حالاتِ حشر

 آیت 113:   وَقَالَتِ الْیَہُوْدُ لَـیْسَتِ النَّصٰرٰی عَلٰی شَیْئٍ:   یہودی کہتے ہیں کہ نصاریٰ کسی بنیاد پر نہیں ہیں.  

            ان کی کوئی حیثیت نہیں ہے،  کوئی جڑ بنیاد نہیں ہے۔

             وَّقَالَتِ النَّصٰرٰی لَـیْسَتِ الْیَہُوْدُ عَلٰی شَیْئٍ:   اور نصاریٰ کہتے ہیں کہ یہود کسی بنیاد پر نہیں ہیں  

            اُن کی کوئی بنیاد نہیں ہے،  یہ بے بنیاد لوگ ہیں،  ان کی کوئی حقیقت نہیں ہے۔

              وَّہُمْ یَتْلُوْنَ الْکِتٰـبَ:   حالانکہ دونوں ہی کتاب پڑھ رہے ہیں۔  

            عہد نامہ ٔ قدیم  (Old Testament) یہودیوں اور عیسائیوں میں مشترک ہے۔ یہ بہت اہم نکتہ ہے اور امریکہ میں جدید عیسائیت کی صورت میں ایک بہت بڑی طاقت جو اُبھر رہی ہے وہ عیسائیت کو یہودیت کے رنگ میں رنگ رہی ہے۔ رومن کیتھولک مذہب نے تو بائبل سے اپنا رشتہ توڑ لیا تھا اور سارا اختیار پوپ کے ہاتھ میں آ گیا تھا،  لیکن پروٹسٹنٹس (Protestants) نے پھر بائبل کو قبول کیا۔ اب اس کی منطقی انتہا یہ ہے کہ عہد ٔنامہ قدیم پر بھی ان کی توجہ ہو رہی ہے اور وہ کہہ رہے ہیں کہ اسے بھی ہم اپنی کتاب مانتے ہیں اور اس میں جو کچھ لکھا ہے اسے ہم نظر انداز نہیں کر سکتے۔ امریکہ میں ہم نے ایک سیمینار منعقد کیا تھا،  جس میں ایک یہودی عالم نے کہا تھا کہ اس وقت اسرائیل کو سب سے بڑی نصرت و حمایت امریکہ کے اُن عیسائیوں سے مل رہی ہے جو Evengelists کہلاتے ہیں اور وہاں پر ایک بڑا فرقہ بن کر اُبھر رہے ہیں۔ بہرحال یہ اُن کا طرزِ عمل بیان ہوا ہے۔

             کَذٰلِکَ قَالَ الَّذِیْنَ لاَ یَعْلَمُوْنَ مِثْلَ قَوْلِہِمْ:   اسی طرح کہی تھی اُن لوگوں نے جو کچھ بھی نہیں جانتے ، ان ہی کی سی بات۔  

            یہاں اشارہ ہے مشرکینِ مکہ کی طرف ۔

             فَاللّٰہُ یَحْکُمُ بَیْنَہُمْ یَوْمَ الْقِیٰمَۃِ فِیْمَا کَانُوْا فِیْہِ یَخْتَلِفُوْنَ:   پس اللہ تعالیٰ فیصلہ کر د ے گا ان کے ما بین قیامت کے دن ان تمام باتوں کا جن میں یہ اختلاف کر رہے تھے۔  

            اب دیکھئے،  اس سلسلۂ کلام کی بقیہ آیات میں بھی اگر چہ خطاب تو بنی اسرائیل ہی سے ہے،  لیکن اب یہاں پر اہل ِمکہ سے کچھ تعریض شروع ہو گئی ہے۔ اس کے بعد حضرت ابراہیم  کا تذکرہ آئے گا ،  پھر تحویل ِقبلہ کا ذکر آئے گا۔  بیت اللہ چونکہ اُس وقت مشرکین مکہ کے قبضے میں تھا،  لہٰذا اس حوالے سے کچھ متعلقہ مضامین آ رہے ہیں اور تحویل ِقبلہ کی تمہید باندھی جا رہی ہے۔  تحویلِ قبلہ  در اصل اس بات کی علامت تھی کہ اب وہ سابقہ اُمت مسلمہ معزول کی جا رہی ہے اور اس مقام پر ایک نئی اُمت ،  اُمت ِمحمد  کی تقرری ّعمل میں لائی جا رہی ہے۔ اسی حوالے سے  «کَذٰلِکَ قَالَ الَّذِیْنَ لاَ یَعْلَمُوْنَ مِثْلَ قَوْلِہِمْ» کے الفاظ میں مشرکین مکہ کی طرف اشارہ کیا گیا۔

 آیت 148:   وَلِکُلٍّ وِّجْہَۃٌ ہُوَ مُوَلِّیْہَا:   ہر ایک کے لیے ایک سمت ہے جس کی طرف وہ رُخ کرتا ہے  

             فَاسْتَبِقُوا الْخَیْرٰتِ:   تو (مسلمانو!) تم نیکیوں میں سبقت کرو۔  

            ہم نے تمہارے لیے ایک رُخ معین ّکر دیا ، یعنی بیت اللہ۔ اور ایک باطنی رُخ تمہیں یہ اختیار کرنا ہے کہ نیکیوں کی راہ میں ایک دوسرے سے آگے بڑھنے کی کوشش کرو۔ جیسے نماز کا ایک ظاہر اور ایک باطن ہے۔ ظاہر یہ ہے کہ آپ نے با وضو ہو کر قبلے کی طرف رخ کر لیا اور ارکانِ نماز ادا کیے۔ جبکہ نماز کا باطن خشوع و خضوع ،  حضورِ قلب اور رقت ّہے۔ انسان کو یہ احساس ہو کہ وہ پروردگارِ عالم کے رو برو حاضر ہو رہا ہے۔

             اَیْنَ مَا تَـکُوْنُوْا یَاْتِ بِکُمُ اللّٰہُ جَمِیْعًا:   جہاں کہیں بھی تم ہو گے اللہ تم سب کو جمع کر کے لے آئے گا۔  

             اِنَّ اللّٰہَ عَلٰی کُلِّ شَیْئٍ قَدِیْرٌ:   یقینا اللہ تعالیٰ ہر چیز پر قادر ہے۔  

 آیت 174:    اِنَّ الَّذِیْنَ یَکْتُمُوْنَ مَـآ اَنْزَلَ اللّٰہُ مِنَ الْکِتٰبِ وَیَشْتَرُوْنَ بِہ ثَمَنًا قَلِیلْاً:   یقینا وہ لوگ جو چھپاتے ہیں اس کو جو اللہ نے نازل کیا ہے کتاب میں سے اور فروخت کرتے ہیں اسے بہت حقیر سی قیمت پر،

             یعنی اس کے عوض دُنیوی فائدوں کی صورت میں حقیر قیمت قبول کرتے ہیں۔

             اُولٰٓئِكَ مَا یَاْکُلُوْنَ فِیْ بُطُوْنِہِمْ اِلاَّ النَّارَ:   یہ لوگ نہیں بھر رہے اپنے پیٹوں میں مگر آگ  ،

             وَلاَ یُکَلِّمُہُمُ اللّٰہُ یَوْمَ الْقِیٰمَۃِ:   اور اللہ ان سے کلام نہیں کرے گا قیامت کے دن۔   

             وَلاَ یُزَکِّیْہِمْ:   اور نہ انہیں پاک کرے گا۔   

             وَلَہُمْ عَذَابٌ اَلِیْمٌ:   اور ان کے لیے درد ناک عذاب ہے۔   

 آیت 210:   ہَلْ یَنْظُرُوْنَ اِلاَّ اَنْ یَّاْتِیَہُمُ اللّٰہُ فِیْ ظُلَلٍ مِّنَ الْغَمَامِ وَالْمَلٰٓئِکَۃُ وَقُضِیَ الْاَمْرُ :   «کیا یہ اسی کا انتظار کر رہے ہیں کہ آ جائے ان پر اللہ تعالی بادلوں کے سائبانوں میں اور فرشتے اور فیصلہ چکا دیا جائے؟»

      یعنی جو لوگ اللہ تعالیٰ کی طرف سے واضح احکامات اور تنبیہات آ جانے کے بعد بھی کج رَوی سے باز نہیں آتے تو کیا وہ اس بات کے منتظر ہیں کہ اللہ تعالیٰ ان کو اپنا جلال دکھائے اور فرشتوں کی افواجِ قاہرہ کے ساتھ ظاہر ہو کر ان کا حساب چکا دے؟

       انسان کا نفس اسے ایک تو یہ پٹی پڑھاتا ہے کہ دین کے اس حصے پر تو آرام سے عمل کرتے رہوجو آسان ہے‘ باقی پھر دیکھا جائے گا۔  گویا «میٹھا میٹھا ہپ اور کڑوا کڑوا تھو»۔  دوسری پٹی یہ پڑھاتا ہے کہ ٹھیک ہے یہ بھی اللہ کا حکم ہے اور دین کا بھی تقاضا ہے‘ لیکن ابھی ذرا ذمہ داریوں سے فارغ ہو جائیں‘ ابھی ذرا بچوں کے معاملات ہیں‘ بچے بر سر ِروزگار ہو جائیں‘ بچیوں کے ہاتھ پیلے ہو جائیں ‘ میں ریٹائرمنٹ لے لوں اور اپنا مکان بنا لوں‘ پھر میں اپنے آپ کو دین کے لیے خالص کر لوں گا۔  یہ نفس کا سب سے بڑا دھوکہ ہے۔  اس طرح وقت گزرتے گزرتے انسان موت کی وادی میں چلا جاتا ہے۔  کیا معلوم موت کی گھڑی کب آجائے! یہ مہلت ِعمر تو اچانک ختم ہو سکتی ہے۔  پوری دنیا کی قیامت بھی جب آئے گی اچانک آئے گی اور ہر شخص کی ذاتی قیامت تو اس کے سر پر تلوار کی طرح لٹکی ہوئی ہے۔  از روئے حدیث ِنبوی:

((مَنْ مَّاتَ فَقَدْ قَامَتْ قِـیَامَتُہ)) 

«جو مر گیا تواس کی قیامت تو آ گئی!»

توکیا تمہارے پاس کوئی گارنٹی ہے کہ یہ سارے کام کر لو گے اور یہ سارے کام کر چکنے کے بعد زندہ رہو گے اور تمہارے جسم میں توانائی کی کوئی رمق بھی باقی رہ جائے گی کہ دین کا کوئی کام کر سکو؟ تو پھر تم کس چیز کا انتظار کر رہے ہو؟  ہو سکتا ہے اچانک اللہ کی طرف سے مہلت ختم ہو جائے۔  

      وَاِلَی اللّٰہِ تُرْجَعُ الْاُمُوْرُ :   «اور یقینا تمام معاملات اللہ ہی کی طرف لوٹا دیے جائیں گے۔ » 

 آیت 106:    یَّوْمَ تَـبْـیَضُّ وُجُوْہٌ وَّتَسْوَدُّ وُجُوْہٌ:  ’’(قیامت کے دن) جس دن بعض چہرے بڑے روشن اور تابناک ہوں گے اور بعض چہرے سیاہ ہوں گے۔‘‘

             فَاَمَّا الَّذِیْنَ اسْوَدَّتْ وُجُوْہُہُمْ: ’’تو جن لوگوں کے چہرے سیاہ ہوں گے (ان سے پوچھا جائے گا)‘‘

             اَکَفَرْتُمْ بَعْدَ اِیْمَانِکُمْ: ’’کیا تم اپنے ایمان کے بعد کفر میں لوٹ گئے تھے؟‘‘

            ہدایت کے آنے کے بعد تم لوگ تفرقے میں پڑگئے تھے اور حبل اللہ کو چھوڑ دیا تھا۔

             فَذُوْقُوا الْعَذَابَ بِمَا کُنْتُمْ تَـکْفُرُوْنَ:  ’’تو اب عذاب کا مزہ چکھو اُس کفر کے باعث جو تم کرتے رہے تھے۔‘‘ 

آیت 107:    وَاَمَّا الَّذِیْنَ ابْـیَضَّتْ وُجُوہُہُمْ فَفِیْ رَحْمَۃِ اللّٰہِ:  ’’اور جن کے چہرے روشن اور تابناک ہوں گے تو وہ اللہ کی رحمت میں ہوں گے۔‘‘

             ہُمْ فِیْہَا خٰلِدُوْنَ:  ’’وہ اسی میں ہمیشہ ہمیش رہیں گے۔‘‘ 

 آیت 41:    فَـکَیْفَ اِذَا جِئْـنَا مِنْ کُلِّ اُمَّۃٍ بِشَہِیْدٍ: ’’تو اُس دن کیا صورت حال ہو گی جب ہم ہر اُمت میں سے ایک گواہ کھڑا کریں گے‘‘ 

            یعنی اُس نبی اور رسول کو گواہ بنا کر کھڑا کریں گے جس نے اس اُمت کو دعوت پہنچائی ہو گی۔

             وَّجِئْنَا بِکَ عَلٰی ہٰٓــؤُلَآءِ شَہِیْدًا: ’’اور (اے نبی) آپ کو لائیں گے ہم ان پر گواہ بنا کر۔‘‘

            یعنی آپ کو کھڑے ہو کر کہنا ہو گا کہ اے اللہ! میں نے ان تک تیرا پیغام پہنچا دیا تھا۔ ہماری عدالتی اصطلاح میں اسے استغاثہ کا گواہ (prosecution witness)  کہا جاتا ہے۔ گویا عدالت ِ خداوندی میں نبی مکرم  استغاثہ کے گواہ کی حیثیت سے پیش ہو کر کہیں گے کہ اے اللہ‘ تیرا پیغام جو مجھ تک پہنچا تھا میں نے انہیں پہنچادیا تھا‘ اب یہ خود ذمہ دار اور جواب دہ ہیں۔  چنانچہ اپنی ہی قوم کے خلاف گواہی آ گئی نا؟ یہاں الفاظ نوٹ کر لیجیے:   «عَلٰی ہٰٓــؤُلَآءِ شَہِیْدًا» اور  «عَلٰی» ہمیشہ مخالفت کے لیے آتا ہے۔ ہم تو ہاتھ پر ہاتھ دھرے شفاعت کی امید میں ہیں اور یہاں ہمارے خلاف مقدمہ قائم ہونے چلا ہے۔ اللہ کے رسول  دربارِ خداوندی میں ہمارے خلاف گواہی دیں گے کہ اے اللہ! میںنے تیرا دین ان کے سپرد کیا تھا‘ اب اسے دنیا میں پھیلانا ان کا کام تھا‘ لیکن انہوں نے خود دین کو چھوڑ دیا۔ سورۃ الفرقان میں الفاظ آئے ہیں: وَقَالَ الرَّسُوْلُ یٰـرَبِّ اِنَّ قَوْمِی اتَّخَذُوْا ھٰذَا الْقُرْاٰنَ مَھْجُوْرًا.  ’’اور رسول کہیں گے کہ پروردگار میری قوم نے اس قرآن کو ترک کر دیا تھا‘‘۔ سورۃ النساء کی آیت زیر مطالعہ کے بارے میں ایک واقعہ بھی ہے۔ ایک مرتبہ رسول اللہ  نے حضرت عبد اللہ بن مسعود سے ارشاد فرمایا کہ مجھے قرآن سناؤ! انہوں نے عرض کیا حضور آپ کو سناؤں؟ آپ پر تو نازل ہوا ہے۔ فرمایا: ہاں‘ لیکن مجھے کسی دوسرے سے سن کر کچھ اور حظ حاصل ہوتا ہے۔ حضرت عبداللہ  نے سورۃ النساء پڑھنی شروع کی۔حضور بھی سن رہے تھے‘ باقی اور صحابہ  بھی ہوں گے اور حضرت عبد اللہ بن مسعود ‘ گردن جھکائے پڑھتے جا رہے تھے۔ جب اس آیت پر پہنچے:  فَـکَیْفَ اِذَا جِئْنَا مِنْ کُلِّ اُمَّۃٍ بِشَہِیْدٍ وَّجِئْنَا بِکَ عَلٰی ہٰٓــؤُلَآءِ شَہِیْدًا.  تو حضور  نے فرمایا: حَسْبُکَ‘ حَسْبُکَ (بس کرو‘ بس کرو!) عبد اللہ بن مسعود  نے سر اٹھا کر دیکھا تو حضور کی آنکھوں سے آنسو رواں تھے۔ اس وجہ سے کہ مجھے اپنی قوم کے خلاف گواہی دینی ہو گی۔ 

 آیت 42:   یَوْمَئِذٍ یَّوَدُّ الَّذِیْنَ کَفَرُوْا وَعَصَوُا الرَّسُوْلَ لَوْ تُسَوّٰی بِہِمُ الْاَرْضُ: ’’اُس دن تمنا کریں گے وہ لوگ جنہوںنے کفرکیا تھا اور رسول کی نافرمانی کی تھی کہ کاش ان کے سمیت زمین برابرکردی جائے۔‘‘

            یعنی کسی طرح زمین پھٹ جائے اور ہم اس میں دفن ہو جائیں‘ ہمیں نسیاً منسیّا کر دیا جائے۔

             وَلاَ یَکْتُمُوْنَ اللّٰہَ حَدِیْثًا:’’اور وہ اللہ سے کوئی بات بھی چھپا نہیں سکیں گے۔‘‘ 

آیت 31:  قَدْ خَسِرَ الَّذِیْنَ کَذَّبُوْا بِلِقَآءِ اللّٰہِ:  ’’بڑے گھاٹے میں  پڑ گئے وہ لوگ جو اللہ سے ملاقات کے انکاری ہیں۔،،

            وہ اس بات کو جھٹلا رہے ہیں  کہ مرنے کے بعد کوئی پیشی ، حاضری یا اللہ سے ملاقات وغیرہ ہوگی۔

            حَتّٰیٓ اِذَا جَآءَتْہُمُ السَّاعَۃُ بَغْتَۃً:   ’’یہاں  تک کہ جب آ جائے گا ان پر وہ وقت اچانک،،

             ایک شخص کے لیے انفرادی طور پر تو السَّاعَۃ (گھڑی)  سے مراد اُس کی موت کا وقت ہے،  لیکن عام طور پر اس سے قیامت ہی مراد لی گئی ہے۔ چنانچہ اس کا مطلب ہے کہ جب قیامت اچانک آ جائے گی۔

            قَالُوْا یٰحَسْرَتَنَا عَلٰی مَا فَرَّطْنَا فِیْہَا وَہُمْ یَحْمِلُوْنَ اَوْزَارَہُمْ عَلٰی ظُہُوْرِہِمْ اَلاَ سَآءَ مَا یَزِرُوْنَ:   ’’تو وہ کہیں  گے ہائے افسوس ہماری اس کوتاہی پر جو اس (قیامت)  کے بارے میں  ہم سے ہوئی،  اور وہ اٹھائے ہوئے ہوں  گے اپنے بوجھ اپنی پیٹھوں  پر۔  آگاہ ہو جاؤ،  بہت بُرا بوجھ ہو گا جو وہ اٹھائے ہوئے ہوں  گے۔،،

            جب قیامت حق بن کر سامنے آجائے گی تو ان کی حسرت کی کوئی انتہا نہ رہے گی۔ وہ اپنی پیٹھوں پر کفر،  شرک اور گناہوں  کے بوجھ اٹھائے ہوئے میدانِ حشر میں  پیش ہوں  گے۔

آیت 36:  اِنَّمَا یَسْتَجِیْبُ الَّذِیْنَ یَسْمَعُوْنَ وَالْمَوْتٰی یَبْعَثُہُمُ اللّٰہُ ثُمَّ اِلَیْہِ یُرْجَعُوْن:  ’’بات تو وہی قبول کریں  گے جو (حقیقتاً) سنتے ہیں ۔ رہے یہ مردے تو اللہ ان کو اٹھائے گا ،  پھر وہ اُسی کی طرف لوٹا دیے جائیں  گے۔،، 

آیت 38:   وَمَا مِنْ دَآبَّۃٍ فِی الْاَرْضِ وَلاَ طٰٓئِرٍ یَّطِیْرُ بِجَنَاحَیْہِ اِلَّآ اُمَمٌ اَمْثَالُـکُمْ:   ’’اور نہیں  ہے زمین پر چلنے والا کوئی بھی جانور اور نہ کوئی پرندہ جو اپنے دونوں  بازوؤں  سے اڑتا ہے ، مگر وہ بھی تمہاری ہی طرح کی اُمتیں  ہیں۔،،

            ان تمام جانوروں،  پرندوں  اور کیڑوں  مکوڑوں  کے رہنے سہنے کے بھی اپنے اپنے طور طریقے اور نظام ہیں ،  ان کے اپنے leaders ہوتے ہیں ۔ یہ چیزیں  آج کی سائنسی تحقیق سے ثابت شدہ ہیں ۔ چیونٹیوں  کی ایک ملکہ ہوتی ہے،  جس کے ماتحت وہ رہتی اور کام وغیرہ کرتی ہیں ۔ اسی طرح شہد کی مکھیوں  کی بھی ملکہ ہوتی ہے۔

            مَا فَرَّطْنَا فِی الْکِتٰبِ مِنْ شَیْئٍ ثُمَّ اِلٰی رَبِّہِمْ یُحْشَرُوْنَ:   ’’ہم نے تو اپنی کتاب میں  کسی شے کی کوئی کمی نہیں  رکھی ہے، پھر یہ اپنے رب کی طرف لوٹائے جائیں  گے۔،،

            قرآن میں  ہم نے ہر طرح کے دلائل دے دیے ہیں،  ہر طرح کے شواہد پیش کر دیے ہیں،  ہر طرح سے استشہاد کر دیا ہے۔ ان سب کو آخر کار اپنے رب کے حضور پیش ہونا ہے۔ وہاں  پر ہر ایک کواپنے کیے کا پورا بدلہ مل جائے گا۔

آیت 29:  قُلْ اَمَرَ رَبِّیْ بِالْقِسْطِ وَاَقِیْمُوْا وُجُوْہَکُمْ عِنْدَ کُلِّ مَسْجِدٍ:  ’’آپ کہیے کہ میرے رب نے تو حکم دیا ہے انصاف (اور عدل و توازن) کا‘ اور اپنے رُخ سیدھے کر لیا کرو ہر نماز کے وقت‘‘

            مسجد اسم ِظرف ہے اور یہ ظرفِ زمان بھی ہے اور ظرفِ مکان بھی۔ بطور ظرفِ مکان سجدے کی جگہ مسجد ہے اور بطور ظرفِ زمان سجدے کا وقت مسجد ہے۔

            وَّادْعُوْہُ مُخْلِصِیْنَ لَہُ الدِّیْنَ:  ’’اور اُسی کو پکارا کرو اُسی کے لیے اپنی اطاعت کو خالص کرتے ہوئے۔‘‘

            یعنی اللہ کو پکارنے، اس سے دعا کرنے کی ایک شرط ہے اور وہ یہ کہ اس کی اطاعت کو اپنے اوپر لازم کیا جائے۔ جیسا کہ سورۃ البقرۃ آیت: 186 میں روزے کے احکام اور حکمتوں کو بیان کرنے کے بعد فرمایا: اُجِیْبُ دَعْوَۃَ الدَّاعِ اِذَا دَعَانِ فَلْیَسْتَجِیْبُوْا لِیْ.  کہ میں تو ہر پکارنے والے کی پکار سنتا ہوں، اُس کی دعا کو قبول کرتا ہوں، لیکن انہیں بھی تو چاہیے کہ میرا کہنا مانیں---- اور یہ کہنا ماننا یا اطاعت جزوی طور پر قابل قبول نہیں، بلکہ اس کے لیے «اُدْخُلُوْا فِی السِّلْمِ کَآفَّۃً»  (البقرۃ: 208) کا معیار سامنے رکھنا ہو گا‘ یعنی اللہ تعالیٰ کی اطاعت میں پورے پورے داخل ہونا ہو گا۔ لہٰذا اس حوالے سے یہاں فرمایا گیا کہ اپنی اطاعت کو اُسی کے لیے خالص کرتے ہوئے اسے پکارو۔ یعنی اس کی اطاعت کے دائرے کے اندر کلی طور پر داخل ہوتے ہوئے اس سے دعا کرو۔ یہاں یہ نکتہ بھی قابل توجہ ہے کہ انسان کو اپنی زندگی میں بے شمار اطاعتوں سے سابقہ پڑتا ہے، والدین کی اطاعت‘ اساتذہ کی اطاعت‘ اولوالامر کی اطاعت وغیرہ۔ تو اس میں بنیادی طور پر جو اصول کار فرما ہے وہ یہ ہے کہ ’’لَا طَاعَۃَ لِمَخْلُـوْقٍ فِیْ مَعْصِیَۃِ الْخَالِقِ‘‘۔ یعنی مخلوق میں سے کسی کی ایسی اطاعت نہیں کی جائے گی جس میں خالق حقیقی کی معصیت لازم آتی ہو۔ اللہ کی اطاعت سب سے اوپر اور سب سے برتر ہے۔ اس کی اطاعت کے دائرے کے اندر رہتے ہوئے باقی سب اطاعتیں ہو سکتی ہیں، مگر جہاں کسی کی اطاعت میں اللہ کے کسی حکم کی خلاف ورزی ہوتی ہو توایسی اطاعت نا قابل قبول اور حرام ہو گی۔

            کَمَا بَدَاَکُمْ تَعُوْدُوْنَ:  ’’جیسے اُس نے تمہیں پہلے پیدا کیا تھا اسی طرح تم دوبارہ بھی پیدا ہو جاؤ گے۔‘‘ 

آیت 53:  ہَلْ یَنْظُرُوْنَ اِلاَّ تَاْوِیْلَہ:  ’’یہ کس چیز کا انتظار کر رہے ہیں سوائے اس کی حقیقت کے مشاہدے کے!‘‘

            یعنی کیا یہ لوگ آیاتِ عذاب کے عملی ظہور کا انتظار کر رہے ہیں؟ کیا یہ انتظار کر رہے ہیں کہ وقفۂ مہلت کا یہ بند ٹوٹ جائے اور واقعتا ان کے اوپر عذاب کا دھارا چھوٹ پڑے۔ کیا یہ لوگ اس انجام کا انتظار کر رہے ہیں؟

            یَوْمَ یَاْتِیْ تَاْوِیْلُہ یَـقُوْلُ الَّذِیْنَ نَسُوْہُ مِنْ قَبْلُ قَدْ جَآءَتْ رُسُلُ رَبِّنَا بِالْحَقِّ:  ’’جس دن اس کا مصداق ظاہر ہو جائے گا تو کہیں گے وہ لوگ جنہوں نے پہلے اسے نظر انداز کیے رکھا تھا کہ یقینا ہمارے پروردگار کے رسول حق کے ساتھ آئے تھے۔‘‘

            فَہَلْ لَّــنَا مِنْ شُفَعَـآءَ فَـیَشْفَعُوْا لَـنَـآ اَوْ نُرَدُّ فَنَعْمَلَ غَیْرَ الَّذِیْ کُنَّا نَعْمَلُ:  تو کیا (اب) ہیں ہمارے لیے کوئی شفاعت کرنے والے کہ ہماری شفاعت کریں یا کوئی صورت کہ ہمیں (دنیا میں) لوٹا دیا جائے تا کہ ہم عمل کریں اس کے برعکس جو کچھ (پہلے) ہم کرتے رہے تھے !‘‘

            قَدْ خَسِرُوْٓا اَنْفُسَہُمْ وَضَلَّ عَنْہُمْ مَّا کَانُوْا یَفْتَرُوْنَ:  ’’ وہ تو اپنے آپ کو برباد کر چکے‘ اور جو افترا وہ کرتے رہے تھے وہ ان سے گم ہو گیا۔‘‘

            اس دن وہ لوگ دوبارہ دنیا میں جانے کی خواہش کریں گے، لیکن تب انہیں اس طرح کا کوئی موقع فراہم کیے جانے کا کوئی امکان نہیں ہو گا۔ 

 آیت 34:  یٰٓاَیُّہَا الَّذِیْنَ اٰمَنُوْٓا اِنَّ کَثِیْرًا مِّنَ الْاَحْبَارِ وَالرُّہْبَانِ لَیَاْکُلُوْنَ اَمْوَالَ النَّاسِ بِالْبَاطِلِ: ‘‘اے اہل ایمان‘ یقینا بہت سے علماء اور درویش ہڑپ کرتے ہیں لوگوں کے مال باطل طریقے سے‘‘

            مختلف مسلمان اُمتوں میں مذہبی پیشواؤں کے لیے مختلف نام اور القاب رائج رہے ہیں۔ بنی اسرائیل کے ہاں انہیں احبار اور رہبان کہا جاتا تھا۔  آیت زیر نظر کے مطابق اس طبقے میں اکثریت ایسے لوگوں کی رہی ہے جو باطل اور ناجائز ذرائع سے مال و دولت جمع کرنے اور جائیداد بنانے کے مکروہ دھندے میں ملوث رہے ہیں۔ ایک عام دنیا دار آدمی جائز طریقے سے مال و دولت کماتا ہے یا جائیداد بناتا ہے تو اس میں کوئی قباحت نہیں۔ مگر ایک ایسا شخص جو دین کی خدمت میں مصروف ہے اور اسی حقیقت سے جانا پہچانا جاتا ہے‘ اگر وہ بھی مال و دولت جمع کرنے اور جائیداد بنانے میں مشغول ہو جائے‘ اور مزید یہ کہ دین کو استعمال کرتے ہوئے اور اپنی دینی حیثیت کو نیلام کرتے ہوئے لوگوں کے مال ہڑپ کرنے لگے اور مال و دولت جمع کرنیہی کو اپنا مقصد ِزندگی بنا لے‘ تو ایسا انسان آسمان کی چھت کے نیچے بد ترین انسان ہو گا۔ اپنی امت کے علماء کے بارے میں حضور کی ایک بہت عبر ت انگیز حدیث ہے :

عَنْ عَلِیٍّ قَالَ قَالَ رَسُوْلُ اللّٰہِ: «یُـوْشِکُ اَنْ یَأْتِیَ عَلَی النَّاسِ زَمَانٌ لَا یَبْقٰی مِنَ الْاِسْلَامِ اِلاَّ اسْمُہ‘ وَلَا یَبْقٰی مِنَ الْقُرْآنِ اِلاَّ رَسْمُہ‘ مَسَاجِدُھُمْ عَامِرَۃٌ وَھِیَ خَرَابٌ مِنَ الْھُدٰی‘ عُلَمَاؤُھُمْ شَرٌّ مَنْ تَحْتَ اَدِیْمِ السَّمَاءِ‘ مِنْ عِنْدِھِمْ تَخْرُجُ الْفِتْنَۃُ وَفِیْھِمْ تَعُوْدُ»

حضرت علی روایت کرتے ہیں کہ رسول اللہ نے فرمایا: ‘‘مجھے اندیشہ ہے کہ لوگوں پر ایک وقت ایسا آئے گا جب اسلام میں سے اس کے نام کے سوا کچھ نہیں بچے گا اورقرآن میں سے اس کے رسم الخط کے سوا کچھ باقی نہیں رہے گا۔ ان کی مسجدیں بہت آباد (اور شاندار) ہوں گی مگر وہ ہدایت سے خالی ہوں گی۔ ان کے علماء آسمان کی چھت کے نیچے بد ترین مخلوق ہوں گے‘ فتنہ انہی میں سے برآمد ہو گا اور ان ہی میں لوٹ جائے گا۔‘‘

            وَیَصُدُّوْنَ عَنْ سَبِیْلِ اللّٰہِ: ‘‘اور روکتے ہیں لوگوں کو اللہ کے راستے سے۔‘‘

            جب کوئی دینی تحریک اٹھتی ہے‘ کوئی اللہ کا مخلص بندہ لوگوں کو دین کی طرف بلاتا ہے‘ تو ان مذہبی پیشواؤں کو اپنی مسندیں خطرے میں نظر آتی ہیں ۔ وہ نہیں چاہتے کہ ان کے عقیدت مند انہیں چھوڑ کر کسی دوسری دعوت کی طرف متوجہ ہوں‘ کیونکہ انہی عقیدت مندوں کے نذرانوں ہی سے تو ان کے دولت کے انباروں میں اضافہ ہو رہا ہوتا ہے اور ان کی جائیدادیں بن رہی ہوتی ہیں۔ وہ آخر کیونکر چاہیں گے کہ اُن کے نام لیوا کسی دوسری دعوت پر لبیک کہیں۔

            وَالَّذِیْنَ یَکْنِزُوْنَ الذَّہَبَ وَالْفِضَّۃَ وَلاَ یُنْفِقُوْنَہَا فِیْ سَبِیْلِ اللّٰہِ فَبَشِّرْہُمْ بِعَذَابٍ اَلِیْمٍ: ‘‘اور وہ لوگ جو جمع کرتے ہیں اپنے پاس سونا اور چاندی اور خر چ نہیں کرتے اس کو اللہ کی راہ میں‘ تو ان کو بشارت دے دیجیے درد ناک عذاب کی۔‘‘

            اس  آیت کے حوالے سے حضرت ابو ذر غفاری کی ذاتی رائے یہ تھی کہ سونا اور چاندی اپنے پاس رکھنا مطلقاً حرام ہے۔ مگر دوسرے صحابہ کرام‘ حضرت ابو ذر غفاری کی اس رائے سے متفق نہیں تھے۔ چنانچہ دین کا عام قانون اس سلسلے میں یہی ہے کہ اگر کسی نے کوئی مال جائز طریقے سے کمایا ہو اور وہ اس میں سے زکوٰۃ بھی ادا کرتا ہو تو اس مال کو وہ اپنے پاس رکھا سکتا ہے‘ چاہے اس کی مقدار کتنی ہی زیادہ ہو اور چاہے وہ سونے یا چاندی ہی کی شکل میں ہو۔ ایسا مال ایک شخص کی موت کے بعد اس کے ورثاء کو جائز مال کے طور پر قانونِ وراثت کے مطابق منتقل بھی ہو گا۔ چنانچہ اللہ تعالیٰ کا نازل کردہ قانونِ وراثت خود اس بات پر دلیل ہے کہ مال و دولت کو اپنی ملکیت میں رکھنا ناجائز نہیں ہے‘ کیونکہ اگر مال جمع نہیں ہو گا تو وراثت کس چیز کی ہو گی اور قانونِ وراثت کا عملاً کیا مقصد رہ جائے گا؟ اس لحاظ سے قرآن کے وہ احکام روحانی اور اخلاقی تعلیم کے زمرے میں آتے ہیں جن میں بار بار مال خرچ کرنے کی ترغیب دی گئی ہے اور اس سلسلے میں: قُلِ الْـعَفْوَ. ( البقرۃ: 219) کے الفاظ بھی موجود ہیں۔ یعنی جو بھی زائد از ضرورت ہو اسے اللہ کی راہ میں خرچ کر دیا جائے۔ چنانچہ حضرت عثمان کے دورِخلافت میں حضرت ابو ذر غفاری کی مخالفت کے باوجود قانونی نقطہ نظر سے یہی فیصلہ ہوا تھا کہ سونا‘ چاندی اپنے پاس رکھنا مطلقاً حرام نہیں ہے‘ مگر حضرت ابو ذر غفاری اپنی رائے میں کسی قسم کی لچک پیدا کرنے پر آمادہ نہ ہوئے۔ چونکہ آپ کے اختلاف کی شدت کے باعث مدینہ کے ماحول میں ایک اضطرابی کیفیت پیدا ہو رہی تھی‘ اس لیے حضرت عثمان نے آپ کو حکم دیا کہ وہ مدینہ سے باہر چلے جائیں۔ اس پر آپ مدینہ سے نکل گئے اور صحرا میں ایک چھونپڑی بنا کر اس میں رہنے لگے۔

            میرے نزدیک اس آیت کا حکم احبار اوررہبان یعنی مذہبی پیشواؤں کے ساتھ مخصوص ہے۔ اس میں وہ سب لوگ شامل ہیں جنہوں نے اپنا وقت اور اپنی صلاحیتیں دین کی خدمت کے لیے وقف کر رکھی ہیں اور اُن کا اپنا کوئی ذریعہ آمدنی نہیں ہے۔ ایسے مذہبی پیشواؤں کو لوگ ہدیے دیتے ہیں اور اُن کی مالی معاونت کرتے ہیں تاکہ وہ اپنی ضروریاتِ زندگی کو پورا کر سکیں۔ جیسے حضور خود بیت المال سے اپنی ضروریات پوری کرتے تھے‘ ازواجِ مطہرات کو نان نفقہ بھی دیتے تھے اور اپنے عزیز و اقارب کے ساتھ حسن سلوک بھی کرتے تھے‘ مگر بیت المال سے کچھ میسر نہ ہونے کی صورت میں فاقے بھی کرتے تھے۔ اسی طرح خلفائے راشدین کی مثال بھی ہے۔ چنانچہ ایسے مذہبی پیشواؤں پر بھی لازم ہے کہ وہ دوسروں کے ہدیے اور وظائف صرف معروف انداز میں اپنی اور اپنے زیر ِکفالت افراد کی ضروریاتِ زندگی پوری کرنے کے لیے استعمال میں لائیں۔ لیکن اگر یہ لوگ اپنی مذکورہ حیثیت سے فائدہ اٹھاتے ہوئے دولت اکٹھی کرنا اورجائیدادیں بنانا شروع کر دیں‘ اور پھر یہ جائیدادیں قانونِ وراثت کے تحت اُن کے ورثاء کو منتقل ہوں تو ایسی صورت میں اِن لوگوں پر اس  آیت کے احکام کا حرف بہ حرف انطباق ہو گا۔ چنانچہ آج بھی اگر آپ علمائے حق اور علمائے سوء کے بارے میں معلوم کرنا چاہیں تو میرے نزدیک یہ  آیت اس کے لیے ایک طرح کا لٹمس ٹیسٹ (litmus test) ہے۔ اگر کوئی مذہبی پیشوا یا عالم اپنے دینی کیرئیر کے نتیجے میں جائیداد بنا کر اور اپنے پیچھے دولت چھوڑ کرمرا ہو تو وہ بلاشک و شبہ علمائے سوء میں سے ہے۔ 

 آیت 35:  یَّوْمَ یُحْمٰی عَلَیْہَا فِیْ نَارِ جَہَنَّمَ فَتُکْوٰی بِہَا جِبَاہُہُمْ وَجُنُوْبُہُمْ وَظُہُوْرُہُمْ: ‘‘جس دن ان (سونے اور چاندی) کو تپایا جائے گا جہنم کی آگ میں اور پھر داغا جائے گا ان سے ان کی پیشانیوں‘ ان کے پہلوؤں اور ان کی پیٹھوں کو۔‘‘

            ہٰذَا مَا کَنَزْتُمْ لِاَنْفُسِکُمْ فَذُوْقُوْا مَا کُنْتُمْ تَکْنِزُوْنََ: ‘‘(اور ساتھ کہا جائے گا) یہ ہے جو تم نے اپنے لیے اکٹھا کیا تھا‘ تو اب چکھو مزا اس کا جو کچھ تم جمع کرتے تھے۔‘‘

 آیت ۴:  اِلَیْہِ مَرْجِعُکُمْ جَمِیْعًا وَعْدَ اللّٰہِ حَقًّا:  «تم سب کا لوٹنا اُسی کی جانب ہے۔ یہ وعدہ ہے اللہ کا سچا۔»

             اِنَّہ یَبْدَؤُ الْخَلْقَ ثُمَّ یُعِیْدُہ:  «وہی ہے جو خلق کا آغاز کرتا ہے، پھر وہی اس کا اعادہ کر دے گا»

            پہلے پہل کسی کام کا کرنا یا ابتدائی طور پر کسی چیز کو تخلیق کرنا مشکل ہوتا ہے جبکہ اس کا اعادہ کرنا نسبتاً آسان ہوتا ہے۔ یہ ایک معقول اور منطقی بات ہے کہ اگرا للہ تعالیٰ ہی نے یہ سب کچھ پیدا فرمایا ہے اور پہلی بار اسے اس تخلیق میں کوئی مشکل پیش نہیں آئی تو دوبارہ پیدا کرنا اس کے لیے کیونکر مشکل ہو جائے گا! بہر حال وہ تمام انسانوں کو دوبارہ پیدا کرے گا.  

