قرب قيامت كے حالات مثلا ياجوج ماجوج كا نكلنا، دابة الارض كا ظاهر هونا اور حضرت عيسى كا نازل هونا

 آیت ۹۹:   وَتَرَکْنَا بَعْضَہُمْ یَوْمَئِذٍ یَّمُوْجُ فِیْ بَعْضٍ:  «اور ہم چھوڑ دیں گے ان کو اس دن وہ ایک دوسرے میں گتھم گتھا ہو جائیں گے»

            یہ قیامت سے پہلے رونما ہونے والے جنگی واقعات کی طرف اشارہ ہے۔ قربِ قیامت کے واقعات میں سے ایک اہم واقعہ یا جوج وماجوج کا ظہور بھی ہے۔ احادیث میں ان کے بارے میں ایسی خبریں ہیں کہ وہ دریاؤں اور سمندروں کا پانی پی جائیں گے اور ہر چیز کو ہڑپ کر جائیں گے۔ عین ممکن ہے وہ آدم خور بھی ہوں اور ضرورت پڑنے پر انسانوں کو بھی کھا جائیں۔ جیسے آج ہم چینی قوم کو دیکھتے ہیں کہ وہ سانپ، بچھو، کتا، بلی، ہر چیز کو ہڑپ کر جاتے ہیں۔ کثرتِ آبادی کے لحاظ سے بھی یاجوج وماجوج کی بیشتر علامات کا تطابق چینی قوم پر ہوتا نظر آتا ہے۔

            یاجوج وماجوج کی یلغار کا نقشہ سورۃ الانبیاء میں اس طرح کھینچا گیا ہے:   وَہُمْ مِّنْ کُلِّ حَدَبٍ یَّنْسِلُوْنَ.   «اور وہ ہر پہاڑ کی ڈھلوان سے اترتے ہوئے نظر آئیں گے»۔  ۱۹۶۲ء میں چین بھارت جنگ کے دوران اخباروں نے چینی افواج کے حملوں کی تفصیلات بتاتے ہوئے بھی کچھ ایسی ہی تصویر کشی کی تھی:

"Waves after waves of Chinese soldiers were coming down the slopes." بہرحال جس طرح یاجوج وماجوج آج سے ڈھائی ہزار سال پہلے اپنے ملحقہ علاقوں کی مہذب آبادیوں کو تاخت و تاراج کرتے تھے، اسی طرح قیامت سے پہلے ایک دفعہ پھر وہ دنیا میں تباہی مچائیں گے اور ان کا ظہور اپنی نوعیت کا ایک بہت اہم واقعہ ہو گا۔

               وَّنُفِخَ فِی الصُّوْرِ فَجَمَعْنٰہُمْ جَمْعًا:   «اور صور میں پھونکا جائے گا، پس ہم ان سب کو جمع کر لیں گے۔»

 آیت ۹۶:  حَتّٰیٓ اِذَا فُتِحَتْ یَاْجُوْجُ وَمَاْجُوْجُ وَہُمْ مِّنْ کُلِّ حَدَبٍ یَّنْسِلُوْنَ:   «یہاں تک کہ جب کھول دیے جائیں گے یاجوج اور ماجوج، اور وہ ہر اونچائی کے اوپر سے پھسلتے ہوئے چلے آئیں گے۔»

            قرآن میں یا جوج اور ماجوج کا ذکر اس آیت کے علاوہ سورۃ الکہف میں بھی آیا ہے۔ سورۃ الکہف کے مطالعے کے دوران اس موضوع پر تفصیل سے بحث ہو چکی ہے۔ یاجوج اورماجوج کی یلغار سے بچاؤ کے لیے ذوالقرنین کی تعمیر شدہ دیوار سے متعلق بہت واضح معلومات دنیا کے سامنے آ چکی ہیں۔ دنیا کے نقشے میں «دربند» وہ جگہ ہے جہاں پر وہ دیوار تعمیر کی گئی تھی۔ دیوار اب وہاں بالفعل تو قائم نہیں، مگر اس کے واضح آثار اس جگہ پر موجود ہیں۔ ان آثار سے دیوار کی dimensions کا اندازہ بھی لگایا جا سکتا ہے۔

