتے؟‘‘

             فَاُولٰٓئِکَ مَاْوٰٹہُمْ جَہَنَّمُ وَسَآء تْ مَصِیْرًا: ’’تویہ وہ لوگ ہیں جن کا ٹھکانا جہنم ہے‘ اور وہ بہت بُری جگہ ہے ٹھہرنے کی۔‘‘

آیت 62:  ثُمَّ رُدُّوْٓا اِلَی اللّٰہِ مَوْلٰــٹہُمُ الْحَقِّ:   ’’پھر وہ لوٹا دیے جاتے ہیں  اللہ کی طرف جو اُن کا مولیٰ ہے بر حق۔،،

            اَلاَ لَـہُ الْحُکْمُ وَہُوَ اَسْرَعُ الْحَاسِبِیْنَ:   ’’آگاہ ہو جاؤ فیصلے کا اختیار اُسی کے ہاتھ میں  ہے ، اور وہ حساب کرنے والوں  میں  سب سے بڑھ کر تیز ہے۔،،

            حقیقی حاکمیت صرف اللہ ہی کی ہے۔ یہ بات یہاں  دوسری دفعہ آئی ہے۔ اس سے پہلے آیت: 57 میں  ہم پڑھ آئے ہیں: اِنِ الْحُکْمُ اِلَّا لِلّٰہِ.  کہ فیصلے کا اختیار کلیتاً اللہ کے ہاتھ میں  ہے۔ مزید فرمایا کہ وہ سب سے زیادہ تیز حساب چکانے والا ہے۔ اُسے حساب چکانے میں  کچھ دیر نہیں  لگے گی،  صرف حرفِ کن کہنے سے آنِ واحد میں  وہ سب کچھ ہو جائے گا جو وہ چاہے گا۔

آیت 40:   اِنَّ الَّذِیْنَ کَذَّبُوْا بِاٰیٰتِنَا وَاسْتَکْبَرُوْا عَنْہَا لاَ تُفَتَّحُ لَہُمْ اَبْوَابُ السَّمَآءِ:  ’’یقینا جن لوگوں نے ہماری آیات کو جھٹلایا اور تکبر کی بنا پر ان کو رد کیا‘ ان کے لیے آسمان کے دروازے کبھی نہیں کھولے جائیں گے‘‘

            اگرچہ یہ بات حتمیت سے نہیں کہی جا سکتی‘ تاہم قرآن مجید میں کچھ اس طرح کے اشارات ملتے ہیں جن سے معلوم ہوتا ہے کہ جہنم اِسی زمین پر برپا ہو گی اور ابتدائی نُزُل (مہمانی ) والی جنت بھی یہیں پر بسائی جائے گی۔ وَاِذَا الْاَرْضُ مُدَّتْ.  (الانشقاق ) کی عملی کیفیت کو ذہن میں لانے سے یہ نقشہ تصور میں یوں آتا ہے کہ زمین کو جب کھینچا جائے گا تو یہ پچک جائے گی‘ جیسے ربڑ کی گیند کو کھینچا جائے تو وہ اندر کو پچک جاتی ہے۔ اس عمل میں زمین کے اندر کا سارا لاوا باہر نکل آئے گا جو جہنم کی شکل اختیار کر لے گا (واللہ اعلم)۔ احادیث میں مذکور ہے کہ روزِ محشر میدانِ عرفات کو کھول کر وسیع کر دیا جائے گا اور یہیں پر حشر ہو گا۔ قرآن حکیم میں وَجَآءَ رَبُّکَ وَالْمَلَکُ صَفًّا صَفًّا.  (الفجر) کے الفاظ بھی اس پر دلالت کرتے ہیں کہ پروردگار شانِ اجلال کے ساتھ نزول فرمائیں گے، فرشتے بھی فوج در فوج آئیں گے اور یہیں پر حساب کتاب ہو گا۔ گویا ’’قصہ ٔزمین برسرزمین‘‘ والا معاملہ ہو گا۔ اہل بہشت کی ابتدائی مہمان نوازی بھی یہیں ہوگی‘ لیکن پھر اہل جنت اپنے مراتب کے اعتبار سے درجہ بدرجہ اوپر کی جنتوں میں چڑھتے چلے جائیں گے‘ جبکہ اہل جہنم یہیں کہیں رہ جائیں گے‘ان کے لیے آسمانوں کے دروازے کھولے ہی نہیں جائیں گے۔