             لِیَجْزِیَ الَّذِیْنَ اٰمَنُوْا وَعَمِلُوا الصّٰلِحٰتِ بِالْقِسْطِ:  «تا کہ وہ ان لوگوںکو جزا دے جو ایمان لائے اور جنہوں نے اچھے عمل کیے انصاف کے ساتھ۔»

            وہ اہل ِایمان جنہوں نے اللہ اور اُس کے دین کے لیے ایثار کیا ہے، ان کی قربانیوں اور مشقتوں کے بدلے میں انہیں انعامات سے نوازا جائے گا اور ان کے ان اعمال کی پوری پوری قدر کی جائے گی۔

             وَالَّذِیْنَ کَفَرُوْا لَہُمْ شَرَابٌ مِّنْ حَمِیْمٍ وَّعَذَابٌ اَلِیْمٌ بِمَا کَانُوْا یَکْفُرُوْنَ:  «اور جن لوگوں نے کفر کیا ان کے پینے کے لیے ہو گا کھولتا ہوا پانی اور دردناک عذاب، اس کفر کی پاداش میں جو وہ کرتے رہے۔» 

 آیت ۲۶:  لِلَّذِیْنَ اَحْسَنُوا الْحُسْنٰی وَزِیَادَۃٌ:  «جو لوگ احسان کی روش اختیار کریں گے، ان کے لیے حسنیٰ (بھلائی) ہے اور مزید بھی۔»

            انہیں نیکی کا بدلہ بھی بہت اچھا ملے گا اور مزید برآں انہیں انعامات سے بھی نوازاجائے گا۔

             وَلاَ یَرْہَقُ وُجُوْہَہُمْ قَـتَـرٌ وَّلاَ ذِلَّــۃٌ:  «اور نہیں مسلط ہو گی ان کے چہروں پر سیاہی اور نہ ذلت۔»

              اُولٰٓئِکَ اَصْحٰبُ الْجَنَّۃِ ہُمْ فِیْہَا خٰلِدُوْنَ:  « یہی ہوں گے جنت والے، اور رہیں گے اس میں ہمیشہ ہمیش۔» 

 آیت ۲۷:  وَالَّذِیْنَ کَسَبُوا السَّیِّاٰتِ جَزَآءُ سَیِّئَۃٍ بِمِثْلِہَا:  «اور جن لوگوں نے برائیاں کمائیں تو (ان کے لیے) بدلہ ہو گا برائی کاویساہی»

            یعنی جیسی ان کی برائی ہوگی ویسا ہی اس کا بدلہ ہوگا، اس میں کچھ اضافہ نہیں کیا جائے گا۔

             وَتَرْہَقُہُمْ ذِلَّۃٌ مَا لَہُمْ مِّنَ اللّٰہِ مِنْ عَاصِمٍ:  «اور ان پرذلت چھا جائے گی۔ نہیں ہو گا انہیں اللہ (کی پکڑ) سے کوئی بھی بچانے والا۔»

             کَاَنَّمَآ اُغْشِیَتْ وُجُوْہُہُمْ قِطَعًا مِّنَ الَّیْلِ مُظْلِمًا:  «گویا ان کے چہروں پر تاریک رات کے ٹکڑے اُڑھا دیے گئے ہوں۔»

             اُولٰٓئِکَ اَصْحٰبُ النَّارِ ہُمْ فِیْہَا خٰلِدُوْنَ:  «یہی لوگ ہوں گے جہنمی، یہ رہیں گے اسی میں ہمیشہ ہمیش۔» 

 آیت ۲۸:  وَیَوْمَ نَحْشُرُہُمْ جَمِیْعًا ثُمَّ نَقُوْلُ لِلَّذِیْنَ اَشْرَکُوْا مَکَانَکُمْ اَنْتُمْ وَشُرَکَآؤُٔکُمْ:  «اور جس دن ہم ان سب کو جمع کریں گے، پھر ہم کہیں گے ان لوگوں سے جنہوں نے شرک کیا تھاکہ کھڑے رہو اپنی جگہ پر تم بھی اور تمہارے شریک بھی۔»

            یوں معلوم ہوتا ہے کہ یہ لات، منات، عزیٰ وغیرہ کی بات نہیں ہو رہی جن کے بارے میں کسی کو پتا نہیں کہ ان کی اصل کیا تھی، بلکہ یہ اولیاء اللہ، نیک ا ور برگزیدہ بندوں کی بات ہو رہی ہے جن کے ناموں پرمورتیاں او ر بت بنا کر ان کی پوجا کی گئی ہو گی۔ جیسے قومِ نوح نے ودّ، سواع اور یغوث وغیرہ اولیاء اللہ کی پوجا کے لیے ان کے بت بنا رکھے تھے (اس بارے میں تفصیل سورۃ نوح میں آئے گی)۔ ہمارے ہاں صرف یہ فرق ہے کہ بت نہیں بنائے جاتے، قبریں پوجی جاتی ہیں۔

            اس سلسلے میں حضرت عیسیٰ سے اللہ تعالیٰ کے خطاب کی ایک جھلک ہم سورۃ المائدۃ کے آخری رکوع میں دیکھ آئے ہیں۔ اس لیے یہاں یہ خیال نہیں آنا چاہیے کہ ایسے بلند مرتبہ لوگوں کو اس طرح کا حکم کیونکر دیا جائے گا کہ ٹھہرے رہو اپنی جگہ پرتم بھی اور تمہارے شریک بھی! بہر حال اللہ تعالیٰ کی شان بہت بلند ہے، جبکہ ایک بندہ تو بندہ ہی ہے، چاہے جتنی بھی ترقی کر لے:  اَلرَّبُّ رَبٌّ وَاِنْ تَنَزَّلَ۔ وَالْعَبْدُ عَبْدٌ وَاِنْ تَرَقّٰی!

             فَزَیَّلْنَا بَیْنَہُمْ وَقَالَ شُرَکَآؤُٔہُمْ مَّا کُنْتُمْ اِیَّانَا تَعْبُدُوْنَ:  « تو ہم ان کے درمیان رشتے منقطع کر دیں گے اور کہیں گے ان کے شریک (ان سے) کہ تم ہم کو تو نہیں پوجا کرتے تھے۔»

            وہ نیک لوگ جنہیں اللہ کا شریک بنایا گیا وہ اس شرک سے بری ہیں، کیونکہ انہوں نے تو اپنی زندگیاں اللہ کی اطاعت میں گزار ی تھیں۔ جیسے البقرۃ : ۱۳۴ میں بہت واضح انداز میں فرمایا گیا ہے:   تِلْکَ اُمَّۃٌ قَدْ خَلَتْ لَہَا مَا کَسَبَتْ وَلَکُمْ مَّا کَسَبْتُمْ.  «وہ ایک جماعت تھی جو گزر گئی، ان کے لیے ہے جو انہوں نے کمایا اور تمہارے لیے ہے جو تم نے کمایا» ۔ اگر کوئی شیخ عبد القادر جیلانی کو پکارتا ہے یا کسی مزار پر جا کر مشرکانہ حرکتیں کرتا ہے تو اس کا وبال صاحب ِمزار پر قطعاً نہیں ہو گا۔ ان پر تو اُلٹا ظلم ہو رہا ہے کہ انہیں اللہ کے ساتھ شرک میں ملوث کیا جا رہا ہے۔ چنانچہ اللہ کے وہ نیک بندے اللہ کے ہاں ان شرک کرنے والوں کے خلاف استغاثہ کریں گے، کہ وہ لوگ اللہ کو چھوڑکر انہیں پکارتے تھے اور ان کے ناموں کی دہائیاں دیتے تھے۔ وہ ان شرک کرنے والوں سے کہیں گے: 

 آیت ۲۹:  فَکَفٰی بِاللّٰہِ شَہِیْدًا بَیْنَنَا وَبَیْنَکُمْ اِنْ کُنَّا عَنْ عِبَادَتِکُمْ لَغٰفِلِیْنَ:  «پس اللہ کافی ہے (بطور) گواہ ہمارے اور تمہارے مابین، ہم توتمہاری اس عبادت سے بالکل بے خبر تھے۔»

            یعنی اگر تم ہماری پوجا کرتے بھی رہے ہو تو ہمیں بالکل اس کی خبر نہیں، ہم پر اس کا کچھ الزام نہیں۔ ہم تمہارے اس گھناؤنے فعل سے بالکل بری ہیں۔ 

 آیت ۳۰:  ہُنَالِکَ تَبْلُوْا کُلُّ نَفْسٍ مَّآ اَسْلَفَتْ وَرُدُّوْٓا اِلَی اللّٰہِ مَوْلٰــہُمُ الْحَقِّ وَضَلَّ عَنْہُمْ مَّا کَانُوْا یَفْتَرُوْنَ :  «اُس وقت ہر جان کو پتا چل جائے گا کہ اُس نے کیا آگے بھیجا تھا، اور وہ لوٹا دیے جائیں گے اللہ کی طرف جو ان کا برحق مولیٰ ہے، اور گم ہو جائے گا ان سے وہ سب کچھ جو وہ افترا کرتے تھے۔»

            یعنی اس دن جب شفاعت کی امیدوں کے سارے سہارے ہوا ہو جائیں گے تو ان کے ہاتھوں کے طوطے اُڑ جائیں گے۔ تب انہیں معلوم ہو گا کہ ع:

«خواب تھا جو کچھ کہ دیکھا، جو سنا افسانہ تھا!» 

 آیت ۴۵:  وَیَوْمَ یَحْشُرُہُمْ کَاَنْ لَّمْ یَلْبَثُوْٓا اِلاَّ سَاعَۃً مِّنَ النَّہَارِ یَتَعَارَفُوْنَ بَیْنَہُمْ:  «اور جس دن وہ انہیں جمع کرے گا ( تو وہ محسوس کریں گے) جیسے نہیں رہے وہ مگر دن کی ایک گھڑی، وہ ایک دوسرے کو پہچان رہے ہوں گے۔»

            انہیں دنیا اور عالم ِبرزخ میں گزرا ہوا وقت ایسے محسوس ہو گا جیسے کہ وہ ایک دن کا کچھ حصہ تھا۔

             قَدْ خَسِرَ الَّذِیْنَ کَذَّبُوْا بِلِقَآءِ اللّٰہِ وَمَا کَانُوْا مُہْتَدِیْنَ:  « وہ لوگ بڑے خسارے کا شکار ہوئے جنہوں نے جھٹلادیا اللہ کی ملاقات کو اور نہ ہوئے وہ ہدایت پانے والے۔»

            آگے عذاب کی اُس دھمکی کا ذکر آ رہا ہے جس کے بارے میں آیت: ۳۹ میں فرمایا گیا تھا:  وَلَمَّا یَاْتِہِمْ تَاْوِیْلُہ.  کہ اس کی تاویل ابھی اُن کے پاس نہیں آئی۔ 

 آیت ۱۸:  وَمَنْ اَظْلَمُ مِمَّنِ افْتَرٰی عَلَی اللّٰہِ کَذِبًا:  «اور اُس شخص سے بڑھ کر کون ظالم ہو گا جس نے اللہ پر جھوٹ باندھا۔ »

            جس نے خود کوئی چیز گھڑ کر اللہ کی طرف منسوب کر دی۔

             اُولٰٓئِکَ یُعْرَضُوْنَ عَلٰی رَبِّہِم:  «یہ وہ لوگ ہیں جو پیش کیے جائیں گے اپنے رب کے سامنے»

             وَیَقُوْلُ الْاَشْھَادُ ہٰٓؤُلَآءِ الَّذِیْنَ کَذَبُوْا عَلٰی رَبِّہِمْ:  «اور گواہی دینے والے کہیں گے کہ یہ ہیں وہ لوگ جنہوں نے جھوٹ کہا تھا اپنے رب پر۔ »

             اَلاَ لَعْنَۃُ اللّٰہِ عَلَی الظّٰلِمِیْنَ:  « آگاہ ہو جاؤ! ایسے ظالموں پر اللہ کی لعنت ہے۔ »

            ان جھوٹ گھڑنے والوں میں غلام احمد قادیانی آنجہانی اور اس جیسے دوسرے مدعیانِ نبوت بھی شامل ہوں گی۔

 آیت ۹۸:  یَقْدُمُ قَوْمَہ یَوْمَ الْقِیٰمَۃِ:  «قیامت کے دن وہ آئے گا آگے چلتا ہوا اپنی قوم کے»

            دنیا کی طرح قیامت کے دن بھی اسے قیادت کا موقع فراہم کیا جائے گا۔  وہ آگے آگے ہو گا اور اس کی قوم پیچھے پیچھے آ رہی ہو گی، جیسے وہ لوگ دنیا میں اس کے پیچھے چلتے تھے۔

             فَاَوْرَدَہُمُ النَّارَ وَبِئْسَ الْوِرْدُ الْمَوْرُوْدُ:  «پھر وہ آگ کے گھاٹ پر انہیں اُتار دے گا۔  اور وہ بہت ہی برا گھاٹ ہے جس پر وہ اتارے جائیں گے۔ »

            جس طرح جانوروں کا کوئی گروہ پانی پینے کے لیے گھاٹ پر آتا ہے اوراُن کا لیڈر آگے آگے جا رہا ہوتا ہے، ایسے ہی فرعون اپنی قوم کو جہنم کے گھاٹ پر لا اُتارے گا۔ 

 آیت۱۰۳:  اِنَّ فِیْ ذٰلِکَ لَاٰیَۃً لِّمَنْ خَافَ عَذَابَ الْاٰخِرَۃِ:  «یقینا اس میںنشانی ہے ان لوگوں کے لیے جو آخرت کے عذاب سے ڈرتے ہوں۔ »

             ذٰلِکَ یَوْم ٌ مَّجْمُوْعٌ  لَّہُ النَّاسُ وَذٰلِکَ یَوْمٌ مَّشْہُوْدٌ:  «وہ ایک ایسا دن ہے جس میں لوگوں کو جمع کیا جائے گا اور وہ دن ہے پیشی کا۔ »

 آیت ۱۰۴:  وَمَا نُؤَخِّرُہ اِلاَّ لِاَجَلٍ مَّعْدُوْدٍ:  «اور ہم اسے ایک وقت ِمعین تک کے لیے مؤخر کیے ہوئے ہیں۔»

            اُس کے آنے کی ایک گھڑی معین ہے، جس کو باقاعدہ گن کر اور حساب لگا کر طے کیا گیا ہے۔ 

 آیت۱۰۵:  یَوْمَ یَاْتِ لاَ تَکَلَّمُ نَفْسٌ اِلاَّ بِاِذْنِہ فَمِنْہُمْ شَقِیٌّ وَّسَعِیْدٌ:  «جب وہ دن آ جائے گا تو کوئی متنفس بات نہیں کر سکے گا مگر اللہ کے اِذن سے، تو ان (انسانوں) میںسے کچھ شقی ہوں گے اور کچھ سعید۔»

            یعنی کچھ انسان بد بخت ہوں گے اور کچھ نیک بخت۔ 

 آیت ۱۰۶:  فَاَمَّا الَّذِیْنَ شَقُوْا فَفِی النَّارِ لَہُمْ فِیْہَا زَفِیْرٌ وَّشَہِیْقٌ:  « تو وہ لوگ جوبدبخت ہیںوہ آگ میں ہوںگے جس میں انہیں چیخنا ہے اور دھاڑنا ہے۔ »

            وہ لوگ درد اور کرب کی وجہ سے چیخ و پکار کریں گے اور پھنکارے ماریں گے۔ 

 آیت ۱۰۷:  خٰلِدِیْنَ فِیْہَا مَا دَامَتِ السَّمٰوٰتُ وَالْاَرْضُ اِلاَّ مَا شَآءَ رَبُّکَ:  «اسی میں وہ ہمیشہ رہیں گے جب تک کہ رہیں آسمان اور زمین، سوائے اُس کے جو تیرا رب چاہے۔ »

            یہ مقام مشکلات القرآن میں سے ہے۔  یہ قرآن کا واحد مقام ہے جہاں «خٰلِدِیْنَ فِیْہَا»  کے ساتھ کچھ استثناآت بھی آئے ہیں۔  جہنم اور جنت کب تک رہیں گی یا جہنمی اور جنتی لوگ ان میں کب تک رہیں گے؟ اس کے بارے میں فرمایا : مَا دَامَتِ السَّمٰوٰتُ وَالْاَرْضُ. کہ جب تک آسمان و زمین قائم رہیں گے۔  اِس سے مراد ابدیت بھی ہو سکتی ہے اور اس طرح کا کوئی اشارہ بھی ہو سکتا ہے کہ شاید کبھی کوئی ایسا وقت آ ئے جب زمین و آسمان کا وہ نظام بدل بھی جائے اور کوئی دوسرا نظام اس کی جگہ لے لے۔  واضح رہے کہ اس «زمین و آسمان» سے مراد بھی موجودہ زمین وآسمان نہیں ہو سکتے، اس لیے کہ ازروئے الفاظِ قرآنی یہ تو قیامت کے روز بدل ڈالے جائیں گے اور یہاں قیامت کے بعد پیش آنے والے حالات وواقعات کا ذکر ہو رہا ہے۔  پھر اس میں بھی ایک استثناء بیان کیا گیا ہے: «اِلاَّ مَا شَآءَ رَبُّکَ»  «سوائے اس کے جو تیرا رب چاہے»۔ یعنی اگر اللہ تعالیٰ خود ہی کسی کے عذاب میں تخفیف کرنا چاہے یا کسی کو ایک مدت تک عذاب دے کر جہنم سے نکالنے کا فیصلہ فرمائے تو اسے اس کا پورا اختیار ہے۔  جزا و سزا کے بارے میں بھی اہل سنت کا عقیدہ ہے کہ اللہ تعالیٰ کا اختیار مطلق ہے، لیکن یہ بھی اللہ تعالیٰ کا طے شدہ فیصلہ ہے کہ کفار کے لیے جہنم ابدی ٹھکانہ ہے۔ واللہ اعلم!

             اِنَّ رَبَّکَ فَعَّالٌ لِّمَا یُرِیْدُ:  «بے شک آپ کا رب جو ارادہ کرے اسے کر گزرنے والا ہے۔»

 آیت ۱۰۸:  وَاَمَّا الَّذِیْنَ سُعِدُوْا فَفِی الْْجَنَّۃِ خٰلِدِیْنَ فِیْہَا مَا دَامَتِ السَّمٰوٰتُ وَالْاَرْضُ اِلاَّ مَا شَآءَ رَبُّکَ:  «اور جو لوگ نیک بخت ہوں گے وہ جنت میں رہیں گے ہمیشہ ہمیش جب تک رہیں آسمان اور زمین، سوائے اس کے جو آپ کا رب چاہے۔ »

             عَطَآءً غَیْرَ مَجْذُوْذٍ :  «یہ ایسی بخشش ہے جو کبھی ختم نہیں ہوگی۔ »

ان آیات میں جنت اور جہنم کا جو موازنہ کیا گیا ہے اس میں جنت کے لیے عَطَآءً غَیْرَ مَجْذُوْذٍ:  کے الفاظ اضافی طور پر استعمال کیے گئے ہیں۔  اس طرح کے لفظی فرق و تفاوت کا جب علماء و مفسرین باریک بینی سے جائزہ لیتے ہیں تو ان سے بڑے بڑے فلسفیانہ نکات پیدا ہوتے ہیں۔  چنانچہ جنت اور جہنم کے بارے میں حافظ ابن تیمیہ اور شیخ ابن عربی دونوں نے ایک رائے پیش کی ہے جو اہل سنت کے عام اجماعی عقیدے سے مختلف ہے۔  ان دونوں بزرگوں کے درمیان اگرچہ بڑا نظریاتی بُعد ہے (امام ابن تیمیہ بعض اوقات شیخ محی الدین ابن عربی پر تنقید کرتے ہوئے بہت سخت الفاظ استعمال کرتے ہیں) مگر اس رائے میں دونوں کا اتفاق ہے کہ جنت تو ابدی ہے مگر جہنم ابدی نہیں ہے۔  ایک وقت آئے گا، چاہے وہ ارب ہا سال کے بعد آئے، جب جہنم ختم کر دی جائے گی۔  اس کے برعکس اہل سنت کا اجماعی عقیدہ یہی ہے کہ جنت اور جہنم دونوں ابدی ہیں۔  واللہ اعلم!

 آیت ۴۸: یَوْمَ تُبَدَّلُ الْاَرْضُ غَیْرَ الْاَرْضِ وَالسَّمٰوٰتُ: «جس دن زمین بدل دی جائے گی اس زمین کے سوا (کسی اور شکل میں) اور آسمانوں کو بھی (بدل دیا جائے گا)»

            یہ روزِ محشر کے منظر کی طرف اشارہ ہے۔ اس سلسلے میں قبل ازیں بھی کئی دفعہ ذکر کیا گیا ہے کہ قرآن کی فراہم کردہ تفصیلات کے مطابق یوں لگتا ہے جیسے محشر کا میدان اسی زمین کو بنایا جائے گا۔ اس کے لیے زمین کی شکل میں مناسب تبدیلی کی جائے گی، جیسا کہ اس  آیت میں فرمایا گیا ہے۔ سورۃ الفجر میں اس تبدیلی کی ایک صورت اس طرح بتائی گئی ہے: اِذَا دُکَّتِ الْاَرْضُ دَکًّا دَکًّا. «جب زمین کو کوٹ کوٹ کر ہموار کر دیا جائے گا»۔ پھر سورۃ الانشقاق میں فرمایا گیا ہے: وَاِذَا الْاَرْضُ مُدَّتْ: «اور جب زمین کو کھینچا جائے گا»۔ اس طرح تمام تفصیلات کو جمع کر کے جو صورت حال ممکن ہوتی محسوس ہوتی ہے وہ یہ ہے کہ زمین کے تمام نشیب و فراز کو ختم کر کے اسے بالکل ہموار بھی کیا جائے گا اور وسیع بھی۔ اس طرح اسے ایک بہت بڑے میدان کی شکل دے دی جائے گی۔جب زمین کو ہموار کیا جائے گا تو پہاڑ ریزہ ریزہ ہو جائیں گے، زمین کے پچکنے سے اس کے اندر کا سارا لاوا باہر نکل آئے گا اور سمندر بھاپ بن کر اُڑ جائیں گے۔ اسی طرح نظامِ سماوی میں بھی ضروری ردّ وبدل کیا جائے گا، جس کے بارے میں سورۃ القیامہ میں اس طرح بتایا گیا ہے: وَجُمِعَ الشَمْسُ وَالْـقَمَرُ: یعنی سورج اور چاند کو یکجا کر دیا جائے گا۔ واللہ اعلم!

            حال ہی میں ایک صاحب نے ایک کتاب لکھی ہے۔ یہ صاحب ماہر طبیعیات ہیں۔ میں نے اس کتاب کا پیش لفظ بھی لکھا ہے۔ اس میں انہوں نے بہت سی ایسی باتیں لکھی ہیں جن کی طرف اس سے پہلے توجہ نہیں کی گئی۔ اس لحاظ سے ان کی یہ باتیں یقینا قابل غور ہیں۔ انہوں نے اس خیال کا اظہار کیا ہے کہ قیامت کا یہ مطلب ہر گز نہیں کہ اس وقت پوری کائنات ختم ہو جائے گی، بلکہ یہ واقعہ صرف ہمارے نظامِ شمسی میں رونما ہو گا۔ جس طرح اس کائنات کے اندر کسی گلیکسی یا کسی گلیکسی کے کسی حصے کی موت واقع ہوتی رہتی ہے اسی طرح ایک وقت آئے گا جب ہمارا نظامِ شمسی تباہ ہو جائے گا اور تباہ ہونے کے بعد کچھ اور شکل اختیار کرلے گا۔ ہماری زمین بھی چونکہ اس نظام کا حصہ ہے، لہٰذا اس پر بھی ہر چیز تباہ ہو جائے گی، اور یہی قیامت ہوگی۔ واللہ اعلم!

             وَبَرَزُوْا لِلّٰہِ الْوَاحِدِ الْقَہَّارِ: «اور یہ حاضر ہو جائیں گے اللہ کے سامنے جو واحد و قہار ہے۔»

            سورۃ الفجر میں اس وقت کا منظر بایں الفاظ بیان ہوا ہے: وَّجَآءَ رَبُّکَ وَالْمَلَکُ صَفًّا صَفًّا وَجِایْٓئَ یَوْمَئِذٍ بِجَہَنَّمَ …: «اور اللہ تعالیٰ اس وقت نزول فرمائے گا، فرشتے بھی قطار در قطار آئیں گے اور جہنم بھی سامنے پیش کر دی جائے گی…» اللہ تعالیٰ کے نزول فرمانے کی کیفیت کا ہم تصور نہیں کر سکتے۔ جس طرح ہمارا ایمان ہے کہ اللہ تعالیٰ رات کے آخری حصے میں آسمانِ دنیا پر نزول فرماتا ہے، لیکن ہم یہ نہیں جانتے کہ اس نزول کی کیفیت کیا ہوتی ہے، اسی طرح آج ہم نہیں جان سکتے کہ روزِ قیامت جب اللہ تعالیٰ زمین پر نزول فرمائے گا تو اس کی کیفیت کیا ہو گی۔ ممکن ہے تب اس کی حقیقت ہم پر منکشف کر دی جائے۔

 آیت ۴۹:  وَتَرَی الْمُجْرِمِیْنَ یَوْمَئِذٍ مُّقَرَّنِیْنَ فِی الْاَصْفَادِ: «اور تم دیکھو گے مجرموں کو اُس روز کہ وہ جکڑے ہوئے ہوں گے باہم زنجیروں میں۔» 

 آیت ۵۰:  سَرَابِیْلُہُمْ مِّنْ قَطِرَانٍ وَّتَغْشٰی وُجُوْہَہُمُ النَّارُ: «ان کے کرتے ہوں گے گندھک کے اور ڈھانپے ہوئے ہو گی ان کے چہروں کو آگ۔» 

 آیت ۵۱:  لِیَجْزِیَ اللّٰہُ کُلَّ نَفْسٍ مَّا کَسَبَتْ اِنَّ اللّٰہَ سَرِیْعُ الْحِسَابِ: «تا کہ اللہ بدلہ دے دے ہر جان کو جو کچھ بھی اُس نے کمایا۔ یقینا اللہ بہت جلد حساب لینے والا ہے۔»

            اُس دن اللہ تعالیٰ کو اتنے زیادہ لوگوں کا حساب لیتے ہوئے دیر نہیں لگے گی۔

 آیت ۲۴:  وَہُدُوْٓا اِلَی الطَّیِّبِ مِنَ الْقَوْلِ:   «اور ان کی راہنمائی کر دی گئی ہے بہترین بات کی طرف»

            یہاں بہترین بات سے مراد کلمہ طیبہ:  لَااِلٰـہَ اِلاَّ اللّٰہُ مُحَمَّدٌ رَّسُوْلُ اللّٰہِ ہو سکتا ہے یا پھریہ کلمہ:   سُبْحَانَ اللّٰہِ وَالْحَمْدُ لِلّٰہِ وَلَا اِلٰـہَ اِلاَّ اللّٰہُ وَاللّٰہُ اَکْبَرُ وَلَا حَوْلَ وَلَا قُوَّۃَ اِلاَّ بِاللّٰہِ۔

            وَہُدُوْٓا اِلٰی صِرَاطِ الْحَمِیْدِ:   «اور ان کی راہنمائی کر دی گئی ہے الحمید (اللہ) کی راہ کی طرف۔»

            انہیں اللہ تعالیٰ کے راستے کی ہدایت دی گئی ہے جو سب تعریفوں کے لائق ہے اور وہ اس راستے پر چلتے ہوئے اللہ تعالیٰ کی رحمت: فَرَوْحٌ وَّرَیْحَانٌ وَّجَنَّتُ نَعِیْمٍ:   (الواقعہ) کے اندر پہنچ جائیں گے۔ 

 آیت ۲۵:  اِنَّ الَّذِیْنَ کَفَرُوْا وَیَصُدُّوْنَ عَنْ سَبِیْلِ اللّٰہِ وَالْمَسْجِدِ الْحَرَامِ:   «یقینا وہ لوگ جنہوں نے کفر کیا اور وہ روکتے ہیں لوگوں کو اللہ کے راستے سے اور مسجد ِحرام سے»

            کفار مکہ کی مخالفانہ سرگرمیوں کی طرف اشارہ ہے جن کے باعث مسلمان نہ صرف جوارِ بیت اللہ کو چھوڑنے پر مجبور ہوئے بلکہ ایک عرصے تک حج و عمرہ کی سعادت حاصل کرنے سے محروم بھی رہے۔

            الَّذِیْ جَعَلْنٰہُ لِلنَّاسِ سَوَآءَ  الْعَاکِفُ فِیْہِ وَالْبَادِ:   «جس کو ہم نے سب لوگوں کے لیے مساوی قرار دیا ہے، خواہ اس میں مقیم ہوں یا باہر سے آنے والے۔»

            ان دونوں اقسام کے لوگوں کے لیے «مقیم» اور «آفاقی» کی اصطلاحات استعمال ہوتی ہیں۔ چنانچہ مقیم ہو یا آفاقی حرم کے اندر سب کے حقوق برابر ہیں، کسی کو کسی پر ترجیح یا برتری نہیں دی جا سکتی۔ اب بھی وہاں پر یہ مساوات برقرار ہے۔ باہر سے آنے والا کوئی شخص پہلی صف میں بیٹھا ہو تو اسے کوئی وہاں سے نہیں اٹھا سکتا۔ البتہ کوئی ناجائز طریقے سے اپنے لیے کوئی رعایت حاصل کر لے یا حکومتی سطح پر کسی کو وی آئی پی قرار دے کر دوسروں کے حقوق متأثر کیے جائیں تو یہ الگ بات ہے۔

            وَمَنْ یُّرِدْ فِیْہِ بِاِلْحَادٍ بِظُلْمٍ:   «اور جو کوئی ارادہ کرے اس میں کسی ٹیڑھی راہ کا ظلم کے ساتھ»

            بیت اللہ کے اندر جو کوئی اپنی شرارتِ نفس کی بنا پر یا ظلم و ناانصافی کی روش پر چلتے ہوئے کسی بے دینی کے ارتکاب، کوئی کجی پیدا کرنے یا لوگوں کو سیدھے راستے سے ہٹانے کی کوشش کرے گا:   

            نُّذِقْہُ مِنْ عَذَابٍ اَلِیْمٍ:   «اسے ہم مزہ چکھائیں گے درد ناک عذاب کا۔» 

 آیت ۵۲:  یَوْمَ یَدْعُوْکُمْ فَتَسْتَجِیْبُوْنَ بِحَمْدِہ:   «جس دن وہ تمہیں پکارے گا تو تم (اُس کی پکار پر) لبیک کہو گے اُس کی حمد کرتے ہوئے»

            جب وہ گھڑی آئے گی اور تمہارا خالق تمہیں قبروں سے باہر آنے کے لیے بلائے گا تو تمہاری ہڈیاں اور تمہارے جسموں کے بکھرے ذرات سب سمٹ کر پھر سے زندہ انسانوں کا روپ دھار لیں گے اور تم اس کی حمد کرتے ہوئے اس کی پکار کی تعمیل میں بھاگے چلے جا رہے ہو گے۔

              وَتَظُنُّوْنَ اِنْ لَّبِثْتُمْ اِلاَّ قَلِیْلاً:  «اور تم گمان کرو گے کہ تم نہیں رہے مگر بہت تھوڑا (عرصہ)۔»

            اس وقت تمہیں دُنیا اور عالم برزخ (قبر) میں اپنابیتا ہوا زمانہ ایسے لگے گا جیسے کہ چند گھڑیاں ہی تم وہاں گزار کر آئے ہو۔ 

 آیت ۷۱:  یَوْمَ نَدْعُوْا کُلَّ اُنَاسٍ بِاِمَامِہِمْ:   «جس دن ہم بلائیں گے تمام انسانوں کو ان کے سرداروں کے ساتھ۔»

            پھر ذرا اُس دن کا خیال کرو جس دن تمام انسانوں کو اللہ تعالیٰ کے حضور پیشی کے لیے اس طرح بلایا جائے گا کہ ہر گروہ اپنے راہنما یا لیڈر کے ساتھ حاضر ہو گا۔  پچھلی آیات میں تمام مخلوق پر انسا ن کی فضیلت کا ذکر کیا گیا ہے۔  چنانچہ جب انسان کو اس کائنات میں اس قدر اعلیٰ مقام اور مرتبے سے نوازا گیا ہے تو پھر اس کا محاسبہ بھی ہونا چاہیے: ع «جن کے رتبے ہیں سوا، ان کی سوا مشکل ہے!»