            آیت زیر نظر سے واضح ہوتا ہے کہ قربِ قیامت کے زمانے میں یاجوج اور ماجوج کا سیلاب ایک بار پھر آنے والا ہے۔ اس سلسلے میں ایک رائے یہ بھی ہے کہ اٹھارہویں اور انیسویں صدی کے دوران یورپی اقوام کی یلغار (colonization) بھی اس  آیت کا مصداق ہے جس کے نتیجے میں انہوں نے پورے ایشیا اور افریقہ پر بتدریج قبضہ جما لیا تھا۔ یعنی ایک ہی وقت میں فرانسیسی، ولندیزی اور برطانوی اقوام نے ملایا، انڈونیشیا، ہندوستان سمیت پورے ایشیا اور افریقہ کو غلام بنا لیا تھا۔ یہ تمام لوگ سکنڈے نیوین ممالک سے اتری ہوئی اقوام کی نسل سے تھے، جن کو Nordic Races کہتے ہیں اور یورپ کے White Anglo Saxons لوگ بھی انہیں کی اولاد سے ہیں۔ دراصل یہی وہ اقوام ہیں جو مختلف ادوار میں مہذب دنیا پر حملہ آور ہو کر ظلم و ستم اور لوٹ مار کا بازار گرم کرتی رہی ہیں۔ علامہ اقبال نے بھی اپنے اس شعر میں یورپی اقوام کے اس نو آبادیاتی استعمار (colonization) کو یاجوج اورماجوج کے تسلط سے تعبیر کیا ہے :

کھل گئے یاجوج اور ماجوج کے لشکر تمام

چشمِ  مسلم  دیکھ  لے  تفسیر حرفِ  یَنسِلُوْن!

            وقت گزرنے کے ساتھ ساتھ بظاہر ان اقوام کی افواج کو ان مقبوضہ ممالک سے نکلنا پڑا، لیکن بالواسطہ طور پر وہ اپنے کٹھ پتلی اداروں اور افراد کے ذریعے ان ممالک پر مسلسل اپنا تسلط جمائے ہوئے ہیں۔ اس سلسلے میں ورلڈ بینک، آئی ایم ایف اور بہت سے دیگر ملٹی نیشنل ادارے ان کے آلہ ٔ کار ہیں۔

            البتہ احادیث میں قربِ قیامت کے زمانے کے حالات و واقعات کی جو تفصیل ملتی ہے اس کے مطابق قیامت سے قبل ایک دفعہ پھر یاجوج اورماجوج کا سیلاب آئے گا۔ ان تفصیلات کا خلاصہ یہ ہے کہ قرب قیامت کے زمانے میں ایک بہت خوفناک جنگ (احادیث میں اس کا نام المَلحَمۃ العُظمیٰ، جبکہ عیسائی روایات میں Armageddon بتایا گیا ہے) ہو گی جس میں یہودی اور عیسائی مسلمانوں کے مقابل ہوں گے۔ فلسطین، شام اور مشرق وسطیٰ کا علاقہ بنیادی طور پر میدان جنگ بنے گا، جس کی وجہ سے اس علاقے میں بہت بڑی تباہی پھیلے گی۔ اسی زمانے میں حضرت مسیح کا نزول اور امام مہدی کا ظہور ہو گا۔ امام مہدی حضرت فاطمہ کی نسل اور حضرت حسن کی اولاد میں سے ہوں گے۔ اس سے پہلے خراسان اور مشرقی ممالک میں اسلامی حکومت قائم ہو چکی ہو گی اور ان علاقوں سے مسلمان افواج مشرقِ وسطیٰ میں اپنے مسلمان بھائیوں کی مدد کے لیے جائیں گی۔ اس جنگ میں بالآخر فتح مسلمانوں کی ہو گی۔ حضرت مسیح کے ساتھ اللہ تعالیٰ کی معجزانہ تائید ہو گی، جس سے آپ یہودیوں کو ختم کر دیں گے۔ آپ کی آنکھوں میں ایک خاص تاثیر (آج کی لیزر ٹیکنالوجی سے بھی مؤثر) ہو گی، جس کی وجہ سے آپ کی نگاہ پڑتے ہی یہودی پگھلتے چلے جائیں گے۔ پھر آپ دجال (جو مسیح ہونے کا جھوٹا دعوے دار ہو گا) کو قتل کریں گے۔ حدیث میں آتا ہے کہ دجال بھاگنے کی کوشش میں ہو گا کہ حضرت مسیح اس کو مقامِ لُدّ پر جا لیں گے اور قتل کر دیں گے۔ (واضح رہے کہ Lydda اسرائیل کا سب سے بڑا ایئربیس ہے۔)