            وَلاَ یَدْخُلُوْنَ الْجَنَّۃَ حَتّٰی یَلِجَ الْجَمَلُ فِیْ سَمِّ الْخِیَاطِ:  ’’اور وہ جنت میں داخل نہیں ہوں گے یہاں تک کہ اونٹ سوئی کے ناکہ میں سے گزر جائے۔‘‘

            اسے کہتے ہیں ’’تعلیق بالمحال‘‘۔ نہ یہ ممکن ہو گا کہ سوئی کے ناکہ میں سے اونٹ گزر جائے اور نہ ہی کفار کے لیے جنت میں داخل ہونے کی کوئی صورت پیدا ہو گی۔ بالکل یہی محاورہ حضرت عیسیٰ نے بھی ایک جگہ استعمال کیا ہے۔ آپ کے پاس ایک دولت مند شخص آیا اور پوچھا کہ آپ کی تعلیمات کیا ہیں؟ جواب میں آپ نے نماز پڑھنے‘ روزہ رکھنے‘ غریبوں پر مال خرچ کرنے اور دوسرے نیک کاموں کے بارے میں بتایا۔ اس شخص نے کہا کہ نیکی کے یہ کام تو میں سب کرتا ہوں ، آپ بتایئے اور میں کیا کروں؟ آپ نے فرمایا کہ ٹھیک ہے تم نے یہ ساری منزلیں طے کر لی ہیں تو اب آخری منزل یہ ہے کہ اپنی صلیب اٹھاؤ اور میرے ساتھ چلو! یعنی حق و باطل کی کشمکش میں جان و مال سے میرا ساتھ دو۔ یہ سن کر اس شخص کا چہرہ لٹک گیا اور وہ چلا گیا۔ اس پر آپ نے فرمایا کہ اونٹ کا سوئی کے ناکے میں سے گزرنا ممکن ہے مگر کسی دولت مند شخص کا اللہ کی بادشاہت میں داخل ہونا ممکن نہیں ہے۔ یہاں یہ واقعہ قرآن میں مذکور محاورے کے حوالے سے بر سبیل تذکرہ آ گیا ہے، حضرت عیسی کے اس فرمان کو کسی معاملے میں بطورِ دلیل پیش کرنا مقصود نہیں۔

            وَکَذٰلِکَ نَجْزِی الْمُجْرِمِیْنَ:  ’’اور اسی طرح ہم بدلہ دیتے ہیں مجرموں کو۔‘‘ 

 آیت ۱۰۰: لَعَلِّیْٓ اَعْمَلُ صَالِحًا فِیْمَا تَرَکْتُ کَلَّا: «تا کہ جو کچھ میں چھوڑ کر آیا ہوں اس میں نیک کام کروں۔ ہر گز نہیں!»

            اے میرے پروردگار! اب اگر تو مجھے واپس دنیا میں بھیج دے تو میں اپنے مال و اسباب کو تیرے راستے میں اور تیرے دین کی خدمت میں لٹا دوں گا!

            : اِنَّہَا کَلِمَۃٌ ہُوَ قَآئِلُہَا: «یہ محض ایک بات ہے جو وہ کہے گا۔»

            : وَمِنْ وَّرَآهمْ بَرْزَخٌ اِلٰی یَوْمِ یُبْعَثُوْنَ: «اور اب ان کے پیچھے ایک برزخ حائل ہے اس دن تک جب وہ اٹھائے جائیں گے۔»

            موت کے بعد تو اب بعث بعد الموت تک ان کے لیے عالم برزخ کی زندگی ہے۔ 

 آیت ۱۱   قُلْ یَتَوَفّٰٹکُمْ مَّلَکُ الْمَوْتِ الَّذِیْ وُکِّلَ بِکُمْ ثُمَّ اِلٰی رَبِّکُمْ تُرْجَعُوْنَ: ’’(اے نبی!) آپ کہہ دیجیے کہ تمہیں قبض کر لے گا موت کا وہ فرشتہ جو تم پر مقرر کر دیا گیا ہے، پھر تم اپنے رب کی طرف لوٹا دیے جاؤ گے۔‘‘ 

آیت ۴۶:   اَلنَّارُ یُعْرَضُوْنَ عَلَیْہَا غُدُوًّا وَّعَشِیًّا: ’’ آگ ہے جس پر وہ پیش کیے جاتے ہیں صبح وشام۔‘‘