              فَمَنْ اُوْتِی کِتٰبَہُ بِیَمِیْنِہِ فَاُولٰٓئِکَ یَقْرَؤُوْنَ کِتٰبَہُمْ وَلاَ یُظْلَمُوْنَ فَتِیْلاً:   «تو جس کو دیا جائے گا اُس کا اعمال نامہ اس کے داہنے ہاتھ میں تو ایسے لوگ پڑھیں گے اپنے اعمال نامہ کو (خوشی کے ساتھ) اور ان پر ظلم نہ کیا جائے گا دھاگے کے برابر بھی۔» 

 آیت ۷۲:  وَمَنْ کَانَ فِیْ ہٰذِہِٓ اَعْمٰی فَہُوَ فِی الْاٰخِرَۃِ اَعْمٰی وَاَضَلُّ سَبِیْلاً:   «اور جو کوئی اس دنیا میں اندھا رہا وہ آخرت میں بھی اندھا ہو گا، اور راہ سے بہت دور بھٹکا ہوا۔»

            جس شخص نے اس دنیا میں اپنی پوری زندگی حیوانوں کی طرح گزار دی، جس کا دیکھنا اور سننا حیوانوں کا سا دیکھنا اور سننا تھا، جس نے نہ تو انفس و آفاق میں بکھری ہوئی اللہ تعالیٰ کی اَن گنت نشانیوں کو چشم بصیرت سے دیکھا نہ ان کے ذریعے سے اپنے خالق و مالک کو پہچانا، اُس نے اپنی زندگی گویا اندھے پن میں گزار دی۔  ایسے شخص کو قیامت کے دن ایسی حالت میں اٹھایا جائے گا کہ وہ اندھا ہو گا۔ اسی اندھے پن سے بچنے کے لیے علامہ اقبال نے کیا خوب نصیحت کی ہے: ع

 «دیدن دگر آموز، شنیدن دگر آموز!» 

 آیت ۹۷:  وَمَنْ یَّھْدِ اللّٰہُ فَھُوَ الْمُھْتَدِ:   «اور جسے اللہ ہدایت دیتا ہے بس وہی ہدایت یافتہ ہوتا ہے»

              وَمَنْ یُّضْلِلْ فَلَنْ تَجِدَ لَہُمْ اَوْلِیَآءَ مِنْ دُوْنِہِ:   «اور جسے وہ گمراہ کر دے تو ہرگز نہیں پائیں گے آپ ایسے لوگوں کے لیے کوئی مدد گار اُس کے سوا۔»

              وَنَحْشُرُہُمْ یَوْمَ الْقِیٰمَۃِ عَلٰی وُجُوْہِہِمْ عُمْیًا وَّبُکْمًا وَّصُمًّا:   «اور ہم انہیں جمع کریں گے قیامت کے دن ان کے مونہوں کے بل (چلاتے ہوئے)، اندھے، گونگے اور بہرے۔»

              مَاْوٰہُمْ جَہَنَّمُ کُلَّمَا خَبَتْ زِدْنٰہُمْ سَعِیْرًا:   «ان کا ٹھکانا جہنم ہے۔ جب بھی اس کی آگ دھیمی ہونے لگے گی ہم اسے ان کے لیے مزید بھڑکا دیا کریں گے۔» 

 آیت ۱۰۴:   وَّقُلْنَا مِنْ بَعْدِہِ لِبَنِیْٓ اِسْرَآئِیْلَ اسْکُنُوا الْاَرْض:   «اور اس کے بعد ہم نے بنی اسرائیل کو حکم دیا کہ تم لوگ زمین میں آباد ہو جاؤ»

              فَاِذَا جَآءَ وَعْدُ الْاٰخِرَۃِ جِئْنَا بِکُمْ لَفِیْفًا:   «پھر جب آئے گا پچھلے وعدے کا وقت تو ہم لے آئیں گے تم سب کو سمیٹ کر۔»

            اکثر وبیشتر مفسرین نے وَعْدُ الْاٰخِرَۃِ سے آخرت یعنی قیامت مراد لی ہے۔  یعنی جب قیامت آئے گی تو تم لوگ جہاں کہیں بھی ہو گے سب کو اکٹھا کر کے ہم میدانِ حشر میں لے آئیں گے۔  لیکن میرے خیال میں ان الفاظ میں یہ اشارہ بھی موجود ہے کہ جب آخرت کا وقت قریب آئے گا تو بنی اسرائیل کو ہر کہیں سے اکٹھا کر کے ایک جگہ جمع کر لیا جائے گا۔  یہ لوگ حضرت عیسیٰ کی تکذیب کر کے بہت بڑے جرم کے مرتکب ہو چکے تھے۔  اس کے بعد نبی آخر الزماں کی رسالت کو جھٹلا کر انہوں نے اپنے اس جرم کی مزید توثیق بھی کر دی۔  چنانچہ اب اللہ تعالیٰ کے نزدیک اس قوم کی حیثیت اس قیدی کی سی ہے جس کو اس کے جرم کی سزا سنائی جا چکی ہو، مگر اس سزا کی تعمیل (execution) ابھی باقی ہو۔

            اس سورت کے نزول کے وقت بنی اسرائیل کے دورِ انتشار (Diaspora) یعنی فلسطین سے بے دخل ہوئے ساڑھے پانچ سو سال ہو چکے تھے۔  پچھلی صدی تک بھی ان کی کیفیت یہ تھی کہ یہ لوگ پوری دنیا میں بکھرے ہوئے تھے۔  چونکہ کسی اجتماعی سزا یا عذاب کے لیے ان کا ایک جگہ اکٹھے ہونا ضروری تھا اس لیے قدرت کی طرف سے اسرائیل کی ریاست کا قیام عمل میں لایا گیا اور  آیت زیر نظر کے الفاظ کے عین مطابق د نیا کے کونے کونے سے تمام یہودیوں کو اکٹھا کر کے یہاں آباد کیا گیا۔  اب اپنے زعم میں تو ان لوگوں نے عظیم تر اسرائیل (Greater Israel) کا منصوبہ اور نقشہ تیار کر رکھا ہے اور عین ممکن ہے ان کا یہ منصوبہ پورا بھی ہو جائے، مگر بالآخریہ عظیم تر اسرائیل ان کے لیے عظیم تر قبرستان ثابت ہو گا (واللہ اعلم!) آخری زمانے میں حضرت عیسیٰ دوبارہ اس دنیا میں تشریف لائیں گے اور آپ ہی کے ہاتھوں اس قوم کی ہلاکت ہو گی۔

            اب آخری آیات میں پھر سے قرآن مجید کا ذکر بڑے عظیم الشان انداز میں آ رہا ہے: 

 آیت ۴۷:   وَیَوْمَ نُسَیِّرُ الْجِبَالَ وَتَرَی الْاَرْضَ بَارِزَۃً:   «اور جس دن ہم چلائیں گے پہاڑوں کو اور تم دیکھو گے زمین کو صاف چٹیل»

            اب قیامت کا نقشہ کھینچا جا رہا ہے کہ اُس دن پہاڑ اپنی جگہ چھوڑ دیں گے، زمین کے تمام نشیب و فراز ختم ہو جائیں گے اور پورا کرۂ ارض ایک صاف چٹیل میدان کی شکل اختیار کر لے گا۔

               وَّحَشَرْنٰہُمْ فَلَمْ نُغَادِرْمِنْہُمْ اَحَدًا:   «اور ہم سب کو جمع کر لیں گے اور ان میں سے کسی ایک کو بھی نہیں چھوڑیں گے۔»

            حضرت آدم سے لے کر آخری انسان تک پیدا ہونے والے نوع انسانی کے تمام افراد کو اُس دن اکٹھا کر لیا جائے گا۔ 

 آیت ۵۲:   وَیَوْمَ یَـقُوْلُ نَادُوْا شُرَکَآءِیَ الَّذِیْنَ زَعَمْتُم:   «اور جس دن وہ کہے گا کہ پکارو میرے ان شریکوں کو جن کا تمہیں زعم تھا»

               فَدَعَوْہُمْ فَلَمْ یَسْتَجِیْبُوْا لَہُمْ وَجَعَلْنَا بَیْنَہُمْ مَّوْبِقًا:   «تو وہ انہیں پکاریں گے مگر وہ انہیں کوئی جواب نہیں دیں گے اور ہم ان کے درمیان ہلاکت (کی گھاٹی) حائل کر دیں گے۔»

            یہ شریک ٹھہرائی جانے والی شخصیات چاہے انبیاء ہوں، اولیاء اللہ ہوں یا فرشتے، روزِ قیامت ان کے اور انہیں شریک ماننے والوں کے درمیان ہلاکت خیز خلیج حائل کر دی جائے گی تا کہ انہیں معلوم ہو جائے کہ وہ ان کی مدد کو نہیں آ سکتے۔ 

 آیت ۵۳:   وَرَاَ الْمُجْرِمُوْنَ النَّارَ فَظَنُّوْٓا اَ نَّہُمْ مُّوَاقِعُوْہَا وَلَمْ یَجِدُوْا عَنْہَا مَصْرِفًا:   «اور مجرم لوگ آگ کو دیکھیں گے اور جان جائیں گے کہ وہ اس میں ڈالے جانے والے ہیں، اور وہ نہیں پائیں گے اس سے بچنے کی کوئی جگہ۔»

 آیت ۳۷:  فَاخْتَلَفَ الْاَحْزَابُ مِنْ بَیْنِہِمْ فَوَیْلٌ لِّلَّذِیْنَ کَفَرُوْا مِنْ مَّشْہَدِ یَوْمٍ عَظِیْمٍ:    «پھر اختلافات پیدا کر لیے (مختلف) گروہوں نے آپس میں۔ تو بربادی ہے ان کافروں کے لیے اس بڑے دن کی پیشی سے۔»

            قیامت کے دن جب اللہ تعالیٰ کے حضور پیشی ہو گی اور تمام حقائق کھل کر سامنے آئیں گے تو حضرت مسیح کے بارے میں بھی حقیقت واضح ہو جائے گی۔ چنانچہ اس بارے میں جن لوگوں نے من گھڑت عقیدے بنائے اور پھر ان غلط عقائد پر ہی جمے رہے حتیٰ کہ اسی حالت میں انہیں موت آ گئی، ایسے لوگوں کے لیے اس دن ہلاکت و بربادی کے سوا کچھ نہیں ہو گا۔ 

 آیت ۳۸:  اَسْمِعْ بِہِمْ وَاَبْصِرْ یَوْمَ یَاْ تُوْنَنَا لٰـکِنِ الظّٰلِمُوْنَ الْیَوْمَ فِیْ ضَلٰلٍ مُّبِیْنٍ :    «کیا ہی اچھا وہ سن رہے ہوں گے اور کیا ہی اچھا وہ دیکھ رہے ہوں گے جس دن وہ ہمارے پاس آئیں گے، لیکن آج یہ ظالم کھلی گمراہی میں مبتلا ہیں۔» 

 آیت ۳۹:  وَاَنْذِرْہُمْ یَوْمَ الْحَسْرَۃِ اِذْ قُضِیَ الْاَمْرُ وَہُمْ فِیْ غَفْلَۃٍ وَّہُمْ لَا یُؤْمِنُوْنَ:   «اور (اے نبی!) آپ انہیں خبردار کر دیجیے اس یومِ حسرت سے، جب ہر معاملے کا فیصلہ کر دیا جائے گا۔ البتہ (اب) یہ لوگ غفلت میں مبتلا ہیں، لہٰذا یہ ایمان نہیں لائیں گے۔» 

 آیت ۶۸:  فَوَرَبِّکَ لَنَحْشُرَنَّہُمْ وَالشَّیٰطِیْنَ ثُمَّ لَنُحْضِرَنَّہُمْ حَوْلَ جَہَنَّمَ جِثِیًّا:    «تو آپ کے رب کی قسم! ہم ضرور جمع کریں گے انہیں اور تمام شیطانوں کو بھی، پھر ہم ضرور حاضر کریں گے انہیں جہنم کے گرد گھٹنوں کے بل گرے ہوئے۔» 

 آیت ۶۹:  ثُمَّ لَنَنْزِعَنَّ مِنْ کُلِّ شِیْعَۃٍ اَیُّہُمْ اَشَدُّ عَلَی الرَّحْمٰنِ عِتِیًّا:    «پھر ہم ضرور چھانٹ کر نکال لیں گے ہر گروہ میں سے ہر اس شخص کو جو اُن میں سب سے زیادہ سخت تھا رحمن کے خلاف سرکشی میں۔»

             اس اجتماع میں سے ہر ہر گروہ کے ایسے سرکردہ لیڈروں کو چن چن کر علیحدہ کیا جائے گا جو اللہ تعالیٰ کے معاملے میں زیادہ اکڑنے والے تھے اور اس کے مقابلے میں سرکشی اور گستاخی میں پیش پیش رہتے تھے۔ چنانچہ ابو جہل اور عقبہ بن ابی معیط جیسے بڑے بڑے مجرموں کو چھانٹ کر الگ کر لیا جائے گا۔ 

 آیت ۷۰:  ثُمَّ لَنَحْنُ اَعْلَمُ بِالَّذِیْنَ ہُمْ اَوْلٰی بِہَا صِلِیًّا:    «پھر ہم خوب جانتے ہیں ان لوگوں کو جو اس میں پہلے داخل ہونے کے لائق ہوں گے۔» 

آیت ۷۱:  وَاِنْ مِّنْکُمْ اِلَّا وَارِدُہَا کَانَ عَلٰی رَبِّکَ حَتْمًا مَّقْضِیًّا:    «اور تم میں سے کوئی بھی ایسا نہیں جو اس پر وارد نہ ہو۔ یہ آپ کے رب کا حتمی فیصلہ ہے۔»

            اس آیت کا جو مفہوم عام طور پر سمجھا گیا ہے مجھے اس سے اتفاق ہے اور وہ یہ ہے کہ نوعِ انسانی کے تمام افراد کو جہنم کے اوپر «پل صراط» پر سے گزرنا ہو گا۔ گویا یہ وہی «الصراط» ہو گا جسے «صراطِ مستقیم» کہا گیا ہے، جس پر گامزن ہونے کے ہم دعوے دار ہیں۔ یہی صراطِ مستقیم قیامت کے دن «پل صراط» بن جائے گا۔ اہل جنت اُس روشنی میں چلتے ہوئے جو انہیں عطا کی جائے گی بڑی سرعت اور آسانی کے ساتھ پل صراط کو پار کر کے جنت میں داخل ہو جائیں گے، جبکہ اہل جہنم اندھیرے میں ٹھوکریں کھا کھا کر نیچے آگ میں گرتے جائیں گے۔ یہ مضمون سورۃ الحدید اور سورۃ التحریم کے مطالعے کے دوران زیادہ وضاحت سے بیان کیا جائے گا۔ بہر حال آیت زیر نظر کے مطابق ہر انسان کو اس طریقے سے جہنم پر سے گزرنا ہو گا۔ اہل جنت کو اس پر سے گزارنے کا مقصد یہ ہے کہ وہ اپنی آنکھوں سے جہنم کا مشاہدہ کر لیں اور انہیں اندازہ ہو جائے کہ اللہ تعالیٰ نے اپنی رحمت سے ان کی مغفرت کر کے انہیں کس ہولناک انجام سے بچایا ہے۔ 

 آیت ۷۲:  ثُمَّ نُنَجِّی الَّذِیْنَ اتَّقَوْا وَّنَذَرُ الظّٰلِمِیْنَ فِیْہَا جِثِیًّا:    «پھر ہم بچا لے جائیں گے انہیں جنہوں نے تقویٰ کی روش اختیار کی تھی اور چھوڑ دیں گے ظالموں کو اسی میں گھٹنوں کے بل گرے ہوئے۔»

            یعنی اہل ِایمان اور اہل تقویٰ ُپل پر سے گزرتے جائیں گے اور مجرم لوگ نیچے جہنم میں گرتے جائیں گے۔ 

 آیت ۸۵:  یَوْمَ نَحْشُرُ الْمُتَّقِیْنَ اِلَی الرَّحْمٰنِ وَفْدًا:    «(ذرا تصور کریں اُس دن کا) جس دن اہل ِتقویٰ کو ہم جمع کر کے لائیں گے رحمن کی طرف وفود کی صورت میں۔»

            اللہ تعالیٰ کے ہاں اہل تقویٰ کا مہمانوں کی طرح استقبال کیا جائے گا، جیسے سرکاری سطح پر وفود کا استقبال کیا جاتا ہے۔ 

 آیت ۸۶:  وَّنَسُوْقُ الْمُجْرِمِیْنَ اِلٰی جَہَنَّمَ وِرْدًا:    «اور مجرموں کو ہم ہانک کر لے جائیں گے جہنم کی طرف پیاسے۔»

            اُس دن مجرموں کو جانوروں کی طرح ہانک کر جہنم کے گھاٹ پر لے جایا جائے گا، اس حالت میں کہ پیاس کی شدت سے ان کی جان پر بنی ہو گی۔ 

 آیت ۹۳:  اِنْ کُلُّ مَنْ فِی السَّمٰوٰتِ وَالْاَرْضِ اِلَّآ اٰتِی الرَّحْمٰنِ عَبْدًا:    «نہیں ہے کوئی آسمانوں اور زمین میں مگر وہ آئے گا رحمن کے حضور بندے کی حیثیت سے۔»

            ہر انسان، کسے باشد! اللہ تعالیٰ کی عدالت میں ایک مطیع فرمان بندے کی حیثیت سے پیش ہو گا۔ حضور بھی ایک بندے کی حیثیت میں اللہ کے حضور حاضر ہوں گے۔ ہم آپ کو عَبْدُہُ وَرَسُوْلُہ کہتے اور مانتے ہیں۔ آپ کا فرمان ہے: «لِوَاءُ الْحَمَدُ بِیَدِیْ» کہ اس روز میدانِ حشر میں حمد کا جھنڈا میرے ہاتھ میں ہو گا۔ حضور اللہ کی عدالت میں کھڑے ہو کر اس کی حمد بیان کریں گے۔ آپ نے فرمایا کہ اس روز میں اللہ کی جو حمد بیان کروں گا وہ آج بیان نہیں کر سکتا۔ چنانچہ معلوم ہوا کہ اس روز ہر کوئی اللہ کے حضور اللہ کا بندہ بن کر حاضر ہو گا۔ اس میں کسی کو کوئی استثناء حاصل نہیں ہو گا۔ چنانچہ حضرت عیسیٰ سے یہ سوال کیا جائے گا:  یٰعِیْسَی ابْنَ مَرْیَمَ أَ اَنْتَ قُلْتَ لِلنَّاسِ اتَّخِذُوْنِیْ وَاُمِّیَ اِلٰہَیْنِ مِنْ دُوْنِ اللّٰہِ.  (المائدۃ: ۱۱۶) «اے مریم کے بیٹے عیسیٰ! کیا تم نے کہا تھا لوگوں سے کہ مجھے اور میری ماں کو بھی معبود بنا لینا، اللہ کے سوا؟» 

 آیت ۹۴:  لَقَدْ اَحْصٰٹہُمْ وَعَدَّہُمْ عَدًّا:    «اُس نے ان سب کا احاطہ کر رکھا ہے اور پوری پوری گنتی کر رکھی ہے۔»

            ان میں سے ایک ایک اس کی نظر میں ہے۔ وہ سب انسانوں کا پوری طرح احاطہ کیے ہوئے ہے۔ کوئی ایک فرد بھی اس سے بچ کر کہیں اِدھر اُدھر نہیں ہو سکے گا۔ 

 آیت ۹۵:  وَکُلُّہُمْ اٰتِیْہِ یَوْمَ الْقِیٰمَۃِ فَرْدًا:    «اور قیامت کے دن سب کے سب آنے والے ہیں اس کے پاس اکیلے اکیلے۔»

            اس دن ہر فرد کا محاسبہ ذاتی حیثیت میں ہو گا۔ نہ ماں باپ ساتھ ہوں گے، نہ اولاد، نہ بہن بھائی۔ نہ شوہر کے ساتھ بیوی اور نہ بیوی کے ساتھ شوہر۔ نہ کوئی حمایتی، نہ مددگار، نہ کوئی سفارشی۔ ہر طرف نفسی نفسی کا شور ہو گا، ہرشخص کو فکر ہو گی تو صرف اپنی جان کی!

            میری کتاب «سابقہ اور موجودہ مسلمان اُمتوں کا ماضی، حال اور مستقبل» کے ایک باب کا عنوان ہے: «قرآن کا قانونِ عذاب»، اس باب میں دی گئی تفصیل کا خلاصہ یہ ہے کہ اللہ تعالیٰ کا اجتماعی عذاب جو قوموں پر آتا ہے وہ صرف دنیا میں آتا ہے، آخرت کا عذاب فرداً فرداً ہو گا۔ یعنی قوموں کا اجتماعی محاسبہ دنیا میں کیا جاتا ہے جبکہ آخرت میں ہر شخص کا محاسبہ اس کی ذاتی اور انفرادی حیثیت میں ہو گا۔ 

 آیت ۱۰۰:  مَنْ اَعْرَضَ عَنْہُ فَاِنَّہُ یَحْمِلُ یَوْمَ الْقِیٰمَۃِ وِزْرًا:   «جس کسی نے اس (قرآن) سے اعراض کیا تو وہ قیامت کے دن ایک بھاری بوجھ اٹھائے گا۔»

 آیت ۱۰۱:  خٰلِدِیْنَ فِیْہِ وَسَآءَ لَہُمْ یَوْمَ الْقِیٰمَۃِ حِمْلًا:   «یہ لوگ اس (کیفیت) میں ہمیشہ رہیں گے، اور ان کے لیے بہت برا ہو گا قیامت کے دن کا وہ بوجھ۔»

 آیت ۱۰۲:  یَّوْمَ یُنْفَخُ فِی الصُّوْرِ وَنَحْشُرُ الْمُجْرِمِیْنَ یَوْمَئِذٍ زُرْقًا:   «جس دن صور پھونکا جائے گا اور ہم مجرموں کو اس دن اکٹھا کریں گے (اس حالت میں) کہ ان کی آنکھیں نیلی پڑی ہوں گی۔»

            انتہائی خوف کی کیفیت میں انسان کی آنکھوں میں نیلاہٹ پیدا ہو جاتی ہے۔ چنانچہ اس دن خوف اور دہشت سے مجرموں کی آنکھیں نیلی پڑ چکی ہوں گی۔ 

 آیت ۱۰۳:  یَّتَخَافَتُوْنَ بَیْنَہُمْ اِنْ لَّبِثْتُمْ اِلَّا عَشْرًا:   «چپکے چپکے وہ ایک دوسرے سے کہہ رہے ہوں گے کہ تم نہیں رہے ہو (دنیا میں) مگر صرف دس دن۔»

 آیت ۱۰۴:  نَحْنُ اَعْلَمُ بِمَا یَقُوْلُوْنَ اِذْ یَقُوْلُ اَمْثَلُہُمْ طَرِیْقَۃً اِنْ لَّبِثْتُمْ اِلَّا یَوْمًا:   «ہم خوب جانتے ہیں جو کچھ وہ کہیں گے، جب ان میں سے بہترین سمجھ بوجھ والا شخص کہے گا کہ تم نہیں رہے ہو مگر (زیادہ سے زیادہ) ایک دن۔»

            اَمْثَلْ: کے معنی مثالی کے ہیں، یعنی ان میں سے بہترین طریقے والا، انتہائی شائستہ، مہذب (cultured) اور سب سے زیادہ پڑھا لکھا شخص۔ یہ گویا ان کا لال بجھکڑ ہو گا جو دنیا میں بزعم خود مثالی شخصیت کا مالک اور دانشور تھا۔ یہی ترکیب قبل ازیں آیت: ۶۳ میں بھی ہم پڑھ چکے ہیں۔ وہاں فرعون کا وہ بیان نقل ہوا تھا جس میں اس نے اپنے ملک کے آئین و تمدن کو «طَرِیْقَتِکُمُ الْـمُثْلٰی» قرار دیا تھا۔

            یہاں پر حضرت موسیٰ کے حالات پر مشتمل پانچ رکوع اختتام پذیر ہوئے۔ اس سے آگے سورۃ کے اختتام تک وہی مضامین ہیں جو عام طور پر مکی سورتوں میں ملتے ہیں۔ 

 آیت ۱۰۵:  وَیَسْئَلُوْنَکَ عَنِ الْجِبَالِ:   «اور (اے نبی!) یہ لوگ آپ سے پہاڑوں کے بارے میں پوچھتے ہیں»

            واقعاتِ قیامت کے سلسلے میں جب آپ ان کو بتاتے ہیں کہ روزِ محشر روئے زمین ایک صاف اور ہموار میدان کا نقشہ پیش کرے گی تو یہ لوگ سوال کرتے ہیں کہ اتنے بڑے بڑے پہاڑی سلسلوں کا کیا بنے گا؟ وہ کہاں چلے جائیں گے؟

            فَقُلْ یَنْسِفُہَا رَبِّیْ نَسْفًا:   «آپ کہہ دیجیے کہ میرا رب ان کو ریزہ ریزہ کر کے بکھیر دے گا۔»

 آیت ۱۰۶:  فَیَذَرُہَا قَاعًا صَفْصَفًا:   «اور چھوڑ دے گا اس (زمین) کو صاف چٹیل میدان بنا کر۔»

 آیت ۱۰۷:  لَّا تَرٰی فِیْہَا عِوَجًا وَّلَآ اَمْتًا:   «آپ نہ تو اس میں کوئی ٹیڑھ دیکھیں گے اور نہ کوئی ٹیلا۔»

            تب زمین ایک ہموار چٹیل میدان کی صورت اختیار کر جائے گی اور دیکھنے والا اس میں کوئی نشیب و فراز محسوس نہیں کرے گا۔ 

 آیت ۱۰۸:  یَوْمَئِذٍ یَّتَّبِعُوْنَ الدَّاعِیَ لَا عِوَجَ لَہُ:   «جس دن پیچھے چل پڑیں گے سب لوگ ایک پکارنے والے کے، ممکن نہیں کہ اس سے ذرا کج ہو سکیں۔»

            تمام انسانوں کو اس دن جب اکٹھے ہونے کے لیے پکارا جائے گا تو ہر کوئی اس پکار پر لبیک کہے گا۔ کسی کے لیے ممکن نہیں ہوگا کہ اس حکم کو نظر انداز کر کے اِدھر اُدھر ہو سکے۔

            وَخَشَعَتِ الْاَصْوَاتُ لِلرَّحْمٰنِ فَلَا تَسْمَعُ اِلَّا ہَمْسًا:   «اور تمام آوازیں رحمن کے سامنے پست ہو جائیں گی، چنانچہ تم نہیں سن سکو گے مگر ایک بھنبھناہٹ سی۔»

 آیت ۱۰۹:  یَوْمَئِذٍ لَّا تَنْفَعُ الشَّفَاعَۃُ اِلَّا مَنْ اَذِنَ لَہُ الرَّحْمٰنُ وَرَضِیَ لَہُ قَوْلًا:   «اس دن کوئی شفاعت ہر گز مفید نہیں ہو گی مگر جس کے لیے رحمن نے اجازت دی ہو، اور اس کے لیے اس نے بات پسند کی ہو۔»

 آیت ۱۱۰:  یَعْلَمُ مَا بَیْنَ اَیْدِیْہِمْ وَمَا خَلْفَہُمْ وَلَا یُحِیْطُوْنَ بِہِ عِلْمًا:   «وہ جانتا ہے جو کچھ ان کے سامنے ہے اور جو کچھ ان کے پیچھے ہے اور وہ احاطہ نہیں کر سکتے اُس کے علم کا۔»

            یہی بات سورۃ البقرۃ، آیت: ۲۵۵ (آیت الکرسی) میں الفاظ کے تھوڑے سے فرق کے ساتھ اس طرح بیان فرمائی گئی ہے:  یَعْلَمُ مَا بَیْنَ اَیْدِیْہِمْ وَمَا خَلْفَہُمْ وَلاَ یُحِیْطُوْنَ بِشَیْئٍ مِّنْ عِلْمِہِٓ اِلاَّ بِمَا شَآءَ:   «وہ جانتا ہے جو کچھ ان کے سامنے ہے اور جو کچھ ان کے پیچھے ہے، اور وہ احاطہ نہیں کر سکتے اس کے علم کا کچھ بھی، مگر یہ کہ جو وہ خود چاہے۔»

 آیت ۱۱۱:  وَعَنَتِ الْوُجُوْہُ لِلْحَیِّ الْقَیُّوْمِ:   «اور سب کے چہرے جھکے ہوئے ہوں گے اُس ہستی کے حضور جو الحی القیوم ہے۔»

            قرآن مجید کا یہ تیسرا مقام ہے جہاں اللہ تعالیٰ کے یہ دو نام الحي اور القیوم ایک ساتھ آئے ہیں۔ اس سے پہلے سورۃ البقرۃ آیت ۲۵۵ (آیت الکرسی) اور سوره آل عمران آیت: ۲ میں یہ دونوں نام اکٹھے آ چکے ہیں۔ الحی القیوم کے بارے میں عام طور پر خیال کیا جاتا ہے کہ یہ «اسم اللہ الاعظم» یعنی اللہ کا عظیم ترین نام (اسم اعظم) ہے جس کے حوالے سے جو دعا کی جائے وہ ضرور قبول ہوتی ہے۔

            وَقَدْ خَابَ مَنْ حَمَلَ ظُلْمًا:   «اور یقینا خائب و خاسر ہوا وہ جس نے ظلم کا بوجھ اٹھایا۔»

            یعنی کسی طرح کے شرک کا مرتکب ہوا۔

 آیت ۱۱۲:  وَمَنْ یَّعْمَلْ مِنَ الصّٰلِحٰتِ وَہُوَ مُؤْمِنٌ فَلَا یَخٰفُ ظُلْمًا وَّلَا ہَضْمًا:   «اور جس کسی نے نیک اعمال کیے ہوں گے اور وہ مؤمن ہو گا تو اسے نہ کسی بے انصافی کا اندیشہ ہو گا اور نہ کسی زیادتی کا۔»

 آیت ۱۲۴:  وَمَنْ اَعْرَضَ عَنْ ذِکْرِیْ فَاِنَّ لَہُ مَعِیْشَۃً ضَنْکًا:   «اور جس نے میری یاد سے اعراض کیا تو یقینا اس کے لیے ہو گی (دنیا کی) زندگی بہت تنگی والی»

            ایسا شخص دُنیوی زندگی میں اطمینان اور راحت سے محروم کر دیا جائے گا۔ پیاس کے مریض کی طرح (کہ وہ جتنا چاہے پانی پی لے اس کی پیاس ختم نہیں ہوتی) ایسے شخص کی ہوس کبھی ختم نہ ہو گی۔ کروڑوں حاصل کر کے بھی مزید کروڑوں کی خواہش اس کا چین اور اطمینان غارت کیے رکھے گی۔

            وَّنَحْشُرُہُ یَوْمَ الْقِیٰمَۃِ اَعْمٰی:   «اور ہم اٹھائیں گے اسے قیامت کے دن اندھا (کر کے)۔»

 آیت ۱۲۵:  قَالَ رَبِّ لِمَ حَشَرْتَنِیْٓ اَعْمٰی وَقَدْ کُنْتُ بَصِیْرًا:   «وہ کہے گا: اے میرے پروردگار! تو نے مجھے اندھا کیوں اٹھایا ہے، جبکہ میں (دنیا میں) تو بینائی والا تھا۔»

 آیت ۱۲۶:  قَالَ کَذٰلِکَ اَتَتْکَ اٰیٰتُنَا فَنَسِیْتَہَا وَکَذٰلِکَ الْیَوْمَ تُنْسٰی:   «اللہ فرمائے گا کہ اسی طرح ہماری آیات تمہارے پاس آئیں تو تم نے انہیں نظر انداز کر دیا، اور اسی طرح آج تمہیں بھی نظرانداز کر دیا جائے گا۔»

 آیت ۴۰:  بَلْ تَاْتِیْہِمْ بَغْتَۃً فَتَبْہَتُہُمْ:   «بلکہ وہ (قیامت) ان پر اچانک آئے گی اورانہیں مبہوت کر دے گی»

            یعنی ان کے ہوش کھو دے گی۔ یہ وہی لفظ (ب ہ ت) ہے جو البقرہ: ۲۵۸ میں نمرود کے بارے میں آیا ہے:    فَبُہِتَ الَّذِیْ کَفَرَ:   «تو (یہ سن کر) وہ کافر ہکا بکا رہ گیا۔»

            فَلَا یَسْتَطِیْعُوْنَ رَدَّہَا وَلَا ہُمْ یُنْظَرُوْنَ:   «تو نہ ان کی استطاعت ہو گی اس (قیامت یا عذاب) کو ٹالنے کی اور نہ ہی انہیں کوئی مہلت ملے گی۔» 

 آیت ۱۰۳:  لَا یَحْزُنُہُمُ الْفَزَعُ الْاَکْبَرُ:   «وہ بڑی گھبراہٹ انہیں پریشان نہیں کرے گی»

            قیامت کی صورت حال بہت ہی بھیا نک ہو گی۔ اگلی سورت ( سورۃ الحج) کے آغاز میں قیامت کی ہولناک کیفیت کا ذکر یوں کیا گیا ہے: یٰٓاَیُّہَا النَّاسُ اتَّقُوْا رَبَّکُمْ اِنَّ زَلْزَلَۃَ السَّاعَۃِ شَیْئٌ عَظِیْمٌ :   «اے لوگو! اپنے رب کا تقویٰ اختیار کرو۔ قیامت کا زلزلہ یقینا بہت بڑی چیز ہے»۔ لیکن آیت زیر نظر میں یہ خوشخبری دی گئی ہے کہ اللہ کے نیک بندوں کو اس سے کوئی تکلیف اور پریشانی نہیں ہوگی۔

            «فزع اکبر» سے مراد یہاں صرف قیامت کے دن کی سختیاں ہی نہیں بلکہ زمانہ ٔ قرب قیامت کی سختیاں بھی ہیں۔ اس صورتِ حال کا ذکر احادیث میں کافی تفصیل سے ملتا ہے۔ اِن تفصیلات کے مطابق قربِ قیامت کے زمانہ میں مسلمانوں کو عیسائیوں اور یہودیوں کے خلاف ایک بہت خوفناک جنگ لڑنا ہو گی۔ اس جنگ کے کئی مراحل ہوں گے۔ مسلمانوں کو اس میں بہت بڑے نقصان کا سامنا کرنا پڑے گا، لیکن اللہ کی خصوصی مدد مسلمانوں کے شامل ِحال ہو گی۔ اللہ کی یہ مدد ظاہری اور مادی اسباب کی صورت میں بھی سامنے آئے گی۔ انہی اسباب میں سے ایک سبب سرزمین عرب میں ایک مجدد امام مہدی کا ظہور بھی ہو گا۔ پھر جب حضرت مسیح کا نزول ہو گا تو مسلمان حضرت مسیح اور امام مہدی کی قیادت میں عیسائیوں اور یہودیوں کے اتحاد کا مقابلہ کریں گے۔ اس سے پہلے خراسان اور افغانستان کے علاقوں میں (میرے اندازے کے مطابق اس میں پاکستان کا علاقہ بھی شامل ہوگا) اسلامی حکومت قائم ہو چکی ہو گی اور اس حکومت کی طرف سے مذکورہ جنگ میں مسلمانوں کی مدد کے لیے افواج بھیجی جائیں گی۔ اس جنگ میں مسلمانوں کی کامیابی کے بعد آزمائش کا آخری مرحلہ یا جوج اور ماجوج کی یلغار کی صورت میں سامنے آئے گا۔ اس کے بعد اسلام کا غلبہ ہو گا اور پوری دنیا میں خلافت علیٰ منہاج النبوۃ قائم ہو جائے گی، جو لگ بھگ چالیس سال (مختلف روایات میں مختلف مدت مذکور ہے) تک رہے گی۔ یہ محمد رسول اللہ کی اُمت کا پانچواں دور ہو گا، جس کی خبر احادیث میں دی گئی ہے۔ حضرت نعمان بن بشیر حضرت حذیفہ سے روایت کرتے ہیں کہ رسول اللہ نے ارشاد فرمایا:   

((تَـکُوْنُ النُّـبُوَّۃُ فِیْکُمْ مَا شَاءَ اللّٰہُ اَنْ تَـکُوْنَ، ثُمَّ یَرْفَعُھَا اِذَا شَاءَ اَنْ یَّرْفَعَھَا، ثُمَّ تَـکُوْنُ خِلاَفَـۃً عَلٰی مِنْھَاجِ النُّـبُوَّۃِ، فَـتَـکُوْنُ مَا شَاءَ اللّٰہُ اَنْ تَـکُوْنَ، ثُمَّ یَرْفَعُھَا اِذَا شَاءَ اللّٰہُ اَنْ یَّرْفَعَھَا، ثُمَّ تَـکُوْنُ مُلْکًا عَاضًّا، فَـیَـکُوْنُ مَا شَاءَ اللّٰہُ اَنْ یَـکُوْنَ، ثُمَّ یَرْفَعُھَا اِذَا شَاءَ اَنْ یَّرْفَعَھَا، ثُمَّ تَـکُوْنُ مُلْکًا جَبْرِیَّۃً، فَـتَـکُوْنُ مَا شَاءَ اللّٰہُ اَنْ تَکُوْنَ، ثُمَّ یَرْفَعُھَا اِذَا شَاءَ اَنْ یَّرْفَعَھَا، ثُمَّ تَـکُوْنُ خِلَافَۃً عَلٰی مِنْہَاجِ النُّـبُوَّۃِ)) ثُمَّ سَکَتَ.