            ان سب واقعات کے بعد یا جوج اور ماجوج کے سیلاب کی شکل میں ایک دفعہ پھر دنیا پر مصیبت ٹوٹ پڑے گی۔ آیت زیر نظر میں یاجوج اور ماجوج کی یلغار کے راستوں (routs) کے لیے لفظ «حدب» استعمال ہوا ہے، جس کے معنی اونچائی کے ہیں۔ مندرجہ بالا آراء کے مطابق جن اقوام پر یاجوج اور ماجوج کا اطلاق ہوتا ہے ان سب کے علاقے ہمالیہ اور وسطی ایشیا کے پہاڑی سلسلوں کے شمال میں واقع ہیں۔ عین ممکن ہے کہ یہ لوگ ان پہاڑی سلسلوں کوعبور کرتے ہوئے جنوبی علاقوں پر یلغار کریں اور یوں «مِنْ کُلِّ حَدَبٍ یَّنْسِلُوْنَ» کے الفاظ کی عملی تعبیر کا نقشہ دنیا کے سامنے آ جائے۔

آیت ۸۲   وَاِذَا وَقَعَ الْقَوْلُ عَلَیْہِمْ اَخْرَجْنَا لَہُمْ دَآبَّۃً مِّنَ الْاَرْضِ تُکَلِّمُہُمْ: ’’اور جب ان پر ہماری بات واقع ہو جائے گی تو ہم نکالیں گے ان کے لیے زمین سے ایک جانور جو ان سے کلام کرے گا‘‘

      اَنَّ النَّاسَ کَانُوْا بِاٰیٰتِنَا لَا یُوْقِنُوْنَ: ’’کہ لوگ ہماری نشانیوں پر یقین نہیں رکھتے تھے۔‘‘

      ’’دابّۃ الارض‘‘ کا ظہور قیامت کی آخری علامات میں سے ہے۔ احادیث کے مطابق سورج کے مغرب سے طلوع ہونے کے بعد کوہِ صفا پھٹے گا اور اس میں سے یہ جانور برآمد ہو گا۔ واللہ اعلم!

آیت ۶۱:  وَاِنَّہٗ لَعِلْمٌ لِّلسَّاعَۃ: ’’اور یقینا وہ قیامت کی ایک علامت ہے‘‘

          یعنی حضرت عیسیٰ اپنے ورودِ اوّل میں بنی اسرائیل کے لیے نشانی یعنی مجسم معجزہ تھے‘ جبکہ اپنے ورودِ ثانی میں آپؑ کا نزول قیامت کی علاماتِ کبریٰ میں سے ہو گا۔  حضرت مسیح کے نزول اور قربِ قیامت کے زمانے کی کیفیت احادیث میں تفصیل سے بیان ہوئی ہے۔

           فَلَا تَمْتَرُنَّ بِہَا وَاتَّبِعُوْنِ ہٰذَا صِرَاطٌ مُّسْتَقِیْمٌ : ’’تو اس (قیامت) کے بارے میں تم ہر گز شک نہ کرو اور میری پیروی کرو۔  یہی سیدھا راستہ ہے۔ ‘‘

آیت ۱۰:  فَارْتَقِبْ یَوْمَ تَاْتِی السَّمَآءُ بِدُخَانٍ مُّبِیْنٍ: ’’تو آپ انتظار کیجیے اُس دن کا جس دن آسمان لائے گا واضح دھواں۔‘‘