        یہ قرآن مجید کی دوسری آیت ہے جس سے عذابِ قبر سے متعلق دلیل ملتی ہے (نیز ملاحظہ ہو: سورۃ الفرقان کی آیت: ۶۹ کی تشریح۔ )

         وَیَوْمَ تَقُوْمُ السَّاعَۃُ  اَدْخِلُوْٓا اٰلَ فِرْعَوْنَ اَشَدَّ الْعَذَابِ: ’’اور جس دن قیامت قائم ہوگی (اُس دن کہہ دیا جائے گاکہ) داخل کر دو فرعون کی قوم کو شدید ترین عذاب میں۔‘‘

        اس آیت کے مفہوم کے مطابق آلِ فرعون کو شدید ترین عذاب میں تو قیامِ قیامت کے بعد داخل کیا جائے گا‘ لیکن اس سے پہلے قبر کی زندگی کے دوران صبح وشام انہیں آگ کے سامنے پیش کیا جاتا ہے --- عذابِ قبر کے حوالے سے نبی اکرم کے فرمودات بہت واضح ہیں۔ آپؐ کا فرمان ہے: ((اِنَّمَا الْقَبْرُ رَوْضَۃٌ مِنْ رِیَاضِ الْجَنَّۃِ اَوْ حُفْرَۃٌ مِنْ حُفَرِ النَّارِ)) ’’قبریا تو جنت کے باغیچوں میں سے ایک باغیچہ ہے یا جہنم کے گڑھوں میں سے ایک گڑھا‘‘ ۔ منکرین حدیث البتہ عذابِ قبر کی نفی کرتے ہیں۔ در اصل قبر کا معاملہ ایک دوسرے جہان کا معاملہ ہے جو عالم غیب ہے۔ اس ضمن میں یہ بھی واضح رہنا چاہیے کہ قبر سے مراد وہ مخصوص گڑھا نہیں جہاں میت کو دفن کیا جاتا ہے‘ بلکہ اس سے مراد عالم برزخ ہے۔ سورۃ المُطفِّفِین میں عالم برزخ کی دو کیفیات عِلِّیِیْن اور سِجِّیْن کا ذکر ملتا ہے ۔ اس عالم میں انسان نیم شعوری کی کیفیت میں ہو تا ہے۔ اگر کوئی خوش قسمت ’’عِلِّیِیْن‘‘ میں ہے تو وہاں جنت کی کھڑکی کھلی ہوتی ہے اور وہ جنت کی ٹھنڈی ہوائوں کے مزے لے رہا ہوتا ہے۔ اس کے برعکس ’’سِجِّیْن‘‘ میں جہنم کی کھڑکی میں سے آگ کی لپٹ آ رہی ہوتی ہے۔ 

آيت 4:  قَدْ عَلِمْنَا مَا تَنْقُصُ الْأَرْضُ مِنْهُمْ:  «هم خوب جانتے هيں كه زمين ان ميں سے كيا چيز كم كرتى هے».

«هم» كے صيغے كے ساتھ يه شاهانه اندازِ بيان هے. انسانوں كے دفن هونے كے بعد زمين ان كے جسموں كے ساته كيا معامله كرتى هے، هر انسان كا كون سا عضو كيسے ضائع هوتا هے اور پهر ان كے اجزاء كس كس صورت ميں كهاں كهاں جاتے هيں، هميں ايك ايك چيز كا علم هے.

وَعِنْدَنَا كِتَابٌ حَفِيظٌ:  «اور همارے پاس تو ايك محفوظ ركهنے والى كتاب بهى موجود هے».

همارے پاس ايك ايك چيز كا ريكارڈ موجود هے. ان كے جسموں كو هم نے مٹى سے پيدا كيا تها اور ان كى موت كے بعد ان كے تمام اجزاء كو هم مٹى ميں هى محفوظ ركهتے هيں. قيامت كے دن اسى مٹى سے هم انهيں نكال ليں گے: ﴿مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَى﴾ (طه: 55). اس كے علاوه ان كے ايك ايك عمل كى پورى تفصيل بهى هم نے لكه ركهى هے اور ان كى ارواح بهى همارے پاس عليين يا سجين ميں موجود هيں. غرض ان كى كوئى چيز بهى همارے علم يا قبضے سے باهر نهيں هے.