«دَورِ نبوت تم میں اُس وقت تک رہے گا جب تک اللہ چاہے گا، پھر جب وہ اس کو ختم کرنا چاہے گا اس کو ختم کر دے گا۔ پھر نبوت کی طرز پر خلافت کا دَور ہو گا، پھر وہ دَور رہے گا جب تک اللہ تعالیٰ چاہے گا، پھر وہ اس کو ختم کر دے گا جب وہ اس کو ختم کرنا چاہے گا۔ پھر کاٹ کھانے والی بادشاہت ہو گی۔ وہ دور بھی اُس وقت تک رہے گا جب تک اللہ چاہے گا، پھر جب وہ اس کو ختم کرنا چاہے گا تو ختم کر دے گا۔ پھر جبر کی فرماں روائی ہو گی، وہ رہے گی جب تک اللہ چاہے گا، پھر وہ اس کو ختم کر دے گا جب وہ اسے ختم کرنا چاہے گا۔ پھر نبوت کے طرز پر دوبارہ خلافت قائم ہو گی»۔ پھر آپ خاموش ہو گئے۔

            اس حدیث کی رو سے پہلا دور دورِ نبوت، دوسرا دوردورِ خلافت علیٰ منہاج النبوۃ، تیسرا دور ظالم ملوکیت کا دور، چوتھا غلامی والی ملوکیت کا دور، جبکہ پانچواں اور آخری دور پھر خلافت علیٰ منہاج النبوۃ کا ہے۔ اس خلافت کی خبر آپ نے اس حدیث میں بھی دی ہے جو حضرت ثوبان hسے مروی ہے۔ فرمایا:   

((اِنَّ اللّٰہَ زَوٰی لِيَ الْاَرْضَ فَرَاَیْتُ مَشَارِقَھَا وَمَغَارِبَھَا، وَاِنَّ اُمَّتِیْ سَیَبْلُغُ مُلْکُھَا مَا زُوِیَ لِیْ مِنْھَا))

«اللہ تعالیٰ نے مجھے پوری زمین کو لپیٹ کر (یا سکیڑ کر) دکھا دیا۔ چنانچہ میں نے اس کے سارے مشرق بھی دیکھ لیے اور تمام مغرب بھی۔ اور یقین رکھو کہ میری اُمت کی حکومت ان تمام علاقوں پر قائم ہو کر رہے گی جو مجھے لپیٹ کر (یا سکیڑ کر) دکھائے گئے۔»

اسی طرح حضرت مقداد بن الاسود سے روایت ہے کہ انہوں نے رسول اللہ کو فرماتے ہوئے سنا:  

 ((لاَ یَبْقٰی عَلٰی ظَھْرِ الْاَرْضِ بَیْتُ مَدَرٍ وَلَا وَبَرٍ اِلاَّ اَدْخَلَہُ اللّٰہُ کَلِمَۃَ الْاِسْلَامِ بِعِزِّ عَزِیْزٍ اَوْذُلِّ ذَلِیْلٍ ---- اِمَّا یُعِزُّھُمُ اللّٰہُ عَزَّوَجَلَّ فَیَجْعَلُھُمْ مِنْ اَھْلِھَا اَوْ یُذِلُّھُمْ فَـیَدِیْنُوْنَ لَھَا))---- قُلْتُ:   «فَـیَکُوْنَ الدِّیْنُ کُلُّہُ لِلّٰہِ».

 «روئے ارضی پر نہ کوئی اینٹ گارے کا بنا ہوا گھر باقی رہے گا نہ کمبلوں کا بنا ہوا خیمہ جس میں اللہ اسلام کو داخل نہیں کر دے گا، خواہ کسی عزت والے کے اعزاز کے ساتھ خواہ کسی مغلوب کی مغلوبیت کی صورت میں ---- (یعنی) یا لوگ اسلام قبول کر کے خود بھی عزت کے مستحق بن جائیں گے یا اسلام کی بالادستی تسلیم کر کے اس کی فرماں برداری قبول کرنے پرمجبور ہو جائیں گے۔» میں (راوی) نے کہا: تب تو سارے کا سارا دین اللہ کے لیے ہو جائے گا۔»

            بہر حال قرآن میں موجود «بین السطور» اشاروں اور احادیث میں وارد صریح پیشین گوئیوں کے مطابق قیامت سے پہلے ان واقعات کا رونما ہونا طے ہے، اس میں کسی شک و شبہ کی گنجائش نہیں۔ البتہ اس بارے میں یقین سے کچھ نہیں کہا جا سکتا کہ واقعات کے اس سلسلے کا آغاز کب ہو گا۔

            اس کے بعد قیامت کا مرحلہ ہو گا، لیکن قیامِ قیامت سے قبل ایک خوشگوار ہوا چلے گی جس سے تمام ِاہل ایمان پر موت طاری ہو جائے گی۔ اس مرحلے کے بعد صرف فساق و فجار ہی دنیا میں باقی رہ جائیں گے اور انہی لوگوں پر قیامت قائم ہو گی۔ حضرت عبداللہ بن مسعود سے روایت ہے کہ رسول اللہ نے فرمایا:   

((لَا تَقُوْمُ السَّاعَۃُ اِلاَّ عَلٰی شِرَارِ النَّاسِ))

«قیامت صرف شریر لوگوں پر ہی آئے گی۔»

«الفزع الاکبر» اور «زلزلۃ الساعۃ» کی سختیوں کا سامنا بھی انہی لوگوں کو کرنا ہو گا، جبکہ اللہ تعالیٰ اپنے نیک بندوں کو قیامت سے پہلے سکون و اطمینان کی موت دے کر اس دن کی سختیوں اور ہولناکیوں سے بچالے گا۔

            وَتَتَلَقّٰٹہُمُ الْمَلٰٓئِکَۃُ ہٰذَا یَوْمُکُمُ الَّذِیْ کُنْتُمْ تُوْعَدُوْنَ:   «اور فرشتے ان سے ملاقاتیں کریں گے (یہ کہتے ہوئے کہ) یہ ہے آپ لوگوں کا وہ دن جس کا آپ سے وعدہ کیا گیا تھا۔»

            آج آپ لوگوں کو انعامات سے نوازا جائے گا، آپ کی قدر افزائی ہو گی، خلعتیں پہنائی جائیں گی اور اعلیٰ درجے کی مہمان نوازی ہو گی۔

 آیت ۱۰۴:  یَوْمَ نَطْوِی السَّمَآءَ کَطَیِّ السِّجِلِّ لِلْکُتُبِ:   «جس دن ہم آسمان کو لپیٹ دیں گے جیسے لپیٹا جاتا ہے کاغذوں کا طومار۔»

            یہاں پر «السَّمَوٰت» (جمع) کے بجائے صرف السَّمَآء (واحد) استعمال ہوا ہے، جس سے اس رائے کی گنجائش پیدا ہوتی ہے کہ یہ صرف آسمانِ دنیا کے لپیٹے جانے کی خبر ہے اور یہ کہ قیامت کے زلزلے کا عظیم واقعہ:    اِنَّ زَلْزَلَۃَ السَّاعَۃِ شَیْئٌ عَظِیْمٌ.  (الحج) صرف ہمارے نظامِ شمسی کے اندر ہی وقوع پذیر ہو گا۔ اسی نظام کے اندر موجود کرّے آپس میں ٹکرائیں گے:  وَجُمِعَ الشَّمْسُ وَالْقَمَرُ:   (القیامہ) اور یوں یہ پورا نظام تہہ و بالا ہو جائے گا۔ فرمایا کہ اُس دن ہم آسمان کو اس طرح لپیٹ دیں گے جیسے کتابوں کے طومار(scrolls) لپیٹے جاتے ہیں۔

            کَمَا بَدَاْنَآ اَوَّلَ خَلْقٍ نُّعِیْدُہُ:   «جیسے ہم نے پہلی مرتبہ ابتدا کی تھی (ویسے ہی) ہم اس کا اعادہ کریں گے۔»

            اس صورت حال کو سمجھنے کے لیے Theory of the Expanding Universe کو بھی مد نظر رکھنا چاہیے۔ اس نظریہ (Theory) کے مطابق یہ کائنات مسلسل وسیع سے وسیع تر ہو رہی ہے۔ اس میں موجود ہر کہکشاں مسلسل چکر لگا رہی ہے اور یوں ہر کہکشاں کا دائرہ ہر لحظہ پھیلتا جا رہا ہے۔ اس حوالے سے آیت زیر نظر کے الفاظ سے یہ مفہوم بھی نکلتا ہے کہ قیامت برپا کرنے کے لیے کائنات کے پھیلنے کے اس عمل کو الٹا دیا جائے گا، اور اس طرح یہ پھر سے اسی حالت میں آ جائے گی جہاں سے اس کے پھیلنے کے عمل کا آغاز ہوا تھا۔ اس تصور کو سمجھنے کے لیے گھڑی کے «فَـنّـر» کی مثال سامنے رکھی جا سکتی ہے، جس کا دائرہ اپنے نقطۂ ارتکاز کے گرد مسلسل پھیلتا رہتا ہے، لیکن جب اس میں چابی بھری جاتی ہے تو یہ پھر سے اسی نقطۂ ارتکاز کے گرد لپٹ کر اپنی پہلی حالت پر واپس آ جاتا ہے۔

            وَعْدًا عَلَیْنَا اِنَّا کُنَّا فٰعِلِیْنَ:   «یہ وعدہ ہمارے ذمہ ہے۔ ہم یہ ضرور کر کے رہیں گے۔» 

 آیت ۷۸:  وَجَاہِدُوْا فِی اللّٰہِ حَقَّ جِہَادِہِ:   «اور جہاد کرو اللہ کے لیے جیسا کہ اُس کے لیے جہاد کا حق ہے۔»

            ہُوَ اجْتَبٰـکُمْ:   «اُس نے تمہیں چن لیا ہے»

            اب نبوت محمد ٌرسول اللہ پر ختم ہو چکی ہے۔ آئندہ جبرائیل کسی کے پاس وحی لے کر نہیں آئیں گے۔ انہوں نے جو وحی پہنچانی تھی پہنچا دی ہے اور اللہ تعالیٰ کے تمام احکام محمد نے تم لوگوں تک پہنچا دیے ہیں۔ اب ان احکام کو، اس دعوت کو تمام نوعِ انسانی تک پہنچانے کے لیے اللہ نے تمہارا انتخاب کیا ہے۔ تمام انسانوں میں سے تمہیں چن لیا گیا ہے، اس عظیم الشان مشن کے لیے تمہارا سلیکشن ہو گیا ہے۔ چنانچہ تم اپنے نصیب پر فخر کرو اور اس کام میں لگ جاؤ۔

            وَمَا جَعَلَ عَلَیْکُمْ فِی الدِّیْنِ مِنْ حَرَجٍ:   «اور دین کے معاملے میں تم پر کوئی تنگی نہیں رکھی۔»

            مِلَّۃَ اَبِیْکُمْ اِبْرٰہِیْمَ:   «تمہارے جد امجد ابراہیم کی ملت۔»

            ہُوَ سَمّٰـکُمُ الْمُسْلِمِیْنَ:   «اُسی نے تمہارا نام مسلم رکھا ہے»

            اللہ تعالیٰ نے تم لوگوں کو «مسلم» کا خطاب دیا ہے اور تمہارے جد امجد ابراہیم نے بھی تمہارا یہی نام رکھا تھا۔ سورۃ البقرۃ، آیت: ۱۲۸ میں حضرت ابراہیم کی دعا کے یہ الفاظ نقل ہوئے ہیں:  رَبَّنَا وَاجْعَلْنَا مُسْلِمَیْنِ لَکَ وَمِنْ ذُرِّیَّتِنَآ اُمَّۃً مُّسْلِمَۃً لَّکَ:   «پروردگار! ہمیں بھی اپنا فرمانبردار (مسلم) بنا کر رکھیو اور ہماری اولاد سے بھی ایک اُمت مسلمہ اٹھائیو!»

            مِنْ قَبْلُ وَفِیْ ہٰذَا:   «اس سے پہلے بھی (تمہارا یہی نام تھا) اور اس (کتاب) میں بھی ہے»

            لِیَکُوْنَ الرَّسُوْلُ شَہِیْدًا عَلَیْکُمْ وَتَـکُوْنُوْا شُہَدَآءَ عَلَی النَّاسِ:   «تا کہ پیغمبر تم پر گواہ ہو اور تم لوگوں پر گواہ ہو۔»

            یہ وہی مضمون ہے جو سورۃ البقرۃ کی آیت: ۱۴۳ میں آیا ہے:  وَکَذٰلِکَ جَعَلْنٰکُمْ اُمَّۃً وَّسَطًا لِّتَکُوْنُوْا شُہَدَآءَ عَلَی النَّاسِ وَیَکُوْنَ الرَّسُوْلُ عَلَیْکُمْ شَہِیْدًا:   «اور (اے مسلمانو!) اسی طرح ہم نے تمہیں ایک اُمت ِوسط بنایا ہے، تا کہ تم لوگوں پر گواہ ہو اور رسول تم پر گواہ ہو»۔ صرف یہ فرق ہے کہ وہاں پہلے امت کا ذکر ہے اور پھر رسول کا، جبکہ یہاں پہلے رسول اور بعد میں امت کا ذکر ہے۔ پس اے اہل ایمان! اس ذمہ داری کو اچھی طرح سے سمجھ لو اور اب بسم اللہ کرو! قدم آگے بڑھاؤ! اور دیکھوتمہارا سب سے پہلا قدم کون سا اٹھنا چاہیے:  

            فَاَقِیْمُوا الصَّلٰوۃَ وَاٰتُوا الزَّکٰوۃَ وَاعْتَصِمُوْا بِاللّٰہِ:   «پس نماز قائم کرو اور زکوٰۃ ادا کرو، اور اللہ کے ساتھ چمٹ جاؤ۔»

            اللہ تمہارا حمایتی اور پشت پناہ ہے، تم اس کے دامن سے وابستہ ہو جاؤ۔

            ہُوَ مَوْلٰکُمْ فَنِعْمَ الْمَوْلٰی وَنِعْمَ النَّصِیْرُ:   «وہ تمہارا مولیٰ ہے، تو کیا ہی اچھا ہے وہ مولیٰ اور کیا ہی اچھا ہے مددگار!»

            «مولیٰ» کے مفہوم میں آقا، حمایتی، پشت پناہ، ملجا و ماویٰ اور مرجع کے معانی شامل ہیں۔

            اس رکوع کے مضامین بہت اہم ہیں، اس لیے میں چاہتا ہوں کہ اس کے اہم نکات ایک دفعہ پھر ذہن میں تازہ کر لیے جائیں۔ اس رکوع میں پہلا سبق توحید سے متعلق ہے اور اس کا لب لباب یہ ہے کہ ایک انسان کا مطلوبِ حقیقی، محبوبِ حقیقی اور مقصودِ اصلی صرف اور صرف اللہ ہی ہو۔ اس کے بعد دوسرا نکتہ رسالت سے متعلق ہے۔ محمد ٌرسول اللہ کی بعثت تک رسالت کا سلسلہ صرف دو واسطوں پر مشتمل تھا، یعنی رسولِ ملک اور رسولِ بشر۔ لیکن اب دور محمدی میں ایک تیسرے واسطے کا اضافہ کیا گیا اور اُمت مسلمہ کو بھی ایک مستقل کڑی کے طور پر رسالت کے سلسلۃ الذہب ( سنہری زنجیر) میں منسلک کر دیا گیا ہے۔ اس ذمہ داری کے لیے امت مسلمہ کے انتخاب کا ذکر اللہ تعالیٰ نے اس رکوع (آیت: ۷۸) میں (ہُوَ اجْتَبٰـکُمْ) کے الفاظ سے کیا ہے، جبکہ قبل ازیں آیت: ۷۵ میں رسولِ ملک اور رسولِ بشر کے لیے «اِصطِفاء» کا لفظ استعمال ہوا ہے:  اَللّٰہُ یَصْطَفِیْ مِنَ الْمَلٰٓئِکَۃِ رُسُلًا وَّمِنَ النَّاسِ۔ اِصْطِفاء اور اِجْتِباء دونوں الفاظ معنی کے اعتبار سے آپس میں ملتے جلتے ہیں اور خود حضور کے لیے (محمد مصطفی اور احمد مجتبیٰ) بھی مستعمل ہیں۔

            اس رکوع کا تیسرا مضمون «شہادت علی الناس» کے بارے میں ہے۔ اس ضمن میں سورۃ الحج کی آیت: ۷۸ کے الفاظ کی سورۃ البقرۃ کی آیت: ۱۴۳ کے الفاظ سے بہت قریبی مشابہت ہے، بلکہ دونوں مقامات پر الفاظ ایک جیسے ہیں، صرف ترتیب کا فرق ہے۔ سورۃ البقرۃ کی  آیت ۱۴۳ کے الفاظ یہ ہیں:  لِتَـکُوْنُوْا شُہَدَآءَ عَلَی النَّاسِ وَیَکُوْنَ الرَّسُوْلُ عَلَیْکُمْ شَہِیْدًا:   جبکہ سورۃ الحج کی آیت: ۷۸ میں الفاظ کی ترتیب یوں ہے:  لِیَکُوْنَ الرَّسُوْلُ شَہِیْدًا عَلَیْکُمْ وَتَکُوْنُوْا شُہَدَآءَ عَلَی النَّاسِ:   (مضمون اور الفاظ کے اعتبار سے جو نسبت ان دو آیات کی آپس میں ہے بالکل وہی نسبت سورۃ النساء کی آیت: ۱۳۵ کے ان الفاظ:  یٰٓــاَیُّہَا الَّذِیْنَ اٰمَنُوْا کُوْنُوْا قَوّٰمِیْنَ بِالْقِسْطِ شُہَدَآءَ لِلّٰہ کی سورۃ المائدۃ کی آیت: ۸ کے ان الفاظ:  یٰٓـاَیُّہَا الَّذِیْنَ اٰمَنُوْا کُوْنُوْا قَوّٰمِیْنَ لِلّٰہِ شُہَدَآءَ بِالْقِسْطِ: کے ساتھ ہے۔)

            چنانچہ اس اعتبار سے اُمت مسلمہ پر شہادت علی الناس اور پیغامِ رسالت کی دعوت و تبلیغ کی بھاری ذمہ داری عائد ہوتی ہے، جس کے بارے میں قیامت کے دن بہت سخت جواب دہی ہو گی۔ اس جواب دہی کے بارے میں سورۃ الاعراف کی یہ آیت بہت واضح ہے: فَلَنَسْئَلَنَّ الَّذِیْنَ اُرْسِلَ اِلَیْہِمْ وَلَنَسْئَلَنَّ الْمُرْسَلِیْنَ۔ چنانچہ وہاں اُمت ِمسلمہ سے بحیثیتِ مجموعی جواب طلبی ہو گی کہ تم لوگوں نے اپنی اس ذمہ داری کو کس حد تک نبھایا تھا؟ یعنی جو دین تم لوگوں تک آخری نبی کے ذریعے پہنچا تھا کیا تم لوگوں نے اسے پوری نوع انسانی تک پہنچا دیا تھا؟ اور اگر یہ ذمہ داری اُمت نے کما حقہ پوری نہیں کی ہو گی تو پوری امت بحیثیت ِمجموعی مجرم قرار پائے گی۔ اور چونکہ آج اُمت مسلمہ مجموعی طور پر اپنی اس ذمہ داری کا حق ادا نہیں کر رہی ہے اس لیے اپنے اسی جرم کی پاداش میں اجتماعی طور پر ذلیل و خوار ہو رہی ہے۔ اور بقول علامہ اقبال آج اس کی کیفیت یہ ہے کہ:   ع

حمیت نام تھا جس کا، گئی تیمور کے گھر سے!

            دنیا کی ذلت و خواری کی یہی سزا اس سے پہلے بنی اسرائیل کو ان کے اجتماعی جرائم کی پاداش میں مل چکی ہے، جس کا ذکر سورۃ البقرۃ کی آیت: ۶۱ میں اس طرح آیا ہے:  وَضُرِبَتْ عَلَیْہِمُ الذِّلَّۃُ وَالْمَسْکَنَۃُ وَبَآؤُوْ بِغَضَبٍ مِّنَ اللّٰہِ۔ اس لیے کہ اجتماعی جرائم کی سزا قوموں کو دنیا میں ہی دے دی جاتی ہے۔

            اُمت ِمسلمہ اجتماعی طور پر تو اس سلسلے میں قصور وار ہے ہی، مگر اُخروی محاسبے کے دوران ہر شخص اپنی انفرادی حیثیت میں بھی جواب دہ ہو گا۔ چنانچہ اس کے لیے ہم میں سے ہر شخص کو فکر مند ہونا چاہیے کہ وہ اپنے اوپر عائد ہونے والے اس فرض کو کس حد تک نبھا رہا ہے اور قیامت کے دن اس نے اس سلسلے میں کیا جواب دینا ہے۔ کیا وہ اپنی دنیا کی زندگی میں صرف دولت کمانے اور جائیدادیں بنانے کے ایک کبھی نہ ختم ہونے والے چکر میں پڑا رہا یا اُس نے دعوتِ قرآن اور تبلیغ دین کے فریضہ کو ادا کرنے کی بھی کوشش کی اور اپنی دولت، صلاحیتوں اور جان کی قربانیوں کے ذریعے استطاعت بھر اس کام میں بھی اپنا حصہ ڈالا؟

*** بارک اللّٰہ لي ولکم في القرآن العظیم، ونفعني وایاکم بالآیات والذِّکر الحکیم ***

 آیت ۱۰۰: لَعَلِّیْٓ اَعْمَلُ صَالِحًا فِیْمَا تَرَکْتُ کَلَّا: «تا کہ جو کچھ میں چھوڑ کر آیا ہوں اس میں نیک کام کروں۔ ہر گز نہیں!»

            اے میرے پروردگار! اب اگر تو مجھے واپس دنیا میں بھیج دے تو میں اپنے مال و اسباب کو تیرے راستے میں اور تیرے دین کی خدمت میں لٹا دوں گا!

            : اِنَّہَا کَلِمَۃٌ ہُوَ قَآئِلُہَا: «یہ محض ایک بات ہے جو وہ کہے گا۔»

            : وَمِنْ وَّرَآهمْ بَرْزَخٌ اِلٰی یَوْمِ یُبْعَثُوْنَ: «اور اب ان کے پیچھے ایک برزخ حائل ہے اس دن تک جب وہ اٹھائے جائیں گے۔»

            موت کے بعد تو اب بعث بعد الموت تک ان کے لیے عالم برزخ کی زندگی ہے۔ 

 آیت ۱۰۱: فَاِذَا نُفِخَ فِی الصُّوْرِ فَلَآ اَنْسَابَ بَیْنَہُمْ یَوْمَئِذٍ وَّلَا یَتَسَآءَلُوْنَ: «پھر جب صور میں پھونک ماری جائے گی تو اُس دن ان میں کوئی نسبی تعلق نہیں رہے گا اور نہ ہی وہ ایک دوسرے کو پوچھیں گے۔»

            اُس دن ہر طرف نفسا نفسی کا عالم ہو گا اور کوئی کسی کا پرسانِ حال نہیں ہو گا: یَوْمَ یَفِرُّ الْمَرْءُ مِنْ اَخِیْہِ وَاُمِّہِ وَاَبِیْہِ  وَصَاحِبَتِہِ وَبَنِیْہِ  لِکُلِّ امْرِیٍٔ مِّنْہُمْ یَوْمَئِذٍ شَاْنٌ یُّغْنِیْہِ: (سوره عبس) «جس دن انسان بھاگے گا اپنے بھائی سے، اور اپنی ماں سے اور اپنے باپ سے، اور اپنی بیوی سے اور اپنے بیٹوں سے۔ جس دن ان میں سے ہر شخص کی ایسی حالت ہو گی جو اسے (دوسروں سے) بے پروا کر دے گی۔» 

آیت ۲۲   یَوْمَ یَرَوْنَ الْمَلٰٓئِکَۃَ لَا بُشْرٰی یَوْمَئِذٍ لِّلْمُجْرِمِیْنَ: ’’جس دن وہ فرشتوں کو دیکھیں گے اُس دن مجرموں کے لیے کوئی اچھی خبر نہیں ہو گی‘‘

      جس دن انہیں فرشتے نظر آئیں گے وہ دراصل قیامت کا دن ہو گا۔ اُس دن اللہ تعالیٰ بھی نزول فرمائے گا اور غیب کے سارے پردے بھی اٹھا دیے جائیں گے۔ وہ دن مجرموں کے لیے کڑے احتساب کا دن ہو گا۔ تب ان کے لیے تو بہ کا دروازہ بند ہو چکا ہو گا اور انہیں کہیں سے بھی کوئی اچھی خبر نہیں مل پائے گی۔

      وَیَقُوْلُوْنَ حِجْرًا مَّحْجُوْرًا: ’’اور وہ کہیں گے کہ کوئی روک حائل ہو جائے۔‘‘

      اس وقت وہ دہائی دے رہے ہوں گے کہ کسی طرح سے انہیں بچایا جائے اورقیامت کے عذاب کو ان پر مسلط ہونے سے روکا جائے۔ کاش، ان کے اور اس عذاب کے مابین کوئی رکاوٹ حائل ہو جائے!

آیت ۳۴   اَلَّذِیْنَ یُحْشَرُوْنَ عَلٰی وُجُوْہِہِمْ اِلٰی جَہَنَّمَ اُولٰٓئِکَ شَرٌّ مَّکَانًا وَّاَضَلُّ سَبِیْلًا: ’’یہ وہ لوگ ہیں جنہیں جمع کیا جائے گا جہنم کی طرف ان کے مونہوں کے بل، وہ بہت ہی بُرے مقام پر ہوں گے اور بہت بھٹکے ہوئے ہوں گے سیدھے راستے سے۔‘‘

آیت ۹۰   وَاُزْلِفَتِ الْجَنَّۃُ لِلْمُتَّقِیْنَ: ’’اور جنت قریب لائی جائے گی متقین کے لیے۔‘‘

آیت ۹۱   وَبُرِّزَتِ الْجَحِیْمُ لِلْغٰوِیْنَ: ’’اور جہنم بھی ظاہر کر دی جائے گی باغیوں کے لیے۔‘‘

آیت ۹۲   وَقِیْلَ لَہُمْ اَیْنَمَا کُنْتُمْ تَعْبُدُوْنَ: ’’اور اُن سے کہا جائے گا کہ کہاں ہیں وہ جنہیں تم پوجا کرتے تھے؟‘‘

آیت ۹۳   مِنْ دُوْنِ اللّٰہِ ہَلْ یَنْصُرُوْنَکُمْ اَوْ یَنْتَصِرُوْنَ: ’’اللہ کے سوا۔ کیا اب وہ تمہاری کچھ مدد کر سکتے ہیں یا (تمہاری طرف سے) کوئی بدلہ لے سکتے ہیں ؟‘‘

آیت ۹۴   فَکُبْکِبُوْا فِیْہَا ہُمْ وَالْغٰاوٗنَ: ’’پھر اوندھے ڈال دیے جائیں گے اس (جہنم) میں وہ اور سب گمراہ لوگ۔‘‘

آیت ۹۵   وَجُنُوْدُ اِبْلِیْسَ اَجْمَعُوْنَ: ’’اور ابلیس کے لشکر بھی سب کے سب۔‘‘

آیت ۸۳   وَیَوْمَ نَحْشُرُ مِنْ کُلِّ اُمَّۃٍ فَوْجًا مِّمَّنْ یُّکَذِّبُ بِاٰیٰتِنَا فَہُمْ یُوْزَعُوْنَ: ’’اور ذرا تصور کرو اُس دن کا جس دن ہم جمع کریں گے ہر اُمت ّمیں سے ایک فوج اُن لوگوں میں سے جو ہماری آیات کو جھٹلایا کرتے تھے، پھر ان کی درجہ بندی کی جائے گی۔‘‘

      گویا ان مجرموں کے جرائم مختلف درجوں میں ہوں گے۔ ان میں سے کوئی انکار میں بہت زیادہ سخت تھا، کسی کی طبیعت میں کچھ نرمی کا پہلو تھا، کوئی تکذیب کے ساتھ ساتھ استہزاء کرنے کا مجرم بھی تھا۔ چنانچہ ان کے جرائم کی نوعیت اور کیفیت کے مطابق ان کی گروہ بندی کی جائے گی۔ یہ طریقہ انسانی فطرت اور طبیعت کے عین مطابق ہو گا کیونکہ سب انسان برابر نہیں۔ نہ تو اہل ایمان سب کے سب برابر ہیں اور نہ کفار و مشرکین سب ایک جیسے ہیں۔ 

نہ ہر زن زن است و نہ ہر مرد مرد

خدا  پنج  انگشت  یکساں  نہ  کرد!

آیت ۴۴   حتّٰیٓ اِذَا جَآءُوْ قَالَ اَکَذَّبْتُمْ بِاٰیٰتِیْ وَلَمْ تُحِیْطُوْا بِہَا عِلْمًا اَمَّا ذَا کُنْتُمْ تَعْمَلُوْنَ: ’’یہاں تک کہ جب وہ سب آ جائیں گے تو اللہ فرمائے گا: کیا تم نے میری آیات کو جھٹلادیا تھا حالانکہ تم نے ان کا علمی احاطہ نہیں کیا تھا ؟ یا تم لوگ کیا کرتے رہے تھے؟‘‘

      یعنی کیا تم لوگ واقعتا میری آیات کو سمجھ نہیں سکے تھے یا پھر سمجھنے کے بعد تعصب اور ہٹ دھرمی کی وجہ سے ان کا انکار کرتے رہے تھے؟

آیت ۸۵   وَوَقَعَ الْقَوْلُ عَلَیْہِمْ بِمَا ظَلَمُوْا فَہُمْ لَا یَنْطِقُوْنَ: ’’اور واقع ہو جائے گی ان پر بات، اس لیے کہ وہ ظلم کے مرتکب ہوئے تھے، چنانچہ وہ بول نہیں سکیں گے۔‘‘

      جب حقیقت ان پر واضح کر دی جائے گی تو وہ بول نہیں سکیں گے، اس لیے کہ ان کے دل تو دعوتِ حق کی حقانیت پر گواہی دے چکے تھے، لیکن اپنی ضد، ہٹ دھرمی اور تعصب کی بنا پر انہوں نے اس دعوت کو قبول نہیں کیا تھا۔ قبل ازیں اسی سورت کی آیت ۱۴ میں ایسے منکرین کے انکار کی کیفیت پریوں تبصرہ کیا گیا ہے: (وَجَحَدُوْا بِہَا وَاسْتَیْقَنَتْہَآ اَنْفُسُہُمْ ظُلْمًا وَّعُلُوًّا) کہ ان کے دلوں نے آیاتِ الہیہ کا یقین کر لیا تھا مگر وہ محض ضد، ظلم اور سرکشی کی بنا پر نہیں مانے تھے۔

آیت ۶۵   وَیَوْمَ یُنَادِیْہِمْ فَیَقُوْلُ مَاذَآ اَجَبْتُمُ الْمُرْسَلِیْنَ: ’’اور جس دن اللہ انہیں پکارے گا اور پوچھے گا کہ تم لوگوں نے کیا جواب دیا تھا رسولوں کو؟‘‘ 

آیت ۶۶   فَعَمِیَتْ عَلَیْہِمُ الْاَنْبَآءُ یَوْمَئِذٍ فَہُمْ لَا یَتَسَآءَلُوْنَ: ’’تو اندھی ہو جائیں گی ان پر تمام خبریں اُس دن، پھر وہ ایک دوسرے سے پوچھ بھی نہیں سکیں گے۔‘‘

حق اس طرح واضح ہو کر ان کے سامنے آ جائے گا کہ اس کے جواب میں وہ کچھ بھی نہیں بول سکیں گے۔ ظاہر ہے زندگی بھر وہ اللہ کی نا فرمانیاں اور انبیاء و رسل کے ساتھ استہزاء و تمسخر کرتے رہے تھے۔ چنانچہ جب ان سے پوچھا جائے گاکہ جو رسول تمہاری طرف بھیجے گئے تھے انہیں تم نے کیا جواب دیا تھا تو اُس وقت ان کو کوئی جواب نہیں سوجھے گا۔ 

آیت ۶۷   فَاَمَّا مَنْ تَابَ وَاٰمَنَ وَعَمِلَ صَالِحًا فَعَسٰٓی اَنْ یَّکُوْنَ مِنَ الْمُفْلِحِیْنَ: ’’تو جس نے توبہ کی اور ایمان لایا اور نیک اعمال کیے، تو امید ہے کہ وہ فلاح پانے والے والوں میں سے ہو گا۔‘‘ 

آیت ۶۸   وَرَبُّکَ یَخْلُقُ مَا یَشَآءُ وَیَخْتَارُ: ’’اور آپؐ کا رب پیدا کرتا ہے جو چاہتا ہے اور منتخب کرلیتا ہے (جسے چاہتا ہے)۔‘‘

      تمام مخلوق اسی کی ہے، اپنی مخلوق میں سے اُس نے جس کو چاہا منتخب کر لیا اور رسول بنا لیا: (اَللّٰہُ یَصْطَفِیْ مِنَ الْمَلٰٓئِکَۃِ رُسُلًا وَّمِنَ النَّاسِ) (الجن : ۷۵) ’’اللہ ُچن لیتا ہے اپنے پیغامبر فرشتوں میں سے اور انسانوں میں سے’’۔ سورۂ آل عمران میں یہی مضمون اس طرح آیا ہے: (اِنَّ اللّٰہَ اصْطَفٰٓی اٰدَمَ وَنُوْحًا وَّاٰلَ اِبْرٰہِیْمَ وَاٰلَ عِمْرٰنَ عَلَی الْعٰلَمِیْنَ) ’’ یقینا اللہ نے چن لیا آدم کو اور نوح کو اور آلِ ابراہیم کو اور آلِ عمران کو تمام جہان والوں پر۔‘‘

      مَا کَانَ لَہُمُ الْخِیَرَۃُ سُبْحٰنَ اللّٰہِ وَتَعٰلٰی عَمَّا یُشْرِکُوْنَ: ’’ (جبکہ) ان کو کچھ بھی اختیار نہیں ۔ اللہ پاک ہے اور بہت بلند ہے اس سے جو یہ لوگ شرک کرتے ہیں ۔‘‘

      اللہ تعالیٰ کی ذات ان لوگوں کے اوہام اور من گھڑت عقائد سے وراء الورائ، منزہ اور اَرفع ہے۔

آیت ۶۹   وَرَبُّکَ یَعْلَمُ مَا تُکِنُّ صُدُوْرُہُمْ وَمَا یُعْلِنُوْنَ: ’’اور آپؐ کا رب خوب جانتا ہے جو کچھ چھپاتے ہیں ان کے سینے اور جو کچھ وہ ظاہر کرتے ہیں ۔‘‘

      مثلاً ان کے دل قرآن اور محمد ٌ رسول اللہ کی رسالت کی حقانیت کی گواہی دیتے ہیں مگر وہ اپنی ضد اور ہٹ دھرمی کی وجہ سے اس گواہی کو چھپائے ہوئے ہیں ۔ اور دوسری طرف اپنے جن نام نہاد اعتراضات کو وہ ظاہر کر رہے ہیں ان پر انہیں خود بھی اعتماد نہیں ۔ مثلاً یہ کہ اگر یہ نبی ہیں تو انہیں حضرت موسیٰ کی طرح معجزات کیوں نہیں دیے گئے؟

آیت ۷۰   وَہُوَ اللّٰہُ لَآ اِلٰہَ اِلَّا ہُوَ: ’’اور وہی ہے اللہ، اس کے سوا کوئی معبود نہیں ۔‘‘

      لَہُ الْحَمْدُ فِی الْاُوْلٰی وَالْاٰخِرَۃِ: ’’اُسی کے لیے حمد ہے دنیا میں بھی اور آخرت میں بھی‘‘

      یہاں آخرت کے مقابلے میں ’’اُولیٰ‘‘ دنیا کے لیے آیا ہے، کیونکہ آخرت کی زندگی کے مقابلے میں ہماری پہلی زندگی یہی دُنیوی زندگی ہے۔

      وَلَہُ الْحُکْمُ وَاِلَیْہِ تُرْجَعُوْنَ: ’’اور اُسی کا حکم ہے اور اُسی کی طرف تم سب لوٹائے جاؤ گے۔‘‘

      حکم دینے کا اختیار اُسی کو حاصل ہے اور کائنات پر اصل حاکمیت اسی کی ہے۔ وہ جو حکم چاہے دے، جس چیز کو چاہے حلال قرار دے اور جس کو چاہے حرام ٹھہرائے۔ 

آیت ۷۱   قُلْ اَرَءَیْتُمْ اِنْ جَعَلَ اللّٰہُ عَلَیْکُمُ الَّـیْلَ سَرْمَدًا اِلٰی یَوْمِ الْقِیٰمَۃِ: ’’آپؐ کہیے: کیا تم لوگوں نے کبھی غور کیا کہ اگر اللہ تم پر رات مسلط کر دے ہمیشہ کے لیے قیامت کے دن تک‘‘