          اس آیت کے مفہوم کے بارے میں مفسرین ّکے درمیان شدید اختلاف ہے اور یہ اختلاف صحابہ کرامؓ کے زمانے میں بھی پایا جاتا تھا۔ حضرت علی‘ ابن عمر‘ ابن عباس اور ابوسعید خدری jاور حسن بصریؒ جیسے اکابرکی رائے ہے کہ اس سے وہ دھواں مراد ہے جو قیامت سے پہلے نمودار ہو گا۔ ایک حدیث میں حضور نے قیامت سے فوراً پہلے نمودار ہونے والی جن دس نشانیوں کا ذکر فرمایا ہے ان میں دھویں (دخان) کا ذکر بھی ہے۔ اس کے برعکس حضرت عبداللہ بن مسعود کی بڑی شدت کے ساتھ یہ رائے ہے کہ حضور کی نبوت کے ابتدائی سالوں میں مکہ میں جو قحط پڑا تھا اس آیت میں اس قحط کے بارے میں پیشگی خبردار کیا گیا ہے۔ صحرائی علاقوں میں اگر طویل مدت تک بارش نہ ہو تو پوری فضا گرد سے اَٹ جاتی ہے اور آسمان کی طرف دیکھنے سے یوں لگتا ہے جیسے دھویں کے بادل چھا رہے ہیں۔ قحط کا یہ عذاب دراصل اسی قانونِ خداوندی کے تحت اہل مکہ پر مسلط ہوا تھا جس کا ذکر سورۃ الانعام میں اس طرح ہوا ہے: وَلَقَدْ اَرْسَلْنَآ اِلٰٓی اُمَمٍ مِّنْ قَبْلِکَ فَاَخَذْنٰہُمْ بِالْبَاْسَآءِ وَالضَّرَّآءِ لَعَلَّہُمْ یَتَضَرَّعُوْنَ: ’’اور ہم نے بھیجا ہے (دوسری) امتوں کی طرف بھی آپؐ سے قبل (رسولوں کو) ‘ پھر ہم نے پکڑا انہیں سختیوں اور تکلیفوں سے شاید کہ وہ عاجزی کریں‘‘ ۔ تابعین میں سے مجاہد‘ قتادہ‘ ابراہیم نخعی وغیرہ حضرات نے حضرت عبداللہ بن مسعودؓ کی رائے سے اتفاق کیا ہے۔ بہر حال میں نے یہاں جلیل القدر صحابہؓ کی آراء بیان کر دی ہیں۔ ان صحابہؓ کے عظیم مراتب کے پیش نظر ان آراء میں محاکمہ کرنا میرے نزدیک درست نہیں۔ 

آیت ۱۱ یَّغْشَی النَّاسَ ہٰذَا عَذَابٌ اَلِیْمٌ: ’’وہ ڈھانپ لے گا لوگوں کو۔ یہ ایک درد ناک عذاب ہو گا۔‘‘ 

آیت ۱۸ فَہَلْ یَنْظُرُوْنَ اِلَّا السَّاعَۃَ اَنْ تَاْتِیَہُمْ بَغْتَۃً فَقَدْ جَآءَ اَشْرَاطُہَا: ’’تو یہ لوگ اب کس چیز کے منتظر ہیں سوائے قیامت کے کہ وہ آ دھمکے ان پر اچانک؟ پس اس کی علامات تو ظاہر ہو ہی چکی ہیں۔‘‘

          قیامت کی سب سے بڑی نشانی تو خود محمد عربی کی بعثت ہے کہ آپؐ آخری رسول ہیں۔ ایک موقع پر آپ نے اپنی دو انگلیوں کو آپس میں ملا کر فرمایا: ((بُعِثْتُ اَنَا وَالسَّاعَۃُ کَھَاتَیْنِ))  ’’میں اور قیامت ان دو انگلیوں کی مانند (جڑے ہوئے) بھیجے گئے ہیں‘‘ ۔ظاہر ہے آپ آخری نبی ہیں تو آپؐ کے بعداب قیامت ہی کو آنا ہے۔حضرت ابوامامہ باہلی hسے روایت ہے کہ رسول اللہ نے ارشاد فرمایا:((اَنَا آخِرُ الْاَنْبِیَاءِ وَاَنْتُمْ آخِرُ الْاُمَمِ))  ’’میں آخری نبی ہوں اور تم آخری اُمت ہو۔

          فَاَنّٰی لَہُمْ اِذَا جَآئَ تْہُمْ ذِکْرٰاہُمْ: ’’توجب وہ ان پر آ دھمکے گی تو اُس وقت ان کا نصیحت حاصل کرنا کس کام کا ہو گا؟

آيت 57:  أَزِفَتِ الْآزِفَةُ:  «قريب آ چكى هے وه آنے والى».

