آیت ۱۰۴:  قُلْ یٰٓــاَیُّہَا النَّا سُ اِنْ کُنْتُمْ فِیْ شَکٍّ مِّنْ دِیْنِیْ:  «(اے نبی !) کہہ دیجیے کہ اے لوگو! اگر تمہیں میرے دین کے بارے میں کوئی شک ہے»

            اب سورۃ کے آخر میں فیصلہ کن انداز میں خطاب کیا جا رہا ہے کہ اے لوگو! یہ جو تم مجھ پر دباؤ ڈال رہے ہو، کہ میں اپنے مو میں کچھ نرمی پیدا کرلوں یا تمہارے ساتھ کسی حد تک مداہنت (compromise) کا رویہ اختیار کروں، تو اس کا مطلب تو یہ ہے کہ تمہیں میرے دین کے بارے میں ابھی تک شک ہے۔ اگر ایسا ہے تو تم لوگ اپنا یہ شک دور کر لو:

             فَلآَ اَعْبُدُ الَّذِیْنَ تَعْبُدُوْنَ مِنْ دُوْنِ اللّٰہِ وَلٰکِنْ اَعْبُدُ اللّٰہَ الَّذِیْ یَتَوَفّٰکُمْ:  «تو(جان لو کہ) میں ہر گز نہیں پوجنے والا اُن کو جن کو تم پوجتے ہو اللہ کے سوا، بلکہ میں تو پوجوں گا اُسی اللہ کو جو تمہیں قبض کرے گا۔»

             وَاُمِرْتُ اَنْ اَکُوْنَ مِنَ الْمُؤْمِنِیْنَ:  «اور مجھے حکم ہوا ہے کہ میں ایمان لانے والوں سے ہو جاؤں۔»