      مَنْ اِلٰــہٌ غَیْرُ اللّٰہِ یَاْتِیْکُمْ بِضِیَآءٍ اَفَلَا تَسْمَعُوْنَ: ’’تو کون معبود ہو گا اللہ کے سوا جو تمہارے لیے روشنی لائے گا؟ تو کیا تم لوگ سنتے نہیں ہو؟‘‘ 

آیت ۷۲   قُلْ اَرَءَیْتُمْ اِنْ جَعَلَ اللّٰہُ عَلَیْکُمُ النَّہَارَ سَرْمَدًا اِلٰی یَوْمِ الْقِیٰمَۃِ: ’’آپؐ کہیے: کیا تم لوگوں نے کبھی یہ سوچا کہ اگر اللہ تم پر ہمیشہ کے لیے دن ہی کو قائم کر دے قیامت کے دن تک‘‘

      مَنْ اِلٰــہٌ غَیْرُ اللّٰہِ یَاْتِیْکُمْ بِلَیْلٍ تَسْکُنُوْنَ فِیْہِ اَفَلَا تُبْصِرُوْنَ: ’’تو کون معبود ہے اللہ کے سوا جو تمہارے لیے رات لائے گا جس میں تم آرام کر سکو؟ تو کیا تم لوگ دیکھتے نہیں ہو؟‘‘ 

آیت ۷۳   وَمِنْ رَّحْمَتِہٖ جَعَلَ لَـکُمُ الَّـیْلَ وَالنَّہَارَ لِتَسْکُنُوْا فِیْہِ وَلِتَـبْتَغُوْا مِنْ فَضْلِہٖ وَلَـعَلَّکُمْ تَشْکُرُوْنَ: ’’اور اُس کی رحمت (کے مظاہر) میں سے ہے کہ اُس نے تمہارے لیے رات اور دن بنائے تا کہ اس (رات ) میں تم لوگ آرام کرو اور (دن میں) اس کا فضل تلاش کرو اور تاکہ تم (اُس کی ان نعمتوں کا) شکر ا دا کرو۔‘‘ 

آیت ۷۴   وَیَوْمَ یُنَادِیْہِمْ فَیَقُوْلُ اَیْنَ شُرَکَآئِیَ الَّذِیْنَ کُنْتُمْ تَزْعُمُوْنَ: ’’اور جس دن وہ انہیں پکارے گا اور پوچھے گا کہ کہاں ہیں میرے وہ شریک جن کا تم لوگوں کو زعم تھا؟‘‘ 

آیت ۷۵   وَنَزَعْنَا مِنْ کُلِّ اُمَّۃٍ شَہِیْدًا: ’’اور ہم نکالیں گے ہر اُمت میں سے ایک گواہ‘‘

      یہ مضمون دو مرتبہ سورۃ النحل (آیت ۸۴ اور ۸۹) میں بھی آیا ہے، لیکن سورۃ النساء کی یہ آیت تو گویا اس مضمون کا ذروۂ سنام ہے: (فَکَیْفَ اِذَا جِئْنَا مِنْ کُلِّ اُمَّۃٍ بِشَہِیْدٍ وَّجِئْنَا بِکَ عَلٰی ہٰٓؤُلَآءِ شَہِیْدًا) ’’تو اس دن کیا صورت حال ہوگی جب ہم ہر امت سے ایک گواہ کھڑا کریں گے اور (اے نبی!) آپ کو لائیں گے ہم ان پر گواہ بنا کر‘‘۔ جو پیغمبر جس قوم کی طرف مبعوث کیا گیا ہو گا وہ قیامت کے دن اللہ کی عدالت میں استغاثہ کا گواہ (prosecution witness) بن کرگواہی دے گا کہ اے اللہ! تیری طرف سے جو ہدایت مجھ تک پہنچی تھی میں نے وہ اپنی قوم تک پہنچا دی تھی۔

      فَقُلْنَا ہَاتُوْا بُرْہَانَکُمْ:’’ پھر ہم کہیں گے کہ تم اپنی دلیل پیش کرو!‘‘

      پھر متعلقہ اُمت سے پوچھا جائے گا کہ اب تم لوگ بتاؤ تمہارا کیا معاملہ تھا؟ ہمارے رسول نے تو گواہی دے دی ہے کہ اُس نے میرا پیغام آپ لوگوں تک پہنچا دیا تھا۔ اب اس سلسلے میں تمہارا کوئی عذر ہے توپیش کرو۔

      فَعَلِمُوْٓا اَنَّ الْحَقَّ لِلّٰہِ: ’’تو وہ جان لیں گے کہ حق تو اللہ ہی کے طر ف ہے‘‘

      کہ فیصلہ تو اب اللہ ہی کے ہاتھ میں ہے اور وہی حق ہو گا۔ چنانچہ انہیں یقین ہو جائے گا کہ وہ عذاب کے مستحق ہو چکے ہیں ۔

      وَضَلَّ عَنْہُمْ مَّا کَانُوْا یَفْتَرُوْنَ: ’’اور گم ہو جائے گاان سے وہ سب کچھ جو افتراوہ کرتے رہے تھے۔‘‘

      گویا ع :  

’’جب آنکھ کھلی گل کی تو موسم تھا خزاں کا!‘‘

         جب دوسری دنیا میں ان کی آنکھ کھلے گی تو ان کے خود ساختہ عقائد، من گھڑت معبودوں کے بارے میں ان کے خوش کن خیالات وغیرہ سب ان سے گم ہو چکے ہوں گے اور اس کیفیت میں عذاب کو دیکھ کر ان کے ہاتھوں کے طوطے اڑ جائیں گے۔ 

آیت ۱۴  وَیَوْمَ تَقُوْمُ السَّاعَۃُ یَوْمَئِذٍ یَّتَفَرَّقُوْنَ: ’’اور جس دن قیامت قائم ہو گی اُس دن لوگ الگ الگ ہو جائیں گے۔‘‘

      بنی نوعِ انسان کی یہ تقسیم (polarization) کس بنیاد پر ہو گی؟ اس کی تفصیل آگے آ رہی ہے۔

آیت ۱۵   فَاَمَّا الَّذِیْنَ اٰمَنُوْا وَعَمِلُوا الصّٰلِحٰتِ فَہُمْ فِیْ رَوْضَۃٍ یُّحْبَرُوْنَ: ’’تو جو لوگ ایمان لائے تھے ا ور جنہوں نے نیک عمل کیے تھے وہ ایک باغ میں مسرور کیے جائیں گے۔‘‘ 

آیت ۱۶  وَاَمَّا الَّذِیْنَ کَفَرُوْا وَکَذَّبُوْا بِاٰیٰتِنَا وَلِقَآءِٔ الْاٰخِرَۃِ فَاُولٰٓئِکَ فِی الْعَذَابِ مُحْضَرُوْنَ: ’’اور وہ لوگ جنہوں نے کفر کیا تھا اور ہماری آیات اور آخرت کی ملاقات کو جھٹلایا تھا تو وہ عذاب میں پکڑے ہوئے ہوں گے۔‘‘ 

آیت ۲۲   وَمِنْ اٰیٰتِہٖ خَلْقُ السَّمٰوٰتِ وَالْاَرْضِ: ’’ اور اس کی نشانیوں میں سے ہے آسمانوں اور زمین کی تخلیق‘‘

        وَاخْتِلَافُ اَلْسِنَتِکُمْ وَاَلْوَانِکُمْ: ’’اور تمہاری زبانوں اور تمہارے رنگوں کا فرق۔‘‘

      پوری دُنیا کے انسانوں کے درمیان بولی جانے والی طرح طرح کی زبانوں کے اندر پایاجانے والا تنو ّع بھی اللہ تعالیٰ کی نشانیوں میں سے ہے۔ اسی طرح مختلف خطوں میں بسنے والے انسانوں کے مختلف رنگ بھی اُس کی صناعی اور خلاقی کے مظاہر کی مثالیں ہیں کہ کس طرح ایک ہی نسل سے تعلق کے باوجود کوئی زرد رو ہے تو کوئی سرخ رو، کوئی سفید فام ہے تو کوئی سیاہ فام۔

        اِنَّ فِیْ ذٰلِکَ لَاٰیٰتٍ لِّلْعٰلِمِیْنَ: ’’یقینا اس میں نشانیاں ہیں ان لوگوں کے لیے جو علم رکھتے ہیں ۔‘‘ 

آیت ۲۳   وَمِنْ اٰیٰتِہٖ مَنَامُکُمْ بِالَّیْلِ وَالنَّہَارِ وَابْتِغَآؤُکُمْ مِّنْ فَضْلِہٖ: ’’اور اُس کی نشانیوں میں سے ہے تمہارا رات اور دن کو سونا اور تمہارا اُس کے فضل کو تلاش کرنا۔‘‘

      تمہارا رات کے وقت سونا، دوپہر کے وقت قیلولہ کرنا، اور پھر آرام کے ان اوقات کے علاوہ معاشی دوڑ دھوپ میں سرگرمِ عمل رہنا بھی اللہ تعالیٰ کی حکمت اور قدرت کی نشانیوں میں سے ہے۔

        اِنَّ فِیْ ذٰلِکَ لَاٰیٰتٍ لِّقَوْمٍ یَّسْمَعُوْنَ : ’’یقینا اس میں نشانیاں ہیں اُن لوگوں کے لیے جو سنتے ہیں ۔‘‘

      یہ سب نشانیاں یقینا ان لوگوں کے لیے ہیں جو انسانی کانوں یعنی دل کے کانوں سے سنتے ہیں ، نہ کہ محض حیوانی کانوں سے۔

آیت ۲۴   وَمِنْ اٰیٰتِہٖ یُرِیْکُمُ الْبَرْقَ خَوْفًا وَّطَمَعًا: ’’اور اُس کی نشانیوں میں سے ہے کہ وہ تمہیں بجلی (کی چمک) دکھاتا ہے خوف اور اُمیدکے ساتھ‘‘

      آسمانوں میں بادلوں کا چھانا اور بجلی کا چمکنا بھی اللہ کی قدرت کی نشانیوں میں سے ہے جس میں لوگوں کو بجلی کے گرنے اور طوفان وغیرہ کا خوف بھی ہوتا ہے جبکہ بارانِ رحمت کے برسنے کی امید بھی۔

        وَّیُنَزِّلُ مِنَ السَّمَآئِ مَآءً فَیُحْیٖ بِہِ الْاَرْضَ بَعْدَ مَوْتِہَا: ’’اور وہ برساتا ہے آسمان سے پانی، پھر زندہ کرتا ہے اس کے ذریعے سے زمین کو اس کے مردہ ہو جانے کے بعد۔‘‘

        اِنَّ فِیْ ذٰلِکَ لَاٰیٰتٍ لِّقَوْمٍ یَّعْقِلُوْنَ: ’’یقینا اس میں نشانیاں ہیں اُن لوگوں کے لیے جو عقل سے کام لیں ۔‘‘ 

آیت ۲۵   وَمِنْ اٰیٰتِہٖٓ اَنْ تَقُوْمَ السَّمَآءُ وَالْاَرْضُ بِاَمْرِہٖ: ’’اور اُس کی نشانیوں میں سے ہے کہ قائم ہیں آسمان و زمین اُس کے حکم سے۔‘‘

      ہماری زمین، سورج، نظامِ شمسی اور چھوٹے بڑے بے شمار ستاروں اور سیاروں کا ایک عظیم الشان اور لامتناہی نظام بھی اس کی قدرت کے مظاہر میں سے ہے۔ آج کا انسان جانتا ہے کہ اس نظام کے اندر ایسے ایسے ستارے بھی ہیں جن کے مقابلے میں ہمارے سورج کی جسامت کی کوئی حیثیت ہی نہیں ۔ یہ اتنے بڑے بڑے اجرامِ سماویہ اللہ ہی کے حکم سے اپنے اپنے مدار پر قائم ہیں اور یوں اس کی مشیت سے کائنات کا یہ مجموعی نظام چل رہا ہے۔

        ثُمَّ اِذَا دَعَاکُمْ دَعْوَۃً    مِّنَ الْاَرْضِ   اِذَآ اَنْتُمْ تَخْرُجُوْنَ: ’’پھر جب وہ تمہیں پکارے گا ایک ہی بار زمین سے (نکلنے کے لیے) تو تم دفعۃًنکل پڑو گے۔‘‘

      قیامت کے دن بھی اللہ تعالیٰ کی شان ’’کُن فیکُون‘‘ کا ظہور ہو گا اور اس کے ایک ہی حکم سے پوری ِنسل انسانی زمین سے باہر نکل کر اس کے حضور حاضر ہو جائے گی۔

آیت ۵۵   وَیَوْمَ تَقُوْمُ السَّاعَۃُ یُقْسِمُ الْمُجْرِمُوْنَ  مَا لَبِثُوْا غَیْرَ سَاعَۃٍ: ’’اور جس دن قیامت قائم ہو گی مجرمین قسمیں کھاکھا کر کہیں گے کہ وہ ایک گھڑی سے زیادہ نہیں ٹھہرے۔‘‘

      کہ وہ دنیا میں یا عالم برزخ میں گھڑی بھر سے زیادہ نہیں رہے۔

        کَذٰلِکَ کَانُوْا یُؤْفَکُوْنَ: ’’اسی طرح وہ (دُنیا میں بھی) اُلٹے پھرائے جاتے رہے ہیں ۔‘‘

      جس طرح وہ لوگ روز قیامت اپنی زندگی کے دورانیے کے بارے میں انتہائی غیر معقول بات کریں گے بالکل ایسے ہی دنیا میں بھی ان کی سوچ اور فکر حقیقت سے بہت دور تھی۔

آیت ۵۶   وَقَالَ الَّذِیْنَ اُوْتُوا الْعِلْمَ وَالْاِیْمَانَ لَقَدْ لَبِثْتُمْ فِیْ کِتٰبِ اللّٰہِ اِلٰی یَوْمِ الْبَعْثِ: ’’اور (اُس وقت) کہیں گے وہ لوگ جنہیں علم اور ایمان عطا کیا گیا تھا کہ تم ٹھہرے ہو اللہ کے فیصلے کے مطابق دوبارہ اٹھنے کے دن تک۔‘‘

      تب اہل علم اور صاحب ایمان لوگ انہیں بتائیں گے کہ اے بدبختو! تم جسے ایک گھڑی کہہ رہے ہو وہ دراصل عالم برزخ کا طویل عرصہ تھا جو اللہ کے فیصلے کے مطابق تم پر گزرا۔ ظاہر ہے ایک شخص اگر آج سے پانچ ہزار سال قبل فوت ہوا تھا تو آج تک وہ عالم برزخ میں ہی ہے اور نہ معلوم قیامت تک اور کتنا عرصہ وہ مزید وہاں رہے گا۔ اور یومِ بعث کب آئے گا؟ اس کا علم بھی اللہ ہی کو ہے۔ چنانچہ انہیں بتایا جائے گا کہ تم لوگ اللہ کے حساب اور اس کے فیصلے کے مطابق یومِ بعث تک وہاں رہے ہو۔

        فَہٰذَا یَوْمُ الْبَعْثِ وَلٰکِنَّکُمْ کُنْتُمْ لَا تَعْلَمُوْنَ: ’’تو یہ ہے یومِ بعث، لیکن تم لوگ تو علم ہی نہیں رکھتے تھے۔‘‘

      ابھی تمہاری آنکھ کھلی ہے تو تم یوم بعث کا یہ منظر اپنی آنکھوں سے دیکھ رہے ہو، مگر دنیا میں تو تم لوگوں نے آخرت کی زندگی اور اس دن کے بارے میں کبھی غور کرنا پسند ہی نہیں کیا تھا۔

آیت ۵۷   فَیَوْمَئِذٍ لَّا یَنْفَعُ الَّذِیْنَ ظَلَمُوْا مَعْذِرَتُہُمْ: ’’تو آج کے دن کچھ فائدہ نہیں پہنچائے گی ظالم لوگوں کو ان کی معذرت‘‘

      جن لوگوں نے دنیا میں گناہ کی زندگی بسر کی اور ساری عمر ظلم و زیادتی کا رویہ اپنائے رکھا، قیامت کے دن ان کا معذرت کرنا، بہانے بنانا اور معافیاں مانگنا کام نہیں آئے گا۔

        وَلَا ہُمْ یُسْتَعْتَبُوْنَ : ’’اور نہ ہی انہیں توبہ کا موقع دیا جائے گا۔‘‘

      دنیا میں ہر شخص کے لیے موت کے آثار ظاہر ہونے تک (مَا لَمْ یُغَرْغِرْ) توبہ کا دروازہ کھلا رہتا ہے اور جو لوگ اپنی دُنیوی زندگی میں اس موقع سے فائدہ نہ اٹھائیں، قیامت کے دن انہیں یہ موقع فراہم نہیں کیا جائے گا۔

 آیت ۵    یُدَبِّرُ الْاَمْرَ مِنَ السَّمَآءِ اِلَی الْاَرْضِ: ’’وہ تدبیر کرتا ہے اپنے امر کی آسمان سے زمین کی طرف‘‘

      کائنات کے انتظامی امور کی منصوبہ بندی اللہ تعالیٰ کے ہاں ہزار سال کے حساب سے کی جاتی ہے، جیسا کہ اگلے جملے میں واضح کیا جا رہا ہے کہ اللہ کا ایک دن ہمارے ہزار سال کے عرصے کے برابر ہے۔ اس منصوبہ بندی کے اندر ’’لیلۃ القدر‘‘ گویا انسانی کیلنڈر کے حساب سے متعلقہ سال کے بجٹ سیشن کا درجہ رکھتی ہے۔ اس سالانہ بجٹ میں فیصلے کیے جاتے ہیں کہ متعلقہ سال کے اندر دنیا میں انسانوں کے لیے کون کون سے امور کس کس طرح نمٹائے جائیں گے۔ انہی فیصلوں کی تعمیل و تنفیذکے لیے آسمانوں سے فرشتوں کا نزول ہوتا ہے جس کا ذکر سورۃ القدر میں آیا ہے۔

      ثُمَّ یَعْرُجُ اِلَیْہِ: ’’پھر وہ (امر) چڑھتا ہے اُس کی طرف‘‘

      پھر فرشتے ان احکام کی تعمیل سے متعلق اپنی اپنی رپورٹس اللہ کے حضور پیش کرتے ہیں ۔

      فِیْ یَوْمٍ کَانَ مِقْدَارُہٓٗ اَلْفَ سَنَۃٍ مِّمَّا تَعُدُّوْنَ: ’’ (یہ سارا معاملہ طے پاتا ہے) ایک دن میں جس کی مقدار تمہاری گنتی کے حساب سے ایک ہزار برس ہے۔‘‘

      یہ مضمون اپنی اہمیت کے پیش نظر قرآن حکیم میں دو دفعہ آیا ہے۔ چنانچہ سورۃ الحج میں کفار کی طرف سے عذاب کی جلدی مچانے کے جوا ب میں یوں وضاحت فرمائی گئی: (وَاِنَّ یَوْمًا عِنْدَ رَبِّکَ کَاَلْفِ سَنَۃٍ مِّمَّا تَعُدُّوْنَ) ’’اور یقینا ایک دن آپؐ کے رب کے نزدیک ایک ہزار برس کی طرح ہے جیسے تم لوگ گنتی کرتے ہو‘‘۔ جبکہ یہاں اللہ تعالیٰ کی ’’تدبیر امر‘‘ کے سلسلے میں ایک بنیادی اصول کے طور پر بتایا گیا ہے کہ اللہ کے ہاں جو فیصلے ہوتے ہیں ان کی منصوبہ بندی ایک ہزار سال کے عرصے کے مطابق کی جاتی ہے۔

آیت ۴۸   وَیَقُوْلُوْنَ مَتٰی ہٰذَا الْوَعْدُ اِنْ کُنْتُمْ صٰدِقِیْنَ: ’’اور وہ یہ بھی کہتے ہیں کہ یہ وعدہ کب پورا ہو گا، اگر تم لوگ سچے ہو!‘‘

        یہاں وعدے سے قیامت کاوعدہ بھی مراد ہو سکتا ہے اور عذاب آنے کا وعدہ بھی۔ یعنی آپ کا دعویٰ تو یہ ہے کہ ایمان نہ لانے کی پاداش میں ہم پر اللہ کا عذاب ٹوٹ پڑے گا۔ چنانچہ ہم آپ کی دعوت کا انکار توکر چکے ہیں ، اب وہ عذاب ہم پر آخر کب آئے گا؟ یا اگر قیامت کے بارے میں آپ کا دعویٰ سچا ہے تو ذرا یہ بھی بتا دیں کہ قیامت آخر کب برپا ہو گی؟

آیت ۴۹   مَا یَنْظُرُوْنَ اِلَّا صَیْحَۃً وَّاحِدَۃً تَاْخُذُہُمْ وَہُمْ یَخِصِّمُوْنَ: ’’یہ لوگ نہیں انتظار کررہے مگر ایک چنگھاڑ کا، وہ انہیں آ پکڑے گی اور یہ (اسی طرح) جھگڑ رہے ہوں گے۔‘‘ 

آیت ۵۰    فَلَا یَسْتَطِیْعُوْنَ تَوْصِیَۃً وَّلَآ اِلٰٓی اَہْلِہِمْ یَرْجِعُوْنَ: ’’پھر نہ تو وہ کوئی وصیت ہی کرسکیں گے اور نہ ہی اپنے گھر والوں کی طرف لوٹ کر جا سکیں گے۔‘‘

        وہ معاملہ اس قدر اچانک ہو گا کہ جو کوئی جس حالت میں ہو گا اسی حالت میں اس کا شکار ہو جائے گا۔ قبل ازیں اسی سورت میں اس منظر اور کیفیت کا ایک نقشہ ان الفاظ میں کھینچا گیا ہے: (اِنْ کَانَتْ اِلاَّ صَیْحَۃً وَّاحِدَۃً فَاِذَا ہُمْ خٰمِدُوْنَ) ’’وہ تو بس ایک زور دار چنگھاڑ تھی، تو جبھی وہ سب بجھ کر رہ گئے۔‘‘ 

آیت ۵۱    وَنُفِخَ فِی الصُّوْرِ فَاِذَا ہُمْ مِّنَ الْاَجْدَاثِ اِلٰی رَبِّہِمْ یَنْسِلُوْنَ: ’’اور صور پھونکا جائے گا تو وہ یکایک قبروں سے (نکل کر) اپنے رب کی طرف دوڑ پڑیں گے۔‘‘

        وہ چار ونا چار، کشاں کشاں اللہ تعالیٰ کے حضور حاضر ہونے کے لیے بھاگے چلے جا رہے ہوں گے۔ 

آیت ۵۲    قَالُوْا یٰوَیْلَنَا مَنْ بَعَثَنَا مِنْ مَّرْقَدِنَا: ’’وہ کہیں گے: ہائے ہماری شامت ! ہمیں کس نے اُٹھا دیا ہماری قبروں سے؟‘‘

        ہٰذَا مَا وَعَدَ الرَّحْمٰنُ وَصَدَقَ الْمُرْسَلُوْنَ: ’’(پھر خود ہی کہیں گے:) ارے یہ تو وہی (دن) ہے جس کا رحمن نے وعدہ کیا تھا اور پیغمبروں نے سچ کہا تھا۔‘‘

        پیغمبرو ں نے بعث بعد الموت کے بارے میں جو خبریں دی تھیں وہ سب کی سب سچ ثابت ہوئیں اور آج واقعی وہ دن آن پہنچا ہے جس کے بارے میں وہ ہمیں بار بار یاد دہانی کرایا کرتے تھے۔ 

آیت ۵۳    اِنْ کَانَتْ اِلَّا صَیْحَۃً وَّاحِدَۃً فَاِذَا ہُمْ جَمِیْعٌ لَّدَیْنَا مُحْضَرُوْنَ: ’’(پھر) ایک ہی چنگھاڑ ہو گی تو( اس کے نتیجے میں) وہ سب کے سب ہمارے حضور حاضر کر دیے جائیں گے۔‘‘ 

آیت ۵۴    فَالْیَوْمَ لَا تُظْلَمُ نَفْسٌ شَیْئًا وَّلَا تُجْزَوْنَ اِلَّا مَا کُنْتُمْ تَعْمَلُوْنَ: ’’پس آج کے دن کسی جان پر کوئی ظلم نہیں کیا جائے گا اور تمہیں بدلے میں نہیں دیا جائے گا مگر وہی کچھ جو تم عمل کرتے رہے تھے۔‘‘ 

آیت ۵۵    اِنَّ اَصْحٰبَ الْجَنَّۃِ الْیَوْمَ فِیْ شُغُلٍ فٰـکِہُوْنَ: ’’یقینا اہل ِجنت اُس دن مزے کرنے میں مشغول ہوں گے۔‘‘ 

آیت ۵۶    ہُمْ وَاَزْوَاجُہُمْ فِیْ ظِلٰلٍ عَلَی الْاَرَآئِکِ مُتَّکِؤنَ: ’’وہ اور ان کی بیویاں سائے میں تختوں کے اوپر تکیے لگائے بیٹھے ہوں گے۔‘‘ 

آیت ۵۷    لَہُمْ فِیْہَا فَاکِہَۃٌ وَّلَہُمْ مَّا یَدَّعُوْنَ: ’’اس میں ان کے لیے تمام میوے ہوں گے اور ان کے لیے ہروہ شے ہو گی جو وہ طلب کریں گے۔‘‘ 

آیت ۵۸    سَلٰمٌ قَوْلًا مِّنْ رَّبٍّ رَّحِیْمٍ: ’’ سلام کہا جائے گا ربّ ِرحیم کی طرف سے۔‘‘

        جنت میں اللہ کی طرف سے ان کے لیے سلامتی کے پیغامات آتے رہیں گے۔ 

آیت ۵۹    وَامْتَازُوا الْیَوْمَ اَیُّہَا الْمُجْرِمُوْنَ: ’’اور (اعلان کیا جائے گا:) اے مجرمو! آج تم الگ ہو جاؤ۔‘‘

        پھر تمام کافر اور مشرک لوگوں کو چھانٹ کر الگ کر لیا جائے گا اور انہیں مخاطب کر کے پوچھا جائے گا:

آیت ۲۰   وَقَالُوْا یٰوَیْلَنَا ہٰذَا یَوْمُ الدِّیْنِ: ’’اور وہ کہیں گے: ہائے ہماری شامت‘ یہ تو بدلے کا دن ہے!‘‘

        یہ تو وہی جزاء و سزا کا دن آ گیا ہے جس کے بارے میں ہمیں بار بار بتایا جاتا تھا اور ہم بار بار اس کی نفی کرتے تھے۔

آیت۲۱   ہٰذَا یَوْمُ الْفَصْلِ الَّذِیْ کُنْتُمْ بِہٖ تُکَذِّبُوْنَ: ’’(اُس وقت انہیں کہا جائے گا :ہاں) یہ وہی فیصلے کا دن ہے جس کو تم لوگ جھٹلایا کرتے تھے۔‘‘ 

آیت ۲۲:  اُحْشُرُوا الَّذِیْنَ ظَلَمُوْا وَاَزْوَاجَہُمْ وَمَا کَانُوْا یَعْبُدُوْنَ مِنْ دُوْنِ اللّٰہِ: ’’(پھر حکم دیا جائے گا) جمع کرو ان سب ظالموں کو اور ان کے ساتھیوں کو اور ان کو بھی جن كى یہ لوگ پوجا کیا کرتے تھے، اللہ کے سوا.

      پھر فرشتوں کو حکم ہو گا کہ ان کافروں‘ مشرکوں اور ہر طرح کے مجرموں کو‘ چاہے وہ انسانوں میں سے ہوں یا ِجنوں میں سے‘ سب کو ایک جگہ جمع کر لو اور ان کے جھوٹے معبودوں کو بھی ساتھ ہی لے آؤ۔

آیت ۲۳   فَاہْدُوْہُمْ اِلٰی صِرَاطِ الْجَحِیْمِ: ’’پھر ان سب کو جہنم کا راستہ دکھاؤ!‘‘

        اب ذرا جہنم کے راستے کی طرف ان کی راہنمائی کرو‘ ان کو  escortکرو۔ 

آیت ۲۴   وَقِفُوْہُمْ اِنَّہُمْ مَّسْؤلُوْنَ: ’’اور انہیں ذرا روکو! ابھی ان سے کچھ پوچھا جائے گا۔‘‘ 

آیت۲۵   مَا لَـکُمْ لَا تَنَاصَرُوْنَ: ’’یہ تمہیں کیا ہو گیا ہے‘ تم ایک دوسرے کی مدد کیوں نہیں کر رہے ہو؟‘‘ 

        دُنیا میں تو تمہارے جتھے ّبہت طاقتور تھے‘ وہاں تو تمہیں اپنی محفلوں اور ان کے شرکاء پر بڑا غرور تھا‘ وہاں تو یہ ابو جہل بہت فخر سے کہا کرتا تھا کہ دیکھو میری مجلس کس قدر آباد ہے (مریم: ۷۳) اور دیکھو میرے ہاں کیسے کیسے لوگ آ کر بیٹھتے ہیں۔ تو آج وہ تمہارے جتھے دار اور حمایتی سب کے سب بے بس کیوں ہو گئے ہیں؟ اب تم ایک ہی حکم پر جہنم کی طرف کیوں چل پڑے ہو؟ اب تم آپس میں ایک دوسرے کی مدد کیوں نہیں کر رہے ہو؟

آیت ۲۶   بَلْ ہُمُ الْیَوْمَ مُسْتَسْلِمُوْنَ: ’’بلکہ آج تو یہ بہت فرمان بردار بنے ہوئے ہیں!‘‘

        آج تو یہ بغیر کسی مزاحمت کے اپنے آپ کو حوالے کر کے بلا چون و چرا سزا کے لیے پیش کر رہے ہیں۔

آیت ۷۵:  وَتَرَی الْمَلٰٓئِکَۃَ حَآفِّیْنَ مِنْ حَوْلِ الْعَرْشِ یُسَبِّحُوْنَ بِحَمْدِ رَبِّہِمْ: ’’اور تم دیکھو گے، فرشتوں کو کہ وہ عرشِ الٰہی کو گھیرے ہوئے ہوں گے ، اپنے ربّ کی تسبیح بیان کر رہے ہوں گے اُس کی حمد کے ساتھ۔‘‘

        وَقُضِیَ بَیْنَہُمْ بِالْحَقِّ: ’’اور ان کے مابین حق کے ساتھ فیصلہ کر دیا جائے گا‘‘

        یہاں پر بَیْنَہُمْ سے کچھ مفسرین نے تو انسان ہی مرادلیے ہیں اور ان کی رائے یہ ہے کہ یہاں گویا وہی بات دہرائی گئی ہے جو قبل ازیں چھٹے رکوع میں بایں الفاظ بیان ہوچکی ہے: (وَقُضِیَ بَیْنَہُمْ بِالْحَقِّ وَہُمْ لَا یُظْلَمُوْنَ) ۔ لیکن ایک دوسری رائے کے مطابق یہاں پر وَقُضِیَ بَیْنَہُمْ کا مطلب یہ ہے کہ انسانوں کے فیصلوں کے بعد فرشتوں کے درمیان بھی فیصلہ کر دیا جائے گا۔

        قبل ازیں سورۂ صٓ کی آیت: ۶۹ کے ضمن میں یہ وضاحت کی جا چکی ہے کہ فرشتے عاقل ہستیاں ہیں ۔ ان میں سے ہر کوئی اپنی سوچ اور اپنی رائے رکھتا ہے۔ اس بنا پرا ن میں اختلافات بھی ہوتے رہتے ہیں ۔ مثلاً یہ کہ اللہ تعالیٰ کے فیصلوں کے بارے میں بحث کرتے ہوئے ان میں سے ہر کوئی اپنی اپنی رائے دیتا ہو کہ اللہ تعالیٰ کے فلاں فیصلے میں یہ حکمت ہے ، وغیرہ وغیرہ۔ چنانچہ اس جملے کا ایک مفہوم یہ بھی ہو سکتا ہے کہ آخر میں فرشتوں کے درمیان پیدا ہونے والے اختلافات کا بھی حق کے ساتھ فیصلہ کر دیا جائے گا۔

        وَقِیْلَ الْحَمْدُ لِلّٰہِ رَبِّ الْعٰلَمِیْنَ: ’’اور پکارا جائے گا کہ کل کی کل حمد اللہ کے لیے ہے جو تمام جہانوں کا رب ہے!‘‘

        یعنی آخر میں وہی اللہ تعالیٰ کی جے بلند کی جائے گی کہ کل شکر اور کل تعریف اللہ کے لیے ہے، جو تمام جہانوں کا پروردگار ہے!

آیت ۱۵:   رَفِیْعُ الدَّرَجٰتِ ذُوالْعَرْشِ:  ’’(وہی اللہ ہے) درجات کو بلندکرنے والا‘ عرش کا مالک۔‘‘

        یہاں پھر اللہ کی شان کا بیان مرکب اضافی کی شکل میں ہوا ہے۔

         یُلْقِی الرُّوْحَ مِنْ اَمْرِہٖ عَلٰی مَنْ یَّشَآءُ مِنْ عِبَادِہٖ لِیُنْذِرَ یَوْمَ التَّلَاقِ:  ’’وہ القا کرتا ہے روح کو اپنے امر میں سے جس پر چاہتا ہے اپنے بندوں میں سے تا کہ وہ خبردار کر دے (لوگوں کو) ملاقات کے دن سے۔‘‘

        تا کہ اللہ تعالیٰ کے وہ بندے لوگوں کو یاد دہانی کرائیں کہ ایک دن انہوں نے اپنے رب کے حضور حاضر ہونا ہے۔ یہاں پر الرُّوْحَ مِنْ اَمْرِہٖ سے وحی مراد ہے۔ فرشتہ‘ وحی اور انسانی روح تینوں کا تعلق عالم امر سے ہے‘ لہٰذا ’’روح‘‘ کا لفظ ان تینوں کے لیے استعمال ہوتا ہے۔ 

آیت ۱۶:  یَوْمَ ہُمْ بٰـرِزُوْنَ لَا یَخْفٰی عَلَی اللّٰہِ مِنْہُمْ شَیْئٌ:  ’’جس روز یہ سامنے نکل کھڑے ہوں گے‘ ان کی کوئی چیز بھی اللہ سے مخفی نہیں ہو گی۔‘‘

         لِمَنِ الْمُلْکُ الْیَوْمَ:  ’’(اُس روز پوچھاجائے گا:) کس کے لیے ہے بادشاہی آج کے دن؟

         لِلّٰہِ الْوَاحِدِ الْقَہَّار:  ’’(جواب ملے گا:) اکیلے اللہ کے لیے ہے جو تمام کائنات پر چھایا ہوا ہے۔‘‘

آیت ۱۷:   اَلْیَوْمَ تُجْزٰی کُلُّ نَفْسٍم بِمَا کَسَبَتْ:  ’’آج ہر جان کو وہی بدلہ دیا جائے گا جو اُس نے کمایا۔‘‘

         لَا ظُلْمَ الْیَوْمَ اِنَّ اللّٰہَ سَرِیْعُ الْحِسَابِ:  ’’آج کوئی ظلم نہیں ہو گا۔ یقینا اللہ جلد حساب چکا دینے والا ہے۔‘‘

آیت ۴۷:  اِسْتَجِیْبُوْا لِرَبِّکُمْ مِّنْ قَبْلِ اَنْ یَّاْتِیَ یَوْمٌ لَّا مَرَدَّ لَہٗ مِنَ اللّٰہِ: ’’ (اے اہل ِایمان!) اپنے رب کی پکار پر لبیک کہو، اس سے پہلے کہ اللہ کے حکم سے وہ دن آ جائے جسے لوٹایا نہ جا سکے گا۔‘‘

        یہ اسی ’’استجابت‘‘ کا ذکر ہے جس کے بارے میں قبل ازیں ہم آیت ۳۸ میں پڑھ چکے ہیں۔ وہاںیہ ذکر اصحابِ عزیمت کی مدح کے طور پر آیا تھا، لیکن یہاں اب اس کے لیے ترغیب و تشویق کا اندازہے کہ اے لوگو! اب جبکہ تم نے یہ تمام احکام پڑھ لیے ہیں، غلبہ ٔدین کے حوالے سے تم نے اپنے فرائض کو سمجھ لیا ہے، اس ضمن میں اپنے رب کی مرضی و منشا بھی تمہیں معلوم ہو چکی ہے، تواب آؤ! آگے بڑھو! اور اپنے رب کی پکار پر فوراً لبیک کہو!