آيت 58:  لَيْسَ لَهَا مِنْ دُونِ اللَّهِ كَاشِفَةٌ:  «نهيں هے اس كو الله كے سوا كوئى كھولنے والا».

قيامت برپا كرنے كا اختيار صرف الله هى كے پاس هے، گويا اس وقت قيامت كسى كشتى كى طرح لنگر انداز هے، الله تعالى جب چاهے گا اس كا لنگر اٹھا كر اسے برپا كر دے گا. پھر يه كه اس كے وقوع كا علم بھى الله هى كے پاس هے. الله كے سوا كوئى كھول كر نهيں بتا سكتا كه قيامت كب آئے گى. اور جب وه وقتِ معين آ جائے گا تو الله كے سوا كوئى اس كو ٹالنے اور دور كرنے پر قادر نه هو گا.

آيت 1:  اقْتَرَبَتِ السَّاعَةُ وَانْشَقَّ الْقَمَرُ:  «قيامت كى گھڑى قريب آ چكى اور چاند شق هو گيا».

جيسا كه قبل ازيں بھى كئى بار ذكر هو چكا هے كه قيامت كى نشانيوں ميں سب سے قطعى اور يقينى نشانى حضور صلى الله عليه وسلم كى بعثت هے. اس حوالے سے حضور كا فرمان هے: «بعثت أنا والساعة كهاتين».  «مجھے اور قيامت كو ان دو انگليوں كى طرح (جڑا هوا) بھيجا گيا هے». اس لحاظ سے اقتربت الساعةُ كا مفهوم يه هے كه اب جبكه آخرى رسول بھى دنيا ميں آچكے هيں تو سمجھ لو كه قيامت كا وقت بهت قريب آ لگا هے. سورة السجده كى آيت: 5 ميں هم پڑھ چكے هيں كه الله تعالى كے هاں ايك دن همارے هزار برس كے برابر هے. اس اعتبار سے ديكھا جائے تو حضور كے وصال كو ابھى صرف ڈيڑھ دن هى هوا هے. بهر حال الله تعالى كے علم كے مطابق حضور كى بعثت كے بعد اب قيامت بالكل سامنے هے. حضرت اسرافيل اپنے منه كے ساتھ صور لگائے بالكل تيار كھڑے هيں، بس الله تعالى كى طرف سے ايك اشارے كى دير هے. جوں هى اشاره هو گا وه صور ميں پھونك مار ديں گے. قربِ قيامت كے اس مفهوم كو سورة المعارج ميں يوں بيان كيا گيا هے: «إِنَّهُمْ يَرَوْنَهُ بَعِيدًا  وَنَرَاهُ قَرِيبًا» (المعارج: 6، 7) «يه لوگ تو قيامت كو بهت دور سمجھ رهے هيں، جب كه هم اسے بهت قريب ديكھ رهے هيں».

آيت ميں چاند كے پھٹنے كا ذكر ايك خرقِ عادت واقعه كے طور پر هوا هے. روايات كے مطابق اس وقت حضور منى ميں تشريف فرما تھے. چاند كى چودھويں رات تھى، آپ كے اردگرد هر طرح كے لوگ تھے، كسى نے كها كه آپ كى طرف سے كوئى نشانى هونى چاهيے. آپ نے فرمايا: چاند كى طرف ديكھو، لوگوں كو متوجه كركے آپ نے انگلى كا اشاره كيا اور چاند پھٹ كر دو ٹكڑے هو گيا. ايك ٹكڑا سامنے كى پهاڑى كے ايك طرف اور دوسرا دوسرى طرف چلا گيا اور پھر اگلے هى لمحے دونوں ٹكڑے قريب آ كر دوباره جڑ گئے. آپ نے لوگوں سے فرمايا: ديكھو اور گواه رهو. كفار نے كها كه محمد نے هم پر جادو كر ديا تھا، اس ليے همارى آنكھوں نے دھوكا كھايا. بعد ميں باهر سے آنے والے لوگوں نے بھى اس كى شهادت دى. ميرے نزديك يه معجزه نهيں تھا بلكه ايك «خرقِ عادت» واقعه تها. اس نكتے كى وضاحت اس سے پهلے بھى كئى مرتبه كى جا چكى هے كه هر رسول كو ايك معجزه ديا گيا جو باقاعده دعوے كے ساتھ دكھايا گيا. اس لحاظ سے حضور كا معجزه قرآن هے، البته خرق عادت واقعات حضور سے بے شمار نقل هوئے هيں. ظاهر هے اگر اولياء الله سے كرامات كا ظهور هوتا هے تو حضور كى كرامات تو هزار گنا بڑى هوں گى.

