آیت ۵۸:  فَلَنَاْتِیَنَّکَ بِسِحْرٍ مِّثْلِہ:   «تو ہم بھی ضرور لائیں گے تمہارے مقابلے میں ایسا ہی جادو»

            فَاجْعَلْ بَیْنَنَا وَبَیْنَکَ مَوْعِدًا لَّا نُخْلِفُہُ نَحْنُ وَلَآ اَنْتَ مَکَانًا سُوًی:   «تو معین کر لو ہمارے اور اپنے مابین وعدے کا ایک مقرر وقت، نہ ہم اس کی خلاف ورزی کریں گے اور نہ تم کرنا، (یہ مقابلہ ہو) ایک کھلے میدان میں۔»

            ایک کھلے میدان میں ہم سب جمع ہو جائیں۔ وہاں تم بھی اپنی یہ نشانیاں پیش کرو، اور ہمارے جادو گر بھی اپنے جادو کے کمالات دکھائیں۔ فرعون کا خیال تھا کہ اس کے بلائے ہوئے جادوگر اس سے بہتر جادو دکھا دیں گے اور اس طرح موسیٰ کا دعویٰ باطل ثابت ہو جائے گا۔