        دراصل تم میں سے ہر کسی نے اپنی اپنی زندگی کے لیے بڑے بڑے منصوبے بنا رکھے ہیں۔ چنانچہ اگر کسی کو اپنے اس ’’فرض‘‘ کی ادائیگی کا احساس ہو بھی جاتا ہے تو بھی اس کا دل انہی منصوبوں میں اٹکا رہتا ہے کہ بس میںیہ کام پایہ تکمیل تک پہنچا لوں، اس ذمہ داری سے سبکدوش ہو لوں وہ فرض نبھا لوں، تو خو دکودین کے لیے وقف کر دوں گا۔ مگر تم خوب جانتے ہو کہ موت کا کوئی وقت مقرر نہیں، یہ کسی وقت بھی آ سکتی ہے۔ لہٰذا اس سے پہلے کہ موت تمہارے سامنے آن کھڑی ہو، (تم اَقِیْمُوا الدِّیْنَ وَلَا تَتَفَرَّقُوْا فِیْہِ) کے حکم پر کان دھرو! اور اپنے رب کی اس پکار پر لبیک کہتے ہوئے دوسروں کے قدم سے قدم ملا کر آگے بڑھو!اور اپنی مدتِ مہلت ختم ہونے سے پہلے پہلے کرنے کا یہ اصل کام کر لو!

         مَالَـکُمْ مِّنْ مَّلْجَاٍ یَّوْمَئِذٍ وَّمَا لَـکُمْ مِّنْ نَّکِیْرٍ: ’’نہیں ہو گی تمہارے لیے اُس دن کوئی جائے پناہ اور نہیں ہو گا تمہارے لیے کوئی موقع انکار۔‘‘

        یعنی تم اپنے کرتوتوں میں سے کسی کا انکار نہیں کر سکو گے۔ ان الفاظ کا یہ مفہوم بھی ہے کہ جو کچھ بھی تمہارے ساتھ کیا جائے گا تم اس پر نہ تو کوئی احتجاج کر سکو گے اور نہ ہی اپنی حالت کو تبدیل کرنا تمہارے بس میں ہو گا۔ 

آیت ۶۶:  ہَلْ یَنْظُرُوْنَ اِلَّا السَّاعَۃَ اَنْ تَاْتِیَہُمْ بَغْتَۃً وَّہُمْ لَا یَشْعُرُوْنَ: ’’یہ لوگ کس چیز کا انتظار کر رہے ہیں سوائے قیامت کے کہ وہ آ جائے ان پر اچانک اور انہیں خبر بھی نہ ہو!‘‘

آیت ۶۷:  اَلْاَخِلَّآءُ یَوْمَئِذٍم بَعْضُہُمْ لِبَعْضٍ عَدُوٌّ اِلَّا الْمُتَّقِیْنَ: ’’بہت گہرے دوست اُس دن ایک دوسرے کے دشمن بن جائیں گے ‘سوائے متقین کے۔ ‘‘

          دنیا کی تمام دوستیاں اُس دن دشمنیوں میں بدل جائیں گی ‘ سوائے مؤمنین ِصادقین کی باہمی دوستیوں کے۔ 

آیت ۴۰:  اِنَّ یَوْمَ الْفَصْلِ مِیْقَاتُہُمْ اَجْمَعِیْنَ: ’’یقینا فیصلے کا دن ان سب کا وقت ِمعین ّہے۔‘‘ 

آيت 11: رِزْقًا لِّلْعِبَادِ وَأَحْيَيْنَا بِهِ بَلْدَةً مَّيْتًا:  «يه سب رزق هے بندوں كے ليے، اور اسى (پانى) سے هم زنده كر ديتے هيں مرده زمين كو».

كَذَلِكَ الْخُرُوجُ:  «اسى طرح سے نكلنا هو گا (تمهارا بھى)».

جس طرح بارش كے پانى كے باعث خشك اور بنجر زمين سے طرح طرح كى نباتات اگ آتى هيں اسى طرح تم بهى همارے حكم سے زنده هوكر زمين سے نكل آؤ گے.

آيت 7:  إِنَّ عَذَابَ رَبِّكَ لَوَاقِعٌ:  «تيرے رب كا عذاب يقينًا واقع هو كر رهے گا».

اس سے قيامت كا سخت دن مراد هے جس كے اٹل هونے كى حقيقت كو سورة الشورى كى آيت: 47 ميں (يَوْمٌ لَّا مَرَدَّ لَهُ) «وه دن جسے لوٹايا نه جا سكے گا» كے الفاظ ميں بيان كيا گيا هے.

آيت 8:  مَا لَهُ مِنْ دَافِعٍ:  «اسے كوئى روكنے والا نه هو گا».

       آيت 9:  يَوْمَ تَمُورُ السَّمَاءُ مَوْرًا:  «جس روز كه آسمان برى طرح لرزے گا».

آيت 10:  وَتَسِيرُ الْجِبَالُ سَيْرًا:  «اور پهاڑ چل رهے هوں گے جيسے چلا جاتا هے».

پهاڑوں پر زمين كى گرفت برقرار نهيں رهے گى اور وه ٹوٹ كر فضا ميں بادلوں كى طرح اڑتے پھريں گے.

آيت 11:  فَوَيْلٌ يَوْمَئِذٍ لِلْمُكَذِّبِينَ:  «پس هلاكت وبربادى هے اُس دن جھٹلانے والوں كے ليے».

آيت 12:  الَّذِينَ هُمْ فِي خَوْضٍ يَلْعَبُونَ:  «وه لوگ جو خوش گپيوں ميں مصروف كھيل رهے هيں».

آيت 45:  فَذَرْهُمْ حَتَّى يُلَاقُوا يَوْمَهُمُ الَّذِي فِيهِ يُصْعَقُونَ:  «تو (اے نبى) چھوڑے ركھيے ان كو، يهاں تك كه وه اپنے اس دن سے دو چار هوں جس ميں ان پر بجلى كى كڑك گرے گى».

«چھوڑ دينے» كے مفهوم ميں يه حكم ابتدائى زمانے كى سورتوں ميں تكرار كے ساتھ آيا هے، جيسے سورة المعارج ميں فرمايا گيا: (فَذَرْهُمْ يَخُوضُوا وَيَلْعَبُوا حَتَّى يُلَاقُوا يَوْمَهُمُ الَّذِي يُوعَدُونَ) آيت: 42  «تو (اے پيغمبر) ان كو باطل ميں پڑے رهنے اور كھيل لينے دو يهاں تك كه جس دن كا ان سے وعده كيا جاتا هے وه ان كے سامنے آ موجود هو». سورة القلم ميں فرمايا گيا: (فَذَرْنِي وَمَنْ يُكَذِّبُ بِهَذَا الْحَدِيثِ سَنَسْتَدْرِجُهُمْ مِنْ حَيْثُ لَا يَعْلَمُونَ) آيت: 44  «تو آپ مجھ كو اس كلام كے جھٹلانے والوں سے سمجھ لينے ديں. هم ان كو آهسته آهسته ايسے طريق سے پكڑيں گے كه ان كو خبر بھى نه هو گى». اس حكم كے تكرار كا مطلب يهى هے كه اے نبى! آپ ان لوگوں كے تمسخر، استهزا اور ديگر مخالفانه هتكھنڈوں كو بالكل خاطر ميں نه لائيں اور تذكير وتبليغ كے حوالے سے اپنا مشن جارى ركھيں، ان لوگوں كے معاملے كو آپ مجھ پر چھوڑ ديں، ان سے ميں خود نمٹ لوں گا.

آيت 6:  فَتَوَلَّ عَنْهُمْ:  «تو (اے نبى) آپ ان سے صرف نظر كر ليجيے».

    يَوْمَ يَدْعُ الدَّاعِ إِلَى شَيْءٍ نُكُرٍ:   «جس دن ايك پكارنے والا پكارے گا ايك بهت ناگوار چيز كى طرف».

جيسا كه قبل ازيں بھى ذكر هو چكا هے، ابتدائى مكى دور ميں نازل هونے والى سورتوں ميں حضور كو ملتے جلتے الفاظ ميں يه هدايت بار بار دى گئى هے كه آپ صبر كريں، آپ در گزر سے كام ليں، انهيں نظر انداز كر ديں، وغيره وغيره.

آيت 37:  فَإِذَا انْشَقَّتِ السَّمَاءُ فَكَانَتْ وَرْدَةً كَالدِّهَانِ:  «پھر جب آسمان پھٹ جائے گا اور هو جائے گا گلابى، تيل كى تلچھٹ كى طرح».

آيت 38:  فَبِأَيِّ آلَاءِ رَبِّكُمَا تُكَذِّبَانِ:  «تو تم دونوں اپنے رب كى كون كون سى نعمتوں اور قدرتوں كا انكار كرو گے»؟

آيت 39:  فَيَوْمَئِذٍ لَا يُسْأَلُ عَنْ ذَنْبِهِ إِنْسٌ وَلَا جَانٌّ:  «تو اس روز پوچھنے كى ضرورت نهيں هو گى، نه كسى جِن سے اور نه انسان سے اس كے گناهوں كے بارے ميں».

اگرچه سوال وجواب بھى هوں گے اور ايك ايك عمل كا حساب بھى هوگا، ليكن چونكه هر انسان اپنے اندرونى احوال كو بخوبى سمجھتا هے: (بَلِ الْإِنْسَانُ عَلَى نَفْسِهِ بَصِيرَةٌ) {القيامة: 14} اس ليے ميدانِ حشر ميں هر شخص كا چهره هى گويا اس كے انجام كى خبر دے رها هوگا. اس كيفيت كا نقشه قرآن ميں جا بجا دكھايا گيا هے، جس كا خلاصه يه هے كه اُس دن كئى چهرے تر وتازه هوں گے، جبكه كچھ چهروں پر مردنى چھا رهى هوگى. اس كيفيت كى عملى مثال همارے هاں اسكولوں كے سالانه نتائج كے اعلان كے موقع پر ديكھنے ميں آتى هے. چونكه هر طالب علم كو امتحان كے دوران اپنى كاركردگى كے بارے ميں پهلے سے معلوم هوتا هے، اس ليے نتائج كے باقاعده اعلان سے پهلے هى هر ايك كا نتيجه اس كے چهرے پر سے پڑھا جا سكتا هے.

آيت 40:  فَبِأَيِّ آلَاءِ رَبِّكُمَا تُكَذِّبَانِ:  «تو تم دونوں اپنے رب كى كون كون سى نعمتوں اور قدرتوں كا انكار كرو گے»؟

آيت 41:  يُعْرَفُ الْمُجْرِمُونَ بِسِيمَاهُمْ فَيُؤْخَذُ بِالنَّوَاصِي وَالْأَقْدَامِ:  «پهچان ليے جائيں گے مجرم اپنے چهروں سے، پھر ان كو پكڑا جائے گا پيشانى (كے بالوں) سے اور پاؤں سے».

اس دن مجرمين كے اترے هوئے چهرے هى ان كى پهچان هوں گے. چنانچه فرشتے انهيں ٹانگوں اور پيشانى كے بالوں سے پكڑ پكڑ كر جهنم كى طرف اُچھالتے جائيں گے.

آيت 42:  فَبِأَيِّ آلَاءِ رَبِّكُمَا تُكَذِّبَانِ:  «تو تم دونوں اپنے رب كى كون كون سى نعمتوں اور قدرتوں كا انكار كرو گے»؟

آيت 43:  هَذِهِ جَهَنَّمُ الَّتِي يُكَذِّبُ بِهَا الْمُجْرِمُونَ: «(اس وقت ان سے كها جائے گا كه) يه هے وه جهنم جسے مجرمين جھٹلايا كرتے تھے».

آيت 1:  إِذَا وَقَعَتِ الْوَاقِعَةُ:  «جب وه هونے والا واقعه رونما هو جائے گا».

اس آيت كا ترجمه يوں بھى كيا جا سكتا هے كه  «جب وه وقوع پذير هونے والى وقوع پذير هو جائے گى». يعنى جس قيامت كى خبر تم لوگوں كو دى جا رهى هے جب وه آ جائے گى.

آيت 2:  لَيْسَ لِوَقْعَتِهَا كَاذِبَةٌ:  «(اور جان لو) اس كے واقع هونے ميں كوئى جھوٹ نهيں هے».

يعنى وه هر صورت وقوع پذير هو كر رهے گى.

آيت 3:  خَافِضَةٌ رَافِعَةٌ:  «وه پست كرنے والى اور بلند كرنے والى هو گى».

بهت سے ايسے لوگ جو دنيا ميں بهت بلند مقام ومناصب كے مالك تھے، قيامت انهيں ذليل ورسوا كر دے گى. اس كے برعكس كئى فقرا ومساكين جن كا دنيا ميں كوئى پرسانِ حال نهيں تھا، اس دن بهت بلند مقامات پر فائز نظر آئيں گے. اُس دن حضرت ابو هريره، حضرت ابو درداء، حضرت ابو ذر غفارى اور دوسرے فقرا صحابه رضي الله عنهم اجمعين كو ايسے اعلى مراتب عطا هوں گے جن كے بارے ميں آج هم لوگ تصور بھى نهيں كر سكتے.

آيت 4:  إِذَا رُجَّتِ الْأَرْضُ رَجًّا:  «جب زمين هلا ڈالى جائے گى جيسے كه زلزله آتا هے».

آيت 5:  وَبُسَّتِ الْجِبَالُ بَسًّا:  «اور پهاڑ بالكل ريزه ريزه كر ديے جائيں گے».

آيت 6:  فَكَانَتْ هَبَاءً مُنْبَثًّا:  «پس وه هو جائيں گے اُڑتا هوا غبار».

آيت 49:  قُلْ إِنَّ الْأَوَّلِينَ وَالْآخِرِينَ:  «(اے نبى!) آپ كهيے كه يقينًا پهلے اور پچھلے بھى».

آيت 50:  لَمَجْمُوعُونَ إِلَى مِيقَاتِ يَوْمٍ مَعْلُومٍ:  «لازمًا جمع كيے جائيں گے ايك مقرر دن كے طے شده وقت پر».

آيت 12:  يَوْمَ تَرَى الْمُؤْمِنِينَ وَالْمُؤْمِنَاتِ يَسْعَى نُورُهُمْ بَيْنَ أَيْدِيهِمْ وَبِأَيْمَانِهِمْ:  «جس دن تم ديكھو گے مؤمن مَردوں اور مؤمن عورتوں كو كه ان كا نور دوڑتا هوگا اُن كے سامنے اور ان كى داهنى طرف».

بعض مفسرين كى رائے كے مطابق «يَوْمَ» سے پهلے «اُذْكُرْ» محذوف هے، يعنى ذرا تصور كرو اس دن كا جس دن مؤمن مَردوں اور مؤمن عورتوں پر يه عنايتِ خاص هو گى، اُن كے سامنے اُن كے ايمان كا نور هو گا جبكه داهنى طرف اعمالِ صالحه كى روشنى هو گى. (يه مضمون سورة التحريم ميں مكرر آئے گا، وهاں اس پر ان شاء الله قدرے تفصيل سے گفتگو هو گى.)

بُشْرَاكُمُ الْيَوْمَ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا:  «(ان سے كها جائے گا:) آج تمهارے ليے بشارت هے ان جنتوں كى جن كے نيچے نهريں بهه رهى هيں، تم رهو گے اس ميں هميشه هميش».

ذَلِكَ هُوَ الْفَوْزُ الْعَظِيمُ:  «يقينًا يهى بهت بڑى كاميابى هے».

آيت 13:  يَوْمَ يَقُولُ الْمُنَافِقُونَ وَالْمُنَافِقَاتُ لِلَّذِينَ آمَنُوا انْظُرُونَا نَقْتَبِسْ مِنْ نُورِكُمْ:  «جس دن كهيں گے منافق مَرد اور منافق عورتيں ايمان والوں سے كه ذرا همارا انتظار كرو كه هم بھى تمهارى روشنى سے فائده اُٹھا ليں».

 اس صورت حال كو يوں سمجھيں جيسے كچھ مسافر ايك خطرناك جنگل كے اندر تنگ پگڈنڈى پر گھپ اندھيرے ميں سفر كر رهے هوں، ان ميں سے جن لوگوں كے پاس ٹارچ هے وه تو تيز تيز قدموں كے ساتھ پگڈنڈى پر رواں دواں هيں، ليكن جن كے پاس ٹارچ نهيں هے، وه ان كى منتيں كر رهے هيں كه خدارا ذرا ركو! ذرا ٹھهرو! هم پر عنايت كرو، هميں بھى ساتھ لے لو. نَقْتَبِسْ كا ماده: قبس هے، جس كے لغوى معنى هيں كسى كى آگ سے چنگارى لے كر اپنى آگ جلانا. لفظ «اقتباس» اُردو ميں qoutation كے معنى ميں مستعمل هے. آپ نے اپنے مضمون ميں كسى اور كى تحرير سے اقتباس شامل كيا تو گويا آپ نے كسى كے چولهے كى ايك چنگارى لا كر اپنے چولهے ميں شامل كى هے.

قِيلَ ارْجِعُوا وَرَاءَكُمْ فَالْتَمِسُوا نُورًا:  «كها جائے گا: لوٹ جاؤ پيچھے كى طرف اور تلاش كرو نور!»

انهيں بتا ديا جائے گا كه يه نور يهاں سے نهيں ملتا. اس وقت جن لوگوں كے پاس تمهيں نور نظر آ رها هے وه اسے دنيا سے كما كر لائے هيں. چنانچه اب اگر تمهيں اس كى ضرورت محسوس هو رهى هے تو اس كے ليے تمهيں واپس دنيا ميں جانا هو گا اور وهاں جا كر اسے تلاش كرنا هو گا، جس كا اب كوئى امكان نهيں هے. يهاں پر يه لطيف نكته بھى لائق توجه هے كه منافقين روشنى كے ليے درخواست تو اهلِ ايمان سے كريں گے ليكن اس كا جواب كوئى اور دے گا، كيوں كه يهاں قَالُوْا نهيں بلكه قِيْلَ (كها جائے گا) كا صيغه آيا هے. اس كا مطلب يه هے اهلِ ايمان كى مروت اور شرافت سے بعيد هو گا كه وه انهيں كورا جواب ديں. اس ليے الله تعالى كے حكم سے كوئى فرشته انهيں ان كى مذكوره درخواست كا جواب دے گا.

فَضُرِبَ بَيْنَهُمْ بِسُورٍ لَهُ بَابٌ:  «پھر ان كے درميان ايك فصيل كھڑى كر دى جائے گى جس ميں ايك دروازه هو گا».

بَاطِنُهُ فِيهِ الرَّحْمَةُ وَظَاهِرُهُ مِنْ قِبَلِهِ الْعَذَابُ:  «اس (فصيل) كى اندرونى جانب رحمت هو گى اور اس كے باهر كى طرف عذاب هو گا».

يعنى اس ديوار كے اندر كى طرف رحمتِ بارى تعالى كا نزول شروع هو جائے گا، اهل ايمان كى ابتدائى مهمان نوازى كا سلسله شروع هو جائے گا، جبكه اس فصيل كے باهر كى طرف عذاب الهى كا نزول شروع هو جائے گا. اس طرح اس چھلنى سے گزار كر منافقين كو سچے اهل ايمان سے الگ كر ليا جائے گا.

اب اگلى دو آيات ميں منافقت كے بارے ميں بتايا گيا هے كه يه مرض كيسے پيدا هوتا هے اور اس كى پيتھالوجى كيسے ارتقا پاتى هے.

آيت 14:  يُنَادُونَهُمْ أَلَمْ نَكُنْ مَعَكُمْ:  «وه (منافق) انهيں پكار كر كهيں گے كيا هم تمهارے ساتھ نه تھے؟»

هم تمهارے ساتھ مسجدِ نبوى ميں نمازيں پڑھا كرتے تھے، عيدوں كى نمازوں ميں بھى هم تمهارے ساتھ هوتے تھے، هم نے تمهارے ساتھ فلاں فلاں مهمات ميں بھى حصه ليا. هر جگه، هر مقام پر هم تمهارے ساتھ هى تو تھے، پھر آج تمهارے اور همارے مابين اتنا فرق وتفاوت كيوں هے؟

قَالُوا بَلَى:  «وه كهيں گے: هاں كيوں نهيں! (تم تھے تو همارے ساتھ هى)».

وَلَكِنَّكُمْ فَتَنْتُمْ أَنْفُسَكُمْ:  «ليكن تم نے اپنے آپ كو (اپنے هاتھوں) فتنے ميں ڈالا»

فتنه كيا هے؟ قرآن مجيد ميں فتنے كى تين نسبتيں بيان كى گئى هيں. كهيں تو الله تعالى اس كى نسبت اپنى طرف كرتا هے كه هم نے ان كو فتنے ميں ڈالا هے كه هم آزما كر ظاهر كر ديں كه كون كھرا هے، كون كھوٹا هے. دوسرى نسبت ان كفار كى طرف كى گئى جو مسلمانوں كو ستا رهے تھے اور انهيں فتنے ميں ڈال رهے تھے. تيسرى نسبت يه هے كه انسان اپنے آپ كو خود فتنے ميں ڈالتا هے، يعنى جو لوگ اهل وعيال اور متاع دنيوى كى محبت ميں گرفتار هو جاتے هيں اور ان كى محبت كو الله كى محبت پر ترجيح ديتے هيں وه اپنے آپ كو فتنے ميں مبتلا كر ليتے هيں. اس فتنے كا ذكر سورة التغابن ميں بايں الفاظ فرمايا گيا هے: (إِنَّمَا أَمْوَالُكُمْ وَأَوْلَادُكُمْ فِتْنَةٌ) (آيت: 15) «بلاشبه تمهارے مال اور تمهارى اولاد (تمهارے حق ميں) فتنه هيں». الله تعالى، اس كے رسول صلى الله عليه وسلم اور جهاد في سبيل الله كے مقابلے ميں اپنے مال ومتاع اور اهل وعيال كو عزيز تر جاننا سب سے بڑا فتنه هے. يهاں پر سورة التوبه كى يه آيت بھى ذهن ميں تازه كر ليں:

(قُلْ إِنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّى يَأْتِيَ اللَّهُ بِأَمْرِهِ وَاللَّهُ لَا يَهْدِي الْقَوْمَ الْفَاسِقِينَ) آيت: 24.

« (اے نبى صلى الله عليه وسلم ان سے) كهه ديجيے كه اگر تمهارے باپ، تمهارے بيٹے، تمهارے بھائى، تمهارى بيوياں (اور بيويوں كے ليے شوهر)، تمهارے رشته دار اور وه مال جو تم نے بهت محنت سے كمائے هيں، اور وه تجارت جس كے مندے كا تمهيں خطره رهتا هے، اور وه مكانات جو تمهيں بهت پسند هيں، (اگر يه سب چيزيں) تمهيں محبوب تر هيں الله، اُس كے رسول اور اس كے راستے ميں جهاد سے تو انتظار كرو يهاں تك كه الله اپنا فيصله سنا دے. اور الله ايسے فاسقوں كو راه ياب نهيں كرتا».

اس آيت نے گويا ايك ترازو نصب كر كے اس كے ايك پلڑے ميں آٹھ اور دوسرے ميں تين محبتيں ركھ دى هيں، اب هر كوئى اپنے اپنے پلڑوں كى كيفيت كو ديكھ كر اندازه لگا سكتا هے كه وه كهاں كھڑا هے. تو اے گروهِ منافقين! تم خود بتاؤ تم نے اپنى زندگيوں ميں ان ميں سے كون سے پلڑے كو جھكا كر ركھا تھا؟ آٹھ محبتوں والے پلڑے كو يا الله ورسول صلى الله عليه وسلم اور جهاد كى محبت والے پلڑے كو؟ ظاهر هے دنيا ميں تم لوگ دنيا دارى كے تقاضوں كو، اپنے مال ومتاع اور اهل وعيال  كو الله كى رضا اور اس كے رسول صلى الله عليه وسلم كى محبت پر ترجيح ديتے رهے هو، يه تمهارا اپنا فيصله تھا. يه فيصله كر كے تم نے اپنے آپ كو خود فتنے ميں ڈالا اور اس كا نتيجه كيا نكلا؟

وَتَرَبَّصْتُمْ:  «اور تم گو مگو كى كيفيت ميں مبتلا هو گئے»

يه وهى لفظ هے جو سورة التوبه كى مذكوره بالا آيت كے آخر ميں (فَتَرَبَّصُوْا) آيا هے. تَرَبُّص كے معنى انتظار كے بھى هيں كه آدمى كسى جگه پر ٹھٹك كر كھڑا هو جائے. ايمان وعمل كے معاملے ميں يه «انتظار» هى دراصل فتنه هے. يه ايمان كى ڈانواں ڈول كيفيت كا نام هے جس كى وجه سے آدمى فيصله نهيں كر سكتا كه آگے بڑھوں يا نه بڑھوں! آگے بڑھتا هوں تو جان ومال كو شديد خطرات لاحق هوتے هيں اور رُكتا هوں تو باز پرس كا ڈر هے. ايسى صورت حال ميں وه سوچنے لگتا هے كه كچھ دير انتظار كرتا هوں، اگر خطره ٹل گيا تو آگے بڑھ جاؤں گا، ورنه پيچھے مڑ جاؤں گا. اور باز پرس هو گى تو جھوٹ بول كر جان بچا لوں گا.

وَارْتَبْتُمْ:  «اور تم لوگ شكوك وشبهات ميں پڑ گئے»

پھر تمهارى منافقت كا مرض بڑھ كر اگلے مرحلے ميں داخل هو گيا. يعنى پهلے الله كے مقابلے ميں مال واولاد كى محبت نے فتنے ميں ڈالا، اس كا نتيجه «ترَبُّص» (گو مگو كى كيفيت) كى صورت ميں سامنے آيا. پھر اس كے بعد ايك مرحله ايسا بھى آيا جب بچے كھچے ايمان ميں شكوك وشبهات كے كانٹے چھبنے شروع هو گئے كه كيا پتا قيامت آئے گى بھى كه نهيں! معلوم نهيں يه مر كر زنده هونے كى باتيں سچى اور واقعى هيں يا محض افسانے هيں! يه دنيا تو ايك حقيقت هے، ليكن آخرت كا كيا اعتبار! يهاں كا عيش اور يهاں كے مزے تو نقد هيں. اس آرام وآسائش كو اگر ميں آخرت كے موهوم وعدے پر قربان كر دوں تو پتا نهيں اس كا اجر ملے گا بھى يا نهيں! اس كے بعد اس مرض كى آخرى نشانى بتائى گئى:

وَغَرَّتْكُمُ الْأَمَانِيُّ:  «اور تمهيں دھوكے ميں ڈال ديا تمهارى خواهشات نے»

ان خواهشات كى ايك صورت يه بھى هے كه الله بڑا غفور ورحيم هے، وه بڑے بڑے گناه گاروں كو بخش ديتا هے، هم جو بھى هيں، جيسے بھى هيں، الله تعالى كے محبوب صلى الله عليه وسلم كى امّت هيں. بالكل ايسا هى زعم يهوديوں كو بھى تھا كه هم الله كے محبوب وبرگزيده بندے هيں: we are the chosen people of the lord. چنانچه تم لوگ اپنى انهى خوش فهميوں ميں مگن رهے. اس مرحلے ميں اگر كبھى توبه كرنے اور روش تبديل كرنے كا خيال تمهيں آيا بھى تو خوشنما آرزوؤں (wishful thinkings) كے تصور نے تمهارے ضمير كو تھپك تھپك كر پھر سے سُلا ديا.

حَتَّى جَاءَ أَمْرُ اللَّهِ وَغَرَّكُمْ بِاللَّهِ الْغَرُورُ:  «يهاں تك كه الله كا فيصله آگيا اور تمهيں خوب دھوكه ديا الله كے معاملے ميں اُس بڑے دھوكے باز نے».

يعنى شيطان لعين نے تم لوگوں كو الله كے نام پر دھوكه ديا. اس حوالے سے سوره لقمان ميں هم يه تنبيه پڑھ چكے هيں: (فَلَا تَغُرَّنَّكُمُ الْحَيَاةُ الدُّنْيَا وَلَا يَغُرَّنَّكُمْ بِاللَّهِ الْغَرُورُ) «تو (ديكھو!) تمهيں دھوكے ميں نه ڈال دے دنيا كى زندگى اور (ديكھنا!) تمهيں دھوكے ميں نه ڈال دے الله كے حوالے سے وه بڑا دھوكے باز».

زير مطالعه اس آيت ميں بهت جامع انداز ميں منافقت كے مدارج اور مراحل كے بارے ميں بتا ديا گيا هے. مرض كا نقطه آغاز مال واولاد كى حد سے بڑھى هوئى محبت سے هوتا هے، ان چيزوں ميں انهماك كى وجه سے انسان كے دل ميں الله، اس كے رسول صلى الله عليه وسلم اور جهاد كى محبت بتدريج كم هوتى چلى جاتى هے، اس صورت حال كے نتيجے ميں تربص كى كيفيت پيدا هوتى هے. جس كى وجه سے ايمان كے اندر شكوك وشبهات كے رخنے پڑ جاتے هيں اور يه وه مرحله هے جب نفاق اپنى اصل شكل ميں نمودار هو كر دل ميں مستقل ڈيرے جما ليتا هے.

آيت 15:  فَالْيَوْمَ لَا يُؤْخَذُ مِنْكُمْ فِدْيَةٌ وَلَا مِنَ الَّذِينَ كَفَرُوا:  «تو آج نه تم سے كوئى فديه قبول كيا جائے گا اور نه هى كافروں سے».

ان الفاظ ميں گويا واضح كر ديا گيا كه دنيا ميں تمهارا شمار بے شك مسلمانوں ميں هوتا رها تھا ليكن يهاں تمهارا حشر كافروں كے ساتھ هو گا. دنيا ميں تو منافق خود كو مسلمان هى كهتا هے اور قانونًا بھى وه مسلمان هى شمار هوتا هے، ليكن الله خوب جانتا هے كه اس كا دل ايمان سے خالى هے اور وه صرف ايك زبانى عقيده (dogma) ليے پھرتا هے. ظاهر هے جب دل ميں ايمان هى نهيں تو اس كے نيك اعمال بھى رياكارى اور دكھاوے پر مبنى هيں. چنانچه ايسے لوگوں كو ان كے نيك اعمال كا بھى بالكل كوئى اجر نهيں ملے گا. بهرحال ميدانِ حشر ميں يه لوگ نور سے محروم هوں گے اور ان كا حشر كافروں كے ساتھ هو گا.

مَأْوَاكُمُ النَّارُ هِيَ مَوْلَاكُمْ وَبِئْسَ الْمَصِيرُ:  «تمهارا ٹھكانه آگ هے، وهى تمهارى غم خوارى هے، اور وه بهت هى بُرا ٹھكانه هے».

«مَأْوَى» سے مراد هے: پناه گاه، جس كى طرف انسان كسى خطرے سے بچنے كے ليے دوڑتا اور لپكتا هے. يهاں طنزًا فرمايا گيا كه اب تمهارى پناه گاه اور ٹھكانه يهى آگ هے. اسى طرح يهاں «موْلَى» كا لفظ بھى طنزًا استعمال هوا هے. مَوْلَى كا مطلب هے: همدرد، مونس وغم خوار، غم گسار، مددگار، دوست، پشت پناه، دم ساز، ساتھى وغيره. چنانچه فرمايا كه اب يهى آگ تمهارى همدرد، غم گسار اور خبرگيرى كرنے والى هے، دكھ درد كهنا هے تو اسے كهو، ناله وشيون هے تو اسى سے كرو! مزيد فرمايا كه وه بهت هى بُرا ٹھكانه هے. «مَصِيْرٌ» كا مطلب هے: لوٹنے كى جگه، وه جگه جهاں انسان بانجامِ كار پهنچا ديا جائے ___ اَعَاذَنَا اللهُ مِنْ ذَلِكَ!

اب اگلى آيت ميں الله تعالى هر اس شخص سے سوال كر رهے هيں جس نے اب تك كى يه سب باتيں پڑھ كر يا سن كر اپنے دل ميں اتار لى هيں، سوال وخطاب كا يه بهت جذباتى انداز هے:

آيت 9:  يَوْمَ يَجْمَعُكُمْ لِيَوْمِ الْجَمْعِ ذَلِكَ يَوْمُ التَّغَابُنِ:  «جس دن كه وه تمهيں جمع كرے گا جمع هونے كے دن كے ليے، وهى هے هار اور جيت كے فيصلے كا دن».

اصل جيت بھى اس دن كى جيت هے اور اصل هار بھى اس دن كى هار هے. اس كے مقابلے ميں دنيا كى هار يا جيت كوئى معنى نهيں ركھتى. دنيا كى هار جيت تو كسى ڈرامے كے كرداروں كى هار جيت كى طرح هے، جس كا متعلقه كردار كى حقيقى زندگى سے كچھ بھى تعلق نهيں هوتا --- اب آگے وضاحت كى جا رهى هے كه قيامت كے دن كى جيت كس كے حصے ميں آئے گى اور اس دن كى هار كس كے گلے كا هار بنے گى.

وَمَنْ يُؤْمِنْ بِاللَّهِ وَيَعْمَلْ صَالِحًا:  «اور جو كوئى ايمان لائے الله پر اور نيك اعمال كرے»

ان اعمال كى تفصيل آگے آئے گى.

يُكَفِّرْ عَنْهُ سَيِّئَاتِهِ وَيُدْخِلْهُ جَنَّاتٍ تَجْرِي مِنْ تَحْتِهَا الْأَنْهَارُ خَالِدِينَ فِيهَا أَبَدًا:  «وه اُس كى برائيوں كو اس سے دور كر دے گا اور اسے ان باغات ميں داخل كرے گا جن كے دامن ميں نهريں بهتى هوں گى، وه اس ميں رهيں گے هميشه هميش».

ذَلِكَ الْفَوْزُ الْعَظِيمُ:  «يه بهت بڑى كاميابى».

يه جيت كى شرح هو گئى، يعنى جنت ميں داخله اور هميشه كا خلود! گويا يه هے مستقل، واقعى اور حقيقى جيت! اس كے برعكس هار كيا هے؟ اسے اگلى آيت ميں واضح فرما ديا گيا:

آيت 42: يَوْمَ يُكْشَفُ عَنْ سَاقٍ: «جس دن پنڈلى كھولى جائے گى»

        پنڈلى كھولے جانے كا مفهوم همارے تصور سے ماوراء هے. ممكن هے يه الله تعالى كى خاص تجلى كا ذكر هو جس كا ظهور ميدان محشر كے كسى مرحلے پر لوگوں كى چھانٹى كرنے كے ليے هونا هو. والله أعلم! اس اعتبار سے يه آيت آيات متشابهات ميں سے هے.

وَيُدْعَوْنَ إِلَى السُّجُودِ فَلَا يَسْتَطِيعُونَ: «اور انهيں پكارا جائے گا (الله كے حضور) سجدے كے ليے تو وه كر نهيں سكيں گے.»

جيسا كه قبل ازيں سورة الحديد كى آيت 11 كے تحت بھى ذكر هوچكا هے، ميدان حشر ميں اچھے اور برے لوگوں كو الگ الگ كرنے كے ليے بنى نوع انسان كو مختلف مراحل سے گذرارا جائے گا. «پنڈلى كا ظهور» بھى ايسا هى كوئى مرحله هوگا. وه صاحب ايمان لوگ جو اپنى دنيوى زندگى ميں نماز كى پابندى كرتے رهے تھے اس تجلى كو ديكھتے هى سجدے ميں گرجائيں گے، ليكن وه لوگ جن كى گردنيں اكڑى رهتى تھيں اور جو نماز كى پابندى كا اهتمام نهيں كرتے تھے وه اپنى تمام تر كوشش كے باوجود اس وقت سجده نهيں كرسكيں گے. گويا اس مرحلے پر ان لوگوں كو الله تعالى كے سامنے جھكنے والوں سے الگ كرليا جائے گا.

آيت 43: خَاشِعَةً أَبْصَارُهُمْ: «ان كى نگاهيں زمين پر گڑى ره جائيں گى»

تَرْهَقُهُمْ ذِلَّةٌ: «ان (كے چهروں) پر ذلت چھا رهى هوگى.»

وَقَدْ كَانُوا يُدْعَوْنَ إِلَى السُّجُودِ وَهُمْ سَالِمُونَ: «اور ان كو (دنيا ميں) پكارا جاتا تھا سجدے كے ليے جب كه وه صحيح سالم تھے.

دنيا ميں وه لوگ اذان كى آواز پر كبھى توجه هى نهيں كرتے تھے اور كوئى مجبورى و معذورى نه هونے كے باوجود بھى الله تعالى كے حضور سجده ريز نهيں هوتے تھے. قيامت كے دن ميدان محشر ميں وه سجده كرنا چاهيں گے ليكن نهيں كرسكيں گے.