اس واقعه پر بهت سے اعتراضات بھى هوئے هيں، اس بنياد پر بھى كه اس سے متعلق دنيا ميں كوئى تاريخى ثبوت موجود نهيں. اسى ليے سر سيد احمد خان اور ان كے مكتبه فكر كے لوگوں نے آيت كے متعلقه الفاظ كى مختلف تاويلات كى هيں. بهر حال جهاں تك تاريخى ثبوت نه هونے كا تعلق هے اس بارے ميں يه حقيقت بھى مد نظر رهنى چاهيے كه يه واقعه رونما هونے كے وقت آدھى دنيا ميں دن كى روشنى هو گى. ليكن جن علاقوں ميں چاند ديكھا جا سكتا تھا ان علاقوں كے لوگ بھى تو ظاهر هے اس وقت ٹكٹكى باندھے چاند كو نهيں ديكھ رهے تھے كه ان ميں سے اكثر اس واقعے كے عينى شاهد بن جاتے. پھر يه منظر بھى صرف لمحے بھر كا تھا اور اس دوران چاند كى روشنى ميں بھى كوئى فرق نهيں آيا تھا كه لوگ چونك كر ديكھتے. البته ايك تاريخى روايت كے مطابق برصغير ميں مالا بار كے ساحلى علاقے كے ايك هندو راجه نے يه منظر اپنى آنكھوں سے ديكھا تھا. بعد ميں جب عرب تاجروں كے ذريعے اس تك اسلام كى دعوت اور قرآنى تعليمات پهنچيں تو اس نے نه صرف ايك چشم ديد گواه كے طور پر اس واقعے كى تصديق كى بلكه وه ايمان بھى لے آيا. والله اعلم!

آيت 6: إِنَّهُمْ يَرَوْنَهُ بَعِيدًا: «يه لوگ تو اس عذاب كو دور سمجھ رهے هيں۔»

آيت 7: وَنَرَاهُ قَرِيبًا: «اور هم اسے نهايت قريب ديكھ رهے هيں۔»

          ظاهر هے انسان تو صرف اپنے سامنے كى چيز كو هى ديكھ سكتا  هے، مستقبل ميں جھانكنا تو اس كے بس ميں نهيں هے۔ اسى ليے مستقبل كى چيزيں يا خبريں اسے عام طور پر دور محسوس هوتى هيں۔ ليكن الله تعالى كے ليے تو مستقبل وغيره كچھ نهيں اور نه هى كوئى چيز اس سے غائب هے۔ وه تو هر چيز كو بيك وقت اپنے سامنے ديكھ رها هے۔ همارا مشاهده هے كه سڑك پر سفر كرتے هوئے ايك شخص صرف اسى شهر يا مقام كو ديكھ سكتا هے جو اس كے سامنے هے، جب كه اس سے اگلا شهر مستقبل ميں هونے كى وجه سے اس كى نظروں سے اوجھل هوتا هے۔ اس كے مقابلے ميں جو شخص هوائى جهاز پر سفر كررها هے وه ان دونوں شهروں كو بيك وقت اپنے سامنے ديكھ سكتا هے۔ بقول آئن سٹائن cvery thing is relative  كه دنيا كى هر چيز كسى دوسرى چيز سے متعلق اور مشروط هے۔ چناں چه كسى بھى چيز اور صورت حال كو صرف ايك هى زاويے سے ديكھ كر كوئ رائے قائم نهيں كر لينى چاهيے۔ دنيا ميں همارے اعتبار سے بھى قريب اور بعيد relative هيں، جب كه الله تعالى كے ليے تو كوئى شے بھى بعيد نهيں، هر چيز اس كے سامنے هے۔ ماضى، حال، اور مستقبل آنِ واحد ميں اس كے سامنے موجود هيں۔