آيت 1: الْحَاقَّةُ: «وه حق هوجانے والى»۔

يعنى قيامت جس كا وقوع پذير هونا حق هے، اس كا واقع هونا ايك مسلّمه صداقت اور اٹل حقيقت هے جس ميں قطعا كوئى شك نهيں۔

آيت 2: مَا الْحَاقَّةُ: «كيا هے وه حق هوجانے والى؟»

آيت 1: سَأَلَ سَائِلٌ بِعَذَابٍ وَاقِعٍ: «مانگا ايك مانگنے والے نے ايك ايسا عذاب جو واقع هونے والا هے۔»

آيت 2: لِّلْكَافِرينَ لَيْسَ لَهُ دَافِعٌ: «كافروں كے ليے، جس كو كوئى ٹال نه سكے گا۔»

[نوٹ: اس مقام پر جمهور مفسرين كى رائے حضرت شاه صاحب اور محترم ڈاكٹر صاحب رحمهما الله كى رائے سے مختلف هے۔ بعض مفسرين نے يهاں «سأل» كو دريافت كرنا كے معنى ميں ليا هے۔ ان كے نزديك آيت كا مفهوم يه هے كه پوچھنے والے نے پوچھا هے كه وه عذاب جس كى هميں خبر دى جارهى هے، كن لوگوں پر نازل هوگا؟ تو اس سوال كا جواب ديا گيا كه وه كفار پر نازل هوگا اور جب نازل هوگا تو كوئى اس كو ٹال نهيں سكے گا۔ ليكن اكثر مفسرين نے اس جگه «سأل» كو مانگنے اور طلب كرنے كے معنى ميں ليا هے۔ ان كے نزديك ان الفاظ ميں نضر بن حارث كى اس دعا كى طرف اشاره هے جو سورة الانفال ميں بايں الفاظ بيان هوئى هے: (اللَّهُمَّ إِن كَانَ هَذَا هُوَ الْحَقَّ مِنْ عِندِكَ فَأَمْطِرْ عَلَيْنَا حِجَارَةً مِّنَ السَّمَاء أَوِ ائْتِنَا بِعَذَابٍ أَلِيمٍ) «اے الله! اگر يه (قرآن) تيرى هى طرف سے برحق هے تو برسا دے هم پر پتھر آسمان سے يا بھيج دے هم پر كوئى درد ناك عذاب۔» مزيد برآں قرآن حكيم ميں متعدد مقامات پر كفار مكه كے اس چلنج كا ذكر كيا گيا هے كه جس عذاب سے آپ هميں ڈراتے رهتے هيں وه لے كيوں نهيں آتے۔ اس مطالبے كا جواب يه ديا گيا كه وه عذاب كفار كے ليے تيار هے، وه ضرور انهيں چكھايا جائے گا، ليكن اپنے وقت پر۔ اور جب وه مقرره گھڑى آجائے گى تو دنيا كى كوئى طاقت اس عذاب كو ٹال نهيں سكے گى۔ (حاشيه از مرتب)]

          يهاں سأل سائل سے كون مراد هے؟ اس بارے ميں مفسرين كے درميان بهت اختلاف پايا جاتا هے۔ ميرى رائے بهت پهلے سے يه تھى كه يه عذاب طلب كرنے والے خود حضور صلى الله عليه وسلم هيں، ليكن مجھے اپنى رائے پر اطمينان اس وقت هوا جب مجھے معلوم هوا كه شاه عبد القادر دهلوى كى رائے بھى يهى هے۔ عام مفسرين ميں سے بهت كم لوگ شاه صاحب كى اس رائے سے متفق هيں كه اس آيت ميں حضور كى خواهش يا دعا كا ذكر هے۔

          اس آيت كو سمجھنے كے ليے در اصل اس دور كا نقشه ذهن ميں لانا ضرورى هے جب حضور پر طرح طرح كے الزامات كى بوچھاڑ هو رهى تھى اور مكے كى گليوں ميں آپ كو شاعر، مجنون، ساحر اور كذاب جيسے ناموں سے پكارا جارها تھا (معاذ الله)۔ اعلان نبوت كے بعد تين سال تك تو يوں سمجھيے كه پورے شهر كى مخالفت كا نشانه صرف حضور صلى الله عليه وسلم كى ذات تھى۔ مشركين كا خيال يه تھا كه اگر وه آپ كى قوت ارادى اور همت توڑنے يا كسى نه كسى طريقے سے آپ كو آپ كے مؤقف سے هٹانے ميں كامياب هوگئے تو يه تحريك خود بخود ختم هو جائے گى۔ چناں چه اس دور ميں عام اهل ايمان كو نظر انداز كركے صرف آپ كى ذات كو نشانے پر ركھا گيا تھا۔ اس دوران اگر چه آپ كو كوئى جسمانى اذيت تو نه پهنچائى گئى ليكن باقاعده ايك منظم مهم كے تحت آپ كے خلاف ذهنى، نفسياتى اور جذباتى تشدد كى انتها كردى گئى۔ ان لوگوں كى اس مذموم مهم كى وجه سے حضور مسلسل ايك كرب اور تكليف كى كيفيت ميں تھے۔ اس كا اندازه ان الفاظ اور جملوں سے بھى هوتا هے جو اس دور ميں نازل هونے والى سورتوں ميں آپ كى تسلى كے ليے جگه جگه آئے هيں۔

          بهر حال حضور بھى تو آخر انسان هى تھے۔ مسلسل شديد ذهنى اذيت كا سامنا كرتے هوئے رد عمل كے طور پر آپ كے دل ميں ايسى خواهش كا پيدا هونا ايك فطرى امر تھا كه اب ان لوگوں پر الله كا عذاب آجانا چاهيے۔ چناں چه ان آيات ميں آپ كى اسى خواهش يا دعا كا ذكر هے۔ اس حوالے سے يهاں يه نكته بھى مد نظر رهے كه اس سورت كا سوره نوح كے ساتھ جوڑے كا تعلق هے اور سوره نوح ميں بھى حضرت نوح كى اس دعا كا ذكر هے جس ميں آپ نے الله تعالى سے اپنى قوم كے ليے سخت عذاب مانگا تھا۔ گويا ان دونوں سورتوں كے اس مضمون كا آپس ميں گهرا تعلق هے۔ اس تعلق ميں يه مناسبت بھى بهت اهم هے كه حضرت نوح عليه السلام پهلے رسول اور حضور صلى الله عليه وسلم آخرى رسول هيں۔

آيت 3: مِّنَ اللَّهِ ذِي الْمَعَارِجِ: «(وه عذاب اپنے وقت پر آئے گا) اس الله كى طرف سے جو بهت بلند درجات والا هے۔»

آيت 4: تَعْرُجُ الْمَلائِكَةُ وَالرُّوحُ إِلَيْهِ فِي يَوْمٍ كَانَ مِقْدَارُهُ خَمْسِينَ أَلْفَ سَنَةٍ: «چڑھتے هيں فرشتے اور روح اس كى جانب ايك دن ميں جس كى مقدار پچاس هزار برس هے۔»

          يه آيت همارے ليے آيات متشابهات ميں سے هے۔ بعض مفسرين كے نزديك يه الله تعالى كے «ذى المعارج» هونے كى وضاحت هے كه اس كى بارگاه بلند تك پهنچنے كے ليے فرشتوں اور جبريل كو بھى پچاس هزار سال كى مسافت كے برابر فاصله طے كرنا پڑتا هے۔ اكثر مفسرين كى رائے يه هے كه پچاس هزار برس كے دن سے يهاں قيامت كا دن مراد هے جو كفار كے ليے تو بهت طويل اور سخت هوگا البته اهل ايمان كو وه دن ايسے محسوس هوگا جيسے انهوں نے دن كا كچھ حصه يا ايك فرض نماز ادا كرنے كے برابر وقت گزارا هو۔ حضرت ابو سعيد خدرى رضى الله عنه سے روايت هے كه رسول الله سے اس دن كے بارے ميں پوچھا گيا جس كى مقدار پچاس هزار سال هوگى تو آپ نے ارشاد فرمايا: «والذى نَفْسِي بِيَدهِ إِنَّهُ لَيُخَففُ عَلَى الْمُؤْمِنِ حَتىَ يَكُونَ أَخفَّ عَلَيْهِ مِنْ صَلاَةٍ مَكْتوبَةٍ يُصَلِّيهَا فِي الدُّنْيَا» اس ذات كى قسم جس كے دست قدرت ميں ميرى جان هے! يه دن مؤمن كے ليے بھت مختصر كرديا جائے گا، يهاں تك كه جتنے وقت ميں وه دنيا ميں ايك فرض نماز ادا كرتا تھا اس سے بھى اسے مختصر معلوم هوگا۔

آيت 5: فَاصْبِرْ صَبْرًا جَمِيلاً: «تو آپ بڑى خوب صورتى سے صبر كيجيے۔»

          يه هے وه اصل پيغام جو ان آيات كے ذريعے حضور كو دينا مقصود تھا، كه ابھى تو سفر كا آغاز هوا هے، آنے والا وقت اور بھى كٹھن هوگا۔ لهذا آپ اپنے راستے ميں آنے والى هر مشكل كا صبر اور استقامت كے ساتھ سامنا كريں۔ اس سے پهلے سورة القلم ميں بھى آپ كو ايسى هى هدايت كى گئى هے: (فَاصْبِرْ لِحُكْمِ رَبِّكَ وَلا تَكُن كَصَاحِبِ الْحُوتِ) (آيت 48) تو آپ انتظار كيجيے اپنے رب كے حكم كا اور ديكھيے! آپ اس مچھلى والے كى طرح نه هوجائيے گا!۔

آيت 6: إِنَّهُمْ يَرَوْنَهُ بَعِيدًا: «يه لوگ تو اس عذاب كو دور سمجھ رهے هيں۔»

آيت 7: وَنَرَاهُ قَرِيبًا: «اور هم اسے نهايت قريب ديكھ رهے هيں۔»

          ظاهر هے انسان تو صرف اپنے سامنے كى چيز كو هى ديكھ سكتا  هے، مستقبل ميں جھانكنا تو اس كے بس ميں نهيں هے۔ اسى ليے مستقبل كى چيزيں يا خبريں اسے عام طور پر دور محسوس هوتى هيں۔ ليكن الله تعالى كے ليے تو مستقبل وغيره كچھ نهيں اور نه هى كوئى چيز اس سے غائب هے۔ وه تو هر چيز كو بيك وقت اپنے سامنے ديكھ رها هے۔ همارا مشاهده هے كه سڑك پر سفر كرتے هوئے ايك شخص صرف اسى شهر يا مقام كو ديكھ سكتا هے جو اس كے سامنے هے، جب كه اس سے اگلا شهر مستقبل ميں هونے كى وجه سے اس كى نظروں سے اوجھل هوتا هے۔ اس كے مقابلے ميں جو شخص هوائى جهاز پر سفر كررها هے وه ان دونوں شهروں كو بيك وقت اپنے سامنے ديكھ سكتا هے۔ بقول آئن سٹائن cvery thing is relative  كه دنيا كى هر چيز كسى دوسرى چيز سے متعلق اور مشروط هے۔ چناں چه كسى بھى چيز اور صورت حال كو صرف ايك هى زاويے سے ديكھ كر كوئ رائے قائم نهيں كر لينى چاهيے۔ دنيا ميں همارے اعتبار سے بھى قريب اور بعيد relative هيں، جب كه الله تعالى كے ليے تو كوئى شے بھى بعيد نهيں، هر چيز اس كے سامنے هے۔ ماضى، حال، اور مستقبل آنِ واحد ميں اس كے سامنے موجود هيں۔

آيت 8: يَوْمَ تَكُونُ السَّمَاء كَالْمُهْلِ: «جس دن آسمان هوجائے گا جيسے پگھلا هوا تانبا۔»

آيت 9: وَتَكُونُ الْجِبَالُ كَالْعِهْنِ: «اور پهاڑ ايسے هوجائىں گے جيسے دھنكى هوئى روئى (يا رنگى هوئى اون)۔»

آيت 10: وَلا يَسْأَلُ حَمِيمٌ حَمِيمًا: «اور كوئى دوست كسى دوسرے دوست كا حال نهيں پوچھے گا۔»

آيت 43: يَوْمَ يَخْرُجُونَ مِنَ الأَجْدَاثِ سِرَاعًا كَأَنَّهُمْ إِلَى نُصُبٍ يُوفِضُونَ: «جس دن وه نكليں گے اپنى قبروں سے دوڑتے هوئے، جيسے كه وه مقرر نشانوں كى طرف بھاگے جارهے هوں۔»

          «نصب» سے مراد وه نشان هيں جو دوڑ كا مقابله كرنے كے ليے لگائے جاتے هيں تاكه هر دوڑنے والا دوسرے سے پهلے مقرر نشان پر پهنچنے كى كوشش كرے۔

آيت 44: خَاشِعَةً أَبْصَارُهُمْ تَرْهَقُهُمْ ذِلَّةٌ: «ان كى نگاهيں زمين ميں گڑى هوئى هوں گى، ذلت ان پر چھائى هوئى هوگى۔»

 ذَلِكَ الْيَوْمُ الَّذِي كَانُوا يُوعَدُونَ: «يه هے وه دن جس كا ان سے وعده كيا جاتا تھا۔»

آيت 12: إِنَّ لَدَيْنَا أَنكَالاً وَجَحِيمًا: «همارے پاس ان كے ليے بھارى بيڑياں اور بھڑكتى آگ هے۔»

آيت 13: وَطَعَامًا ذَا غُصَّةٍ: «اور وه كھانا جو حلق ميں اٹك جائے گا»

          اس سے مراد «زقوم» هے جس كا ذكر قرآن ميں متعدد بار هوا هے۔ (اس كى تفصيل سورة الواقعة، آيت 56 كے ضمن ميں ديكھى جاسكتى هے۔)

          وَعَذَابًا أَلِيمًا: «اور درد ناك عذاب هے۔»

          يعنى يه لوگ جهنم كا ايندھن بننے اور اس كے درد ناك عذابوں كا مزه چكھنے كے ليے كشاں كشاں اس كى طرف جا رهے هيں، ليكن ابھى هم كچھ دير كے ليے انهيں مهلت دينا چاهتے هيں۔

آيت 14: يَوْمَ تَرْجُفُ الأَرْضُ وَالْجِبَالُ وَكَانَتِ الْجِبَالُ كَثِيبًا مَّهِيلاً: «جس دن كه زمين اور پهاڑ لرزنے لگيں گے اور پهاڑ ريت كے بكھرتے تودے بن جائيں گے۔»

          كوه هماليه جيسے بڑے بڑے پهاڑ اس دن ريزه ريزه هوكر ريت كے ٹيلوں (sand dunes)  كى طرح هوجائيں گے۔ اس طرح كه (لا تَرَى فِيهَا عِوَجًا وَلا أَمْتًا) (طه) «آپ نه تو اس ميں كوئى ٹيڑھ ديكھيں گے اور نه كوئى ٹيلا»۔

آيت 17: فَكَيْفَ تَتَّقُونَ إِن كَفَرْتُمْ يَوْمًا يَجْعَلُ الْوِلْدَانَ شِيبًا: «اب اگر تم كفر كرو گے تو تم كيسے بچ جاؤ گے اس دن سے جو بچوں كو بوڑھا كردے گا۔»

          قيامت كا دن الله كے نافرمانوں كے ليے بهت سخت هوگا۔

آيت 18: السَّمَاء مُنفَطِرٌ بِهِ كَانَ وَعْدُهُ مَفْعُولاً: «آسمان اس سے پھٹ پڑنے والا هے، اس كا وعده پورا هوكر رهے گا۔»

          قيامت اس كائنات پر كهيں باهر سے نهيں آئے گى۔ وه اس وقت بھى اس كے اندر موجود هے جيسے كه سورة الاعراف ميں فرمايا گيا هے: (ثَقُلَتْ فِي السَّمَاوَاتِ وَالأَرْضِ) (آيت: 187) كه وه آسمان و زمين پر بهت بھارى هے۔

          چناں چه قيامت كا «بھارى پن» كائنات كے ليے ناقابل برداشت هوا جارها هے اور اب اس كے ظهور سے متعلق الله كا وعده پورا هونے كا وقت آيا هى چاهتا هے۔

آيت 8: فَإِذَا نُقِرَ فِي النَّاقُورِ: «جب صور ميں پھونكا جائے گا۔»

آيت 9: فَذَلِكَ يَوْمَئِذٍ يَوْمٌ عَسِيرٌ: «تو وه دن بهت سخت هوگا۔»

آيت 10: عَلَى الْكَافِرِينَ غَيْرُ يَسِيرٍ: «كافروں پر وه هلكا نهيں هوگا۔»

        اس كے مقابل سورة المزمل ميں قيامت كے دن كا ذكر اس طرح آيا تھا: (فَكَيْفَ تَتَّقُونَ إِن كَفَرْتُمْ يَوْمًا يَجْعَلُ الْوِلْدَانَ شِيبًا   السَّمَاء مُنفَطِرٌ بِهِ كَانَ وَعْدُهُ مَفْعُولاً) «اب اگر تم كفر بھى كرو گے تو تم كيسے بچ جاؤ گے اس دن سے جو بچوں كو بوڑھا كردے گا۔ آسمان اس كے ساتھ پھٹ پڑنے كو هے۔ اس كا وعده پورا هوكر رهے گا۔»

        اس كے بعد سورت كے تيسرے حصے كا آغاز هورها هے۔ ان آيات كا لهجه اور انداز بهت سخت هے۔

آيت 7: فَإِذَا بَرِقَ الْبَصَرُ: «جب نگاهيں چندھيا جائيں گى۔»

آيت 8: وَخَسَفَ الْقَمَرُ: «اور چاند بے نور هوجائے گا۔»

        اس كا دوسرا مفهوم يه بھى هے كه چاند سورج كے اندر دھنس جائے گا۔

آيت 9: وَجُمِعَ الشَّمْسُ وَالْقَمَرُ: «اور سورج اور چاند يكجا كرديے جائيں گے۔»

        اس وقت سورج چاند سميت تمام اجرام فلكى كشش ثقل كے قانون كے تحت اپنے اپنے مدار ميں گھوم رهے هيں۔ جب يه نظام ڈھيلا پڑے گا تو تمام كرّے آپس ميں ٹكرا جائيں گے۔

آيت 10: يَقُولُ الإِنسَانُ يَوْمَئِذٍ أَيْنَ الْمَفَرُّ: «اس دن انسان كهے گا: كهاں هے كوئى بھاگ جانے كى جگه؟»

آيت 11: كَلاَّ لا وَزَرَ: «(كها جائے گا) هر گز نهيں، كوئى جائے پناه نهيں۔»

آيت 12: إِلَى رَبِّكَ يَوْمَئِذٍ الْمُسْتَقَرُّ: «اس روز تمهارے رب هى كے حضور جاكر كھڑے هونا هے۔»

آيت 8: فَإِذَا النُّجُومُ طُمِسَتْ: «پس جب ستارے مٹاديے جائيں گے۔»

        يعنى بے نور كرديے جائيں گے اور ان كى روشنى ختم هوجائے گى۔

آيت 9: وَإِذَا السَّمَاء فُرِجَتْ: «اور جب آسمان ميں شگاف پڑجائيں گے»۔

        ايسى آيات همارے ليے آيات متشابهات كا درجه ركھتى هيں۔ البته توقع كى جاسكتى هے كه جيسے جيسے سائنسى ترقى كى بدولت انسان كى معلومات بڑھيں گى ان آيات كا مفهوم بتدريج واضح هوتا چلا جائے گا۔ 

آيت 10: وَإِذَا الْجِبَالُ نُسِفَتْ: «اور جب پهاڑ ريت بنا كر اڑا ديے جائيں گے»۔

        قيامت كے زلزلے كے باعث پهاڑ ريزه ريزه هوكر ريت كے ٹيلوں كى مانند هوجائيں گے اور ان ٹيلوں كے ذرات هوا ميں اڑتے پھريں گے۔

آيت 11: وَإِذَا الرُّسُلُ أُقِّتَتْ: «اور جب رسولوں عليهم السلام (كے كھڑے هونے) كا وقت آپهنچے گا»۔

        جب انبياء و رسل عليهم السلام الله تعالى كى عدالت ميں شهادتيں دينے كے ليے كھڑے هوں گے۔

آيت 12: لأَيِّ يَوْمٍ أُجِّلَتْ: «(يه معامله) كس دن كے ليے مؤخر كيا گيا هے؟»

آيت 13: لِيَوْمِ الْفَصْلِ: «فيصلے كے دن كے ليے»۔

        يعنى انبياء و رسل عليهم السلام كى اپنى اپنى قوموں كے خلاف گواهى (كه اے الله! هم نے تيرا پيغام ان لوگوں تك پهنچا ديا تھا، اب يه لوگ خود جواب ده هيں) اور خود متعلقه اقوام كے افراد سے پوچھ گچھ جيسے معاملات اسى فيصلے كے دن كے ليے مؤخر كيے گئے هيں۔

آيت 14: وَمَا أَدْرَاكَ مَا يَوْمُ الْفَصْلِ: «اور تم لوگ كيا سمجھتے هو كه فيصلے كا دن كيا هے؟»

آيت 15: وَيْلٌ يَوْمَئِذٍ لِّلْمُكَذِّبِينَ: «(هلاكت اور) بربادى هے اس دن جھٹلانے والوں كے ليے»۔

        لفظ «وَيْلٌ» كے معنى تباهى اور بربادى كے بھى هيں اور يه جهنم كى ايك وادى كا نام بھى هے، جس كى سختيوں سے خود جهنم بھى پناه مانگتى هے۔

آيت 17: إِنَّ يَوْمَ الْفَصْلِ كَانَ مِيقَاتًا: «يقيناً فيصلے كا دن ايك معين وقت هے»۔

        يه هے وه اصل بات جس كے ليے بطور تمهيد گزشته آيات ميں الله كى رنگا رنگ نعمتوں كا ذكر كيا گيا هے۔ مطلب يه كه جب الله تعالى نے بنى نوع انسان كے ليے اپنى نعمتوں كا اس قدر وسيع دستر خوان بچھايا هے تو اس نے انسانوں پر لازماً كچھ ذمه دارياں بھى ڈالى هوں گى۔ جب خود انسانوں كے هاں اصول هے كه ذمه دارياں (responsibilities) اور مراعات (privileges) ايك ساتھ چلتى هيں تو يه بھلا كيسے ممكن هے كه الله تعالى انسان پر اپنى عطاؤں كى بارش تو كرتا رهے اور اس پر ذمه دارى كوئى بھى نه ڈالے۔ اس ليے تم لوگ يه مت سمجھو كه تم من مانى زندگى گزارتے رهو گے اور تم سے كوئى جواب دهى نهيں هوگى۔ نهيں! تم سے ايك ايك ذمه دارى اور ايك ايك نعمت كا حساب هوگا اور اس كے ليے هم نے فيصلے كا ايك دن پهلے سے مقرر كر ركھا هے۔

آيت 18: يَوْمَ يُنْفَخُ فِي الصُّورِ فَتَأْتُونَ أَفْوَاجًا: «جس دن پھونكا جائے گا صور ميں تو تم سب چلے آؤ گے فوج در فوج»۔

        اس كيفيت كا نقشه سورة المعارج ميں اس طرح دكھايا گيا هے: (يَوْمَ يَخْرُجُونَ مِنَ الْأَجْدَاثِ سِرَاعًا كَأَنَّهُمْ إِلَى نُصُبٍ يُوفِضُونَ) «جس دن وه نكليں گے اپنى قبروں سے دوڑتے هوئے جيسے كه نشان زده اهداف كى طرف بھاگے جارهے هوں»۔

آيت 19: وَفُتِحَتِ السَّمَاءُ فَكَانَتْ أَبْوَابًا: «اور آسمان كھول ديا جائے گا تو اس ميں دروازے هى دروازے بن جائيں گے»۔

آيت 20: وَسُيِّرَتِ الْجِبَالُ فَكَانَتْ سَرَابًا: «اور پهاڑ چلا ديے جائيں گے تو وه هوجائيں گے چمكتى هوئى ريت»۔

آيت 40: إِنَّا أَنْذَرْنَاكُمْ عَذَابًا قَرِيبًا: «ديكھو! هم نے تو تمهيں خبردار كرديا هے اس عذاب سے جو بالكل قريب هے۔»

        تصور كيجيے، يه عذاب انسان كے كتنا قريب هے! ادھر انسان كى آنكھ بند هوتى هے، ادھر اسے قبر ميں اتارنے كا بندوبست كرديا جاتا هے۔ اور قبر كيا هے؟ حضور صلى الله عليه وسلم كا فرمان هے كه (إِنّمَا الْقَبْرُ رَوْضَةٌ مِنْ رِيَاضِ الْجَنَّةِ أَوْ حُفْرَةٌ مِنْ حُفَرِ النَّارِ) «قبر يا تو جنت كے باغيچوں ميں سے ايك باغيچه هے يا جهنم كے گڑھوں ميں سے ايك گڑھا»۔ گويا هر زنده انسان اس باغيچے يا گڑھے سے صرف چند گھنٹوں كے فاصلے پر بيٹھا هے۔

يَوْمَ يَنْظُرُ الْمَرْءُ مَا قَدَّمَتْ يَدَاهُ: «جس دن انسان ديكھ لے گا جو اس كے دونوں هاتھوں نے آگے بھيجا تھا»

وَيَقُولُ الْكَافِرُ يَالَيْتَنِي كُنْتُ تُرَابًا: «اور كافر كهے گا: كاش ميں مٹى هوتا!»

كاش مجھے شرفِ انسانيت ملا هى نه هوتا!

مرا اے كاش مادر نه زادے         كاش ميرى ماں نے مجھے جنا هى نه هوتا!

آيت 6: يَوْمَ تَرْجُفُ الرَّاجِفَةُ: «جس دن كانپے گى كانپنے والى»۔

        يعنى قيامت كے دن شديد زلزلے كى وجه سے پورى زمين لرز اٹھے گى۔ قيامت كے زلزلے اور اس دن كى هولناك كيفيات كا ذكر قرآن مجيد ميں بهت تكرار كے ساتھ آيا هے۔ سورة الحج كى ابتدائى آيات كا يه انداز بهت عبرت آموز هے:

(يَاأَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ  يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُمْ بِسُكَارَى وَلَكِنَّ عَذَابَ اللَّهِ شَدِيدٌ)

«اے لوگو! تقوى اختيار كرو اپنے رب كا، يقيناً قيامت كا زلزله بهت بڑى چيز هوگا۔ جس دن تم اس كو ديكھو گے اس دن (حال يه هوگا كه) بھول جائے گى هر دودھ پلانے والى جسے وه دودھ پلاتى تھى اور (دهشت كا عالم يه هوگا كه) هر حامله كا حمل گرجائے گا اور تم ديكھو گے لوگوں كو جيسے وه نشے ميں هوں، حالاں كه وه نشے ميں نهيں هوں گے، بلكه الله كا عذاب هى بهت سخت هے»۔

آيت 7: تَتْبَعُهَا الرَّادِفَةُ: «اس كے پيچھے ايك اور جھٹكا آئے گا»۔

        اس سے نفخه ثانيه مراد هے، جس كے بعد سب مردے دوباره زنده هو جائيں گے۔

آيت 8: قُلُوبٌ يَوْمَئِذٍ وَاجِفَةٌ: «كتنے هى دل اس دن (خوف كے مارے) دھڑك رهے هوں گے»۔

آيت 9: أَبْصَارُهَا خَاشِعَةٌ: «ان كى نگاهيں جھكى هوئى هوں گى»۔

        فرطِ خوف سے آنكھيں زمين ميں گڑى هوئى هوں گى، اوپر آنكھ اٹھا كر ديكھنے كى همت نه هوگى۔

آيت 13: فَإِنَّمَا هِيَ زَجْرَةٌ وَاحِدَةٌ: «حالاں كه يه تو بس ايك هى ڈانٹ هوگى۔»

آيت 14: فَإِذَا هُمْ بِالسَّاهِرَةِ: «تو وه سب كے سب ايك چٹيل ميدان ميں هوں گے۔»

        نفخه ثانيه كے بعد سب كے سب انسان زنده هوكر ميدان حشر ميں جمع هوجائيں گے۔

آيت 34: فَإِذَا جَاءَتِ الطَّامَّةُ الْكُبْرَى: «پھر جب برپا هوگا وه بڑا هنگامه۔»

آيت 35: يَوْمَ يَتَذَكَّرُ الْإِنْسَانُ مَا سَعَى: «اس دن انسان ياد كرے گا جو كچھ اس نے بھاگ دوڑ كى تھى۔»

        اس دن انسان كى آنكھيں كھليں گى اور جس شخص نے اپنى سارى زندگى دنيا كے مال و متاع كے پيچھے بھاگتے بھاگتے برباد كردى تھى اسے معلوم هوجائے گا كه اب آخرت كے ليے اس كے پاس كچھ بھى نهيں هے۔ سورة الكهف كى اس آيت ميں ايسے هى لوگوں كا ذكر هے: (قُلْ هَلْ نُنَبِّئُكُمْ بِالْأَخْسَرِينَ أَعْمَالًا  الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعًا) «آپ كهيے: كيا هم تمهيں بتائيں كه اپنے اعمال كے اعتبار سے سب سے زياده خسارے ميں كون هيں؟ وه لوگ جن كى سعى و جهد دنيا هى كى زندگى ميں گم هوكر ره گئى اور وه سمجھتے هيں كه وه بهت اچھا كام كررهے هيں۔»

آيت 36: وَبُرِّزَتِ الْجَحِيمُ لِمَنْ يَرَى: «اور كھول كر ركھ دى جائے گى جهنم هر ديكھنے والے كے ليے۔»

آيت 37: فَأَمَّا مَنْ طَغَى: «پس جس نے سركشى كى تھى۔»

آيت 38: وَآثَرَ الْحَيَاةَ الدُّنْيَا: «اور دنيا كى زندگى كو ترجيح دى تھى۔»

آيت 39: فَإِنَّ الْجَحِيمَ هِيَ الْمَأْوَى: «تو يقيناً اس كا ٹھكانه اب جهنم هى هے۔»

        ايك بنده مؤمن كو چاهيے كه يه تين آيات هميشه كے ليے اپنى گره ميں باندھ لے اور اپنى عملى زندگى ميں ان كے مفهوم اور پيغام كو اپنے دل و دماغ ميں هر وقت مستحضر ركھے۔ طغى كے معنى هيں كسى كا اپنى حدود سے تجاوز كرنا۔ اسى معنى ميں همارے هاں طغيانى كا لفظ معروف هے اور اسى مفهوم ميں اس ماده سے لفظ «طاغوت» مشتق هے۔

        چناں چه ان آيات كے پيغام كا خلاصه يه هے كه انسان كو بنيادى طور پر الله نے اپنى بندگى كے ليے پيدا كيا هے: (وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ) (الذاريات) يعنى جنوں اور انسانوں كو الله  تعالى نے پيدا هى اس ليے كيا هے كه وه اس كے بندے بن كر رهيں۔ اب جب كوئى انسان بندگى كى حدود سے آگے بڑھ كر الله تعالى كے مقابلے ميں اپنے قانون، اپنے اختيار اور اپنى مرضى كى بات كرے گا تو وه بندے كے بجائے طاغوت بن جائے گا۔ چناں چه جو بنده بندگى كى حدود سے تجاوز كركے طاغوت بن گيا اور پھر اس نے اپنى سوچ، اپنى مرضى، اپنى منصوبه بندى اور اپنے فيصلوں ميں آخرت كے مقابلے ميں دنيا كو ترجيح دينے كى روش اپنالى تو آخرت ميں اس كے ليے جهنم كے علاوه اور كچھ نهيں هوگا۔

آيت 33: فَإِذَا جَاءَتِ الصَّاخَّةُ: «تو جب وه آجائے گى كان پھوڑنے والى (آواز)۔»

        يعنى جب قيامت برپا كرنے كے ليے صور ميں پھونكا جائے گا تو اس كى آواز سے كان پھٹ جائيں گے۔

اس آيت كى مشابهت سورة النازعات كى اس آيت سے هے: (فَإِذَا جَاءَتِ الطَّامَّةُ الْكُبْرَى) «پھر جب وه آجائے گا بڑا هنگامه۔»

آيت 34: يَوْمَ يَفِرُّ الْمَرْءُ مِنْ أَخِيهِ: «اس دن بھاگے گا انسان اپنے بھائى سے۔»

آيت 35: وَأُمِّهِ وَأَبِيهِ: «اور اپنى ماں سے اور اپنے باپ سے۔»

آيت 36: وَصَاحِبَتِهِ وَبَنِيهِ: «اور اپنى بيوى سے اور اپنے بيٹوں سے۔»

آيت 37: لِكُلِّ امْرِئٍ مِنْهُمْ يَوْمَئِذٍ شَأْنٌ يُغْنِيهِ: «اس دن ان ميں سے هر شخص كو ايسى فكر لاحق هوگى جو اسے (هر ايك سے) بے پرواه كردے گى۔»

        اس دن هر انسان نفسا نفسى كى كيفيت ميں هوگا۔ هر انسان كو اپنى پريشانى كى وجه سے اپنے عزيز ترين رشتوں سميت كسى دوسرے كى كوئى پروا نهيں هوگى۔

آيت 38: وُجُوهٌ يَوْمَئِذٍ مُسْفِرَةٌ: «كچھ چهرے اس دن روشن هوں گے۔»

        يه مضمون اس سے پهلے سورة القيامة كى ان آيات ميں بھى آچكا هے: (وُجُوهٌ يَوْمَئِذٍ نَاضِرَةٌ  إِلَى رَبِّهَا نَاظِرَةٌ  وَوُجُوهٌ يَوْمَئِذٍ بَاسِرَةٌ  تَظُنُّ أَنْ يُفْعَلَ بِهَا فَاقِرَةٌ) «بهت سے چهرے اس دن ترو تازه هوں گے، وه اپنے رب كى طرف ديكھتے هوں گے۔ اور بهت سے چهرے اس روز اترے هوئے هوں گے۔ ان كو يقين هوگا كه اب ان كے ساتھ كمر توڑ سلوك هوگا۔»

آيت 39: ضَاحِكَةٌ مُسْتَبْشِرَةٌ: «مسكراتے هوئے خوش و خرم۔»

آيت 40: وَوُجُوهٌ يَوْمَئِذٍ عَلَيْهَا غَبَرَةٌ: «اور كچھ چهرے اُس دن غبار آلود هوں گے۔»

آيت 41: تَرْهَقُهَا قَتَرَةٌ: «ان پر سياهى چھائى هوئى هوگى۔»

آيت 42: أُولَئِكَ هُمُ الْكَفَرَةُ الْفَجَرَةُ: «يهى هوں گے وه كافر اور فاجر لوگ۔»

        يه وه لوگ هوں گے جو دنيا ميں اپنے نفس كے تقاضے پورے كرنے كے ليے اللہ تعالى كى مقرر كى هوئى حدود كو لائق اعتناء نهيں سمجھتے تھے۔

آيت 1: إِذَا الشَّمْسُ كُوِّرَتْ: «جب سورج لپيٹ ليا جائے گا۔»

آيت 2: وَإِذَا النُّجُومُ انكَدَرَتْ: «اور جب ستارے ماند پڑجائيں گے۔»

آيت 3: وَإِذَا الْجِبَالُ سُيِّرَتْ: اور جب پهاڑ چلا ديے جائيں گے۔»

آيت 4: وَإِذَا الْعِشَارُ عُطِّلَتْ: «اور جب گابھن اونٹنياں چھٹى پھريں گى۔»

        العشار سے دس مهينوں كے حمل والى اونٹنياں مراد هيں، يعنى ايسى اونٹنياں جن كے وضع حمل كا وقت بهت قريب هو۔ عربوں كے هاں ايسى اونٹنى بهت قيمتى سمجھى جاتى تھى اور اس لحاظ سے وه لوگ اس كى خصوصى حفاظت اور خدمت كرتے تھے۔ آيت ميں اس حوالے سے قيامت كى هول ناك كيفيت كى تصوير دكھائى گئى هے كه جب قيامت برپا هوگى تو بهت قيمتى اونٹنياں بھى لا وارث هوجائيں گى، انهيں كوئى سنبھالنے والا نهيں هوگا۔ ظاهر هے اس وقت جب كه عورتوں كو اپنے حمل كى كوئى فكر نهيں هوگى تو اونٹنيوں كى كسے هوش هوگى۔

آيت 5: وَإِذَا الْوُحُوشُ حُشِرَتْ: «اور جب وحشى جانور جمع كرديے جائيں گے۔»

        عام طور پر جنگلى جانور ايك دوسرے سے دور بھاگتے هيں، ليكن اس دن خوف كے مارے ان كى وحشت بھى جاتى رهے گى اور مختلف اقسام كے جانور بھى اكٹھے هوجائيں گے۔

آيت 6: وَإِذَا الْبِحَارُ سُجِّرَتْ: «اور جب سمندر دهكا ديے جائيں گے۔»

        اگلى سورت يعنى سورة الانفطار ميں سمندروں كے پھاڑے جانے (وَإِذَا الْبِحَارُ فُجِّرَتْ) كا ذكر هے۔ ان دونوں آيات پر غور كريں تو يوں لگتا هے كه جب زمين كو كھينچ كر پھيلايا جائے گا (وَإِذَا الأَرْضُ مُدَّتْ) تو اس كى اندرونى تپش اوپرى سطح پر آجائے گى۔ چناں چه دهكتے هوئے لاوے كے عين اوپر سمندر ابل رهے هوں گے اور اس طرح سمندروں كا پانى بخارات بن كر هوا ميں تحليل هوجائے گا۔ والله اعلم!

آيت 7: وَإِذَا النُّفُوسُ زُوِّجَتْ: «اور جب جانوں كے جوڑ ملائے جائيں گے۔»

        يعنى پورى نسل انسانى كے مختلف افراد كى گروه بندى كردى جائے گى۔ يه گروه بندى لوگوں كے اعمال كے حوالے سے هوگى جيسے سورة النمل، آيت 83 اور حم السجدة، آيت 19 ميں اهل جهنم كو مختلف گروهوں ميں تقسيم كيے جانے كا ذكر آيا هے۔ اس آيت كا مفهوم يه بھى ليا گيا هے كه جب جانيں جسموں كے ساتھ جوڑ دى جائيں گى۔

آيت 8: وَإِذَا الْمَوْؤُودَةُ سُئِلَتْ:«اور جب زنده دفن كى گئى لڑكى سے پوچھا جائے گا۔»

آيت 9: بِأَيِّ ذَنبٍ قُتِلَتْ: «كه وه كس گناه كى پاداش ميں قتل كى گئى تھى؟»

        يه تذكير و انذار كا بهت لطيف انداز هے۔

آيت 10: وَإِذَا الصُّحُفُ نُشِرَتْ: «اور جب اعمال نامے كھول ديے جائيں گے۔»

آيت 11: وَإِذَا السَّمَاء كُشِطَتْ: «اور جب آسمان كى كھال اتار لى جائے گى۔»

        يعنى آسمان پر سے پرده اٹھاديا جائے گا اور اس كے وه سب رموز اور مناظر جو انسانوں كى نظروں سے پوشيده تھے ان پر ظاهر هوجائيں گے۔ اس سے يه مفهوم بھى نكلتا هے كه اسمان اس دن كھال اترے هوئے كسى جانور كے جسم كى طرح سرخ نظر آئے گا، جيسا كه سورة الرحمن كى اس آيت ميں بھى بتايا گيا هے: (فَإِذَا انشَقَّتِ السَّمَاء فَكَانَتْ وَرْدَةً كَالدِّهَانِ) «پھر جب آسمان پھٹ جائے گا اور هوجائے گا گلابى، تيل كى تلچھٹ جيسا۔»

آيت 12: وَإِذَا الْجَحِيمُ سُعِّرَتْ: «اور جب جهنم دهكائى جائے گى۔»

آيت 13: وَإِذَا الْجَنَّةُ أُزْلِفَتْ: اور جب جنت قريب لے آئى جائے گى۔

        ان تيره آيات ميں قيامت كے دن كى مختلف كيفيات كا ذكر كرنے كے بعد جو اهم اور اصل بات بتانا مقصود هے وه يه هے:

آيت 14: عَلِمَتْ نَفْسٌ مَّا أَحْضَرَتْ: «(اس دن) هر جان جان لے گى كه اس نے كيا كچھ حاضر كيا هے۔»

        يعنى هر انسان كے تمام اعمال كى پورى تفصيل اس كے سامنے آجائے گى۔

آيت 1: إِذَا السَّمَاءُ انْفَطَرَتْ: «جب آسمان پھٹ جائے گا۔»

آيت 2: وَإِذَا الْكَوَاكِبُ انْتَثَرَتْ: «اور جب تارے بكھر جائيں گے۔»

آيت 3: وَإِذَا الْبِحَارُ فُجِّرَتْ: «اور جب سمندر پھاڑ ديے جائيں گے۔»

آيت 4: وَإِذَا الْقُبُورُ بُعْثِرَتْ: «اور جب قبريں تلپٹ كردى جائيں گى۔»

آيت 5: عَلِمَتْ نَفْسٌ مَا قَدَّمَتْ وَأَخَّرَتْ: «(اس وقت) هر جان جان لے گى كه اس نے كيا آگے بھيجا اور كيا پيچھے چھوڑا۔»

        اس دن هر شخص كو واضح طور پر معلوم هو جائے گا كه اس نے كيا كيا اچھے يا برے اعمال آگے بھيجے تھے اور ان كے آثار و نتائج كى شكل ميں كيا كچھ وه اپنے پيچھے دنيا ميں چھوڑ آيا تھا۔ اس مضمون كى وضاحت قبل ازيں سورة القيامة كى آيت 13 كے تحت بھى كى جاچكى هے۔ اس كےعلاوه اس آيت كا ايك مفهوم يه بھى هے كه قيامت كے دن هر انسان كو بتاديا جائے گا كه اس نے كس شے كو آگے كيا تھا اور كس شے كو پيچھے ركھا تھا۔ يعنى دنيا اور آخرت ميں سے اس نے كس كو مقدم ركھا تھا اور كس كو مؤخر كيا تھا۔ آيت كے اس مفهوم سے واضح هوتا هے كه قيامت كے دن كسى انسان كى كاميابى يا ناكامى كا انحصار كلى طور پر اس «طرز عمل» پر هے جو وه اپنى زندگى ميں دنيا اور آخرت كے بارے ميں اختيار كرتا هے۔ يعنى انسان كا ايك طرز عمل يه هوسكتا هے كه ميرا اصل مطلوب و مقصود تو آخرت هے، دنيا كا كيا هے جو مل گيا وهى غنيمت هے اور اگر كبھى نه بھى ملے تب بھى كوئى بات نهيں۔ دوسرا ممكنه رويه يه هے كه ميرا اصل مقصود تو دنيا هے، اس كے ساتھ ساتھ اگر آخرت بھى مل جائے تو اچھا هے، چاهے وه كسى كى سفارش سے مل جائے يا كسى اور حيلے سے۔ ليكن ميرى پهلى ترجيح (1st priority) بهر حال دنيا اور اس كا مال و متاع هے، اور زندگى ميں ميرى سارى تگ و دو اسى كے ليے هے۔

يت 15: يَصْلَوْنَهَا يَوْمَ الدِّينِ: «داخل هوں گے اس ميں جزا و سزا كے فيصلے كے دن۔»

آيت 16: وَمَا هُمْ عَنْهَا بِغَائِبِينَ: «اور وه اس سے كهيں غائب نهيں هوسكيں گے۔»

        ظاهر هے جهنم سے بھاگ نكلنے كا نه كوئى راسته هوگا اور نه هى كسى ميں بھاگ جانے كى طاقت هوگى۔

آيت 17: وَمَا أَدْرَاكَ مَا يَوْمُ الدِّينِ: «اور كيا تمهيں كچھ معلوم هے كه روز جزا كيا هے؟»

آيت 18: ثُمَّ مَا أَدْرَاكَ مَا يَوْمُ الدِّينِ: «پھر كيا تمهيں كچھ اندازه هوا هے  كه روز جزا كيا هے؟»

آيت 19: يَوْمَ لَا تَمْلِكُ نَفْسٌ لِنَفْسٍ شَيْئًا وَالْأَمْرُ يَوْمَئِذٍ لِلَّهِ: «جس روز كسى جان كو كسى دوسرى جان كے ليے كوئى اختيار حاصل نهيں هوگا، اور امر كل كا كل اس دن الله هى كے هاتھ ميں هوگا۔»

        اس دن سر محشر پكارا جائے گا: (لِّمَنِ الْمُلْكُ الْيَوْمَ) (المؤمن: 16) كه اے نسل انسانى كے لوگو، ديكھو! آج حكومت، اختيار اور اقتدار كس كے هاتھ ميں هے؟ اور اس سوال كا جواب بھى پھر خود هى ديا جائے گا: (لِلَّهِ الْوَاحِدِ الْقَهَّارِ) (المؤمن: 16) يعنى آج كے دن اختيار كل كا كل الله هى كے پاس هے جو اكيلا هے اور سب پر غالب هے۔ اس دن انسانوں كى اكثريت كو بے بسى اور نفسا نفسى كى جس كيفيت كا سامنا هوگا، سورة البقرة ميں اس كا نقشه يوں دكھايا گيا هے: (وَاتَّقُواْ يَوْماً لاَّ تَجْزِي نَفْسٌ عَن نَّفْسٍ شَيْئاً وَلاَ يُقْبَلُ مِنْهَا شَفَاعَةٌ وَلاَ يُؤْخَذُ مِنْهَا عَدْلٌ وَلاَ هُمْ يُنصَرُوْنَ) «اور ڈرو اس دن سے كه جس دن كام نه آسكے گى كوئى جان كسى دوسرى جان كے كچھ بھى اور نه كسى سے كوئى سفارش قبول كى جائے گى اور نه كسى سے كوئى فديه قبول كيا جائے گا اور نه انهيں كوئى مدد مل سكے گى۔»

آيت 15: كَلَّا إِنَّهُمْ عَنْ رَبِّهِمْ يَوْمَئِذٍ لَمَحْجُوبُونَ: «نهيں! يقيناً يه لوگ اس دن اپنے رب سے اوٹ ميں ركھے جائيں گے۔»

        قيامت كے دن يه لوگ الله تعالى كے ديدار سے محروم كرديے جائيں گے۔ اس كے برعكس نيكو كار لوگوں كے ليے سورة القيامة ميں يه خوش خبرى سنائى گئى هے: (وُجُوهٌ يَوْمَئِذٍ نَّاضِرَةٌ   إِلَى رَبِّهَا نَاظِرَةٌ) كه اس دن كچھ چهرے ترو تازه هوں گے اور وه اپنے رب كى طرف ديكھ رهے هوں گے۔ اس سے يه ثابت هوتا هے كه ميدان حشر ميں اهل ايمان كو الله تعالى كے ديدار يا اس كى كسى خاص شان كے معاهدے سے سرفراز فرمايا جائے گا جس كے باعث اس دن سے سخت مراحل ان كے ليے آسان هوجائيں گے۔ اس حوالے سے همارے عام مفسرين كى رائے بھى يهى هے كه ميدان حشر ميں بھى مؤمنين صادقين كو الله تعالى كا ديدار كرايا جائے گا۔ آيت زير مطالعه سے يه اشاره بھى ملتا هے كه اس وقت ميدان حشر ميں كفار و مشركين بھى كھڑے هوں گے ليكن انهيں اس نعمت سے محروم كرديا جائے گا۔ ميدان حشر سے ايسے هى ايك منظر كى جھلك سوره ق كى اس آيت ميں بھى دكھائى گئى هے: (يَوْمَ يُكْشَفُ عَن سَاقٍ وَيُدْعَوْنَ إِلَى السُّجُودِ فَلا يَسْتَطِيعُونَ) «جس دن پنڈلى كھولى جائے گى، اور انهيں پكارا جائے گا (الله كے حضور) سجدے كے ليے، ليكن وه كر نهيں سكيں گے۔» يعنى اهل ايمان جو دنيا ميں الله تعالى كے حضور سجدے كرتے تھے وه تو اس حكم كو سنتے هى سجدے ميں گر جائيں گے ليكن دوسرے لوگوں كى كمريں تخته هوكر ره جائيں گى، وه تمام تر خواهش اور كوشش كے باوجود سجده نهيں كر سكيں گے۔

آيت 16: ثُمَّ إِنَّهُمْ لَصَالُو الْجَحِيمِ: «پھر انهيں جھونك ديا جائے گا جهنم ميں۔»

        اس آيت سے بھى يهى ثابت هوتا هے كه مذكوره مرحله دوزخ ميں داخلے سے پهلے كا هے، يعنى ديدار الهى سے محروم ركھے جانے كا واقعه ميدان حشر ميں هى رونما هوگا۔

آيت 17: ثُمَّ يُقَالُ هَذَا الَّذِي كُنْتُمْ بِهِ تُكَذِّبُونَ: «پھر ان سے كها جائے گا: يه هے وه چيز جس كى تم تكذيب كيا كرتے تھے!»

        دنيا ميں تم لوگ جنت، دوزخ اور جزا و سزا كو بڑے شد و مد سے جھٹلايا كرتے تھے۔ اب ديكھ لو! دوزخ اور اس كى سزائيں حقيقت بن كر تمهارے سامنے آگئى هيں۔

آيت 1: إِذَا السَّمَاء انشَقَّتْ: «جب آسمان پھٹ جائے گا۔»

        نوٹ كيجيے! ان تمام سورتوں كا بنيادى موضوع «تذكير آخرت» هے۔

آيت 2: وَأَذِنَتْ لِرَبِّهَا وَحُقَّتْ: «اور اپنے رب كے حكم كى تعميل كرے گا اور اسے يهى زيب ديتا هے۔»

اَذِنَتْ لِرَبِّهَا كا لفظى ترجمه يوں هوگا كه وه اپنے رب كے حكم پر كان لگائے هوئے هے اور جو بات كان لگا كر سنى جائے اس كے مطابق عمل بھى كيا جاتا هے۔ اَذِنَتْ كا معنى اِسْتَمَعَتْ وَانْقَادَتْ كيا گيا هے۔ يعنى اس نے غور سے سنا اور تعميل كى۔ حُقَّتْ يهاں مجهول هے حَقَّ يَحِقُّ سے۔ يعنى وه اسى لائق هے اور اس كا فرض هے كه وه بے چون و چرا اپنے خالق كے حكم پر سر تسليم خم كرے۔

آيت 21: كَلَّا إِذَا دُكَّتِ الْأَرْضُ دَكًّا دَكًّا: «هر گز نهيں! جب زمين كو كوٹ كوٹ كر هموار كرديا جائے گا۔»

        اس آيت كا يه ترجمه شاه ولى الله رحمة الله عليه كے فرزند ارجمند شاه عبد القادر رحمة الله عليه كے ترجمه كے مطابق هے، جب كه ان كے بھائى شاه رفيع الدين رحمه الله نے اس كا ترجمه يوں كيا هے كه جب زمين كو ريزه ريزه كرديا جائے گا۔

آيت 22: وَجَاءَ رَبُّكَ وَالْمَلَكُ صَفًّا صَفًّا: «اور آپ كا رب جلوه فرما هوگا جب كه فرشتے قطار در قطار حاضر هوں گے۔»

        سورة الحاقة ميں قيامت كے دن كا ايك منظر اس طرح بيان كيا گيا هے: (وَالْمَلَكُ عَلَى أَرْجَائِهَا وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ) «اور فرشتے هوں گے اس كے كناروں پر، اور اس دن آپ كے رب كے عرش كو اٹھائے هوئے هوں گے آٹھ فرشتے۔» سورة الرحمن ميں اس دن كے آسمان كى كيفيت كا ذكر يوں آيا هے: (فَإِذَا انْشَقَّتِ السَّمَاءُ فَكَانَتْ وَرْدَةً كَالدِّهَانِ) «پھر جب آسمان پھٹ جائے گا اور هوجائے گا گلابى، تيل كى تلچھٹ جيسا۔»

        قرآن مجيد ميں قيامت كے دن سے متعلق جو تفصيلات بيان هوئى هيں ان پر غور كرنے سے اندازه هوتا هے كه ميدان حشر اسى زمين پر قائم هوگا۔ زمين كو كھينچ كر چپٹا (وَإِذَا الْأَرْضُ مُدَّتْ) اور كوٹ كوٹ كر ايسے هموار كرديا جائے گا كه اس كے تمام نشيب وفراز ختم هوجائيں گے۔ (لَا تَرَى فِيهَا عِوَجًا وَلَا أَمْتًا) پهاڑوں كو روئى كے گالوں كى طرح اڑاديا جائے گا۔ پھر زمين پر الله تعالى كا نزولِ اجلال هوگا۔ الله تعالى كى ايك خاص تجلى كے ساتھ آٹھ فرشتے نازل هوں گے۔ دوسرے فرشتے صفيں باندھے كھڑے هوں گے۔ الله تعالى كى عدالت لگے گى، حساب كتاب هوگا اور يوں قصه زمين بر سر زمين هى طے هوگا۔ گويا جس زمين پر انسانوں نے اپنے اچھے برے اعمال كا ارتكاب و اكتساب كيا هے، اسى زمين پر ان كا حساب هوگا۔

آيت 23: وَجِيءَ يَوْمَئِذٍ بِجَهَنَّمَ: «اور لے آئى جائے گى اس روز جهنم بھى»۔

        جهنم كا ظهور بھى شايد زمين كے اندر سے هى هوگا۔ يعنى جب زمين كو كھينچ كر چپٹا كيا جائے گا تو اس كے اندر كا كھولتا هوا لاوا باهر نكل آئے گا، جو جهنم كا سماں پيدا كردے گا۔ (والله أعلم!)

يَوْمَئِذٍ يَتَذَكَّرُ الْإِنْسَانُ وَأَنَّى لَهُ الذِّكْرَى: «اس دن انسان كو سمجھ آئے گى، ليكن اب سمجھنے كا كيا فائده!»

        شاه عبد القادر صاحب رحمه الله نے اس كا ترجمه يوں كيا هے كه «اس دن انسان چيتے گا» يعنى اس دن انسان كو بهت كچھ ياد آجائے گا كه وه دنيا سے اپنے ساتھ كيا لے كر آيا تھا اور اسے نصيحت بھى حاصل هوجائے گى۔ ليكن اس وقت كى نصيحت سے اسے كوئى فائده نه هوگا۔ ظاهر هے فائده تو تب هوتا اگر اس نے دنيا ميں نصيحت پكڑى هوتى۔

آيت 24: يَقُولُ يَالَيْتَنِي قَدَّمْتُ لِحَيَاتِي: «وه كهے گا: اے كاش ميں نے اپنى زندگى كے ليے كچھ آگے بھيجا هوتا!»

        يهاں لفظ حياتى (ميرى زندگى) خاص طور پر لائق توجه هے۔ يعنى اس وقت انسان كو معلوم هوجائے گا كه ميرى اصل زندگى تو يه هے جو اب شروع هوئى هے۔ ميں خواه مخواه دنيا كى زندگى كو اصل زندگى سمجھتا رها جو اس اصل زندگى كى تمهيد تھى۔

        دراصل انسانى زندگى عالم ارواح سے شروع هوتى هے اور دنيا سے هوتى هوئى ابد الاباد تك جاتى هے۔ دنيا كے ماه و سال اور شب و روز كى گنتى سے زندگى كے اس طويل سفر كا حساب ممكن نهيں۔ علامه اقبال نے اس فلسفے كى ترجمانى يوں كى هے:

تو اسے پيمانه امروز و فردا سے نه ناپ       جاوداں، پيهم دواں، هر دم جواں هے زندگى!

چناں چه انسان كو اس حقيقت كا ادراك هونا چاهيے كه اس كى دنيوى زندگى اس كى جاودانى زندگى كے تسلسل كا ايك چھوٹا سا حصه هے جسے الله تعالى نے اس كے امتحان كے ليے منتخب فرمايا هے اور اس وقفه امتحان كے اختتام كى علامت كے طور پر اس نے موت كو تخليق فرمايا هے، تاكه هر انسان كے اعمال كى جانچ كى جاسكے: (الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلًا) (الملك: 2) اس نے موت اور زندگى كو اس ليے پيدا كيا هے تاكه تمهيں آزمائے كه تم ميں سے كون اچھے اعمال كرنے والا هے۔»

آيت 25: فَيَوْمَئِذٍ لَا يُعَذِّبُ عَذَابَهُ أَحَدٌ: «تو اس دن الله جو عذاب دے گا ويسا عذاب كوئى نهيں دے سكتا۔»

آيت 26: وَلَا يُوثِقُ وَثَاقَهُ أَحَدٌ: «اور اس كا سا باندھنا كوئى اور نهيں باندھ سكتا۔»

        ميدان حشر ميں ايك طرف تو يه نقشه هوگا اور دوسرى طرف كچھ ايسے خوش قسمت لوگ بھى هوں گے جن سے كها جائے گا:

آيت 27: يَاأَيَّتُهَا النَّفْسُ الْمُطْمَئِنَّةُ: «اے نفس مطمئنه!»

        جو اس امتحانى زندگى ميں مطمئن هوكر يكسوئى كے ساتھ اپنے رب كى بندگى ميں لگا رها اور اس كے دين كے ساتھ چمٹا رها۔

آيت 28: ارْجِعِي إِلَى رَبِّكِ رَاضِيَةً مَرْضِيَّةً: «اب لوٹ جاؤ اپنے رب كى طرف اس حال ميں كه تم اس سے راضى، وه تم سے راضى۔»

        سورة البينة كى آيت 8 ميں ايسے خوش قسمت لوگوں كى يهى كيفيت (رَضِيَ اللَّهُ عَنْهُمْ وَرَضُوا عَنْهُ) «الله ان سے راضى هوا اور وه الله سے راضى!» كے الفاظ ميں بيان كي گئى هے۔

آيت 29: فَادْخُلِي فِي عِبَادِي: «تو داخل هوجاؤ ميرے (نيك) بندوں ميں۔»

        الله تعالى كے ان نيك بندوں كى نشان دهى سورة النساء كى اس آيت ميں كى گئى هے:

(وَمَنْ يُطِعِ اللَّهَ وَالرَّسُولَ فَأُولَئِكَ مَعَ الَّذِينَ أَنْعَمَ اللَّهُ عَلَيْهِمْ مِنَ النَّبِيِّينَ وَالصِّدِّيقِينَ وَالشُّهَدَاءِ وَالصَّالِحِينَ وَحَسُنَ أُولَئِكَ رَفِيقًا)

«اور جو كوئى اطاعت كرے گا الله كى اور اس كے رسول كى تو يه وه لوگ هوں گے جنهيں معيت حاصل هوگى ان كى جن پر الله كا انعام هوا، يعنى انبياء كرام، صديقين، شهداء اور صالحين۔ اور كيا هى اچھے هيں يه لوگ رفاقت كے ليے!»

آيت 30: وَادْخُلِي جَنَّتِي: «اور داخل هوجاؤ ميرى جنت ميں!»

        چناں چه اس نفس مطمئنه سے كها جائے گا كه آؤ! ميرے انعام يافته بندوں كى صف ميں شامل هوجاؤ۔ ايسے خوش قسمت لوگوں كے مراتب كى بلندى كے تصور اور اپنى تهى دامنى كے احساس كے پيش نظر همارا ان كى معيت كے ليے دعا مانگنا اگر چه «چھوٹا منه بڑى بات» كے زمرے ميں آتا هے مگر پھر بھى دل سے بے اختيار دعا نكلتى هے: اللَّهُمَّ رَبَّنَا اجْعَلْنَا مِنْهُمْ! آمين۔

آيت 1: إِذَا زُلْزِلَتِ الْأَرْضُ زِلْزَالَهَا: «جب زمين هلائى جائے گى جيسے كه هلائى جائے گى۔»

        يعنى تم انسان يه تصور بھى نهيں كرسكتے كه اس زلزلے كى كيفيت كيسى هوگى۔ سورة الحج كے آغاز ميں اس كيفيت كى شدت كا نقشه بايں الفاظ كھينچا گيا هے:

﴿يَا أَيُّهَا النَّاسُ اتَّقُوا رَبَّكُمْ إِنَّ زَلْزَلَةَ السَّاعَةِ شَيْءٌ عَظِيمٌ   يَوْمَ تَرَوْنَهَا تَذْهَلُ كُلُّ مُرْضِعَةٍ عَمَّا أَرْضَعَتْ وَتَضَعُ كُلُّ ذَاتِ حَمْلٍ حَمْلَهَا وَتَرَى النَّاسَ سُكَارَى وَمَا هُم بِسُكَارَى وَلَكِنَّ عَذَابَ اللَّهِ شَدِيدٌ﴾

«اے لوگو! تقوى اختيار كرو اپنے رب كا، يقيناً قيامت كا زلزله بهت بڑى چيز هوگا۔ جس دن تم اس كو ديكھو گے، اس دن (حال يه هوگا كه) بھول جائے گى هر دودھ پلانے والى جسے وه دودھ پلاتى تھى اور (دهشت كا عالم يه هوگا كه) هر حامله كا حمل گر جائے گا اور تم ديكھو گے لوگوں كو جيسے وه نشے ميں هوں گے، حالاں كه وه نشے ميں نهيں هوں گے، بلكه الله كا عذاب هى بهت سخت هے۔»

آيت 2: وَأَخْرَجَتِ الْأَرْضُ أَثْقَالَهَا: «اور زمين اپنے سارے بوجھ نكال كر باهر پھينك دے گى۔»

        يعنى اس دن زمين اپنے اندر مدفون تمام انسانوں كو، وه جس حالت ميں بھى هوں گے، نكال كر باهر ڈال دے گى۔ اگر ان كے ذرات منتشر هوكر زمين كے طول وعرض ميں پھيلے هوئے هوں گے تو ان كو بھى يكجا كرديا جائے گا۔ واضح رهے كه جو انسان اصطلاحى مفهوم ميں زمين كے اندر باقاعده دفن نهيں هوتے، مثلاً سمندر ميں غرق هوجاتے هيں يا جلا ديے جاتے هيں، ان كے اجسام كے اجزائى ذرات بھى كسى نه كسى شكل ميں بالآخر زمين ميں هى جذب هوتے هيں اور وه قيامت كے دن زمين سے هى برآمد هوں گے۔ سوره طه كى يه آيت اس لحاظ سے بهت واضح هے: (مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَى) «اسى (زمين) سے هم نے تمهيں پيدا كيا هے اور اسى ميں هم تمهيں لوٹائيں گے، اور اسى ميں سے هم تمهيں ايك مرتبه پھر نكاليں گے۔»

آيت 3: وَقَالَ الْإِنْسَانُ مَا لَهَا: «اور انسان كهے گا كه اسے كيا هوگيا؟»

آيت 4: يَوْمَئِذٍ تُحَدِّثُ أَخْبَارَهَا: «اس دن يه اپنى خبريں كهه سنائے گى۔»

        اس دن الله تعالى زمين كو بھى بولنے كى صلاحيت عطا فرمائے گا اور وه هر انسان كے بارے ميں ايك ايك خبر دے گى كه وه اس كى پشت پر بيٹھ كر كيا كيا حركتيں كرتا رها هے۔ يعنى جس طرح انسان كے هاتھ پاؤں اور دوسرے اعضاء اس دن اس كے خلاف گواهى ديں گے اسى طرح زمين كا متعلقه حصه اور ٹكڑا بھى اس كے خلاف بطور گواه كھڑا هوگا۔ سوره حم السجدة آيت 21 ميں ان گواهيوں كے حوالے سے بهت عبرت ناك مكالمات كا ذكر هے۔ جب انسانوں كى جلدوں سميت ان كے تمام اعضاء ان كے خلاف گواهياں دے رهے هوں گے تو وه جھنجھلا كر اپنى جلدوں سے كهيں گے: (لِمَ شَهِدتُّمْ عَلَيْنَا) كه تم كيوں همارے خلاف بول رهے هو؟ اس پر وه تركى به تركى جواب ديں گى: (أَنطَقَنَا اللَّهُ الَّذِي أَنطَقَ كُلَّ شَيْءٍ) كه آج هميں بھى اس الله نے بولنے كى صلاحيت عطا كردى هے جس نے باقى هر چيز كو بولنا سكھايا هے۔ بهر حال اس دن الله تعالى زمين كو بھى زبان عطا كرے گا اور وه انسانوں سے متعلق تمام احوال كى ايك ايك تفصيل بيان كرے گى۔

آيت 5: بِأَنَّ رَبَّكَ أَوْحَى لَهَا: «اس ليے كه اسے اس كے رب نے حكم ديا هوگا۔»

آيت 6: يَوْمَئِذٍ يَصْدُرُ النَّاسُ أَشْتَاتًا: «اس دن لوگ عليحده عليحده هوكر نكل پڑيں گے»

        اشتاتاً جمع هے شَتّ كى۔ يعنى منتشر و متفرق۔ نصب حاليت كى وجه سے هے۔ اسى معنى ميں يه لفظ سورة الليل كى اس آيت ميں بھى آيا هے: (إِنَّ سَعْيَكُمْ لَشَتَّى) كه تم انسان بظاهر ايك جيسے نظر آتے هو ليكن تمهارى سعى وجهد كے رخ بالكل مختلف هيں۔

        لِيُرَوْا أَعْمَالَهُمْ: «تاكه انهيں ان كے اعمال دكھا ديے جائيں۔»

        اس منظر كى ايك جھلك سورة الكهف كى اس آيت ميں بھى دكھائى گئى هے:

(وَوُضِعَ الْكِتَابُ فَتَرَى الْمُجْرِمِينَ مُشْفِقِينَ مِمَّا فِيهِ وَيَقُولُونَ يَا وَيْلَتَنَا مَالِ هَذَا الْكِتَابِ لا يُغَادِرُ صَغِيرَةً وَلا كَبِيرَةً إِلاَّ أَحْصَاهَا وَوَجَدُوا مَا عَمِلُوا حَاضِرًا وَلا يَظْلِمُ رَبُّكَ أَحَدًا)

«اور ركھ ديا جائے گا اعمال نامه، چناں چه تم ديكھو گے مجرموں كو كه ڈر رهے هوں گے اس سےجو كچھ اس ميں هوگا اور كهيں گے: هائے همارى شامت! يه كيسا اعمال نامه هے؟ اس نے تو كسى چھوٹى چيز كو چھوڑا هے اور نه هى كسى بڑى كو، مگر اس كو محفوظ كر ركھا هے۔ اور وه پائيں گے جو عمل بھى انهوں نے كيا هوگا اسے موجود۔ اور آپ كا رب ظلم نهيں كرے گا كسى پر بھى۔»

        آج كے ماحول كو مد نظر ركھتے هوئے اس ايت كا مفهوم يوں سمجھا جاسكتا هے كه اس دن ايك بهت بڑا كمپيوٹر سرِ محشر نصب كرديا جائے گا جس ميں پورى نوع انسانى كے ايك ايك فرد كے اعمال سے متعلق تفصيلى ڈيٹا موجود هوگا۔ جوں هى كسى فرد كو حساب كے ليے پيش كيا جائے گا اس كى پورى زندگى كى آڈيو فلم فوراً سكرين پر چلنا شروع هوجائے گى۔

آيت 7: فَمَنْ يَعْمَلْ مِثْقَالَ ذَرَّةٍ خَيْرًا يَرَهُ: «تو جس كسى نے ذره كے هم وزن بھى كوئى نيكى كى هوگى وه اسے ديكھ لے گا۔»

آيت 8: وَمَنْ يَعْمَلْ مِثْقَالَ ذَرَّةٍ شَرًّا يَرَهُ: «اور جس كسى نے ذره كے هم وزن كوئى بدى كى هوگى وه بھى اسے ديكھ لے گا۔»

        عربى لغت كے مطابق چيونٹى كے انڈے سے نكلنے والے بچے كو «ذره» كها جاتا هے۔ يعنى بهت چھوٹى اور حقير چيز۔ اسى مفهوم ميں لفظ «ذره» اردو ميں بھى مستعمل هے۔

        يه آيت انسان كو اس اهم حقيقت پر متنبه كرتى هے كه چھوٹى سے چھوٹى نيكى بھى بهر حال اپنا ايك وزن اور اپنى ايك قدر ركھتى هے، اور چھوٹى سے چھوٹى بدى بھى حساب ميں آنے والى چيز هے۔ بسا اوقات انسان نيكى كے چھوٹے سے كام كو حقير سمجھ كر نظر انداز كر ديتا هے، اور بعض اوقات صغيره گناهوں كى پروا نهيں كرتا۔ يه درست طرزِ عمل نهيں هے۔ كسى نيكى كو چھوٹا سمجھ كر اسے چھوڑنا نهيں چاهيے اور كسى گناه كو چھوٹا سمجھ كر اس پر جرى نهيں هونا چاهيے۔

آيت 6: إِنَّ الْإِنْسَانَ لِرَبِّهِ لَكَنُودٌ: «يقيناً انسان اپنے رب كا بهت هى ناشكرا هے۔»

        مطلب يه كه ايك طرف وه جانور هے جو اپنے مالك كے ايك اشارے پر اپنى جان تك قربان كر ديتا هے، جو اس كا خالق نهيں هے، بلكه صرف اس كے دانے پانى كا انتظام كرتا هے، اور دوسرى طرف يه باشعور، صاحب عقل ودانش اشرف المخلوقات انسان هے جو اپنے خالق اور مالك كا شكر ادا نهيں كرتا۔

آيت 7: وَإِنَّهُ عَلَى ذَلِكَ لَشَهِيدٌ: «اور وه خود اس پر گواه هے۔»

        وه اپنے اس طرز عمل سے خوب واقف هے۔ جيسا كه سورة القيامة ميں فرمايا گيا: (بَلِ الْإِنْسَانُ عَلَى نَفْسِهِ بَصِيرَةٌ) كه انسان اپنے خيالات، جذبات اور كردار كے بارے ميں خود سب كچھ جانتا هے۔ چناں چه انسان خوب جانتا هے كه وه قدم قدم پر اپنے رب كى ناشكرى كا مرتكب هورها هے۔

آيت 8: وَإِنَّهُ لِحُبِّ الْخَيْرِ لَشَدِيدٌ: «اور وه مال ودولت كى محبت ميں بهت شديد هے۔»

        مال ودولت كى محبت ميں انسان اكثر اوقات حلال وحرام كى تميز تك بھلا ديتا هے۔ حتى كه حرام كھاتے هوئے وه اپنے نفسِ لوامه (بحواله سورة القيامة، آيت 2) اور ضمير كى ملامت كى بھى پروا نهيں كرتا۔

آيت 9: أَفَلَا يَعْلَمُ إِذَا بُعْثِرَ مَا فِي الْقُبُورِ: «تو كيا وه اس وقت كو نهيں جانتا جب نكال ديا جائے گا وه سب كچھ جو قبروں ميں هے۔»

آيت 10: وَحُصِّلَ مَا فِي الصُّدُورِ: «اور ظاهر كر ديا جائے گا جو كچھ سينوں ميں هے۔»

آيت 11: إِنَّ رَبَّهُمْ بِهِمْ يَوْمَئِذٍ لَخَبِيرٌ: «يقيناً ان كا رب اس دن ان سے پورى طرح باخبر هوگا۔»

        الله تعالى كو ان كے تمام اعمال و افعال كا علم هے اور اس دن وه ان سے ايك ايك چيز كا حساب لے لے گا۔

اللَّهُمَّ حَاسِبْنَا حِسَابًا يَسِيْرًا۔ آمين! انذار آخرت كے مضمون كى حامل ان سورتوں ميں سے هر سورت كى تلاوت كے بعد يه دعا ضرور كرنى چاهيے كه اے الله! تو هم سے آسان حساب لينا اور اپنى خصوصى رحمت سے همارے گناهوں كو معاف كر دينا۔

آيت 1: الْقَارِعَةُ: «وه كھٹكھٹانے والى»

آيت 2: مَا الْقَارِعَةُ: «كيا هے وه كھٹكھٹانے والى!»

        قرع كے معنى ايك چيز كو كسى دوسرى چيز پر زور سے دے مارنے كے هيں۔ جيسے دروازے كو زور زور سے كھٹكھٹانا۔ اس لغوى معنى كى مناسبت سے قارعة كا لفظ هول ناك حادثے اور عظيم مصيبت كے ليے بولا جاتا هے۔ چناں چه جب كوئى قوم كسى حادثه فاجعه يا عظيم آفت كا شكار هو تو عرب كهتے هيں: قَرَعَتْهُمْ القَارِعَةُ۔۔۔۔ يعنى وه قيامت جب آئے گى تو پورى كائنات كو كھٹكھٹا ڈالے گى اور دنيا كى هر چيز كو ته وبالا كردے گى۔ تمام اجرامِ فلكى آپس ميں ٹكرائيں گے جس سے خوف ناك دھماكے هوں گے اور دل دهلا دينے والى آوازيں پيدا هوں گى۔

آيت 3: وَمَا أَدْرَاكَ مَا الْقَارِعَةُ: «اور تم كيا سمجھے كه كيا هے وه كھٹكھٹانے والى!»

آيت 4: يَوْمَ يَكُونُ النَّاسُ كَالْفَرَاشِ الْمَبْثُوثِ: «جس دن لوگ بكھرے هوئے پتنگوں كى مانند هوں گے۔»

آيت 5: وَتَكُونُ الْجِبَالُ كَالْعِهْنِ الْمَنْفُوشِ: «اور پهاڑ دھنى هوئى اون كى مانند هو جائيں گے۔»

        العهن: رنگ دار اون كو كهتے هيں اور منفوش كے معنى هيں دھنى هوئى ۔ يعنى پهاڑ اپنى جگه پر قائم نهيں رهيں گے بلكه ريزه ريزه هوكر رنگ دار اون كى طرح هوا ميں اڑ رهے هوں گے۔